Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Loksidol in'ektsiya uchun eritma 15mg/1,5ml №3
Nomi | Narx | |||||
Локсидол р-р д/ин 15 мг/1,5 мл №3 (306002070##1947) |
UZS 40 300
Stokda yetarli (1)
|
-
+
|
Sotib oling
|
|||
Локсидол р-р д/ин 15 мг/1,5 мл №3 (306002070##1969) |
UZS 40 300
Stokda yetarli (1)
|
-
+
|
Sotib oling
|
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Мелоксикам
Страна производитель
Турция
Дозировка
15 мг/1,5 мл 1,5 мл
Производитель
World Medicine Ilac San. ve Tic. A.S, Турция произведено: PharmaVision Sanayi ve Ticaret A.S.
Рецептурный препарат
Да
Форма выпуска
Раствор для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqarilgan
- Dorixonalardan berish tartibi
Preparatning savdo nomi
Loksidol
Ta'sir etuvchi modda (XPN) Meloksikam
Dori shakli
In'ektsiya uchun eritma.
Tarkibi
Preparatning 1 ampulasi quyidagilarni saqlaydi
faol modda meloksikam – 15 mg.
yordamchi moddalar meglumin, glikofurol, poloksamer 188, glitsin, natriy xloridi, natriy gidroksidi, in'ektsiya uchun suv.
Ta'rifi prozrachny rastvor svetlo-jeltogo sveta.
Farmakoterapevtik guruhi
Nosteroid yallig‘lanishga qarshi va revmatizmga qarshi vositalar, oksikamlar.
ATX kodi M01AS06
Farmakologik hususiyatlari
Farmakodinamika
Meloksikam oksikamlar guruhiga mansub bo‘lgan nosteroid yallig‘lanishga qarshi vosita hisoblanadi va yallig‘lanishga qarshi, og‘riq qoldiruvchi va isitmani tushiruvchi ta'sir ko‘rsatadi. Meloksikamning yallig‘lanishga qarshi ta'siri yallig‘lanishning barcha standart modellarida aniqlangan. Meloksikamning ta'sir mexanizmi yallig‘lanishning ma'lum mediatorlari – prostaglandinlar sintezini ingibitsiya qilish hususiyati bilan ifodalanadi.
Farmakokinetikasi
So‘rilishi
Meloksikam mushak ichiga yuborilganidan so‘ng butunlay so‘riladi. Ichga qabul qilingandagi biokiraolishligi bilan solishtirganda nisbiy biokiraolishligi taxminan 100% ni tashkil etadi, shuning uchun in'ektsion shaklidan peroral shakliga o‘tilganida dozaga tuzatish kiritish talab etilmaydi. 15 mg meloksikam mushak ichiga yuborilganidan so‘ng plazmada, 1,6-1,8 mkg/ml ni tashkil etuvchi maksimal kontsentratsiyasiga 1-1,6 soat davomida erishadi.
Taqsimlanishi
Meloksikam plazma oqsillari bilan, asosan albumin bilan (99%) ekstensiv ravishda bog‘lanadi. Sinovial suyuqlikka o‘tadi, sinovial suyuqlikdagi kontsentratsiyasi plazmadagi kontsentratsiyasining taxminan 50% ni tashkil etadi. Taqsimlanish hajmi past, va mushak ichiga yuborilganidan so‘ng taxminan 11 l ni tashkil etadi. Individual farqlar 7-20% atrofida. Meloksikamning quyidagi peroral dozalarini (7,5 mg ki 15 mg) taqsimlanish hajmi taxminan 16 l ni tashkil etadi, bunda variatsiya koeffitsiyenti 1-32% atrofida bo‘ladi.
Metabolizmi
Meloksikam jigarda deyarli butunlay metabolizmga uchrab, farmakologik jihatdan 4 ta nofaol hosilalarni hosil qiladi. Asosiy 5’-karboksimeloksikam metaboliti (dozaning 60%) 5’-gidroksimetilmeloksikam oraliq metabolitini oksidlanishi orqali hosil bo‘ladi, u ham ekskretsiya bo‘ladi, ammo kamroq darajada (dozaning 9%) ekskretsiya bo‘ladi. In vitro sharoitida o‘tkazilgan tadqiqotlarda, mazkur metabolik o‘zgarishlarda SUR2S9 izofermenti muhim rol o‘ynashi, CYP3A4 izofermenti esa qo‘shimcha ahamiyatga ega ekanligi ko‘rsatilgan. Patsiyent organizmidagi peroksidazaning faolligi, ehtimol ikkita boshqa metabolitlarini paydo bo‘lishiga sabab bo‘ladi, yuborilgan dozaning muvofiq ravishda 16% va 4% ularga to‘g‘ri keladi.
Chiqarilishi
Meloksikam asosan metabolitlar ko‘rinishida axlat va siydik bilan teng miqdorlarda chiqariladi. Axlat bilan o‘zgarmagan ko‘rinishda sutkalik dozaning 5% dan qamroq qismi chiqariladi, siydikda preparat o‘zgarmagan holatda juda kam miqdorlarda aniqlanadi. Meloksikamning o‘rtacha yarim chiqarilish davri ichga qabul qilinganidan, mushak ichiga va vena ichiga yuborilganidan so‘ng 13 soatdan 25 soatgacha bo‘lgan vaqt oralig‘ida tebranadi.
Umumiy plazma klirensi ichga bir marta qabul qilinganidan, vena ichiga yoki rektal bir marta yuborilganidan so‘ng minutiga taxminan 7-12 ml ni tashkil etadi.
Proportsionalligi/noproportsionalligi
Peroral qabul qilinganidan yoki mushak ichiga yuborilganidan so‘ng 7,5 mg dan 15 mg gacha bo‘lgan terapevtik dozalar diapazonida dozaga proportsionallik namoyish etilgan.
Patsiyentlarning maxsus guruhlari
Jigar/buyrak yetishmovchiligi
Yengildan o‘rtacha darajagacha bo‘lgan jigar va buyrak yetishmovchiligi meloksikamning farmakokinetikasiga ahamiyatli ta'sir ko‘rsatmaydi. O‘rtacha darajadagi buyrak yetishmovchiligi bo‘lgan patsiyentlarda preparatning umumiy klirensi, plazma oqsillari bilan bog‘lanishini pasayishi kuzatilgan terminal bosqichdagi buyrak yetishmovchiligi patsiyentlardagiga nisbatan ancha yuqori bo‘ladi. Terminal buyrak yetishmovchiligida taqsimlanish hajmini oshishi erkin meloksikamning kontsentratsiyasini yanada oshishiga olib kelishi mumkin, shuning uchun bunday patsiyentlarda sutkalik doza 7,5 mg dan oshmasligi kerak.
Keksa yoshdagi patsiyentlar
Keksa yoshdagi erkak patsiyentlardagi farmakokinetik ko‘rsatkichlar yosh erkak patsiyentlardagi farmakokinetik ko‘rsatkichlar bilan o‘xshash bo‘lgan. keksa yoshdagi ayol patsiyentlarda, har ikkala jinsga mansub yosh patsiyentlarga nisbatan AUC qiymatini yanada yuqori bo‘lishi va yarim chiqarilish davrini yanada davomli bo‘lishi kuzatilgan.
Keksa yoshdagi patsiyentlarda muvozanat holatida o‘rtacha plazma klirensi yosh patsiyentlardagiga nisbatan biroz pastroq bo‘ladi.
Qo‘llanilishi
Revmatoid artrit va ankilozlanuvchi spondilitni zo‘rayishini, meloksikamni peroral qabul qilish yoki rektal kiritish ilojisi bo‘lmagan holatlarda, qisqa muddatli simptomatik davolash uchun qo‘llanadi.
Qo‘llash usuli va dozalari
Preparat mushak ichiga 15 mg dozada kuniga bir marta bir martalik in'ektsiya ko‘rinishida yuboriladi.
Meloksikamning sutkalik dozasi 15 mg dan oshmasligi kerak.
In'ektsiya qat'iy aseptik sharoitlarda dumbaning tashqi yuqori kvadrantiga sekin va chuqur yuborilishi kerak. Takroran qo‘llanganida chap va o‘ng dumbaga almashtirib qo‘llash kerak bo‘ladi. In'ektsiyadan avval igna vena ichida emasligiga hamisha ishonch hosil qilish kerak. Agar in'ektsiya vaqtida sezilarli og‘riqlar kuzatilsa, in'ektsiya darhol to‘xtatilishi kerak.
Chanoq-son bo‘g‘imini endoprotezi bo‘lgan patsiyentlarda in'ektsiya qarama-qarshi tomonga bajarilishi kerak.
Parenteral yuborish usulini qo‘llash, odatda davolashni boshlanishida bir martalik doza bilan cheklanadi. Asoslangan holatlarda maksimal davolash davomiyligi (masalan, agar meloksikam peroral qabul qilish yoki rektal kiritish ilojisi bo‘lmasa) 2-3 kunni tashkil etishi mumkin. Simptomlarni nazorat qilish uchun kerak bo‘ladigan eng kichik samarali dozani eng qisqa vaqt davomida qo‘llash orqali, nojo‘ya reaktsiyalarni rivojlanishi minimal darajaga yetkazilishi mumkin. Simptomlarni yaxshilanishi va patsiyentni davolashga nisbatan reaktsiyasini baholash kerak.
Patsiyentlarning maxsus guruhlari
Keksa yoshdagi patsiyentlar va nojo‘ya reaktsiyalarni rivojlanish havfi yuqori bo‘lgan patsiyentlar
Keksa yoshdagi patsiyentlar uchun tavsiya etiladigan sutkalik dozasi 7,5 mg (1/2 ampula) ni tashkil etadi.
Nojo‘ya reaktsiyalarni rivojlanish havfi yuqori bo‘lgan guruhdagi patsiyentlarda davolashni sutkada 7,5 mg doza bilan boshlash kerak.
Buyrak yetishmovchiligi
Og‘ir darajadagi buyrak yetishmovchiligi bo‘lgan gemodializdagi patsiyentlarda sutkalik dozasi 7,5 mg (1/2 ampula) dan oshmasiligi kerak.
Buyrak funktsiyasini yengil yoki o‘rtacha darajada buzilishlari (kreatinin klirensi minutiga 25 ml dan ortiq) bo‘lgan patsiyentlar uchun dozani pasaytirish zarurati yo‘q. Og‘ir darajadagi buyrak yetishmovchiligi bo‘lgan gemodializdagi patsiyentlarga preparatni qo‘llash mumkin emas.
Jigar yetishmovchiligi
Yengil yoki o‘rtacha darajadagi jigar yetishmovchiligi bo‘lgan patsiyentlar uchun dozani pasaytirish zarurati yo‘q. Og‘ir darajadagi jigar yetishmovchiligi bo‘lgan patsiyentlarda preparatni qo‘llash mumkin emas.
Bolalar
18 yoshgacha bo‘lgan bolalar va o‘smirlarga preparatni qo‘llash mumkin emas.
Nojo‘ya ta'sirlari
Klinik tadqiqotlar va epidemiologik ma'lumotlar, ayrim NYaQPni qo‘llash (ayniqsa yuqori dozalarda va uzoq muddat davomida davolanganda) arterial trombotik ko‘rinishlar (masalan, miokard infarkti yoki insult) ni rivojlanish havfini biroz oshishi bilan bog‘liq bo‘lishi mumkin deb taxmin qilish imkonini beradi.
NYaQPni qabul qilish bilan bog‘liq bo‘lgan shishlar, arterial gipertenziya, yurak yetishmovchiligi rivojlanganligi xaqida xabarlar berilgan. Eng ko‘p kuzatiladigan nojo‘ya reaktsiyalar me'da-ichak yo‘llari tomonidan kuzatilgan buzilishlar hisoblanadi. Ayniqsa keksa yoshdagi patsiyentlarda peptik yara, perforatsiya yoki me'da-ichak yo‘llaridan qon ketishi rivojlanishi, ba'zida o‘lim bilan yakunlanishi mumkin. Ko‘ngil aynishi, qusish, diareya, meteorizm, qabziyat, dispepsiya, qorinda og‘riq, melena, qon aralash qusish, yarali stomatit, yarali kolitni zo‘rayishi va Kron kasalligi, kam hollarda – gastrit rivojlanganligi xaqida xabarlar berilgan.
Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Qon va limfa tizimlari tomonidan tez-tez emas – anemiya; kam hollarda – qon formulasini o‘zgarishi (jumladan leykotsitar formulani o‘zgarishi), leykopeniya, trombotsitopeniya; juda kam hollarda – agranulotsitoz.
Immun tizimi tomonidan tez-tez emas – allergik reaktsiyalar; uchrash tezligi noma'lum – anafilaktik shok, anafilaktoid/anafilaktik reaktsiyalar.
Ruhiyatni buzilishlari kam hollarda – kayfiyatni o‘zgarishi, tungi qo‘rquvlar; uchrash tezligi noma'lum – ongni chalkashishi, dezoriyentatsiya.
Nerv tizimi tomonidan tez-tez – bosh og‘rig‘i; tez-tez emas – bosh aylanishi, uyquchanlik.
Ko‘rish a'zolari tomonidan kam hollarda – kon'yunktivit, ko‘rishni buzilishi, ko‘rishni xiralashishi.
Eshitish va muvozanat a'zolari tomonidan tez-tez emas – bosh aylanishi; kam hollarda – quloqlarda shovqin.
Yurak tomonidan kam hollarda – yurak urishini tezlashishi. NYaQP qabul qilish bilan bog‘liq bo‘lgan yurak yetishmovchiligi holatlari xaqida xabarlar berilgan.
Qon-tomirlari tomonidan tez-tez emas – arterial gipertenziya, yuzni qizib ketishi.
Nafas tizimi, ko‘krak qafasi va ko‘ks oralig‘i a'zolari tomonidan kam hollarda – bronxial astma (atsetilsalitsil kislotasi yoki boshqa NYaQPga allergiyasi bo‘lgan patsiyentlarda).
Me'da-ichak yo‘llari tomonidan tez-tez – dispepsiya, ko‘ngil aynishi, qusish, qorinda og‘riq, diareya; tez-tez emas – me'da-ichak yo‘llaridan yashirin yoki aniq qon ketishi, stomatit, gastrit, qabziyat, meteorizm, kekirish; kam hollarda – kolit, gastroduodenal yara, ezofagit; kam hollarda – me'da-ichak yo‘llari perforatsiyasi. Me'da-ichak yarasi, perforatsiyasi yoki me'da-ichak yo‘llaridan qon ketishi, ayniqsa keksa yoshdagi patsiyentlarda ba'zida og‘ir bo‘lishi va potentsial o‘limga olib kelishi mumkin.
Jigar va o‘t chiqarish yo‘llari tomonidan tez-tez emas – jigar funktsiyasi ko‘rsatkichlarini o‘zgarishi (masalan, transaminazalar yoki bilirubinning faolligini oshishi); juda kam hollarda – gepatit.
Teri va teri osti to‘qimalari tomonidan tez-tez emas – angionevrotik shish, terini qichishishi, teri toshmasi; kam hollarda – toksik epidermal nekroliz, Stivens-Djonson sindromi, eshakemi; juda kam hollarda – bullyoz dermatit, ko‘p shaklli eritema; uchrash tezligi noma'lum – yorug‘likka sezuvchanlik reaktsiyalari.
Buyraklar va siydik chiqarish yo‘llari tomonidan tez-tez emas – organizmda natriy va suvni ushlanib qolishi, giperkaliyemiya, jigar funktsiyasi ko‘rsatkichlarini o‘zgarishi (qon zardobida kreatinin va/yoki mochevinaning darajasini oshishi); juda kam hollarda – o‘tkir buyrak yetishmovchiligi, ayniqsa havf omillari bo‘lgan patsiyentlarda kuzatiladi.
Umumiy buzilishlar va yuborilgan joydagi o‘zgarishlar tez-tez – yuborilgan joyda og‘riq va qattiqlashish; tez-tez emas – shishlar, jumladan oyoqlarni shishi.
Meloksikam boshqa potentsial miyelotoksik moddalar bilan yuborilgan patsiyentlarda agranulotsitozni juda kam holatlari qayd etilgan.
Buyraklarni organik shikastlanishlari xaqida xabarlar tushgan, bu holat o‘tkir buyrak yetishmovchiligiga olib kelishi mumkin interstitsial nefrit, o‘tkir tubulyar nekroz, nefrotik sindrom, papillyar nekrozni juda kam holatlari qayd etilgan.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.
Qo‘llash mumkin bo‘lmagan holatlar
• meloksikamga yoki preparatning istalgan komponentiga yuqori sezuvchanlik yoki o‘xshash faollikka ega bo‘lgan moddalarga (masalan, nosteroid yallig‘lanishga qarshi preparatlar (NYaQP), atsetilsalitsil kislotasiga) yuqori sezuvchanlik;
• ilgari atsetilsalitsil kislotasi yoki boshqa NYaQP qabul qilinganidan so‘ng bronxial astma, burun poliplari, angionevrotik shish yoki eshakemi kuzatilgan patsiyentlarda;
• ilgari NYaQP bilan davolanish oqibatida yuzaga kelgan me'da-ichak yo‘llaridan qon ketishi yoki perforatsiyasi;
• o‘tkir yoki yaqin vaqtda o‘tkazilgan gastroduodenal yara/perforatsiya (ikkita va undan ortiq tasdiqlangan epizodlar);
• og‘ir darajadagi jigar yetishmovchiligi;
• og‘ir darajadagi buyrak yetishmovchiligi (agar gemodializ o‘tkazilmasa);
• me'da-ichak yo‘llaridan ochiq qon ketishi, yaqinda kuzatilgan serebro-vaskulyar qon ketishi yoki qon ketishi bilan kechuvchi boshqa aniqlangan somatik buzilishlar;
• og‘ir darajadagi yurak yetishmovchiligi;
• gemostazni buzilishi bo‘lgan yoki antikoagulyantlar qabul qilayotgan patsiyentlar (yuborish usuli uchun qarshi ko‘rsatma bo‘ladi, chunki mushak ichi gematomalari hosil bo‘lishi mumkin);
• homiladorlikning uchinchi uch oyligida;
• 18 yoshgacha bo‘lgan o‘smirlar va bolalarda preparatni qo‘llash mumkin emas.
Dorilarning o‘zaro ta'siri
Dorilarning o‘zaro ta'sirini o‘rganish faqat kattalarda o‘tkazilgan.
Farmakodinamik o‘zaro ta'sirlar
Boshqa NYaQP, jumladan atsetilsalitsil kislotasi
Yallig‘lanishga qarshi dozalarda buyuriladigan atsetilsalitsil kislotasi (bir marta qabul qilishga ≥ 1 g yoki umumiy sutkalik doza ≥3) bilan bir vaqtda qabul qilish tavsiya etilmaydi.
Kortikosteroidlar (masalan, glyukokortikoidlar)
Kortikosteroidlarni bir vaqtda qabul qilish me'da-ichak yo‘llaridan qon ketishi va yaralarni hosil bo‘lish havfi yuqori bo‘lganligi tufayli, ehtiyotkorlikni talab etadi.
Peroral antikoagulyantlar yoki geparin
Birga qo‘llash trombotsitlar funktsiyasini susayishi va me'da va ichakning shilliq qavatini shikastlanishi oqibatida qon ketishini rivojlanish havfini oshiradi. NYaQP varfarin kabi antikoagulyantlarning samarasini kuchaytirishi mumkin. Keksa yoshdagi patsiyentlar uchun geparin yoki peroral qabul qilish uchun antikoagulyantlar va NYaQPni bir vaqtda qo‘llash tavsiya etilmaydi. Ushbu preparatlarni bir vaqtda qo‘llashdan saqlanish imkoni bo‘lmasa, xalqaro normallashtirilgan nisbatni (XNN) yaxshilab nazorat qilish kerak bo‘ladi.
Trombolitik preparatlar va antiagregantlar
Birga qo‘llash trombotsitlar funktsiyasini susayishi va me'da va ichakning shilliq qavatini shikastlanishi oqibatida qon ketishini rivojlanish havfini oshiradi.
Serotoninni qayta qamrab olinishini selektiv ingibitorlari
Me'da-ichak yo‘llaridan qon ketishini rivojlanish havfi yuqori bo‘ladi.
Diuretiklar, AAF ingibitorlari va angiotenzin II retseptorlarining antagonistlari
NYaQP diuretiklar va gipertenziyani davolash uchun qo‘llanadigan boshqa preparatlarning samarasini pasaytirishlari mumkin.
Buyrak funktsiyasini buzilishi bo‘lgan ayrim patsiyentlarda (masalan, organizmni suvsizlanishi bo‘lgan patsiyentlar yoki buyrak funktsiyasini buzilishlari bo‘lgan keksa yoshdagi patsiyentlar) AAF ingibitori yoki angiotenzin II retseptorlarining antagonisti va siklooksigenaza ingibitorlarini birga qo‘llash keyinchalik buyrak funktsiyasini yomonlashishiga, jumladan odatda orqaga qaytuvchan o‘tkir buyrak yetishmovchiligini rivojlanishiga olib kelishi mumkin. Ayniqsa keksa yoshdagi patsiyentlarda bunday majmuani ehtiyotkorlik bilan buyurish kerak. Meloksikam va diuretiklarni qabul qilayotgan patsiyentlarda adekvat gidratatsiya o‘tkazish va yondosh davolash boshlanganidan so‘ng va davolanish mobaynida vaqti-vaqti bilan buyrak funktsiyasini nazorat qilish tavsiya etilgan.
Boshqa antigipertenziv vositalar (β-adrenoblokatorlar)
NYaQP vazodilatator hususiyatlarga ega bo‘lgan prostaglandinlar sintezini ingibitsiya qilishi oqibatida antigipertenziv vositalarning samarasini pasaytiradilar.
Kaltsinevrin ingibitorlari (takrolimus, siklosporin)
Nefrotoksik ta'siri kuchayadi. Majmuaviy davolash o‘tkazilganida buyrak funktsiyasini (ayniqsa keksa yoshdagi patsiyentlarda) nazorat qilish kerak.
Bachadon ichi vositalari (BIV)
NYaQP bachadon ichi vositalarining samaradorligini kamaytirishi aniqlangan. BIVning samaradorligini, NYaQP oqibatida pasayishi xaqidagi ilgarigi xabarlar keyinchalik tasdiqlanishini talab etadi.
Farmakokinetik o‘zaro ta'sirlar boshqa preparatlarning farmakokinetikasiga meloksikamning ta'siri
Litiy
NYaQP litiyni buyraklar orqali ekskretsiyasini pasayishi hisobiga qon plazmasida litiyning kontsentratsiyasini oshiradilar. Plazmadagi litiyning kontsentratsiyasi toksik qiymatlargacha yetishi mumkin. Litiy va NYaQP ni birga qo‘llash tavsiya etilmaydi. Shunday majmuaviy davolash o‘tkazish zarurati tug‘ilganida meloksikam va litiy preparatlari bilan davolash kursi boshlanishidan avval, davolash kursi vaqtida va tugaganidan so‘ng qon zardobidagi litiyning miqdorini yaxshilab nazorat qilish kerak.
Metotreksat
NYaQP metotreksatning buyrak nachalari orqali sekretsiyasini kamaytirishi, va shu orqali qon plazmasida metotreksatning kontsentratsiyasini oshirishi mumkin. Shu sababli, metotreksatning yuqori (haftada 5 mg dan yuqori) dozalarini qabul qilayotgan patsiyentlarga NYaQPni bir vaqtda qo‘llash tavsiya etilmaydi. Metotreksat va NYaQP bir vaqtda qo‘llanganida o‘zaro ta'sir qilish havfi shuningdek metotreksatning kichik dozalarini qabul qilayotgan patsiyentlarda, ayniqsa buyrak funktsiyasini buzilishi bo‘lgan patsiyentlarda ham bo‘lishi mumkin. Majmuaviy davolash o‘tkazish zarurati bo‘lganida qon formulasi va buyrak funktsiyasini nazorat qilish kerak. Agar NYaQP va metotreksat bir vaqtda 3 kun davomida qo‘llanilsa, ehtiyotkorlikka rioya qilish kerak, chunki plazmadagi metotreksatning kontsentratsiyasi oshishi, buning oqibatida toksik samaralari rivojlanishi mumkin. Meloksikamni bir vaqtda qo‘llash haftada 15 mg dozada qabul qilingan metotreksatning farmakokinetikasiga ta'sir qilmagan, biroq NYaQP bir vaqtda qabul qilinganida metotreksatning gematologik toksikligi kuchayishini e'tiborga olish kerak.
Farmakokinetik o‘zaro ta'sirlar meloksikamning farmakokinetikasiga boshqa preparatlarni ta'siri
Xolestiramin
Xolestiramin meloksikamning klirensini 50% ga oshirib, meloksikamni chiqarilishini tezlashtiradi, uning yarim chiqarilish davrini 13 ± 3 soatga qisqartiradi. Bunday o‘zaro ta'sir klinik ahamiyatga ega.
Antatsidlar, simetidin, digoksin va furosemid bilan bir vaqtda qabul qilinganida ahamiyatli farmakokinetik o‘zaro ta'siri kuzatilmaydi.
Maxsus ko‘rsatmalar
Kasallikning simptomlarini nazorat qilish uchun kerak bo‘ladigan eng qisqa samarali dozani eng qisqa vaqt davomida qo‘llash orqali nojo‘ya reaktsiyalar minimal darajaga yetkazilishi mumkin.
Terapevtik samarasi yetarli bo‘lmaganida tavsiya etiladigan maksimal sutkalik doza oshirilmasligi kerak va qabul qilish uchun boshqa NYaQP qo‘shilmasligi kerak, chunki bu holat isbotlanmagan terapevtik foydasiz toksiklikni oshirishi mumkin.
Meloksikamni NYaQP bilan, shu bilan birga siklooksigenaza-2 ning selektiv ingibitorlari bilan bir vaqtda qo‘llashdan saqlanish kerak.
Kuchli og‘riq bo‘lgan patsiyentlarda meloksikamni qo‘llash mumkin emas.
Preparat qabul qilinganidan bir necha kundan so‘ng yaxshilanish simptomlari kuzatilmasa, davolashni klinik samaradorligini takroran baholash kerak.
Meloksikam bilan davolanishni boshlashdan avval to‘liq davolanishga kafolat bo‘lishi uchun ezofagit, gastrit va/yoki peptik yarani tarixini o‘rganish kerak. Shunga o‘xshash kasallik tarixiga ega bo‘lgan, meloksikam qabul qilgan patsiyentlarda holatlarni takrorlanish ehtimoliga alohida e'tibor berilishi kerak.
Me'da-ichak yo‘llariga ta'siri
Boshqa NYaQP qo‘llanganida bo‘lgani kabi, potentsial o‘limga olib keluvchi me'da-ichak yo‘llaridan qon ketishi, me'da-ichak yarasi yoki perforatsiyasi anamnezida me'da-ichak yo‘llarini jiddiy kasalliklari yoki oldindan darak beruvchi simptomlar mavjud bo‘lishi yoki bo‘lmasligidan qat'iy nazar davolanish jarayonida istalgan vaqtda rivojlanishi mumkin. Bunday ko‘rinishlarni oqibatlari odatda keksa yoshdagi patsiyentlarda yanada jiddiy bo‘ladi. Keksa yoshdagi patsiyentlar davolanishni eng kichik doza bilan boshlashlari lozim.
Bunday patsiyentlar uchun va me'da-ichak yo‘llari kasalliklarini rivojlanish havfini oshiruvchi boshqa preparatlar yoki aspirinning kichik dozalarini yondosh yuborish kerak bo‘lgan patsiyentlar uchun himoya preparatlari (masalan, mizoprostol yoki proton nasosi ingibitorlari) bilan majmuaviy davolash o‘tkazishni ko‘rib chiqish kerak.
Anamnezida me'da-ichak yo‘llarini zaharlanishi bo‘lgan patsiyentlar, ayniqsa keksa yoshdagi patsiyentlar har qanday g‘arrioddiy abdominal simptomlar xaqida (eng avvalo me'da-ichak yo‘llaridan qon ketganligi xaqida), ayniqsa davolashning boshlang‘ich bosqichlarida xabar berishlari kerak.
Me'da-ichak yarasini hosil bo‘lish yoki qon ketishi havfini oshiruvchi yondosh preparatlar (masalan, geparin (dori bilan davolash holida yoki geriatriyada yuboriladigan), antikoagulyantlar (varfarin) yoki boshqa NYaQP, shu bilan birga aspirin yallig‘lanishga qarshi samarani chaqiruvchi dozada (≥ 1 g bir martalik doza ko‘rinishida yoki ≥ 3 g maksimal sutkalik doza ko‘rinishida) qabul qilayotgan patsiyentlarga ehtiyotkorlik bilan buyurish kerak.
Agar yara kasalligining belgilari yoki me'da-ichak yo‘llaridan qon ketishi belgilari paydo bo‘lsa, preparat bilan davolashni to‘xtatish kerak.
Anamnezida me'da-ichak yo‘llari kasalliklari (nospetsifik yarali kolit, Kron kasalligi) bo‘lgan patsiyentlarda NYaQPni ehtiyotkorlik bilan qo‘llash kerak, chunki kasallik kuchayishi mumkin.
Yurak-qon tomir tizimiga ta'siri va serebrovaskulyar ta'siri
Anamnezida gipertoniya va/yoki yengil darajadan o‘rtacha darajagacha dimlangan yurak yetishmovchiligi bo‘lgan patsiyentlar uchun tavsiyalar va muvofiq nazorat talab etiladi, chunki NYaQP qabul qilish bilan bog‘liq bo‘lgan suyuqlikni ushlanib qolishi va shishlar hosil bo‘lganligi xaqida xabar berilgan.
Meloksikamni qabul qilishni boshlashdan avval havf guruhidagi patsiyentlarda qon bosimini klinik monitoringini o‘tkazish tavsiya etilgan.
Klinik tadqiqotlar va epidemiologik ma'lumotlar, ayrim NYaQPni, shu jumladan meloksikamni qo‘llash (ayniqsa yuqori dozalarda va uzoq muddat davolanganda), arterial trombotik ko‘rinishlar (masalan, miokard infarkti yoki insult)ni rivojlanish havfini biroz oshishi bilan bog‘liq bo‘lishi mumkinligidan dalolat beradi. Meloksikam uchun bunday havfni istisno qilish uchun ma'lumotlar yetarli emas. Nazorat qilish bo‘lmaydigan arterial gipertenziyasi, dimlangan yurak yetishmovchiligi, yurak ishemik kasalligi, periferik arteriyalarning kasalliklari va/yoki serebrovaskulyar kasalliklar bo‘lgan patsiyentlarga meloksikamni havf va foyda nisbatan yaxshilab baholangandan keyingina buyurish kerak. Shuningdek, baholash yurak-qon tomir kasalliklarini rivojlanish havfi omillari (masalan, gipertoniya, giperlipidemiya, qandli diabet, chekish) bo‘lgan patsiyentlarda uzoq muddatli davolashni boshlashdan avval ham o‘tkazilishi kerak.
Teri tomonidan kuzatiladigan reaktsiyalar
NYaQP qo‘llanganida kam holatlarda jiddiy teri reaktsiyalari kuzatilgan, ulardan ayrimlari o‘lim bilan yakunlangan, shu jumladan eksfoliativ dermatit, Stivens-Djonson sindromi va toksik epidermal nekroliz kuzatilgan. Bunday reaktsiyalarni yuqori rivojlanish havfi davolashni boshlanishida kuzatilgan, bunda ko‘pgina holatlarda bunday reaktsiyalar davolanishni dastlabki oyi davomida paydo bo‘lgan. Teri toshmalari, shilliq qavatlarni shikastlanishi yoki o‘ta yuqori sezuvchanlikni boshqa belgilarini dastlabki belgilari paydo bo‘lganida meloksikamni qo‘llashni to‘xtatish kerak.
Jigar va buyrak funktsiyasini ko‘rsatkichlariga ta'siri
Boshqa NYaQP bilan davolanganda bo‘lgani kabi, zardob transaminazalarining darajasini oshishi, zardobdagi bilirubinning darajasini yoki jigar funktsiyasining boshqa ko‘rsatkichlarini oshishi holatlari va laborator ko‘rsatkichlarda boshqa o‘zgarishlar kuzatilganligi ta'riflangan. Ko‘pgina holatlarda ushbu siljishlar ahamiyatli bo‘lgan va vaqtinchalik xarakterga ega bo‘lgan. Jigar funktsiyasining ko‘rsatkichlarini normadan barqaror va ahamiyatli siljishi kuzatilganida davolashni to‘xtatish va nazorat sinamalarini o‘tkazish kerak.
Buyraklarga ta'siri
NYaQP buyraklardagi qon-tomirlarni kengaytiruvchi prostaglandinlar sintezini ingibitsiya qiladilar, bu holat kalavalar filtratsiyasini kamayishi orqali buyrak yetishmovchiligini dekompensatsiyasiga olib kelishi mumkin. Ushbu nojo‘ya samara dozaga bog‘liq. Davolashni boshlanishida yoki dozasi oshirilganidan so‘ng quyidagi havf omillariga ega bo‘lgan patsiyentlarda diurez va jigar funktsiyasini yaxshilab nazorat qilish kerak
• keksalik yoshi;
• angiotenzinga aylantiruvchi ferment (AAF) ingibitorlari, angiotenzin II retseptorlarining blokatorlari, diuretiklarni birga qabul qilish;
• gipovolemiya (sababidan qat'iy nazar);
• dimlangan yurak yetishmovchiligi;
• buyrak yetishmovchiligi;
• nefrotik sindrom;
• yugurik nefropatiyasi;
• jigar funktsiyasini og‘ir buzilishlari (zardob albumini < 25 g/l yoki Chayld-Pyu shkalasi bo‘yicha ≥10)
Kam holatlarda NYaQP interstitsial nefrit, glomerulonefrit, medullyar buyrak nekrozi yoki nefrotik sindromni chaqirishi mumkin.
Og‘ir darajadagi buyrak yetishmovchiligi bo‘lgan, gemodializdagi patsiyentlar uchun meloksikamning sutkalik dozasi 7,5 mg dan oshmasligi kerak. Yengil darajadagi o‘rtacha darajagacha buyrak yetishmovchiligi bo‘lgan patsiyentlarda (masalan, kreatinin klirensi minutiga 25 ml dan yuqori bo‘lgan patsiyentlarda) dozaga tuzatish kiritish talab etilmaydi.
NYaQP organizmda natriy, kaliy, suvni ushlanib qolishini kuchaytirishi va diuretiklarning natriyuretik samarasiga ta'sir qilishi mumkin, bundan tashqari antigipertenziv dori vositalarning samarasini kamaytirishi mumkin. Shunday ekan, moyilligi bo‘lgan odamlarda shishlar, yurak yetishmovchiligi yoki gipertenziya rivojlanishi yoki kuchayishi mumkin. Bunday patsiyentlarda klinik monitoring o‘tkazish tavsiya etiladi.
Giperkaliyemiya
Giperkaliyemiya diabet oqibatida yoki qon zardobida kaliyning plazmadagi darajasini oshiruvchi preparatlar bilan yondosh davolash oqibatida chiqarilishi mumkin. Bunday holatlarda kaliyning qiymatlari muntazam ravishda nazorat qilinishi kerak.
Boshqa ogohlantirishlar va ehtiyotkorlik choralari
Keksa yoshdagi patsiyentlar, zaiflashgan patsiyentlar nojo‘ya samaralarni og‘irroq o‘tkazadilar va ularni sinchkov kuzatish talab etiladi. Keksa yoshdagi patsiyentlarda meloksikamni ehtiyotkorlik bilan qo‘llash kerak, chunki ularda buyrak, jigar yoki yurak funktsiyasini buzilish havfi yanada yuqoriroq bo‘ladi. Keksa yoshdagi patsiyentlarda NYaQPga nisbatan nojo‘ya reaktsiyalarni rivojlanish tezligi, ayniqsa potentsial o‘limga olib keluvchi hisoblangan me'da-ichak yo‘llaridan qon ketishi va perforatsiyani rivojlanish tezligi oshadi.
Meloksikam asosiy infektsion kasallikning simptomlarini yashirishi mumkin.
Meloksikam mushak ichiga yuborilganida yuborilgan joyda abstsess yoki nekroz rivojlanishi mumkin.
Meloksikamni qo‘llash reproduktiv funktsiyaga salbiy ta'sir qilishi mumkin va homiladorlikni rejalashtirayotgan ayollarga tavsiya etilmaydi. Shuning uchun homilador bo‘lishni hohlayotgan yoki bepushtlik yuzasidan tekshiruvdan o‘tayotgan ayollarda meloksikamni qabul qilishni to‘xtatish masalasini ko‘rib chiqish kerak.
Preparat bir ampulada 1 mmol (23 mg) dan kam natriy saqlaydi, ya'ni umuman olganda natriydan holi hisoblanadi.
Homiladorlikda va laktatsiya davrida qo‘llanishi
Fertillik
Siklooksigenazani va prostaglandinlar sintezini bloklaydigan boshqa preparalar kabi, meloksikamni qo‘llash reproduktiv funktsiyaga salbiy ta'sir qilishi mumkin va shuning uchun homiladorlikni rejalashtirayotgan ayollarga tavsiya etilmaydi. Shuning uchun homilador bo‘lishni hohlayotgan yoki bepushtlik yuzasidan tekshiruvdan o‘tayotgan ayollarda meloksikamni qabul qilishni to‘xtatish masalasini ko‘rib chiqish kerak.
Homiladorlik
Prostaglandinlar sintezini ingibitsiya qilish homiladorlikka va/yoki embrion va homilani rivojlanishiga salbiy ta'sir qilishi mumkin. Epidemiologik tadqiqotlar ma'lumotlari, homiladorlikning erta muddatlarida prostaglandinlar sintezi ingibitorlari yuborilganidan so‘ng homilani tushish havfi va yurak nuqsonlari va gastroshizisni rivojlanish havfini oshishini ko‘rsatadi. Yurak nuqsonlarini mutloq rivojlanish havfi 1% dan kamroqdan taxminan 1,5% gacha oshadi. Ushbu havf dozasi oshirilishi va davolash davomiyligi uzaytirilishi bilan oshadi deb hisoblanadi.
Hayvonlarda prostaglandinlar sintezi ingibitorlarini yuborish bachadonni yuzasiga embrionni birika olmasligini oshishiga va embrion va homilani nobud bo‘lishiga olib keladi. Bundan tashqari, organogenez davrida prostaglandinlar sintezi ingibitorlari yuborilganida turli rivojlanish nuqsonlari, shu jumladan yurak nuqsonlarini uchrash holatlari oshadi. Homiladorlikning birinchi va ikkinchi uch oyligida, haddan tashqari zarur bo‘lgan holatlardan tashqari holatlarda, prostaglandinlar sintezi ingibitorini qo‘llash mumkin emas.
Homiladorlikning uchinchi uch oyligi davomida bircha prostaglandinlar sintezi ingibitorlari homila uchun quyidagi havflarni tug‘dirishi mumkin
• yurak-o‘pka toksikligi (arterial qon oqimini muddatidan avval berkilishi va o‘pka gipertenziyasi);
• buyrak funktsiyasini buzilishi, oligogidramnion bilan kechuvchi buyrak yetishmovchiligi rivojlanishi mumkin.
Homiladorlikning oxirgi muddatlarida ona uchun va yangi tug‘ilgan chaqaloq uchun kuzatilishi mumkin bo‘lgan havflar
• hatto juda kichik dozalarda ham qon ketishi vaqtini uzayishi, antiagregatsion samarasi kuzatilishi mumkin;
• bachadon qisqarishini susayishi, tug‘ruqni kechikishi yoki uzayishiga olib keladi.
Shunday ekan, homiladorlikning uchinchi uch oyligida meloksikamni qo‘llash mumkin emas.
Laktatsiya
Meloksikam to‘g‘risida ma'lumotlar yo‘qligiga qaramay, NYaQP, ma'lumki, ko‘krak sutiga o‘tadilar. Shunday ekan, laktatsiya davrida preparatni qo‘llash tavsiya etilmaydi.
Pediatriyada qo‘llanishi
18 yoshgacha bo‘lgan bolalar va o‘smirlarga preparatni qo‘llash mumkin emas.
Avtotransportni haydash va mexanizmlarni boshqarish qobiliyatiga ta'siri
Avtomobilni boshqarish yoki mexanizmlar bilan ishlash qobiliyatiga preparatning ta'siri yuzasidan maxsus tadqiqotlar o‘tkazilmagan. Biroq, preparatning farmakodinamik profili va xabar berilgan nojo‘ya reaktsiyalarga asoslanib, meloksikam transport vositalari va psixomotor reaktsiyalarning yuqori tezligini talab etuvchi mexanizmlarni boshqarish qobiliyatiga ta'sir qilmaydi yoki ahamiyatsiz ta'sir qiladi.
Shunday bo‘lsa-da, ko‘rish faoliyatini buzilishi, bosh aylanishi, uyquchanlik yoki markaziy nerv tizimining boshqa buzilishlari kuzatilgan patsiyentlarga avtomobilni boshqarish yoki mexanizmlar bilan ishlashdan saqlanish tavsiya etiladi.
Dozani oshirib yuborilishi
Simptomlari
NYaQPning dozasini o‘tkir oshirib yuborilish simptomlari odatda holsizlik, uyquchanlik, ko‘ngil aynishi, qusish, epigastral sohada og‘riq bilan cheklanadi, ular odatda qo‘llab-quvvatlovchi davolash o‘tkazilganida orqaga qaytadi, shuningdek me'da-ichak yo‘llaridan qon ketishi rivojlanishi mumkin.
Og‘ir zaharlanish gipertenziya, o‘tkir buyrak yetishmovchiligi, jigar funktsiyasini buzilishi, nafas faoliyatini susayishi, koma, tirishishlar, yurak-qon tomir yetishmovchiligi va yurak urishini to‘xtashiga olib kelishi mumkin.
Agar NYaQP bilan davolanish vaqtida anafilaktoid reaktsiyalar qayd etilgan bo‘lsa, ular preparatning dozasi oshirib yuborilganidan keyin ham rivojlanishi mumkin.
Loksidol preparatining dozasi oshirib yuborilganida simptomatik va qo‘llab-quvvatlovchi davolash o‘tkazish kerak.
Klinik tadqiqot vaqtida, xolestiraminni 4 g dozada sutkada 3 marta yuborish meloksikamni organizmdan chiqarilishini tezlashtirishi mumkinligi ko‘rsatilgan.
Chiqarilish shakli
In'ektsiya uchun eritma 1,5 ml dan rangsiz shisha ampulalarda. 3 ampula kontur uyali o‘ramlarda. 1 kontur uyali o‘ram tibbiyotda qo‘llanilishiga doir yo‘riqnomasi bilan birga karton qutiga joylangan.
Saqlash sharoiti
Yorug‘likdan himoyalangan joyda 25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!
Yaroqlilik muddati
Ishlab chiqarilgan
sanadan boshlab 3 yil.
Yaroqlilik muddati
tugaganidan so‘ng qo‘llanilmasin.
Dorixonalardan berish tartibi
Retsept bo‘yicha.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.