Senadeksin tab. №10 Radiks

Tavsif

Preparatning savdo nomi

Senadeksin.
Ta'sir etuvchi modda (XPN): A va V sennozidlar (kaltsiy tuzlari ko‘rinishida).

Chiqarilish shakli

Tabletkalar kontur uyali yoki uyasiz o‘ramlarda.

Farmakoterapevtik guruhi

Surgi vositalari.

Farmakologik xususiyatlari

Preparatni qabul qilinganidan keyin 8-10 soatdan so‘ng boshlanadigan ich keltiruvchi ta'sir ko‘rsatadi. Preparatning samarasi, yo‘g‘on ichakning retseptorlariga ta'siri bilan bog‘liq bo‘lib, bu peristaltikani kuchayishiga olib keladi. Chambar ichakka tanlab ta'sir ko‘rsatadi, ichakning me'yoriy faoliyatini tiklaydi, o‘rganib qolish chaqirmaydi va ovqat hazm qilishga ta'sir qilmaydi.

Farmakokinetikasi

Preparatning ta'sir etuvchi moddalari qisman ichakda so‘riladi va yo‘g‘on ichakda ajralib chiqadi, qisman esa bakterial floraning ta'siri ostida bevosita yo‘g‘on ichakda ajralib chiqadi. Organizmdan siydik va ahlat bilan chiqariladi.

Qo‘llanilishi

Turli etiologiyali spastik va atonik qabziyatlarda, shu jumladan yo‘g‘on ichakni gipotoniyasi va peristaltikasini susayishi bilan bog‘liq qabziyatlarda qo‘llanadi. Ich kelishini tartibga solish maqsadida gemorroyda, proktitda va anal soxa yoriqlarida.

Qo‘llash usuli va dozalari

Ichga kechqurun, ovqatdan keyin 1 tabletkadan ichiladi. Samarasi bo‘lmaganida bir necha kundan so‘ng bir martalik dozani 2-3 tabletkagacha oshirish mumkin.
Nojo‘ya ta'siri
Qorinda sanchiqsimon og‘riqlar, ich ketishi, meteorizm. Bunday holatlarda dozani kamaytirish yoki preparatni bekor qilish lozim. Uzoq vaqt, ayniqsa katta dozalarda qo‘llanganda, elektrolitlarni, asosan kaliyni yo‘qotish, albuminuriya, gematuriya, ichak shilliq qavatida melaninni to‘planishi, mushaklararo bog‘lanishlarni buzilishlari bo‘lishi mumkin.

Qo‘llash mumkin bo‘lmagan holatlar

Spastik kolit appenditsit, ichak tutilishi, qorinda noaniq genozli og‘riqlar, suv va elektrolit almashinuvini buzilishi, qisilgan churra, qorin bo‘shlig‘i a'zolarining o‘tkir yallig‘lanish kasalliklari, peritonit, me'da-ichak yo‘llaridan qon ketishlari, bachadondan qon ketishlari, sistit.

Maxsus ko‘rsatmalar

Jigar va buyrak kasalliklarida, homiladorlik va laktatsiya davrida ehtiyotkorlik bilan buyuriladi. Ba'zan preparatni qabul qilinganda siydik rangini o‘zgarishi kuzatiladi, bu klinik ahamiyatga ega emas.
Preparat bolalar olaolmaydigan joyda saqlansin va yaroqlilik muddati o‘tganidan keyin ishlatilmasin.

Saqlash sharoiti

Quruq joyda, 250S dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

IIChK “RADIKS”,
O‘zbekiston Respublikasi, Toshkent sh., 100054, Lutfiy ko‘ch, 50
Tel: 273-92-31
Faks: 273-80-58