Dermazol shampuni 2% 100ml

Tavsif

Preparatning savdo nomi

Dermazol
Ta'sir etuvchi modda (XPN): ketokonazol

Dori shakli

shampun

Tarkibi

Har bir ml shampun quyidagilarni saqlaydi:
faol modda: ketokonazol 20 mg
yordamchi moddalar: natriy lauril efir sulfat, kokodietanolamid, propilenglikol, dinatriy monolauril efir sulfosuktsinat, makrogol 120 metilglyukoza dioleat, xloristovodorodli kontsentratsiyalangan kislota, natriy xlorid, natriy gidroksid pelletlar, butilgidroksitoluol, ponso 4R, imidomochevina, SK D00923 xushbo‘y moddasi va tozalangan suv.

Ta'rifi

pushti rangdan qizil ranggacha o‘ziga xos hidli tiniq qovushqoq suyuqlik.

Farmakoterapevtik guruhi

Tashqi qo‘llanilish uchun mo‘ljallangan zamburug‘ga qarshi preparatlar. Imidazol va triazol hosilalari. Ketokonazol.
ATX kodi: D01AC08

Farmakologik xususiyatlari

Farmakodinamika

Ketokonazol – imidazol dioksolanning zamburug‘ga qarshi hosilasi bo‘lib, drojjisimon zamburug‘lar, shu jumladan Malassezia va dermatofitlarga nisbatan ta'sirga ega. Keng faollik doirasiga ega.

Farmakokinetikasi

Bosh terisiga Dermazol 2% shampuni mahalliy qo‘llanilganidan so‘ng ketokonazolning qon plazmasidagi kontsentratsiyasi aniqlanmagan. Dermazol 2% shampuni mahalliy qo‘llanilganidan so‘ng plazma darajalari butun tana yuzasiga surtilganidan keyin aniqlangan.

Qo‘llanilishi

Dermazol shampuni seborey dermatiti, qazg‘oq va Pityrosporum turidagi zamburug‘ tomonidan qo‘zg‘atilgan kepaksimon temiratkini davolash va oldini olish uchun mo‘ljallangan.

Qo‘llash usuli va dozalari

Mahalliy qo‘llanish uchun mo‘ljallangan.
Ketokonazol 2% shampuni o‘smirlar va katta yoshdagilar tomonidan qo‘llanish uchun mo‘ljallangan.
Shikastlangan teri sohalariga surtiladi va 3-5 daqiqa shu holatda qoldiriladi, so‘ngra yuvib tashlanadi.
Davolash:
Qazg‘oq va seborey dermatiti: soch 2-4 hafta davomida haftasiga ikki marta yuviladi.
Kepaksimon temiratki: 5 kundan ko‘p bo‘lmagan muddat davomida kuniga bir mahal qo‘llaniladi.
Profilaktika:
Qazg‘oq va seborey dermatiti: 1-2 hafta davomida bir mahal qo‘llaniladi.
Kepaksimon temiratki: 3 kundan ko‘p bo‘lmagan muddat davomida har kuni quyosh chiqqungacha qo‘llaniladi.
Bolalar
12 yoshdan kichik yoshdagi bolalarga Dermazol 2% shampuni qo‘llanilish xavfsizligi va samaradorligi aniqlanmagan.
Nojo‘ya ta'sirlari
Ketokonazol 2% shampuni qo‘llanilish xavfsizligi 22 ta klinik tadqiqotda ishtirok qilgan 2890 nafar sinaluvchida baholangan. Ketokonazol 2% shampuni bosh terisiga va/yoki tana terisiga surtilgan. Xavfsizlikka tegishli umumlashtirilgan ma'lumotlar natijalari asosida ushbu klinik tadqiqotlarda ≥1% takrorlanish tezligiga ega bironta ham nojo‘ya reaktsiya to‘g‘risida ma'lum qilinmagan.
Quyidagi jadvalda klinik tadqiqotlar davomida Ketokonazol 2% shampuni qo‘llanilganda yoki preparat bozorga chiqarilganidan so‘ng ma'lum qilingan nojo‘ya reaktsiyalar aks ettirilgan.
Nojo‘ya ta'sirlar takrorlanish tezligi bo‘yicha quyidagi tasnifdan foydalanib ko‘rsatilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1,000 dan <1/100 gacha), kam hollarda (≥1/10,000 dan <1/1,000 gacha), juda kam hollarda (<1/10,000), noma'lum (mavjud ma'lumotlar bo‘yicha baholanishi mumkin emas).

Qo‘llash mumkin bo‘lmagan holatlar

Anamnezda ketokonazolga yoki uning yordamchi moddalariga o‘ta yuqori sezuvchanlik.
Dorilarning o‘zaro ta'siri
Tadqiqotlar o‘tkazilmagan.

Maxsus ko‘rsatmalar

Uzoq vaqt tashqi qo‘llanilish uchun kortikosteroidlardan foydalanadigan patsiyentlarga bekor qilish ta'siridan saqlanish uchun Dermazol® 2% shampuni qo‘llanilganida steroidlar bilan davolanishni asta-sekin, 2-3 hafta davomida bekor qilish tavsiya etiladi.
Ko‘zga tushishidan saqlansin. Ko‘zga tushgan holatda, ularni suv bilan yuvib tashlash kerak.
Homiladorlik va laktatsiya davrida qo‘llanilishi
Preparatning homiladorlik va emizish davrida qo‘llanilishi yuzasidan tegishli va nazoratli tadqiqotlar o‘tkazilmagan. Mavjud cheklangan ma'lumotlar ketokonazol mahalliy qo‘llanilgan vaqtda homiladorlik kechishiga yoki homila/yangi tug‘ilgan chaqaloq sog‘lig‘iga nojo‘ya ta'sirlar mavjud emasligidan dalolat beradi. Hayvonlarda o‘tkazilgan tadqiqotlar ketokonazolning mahalliy qo‘llanilishiga muvofiq bo‘lmagan dozalarda reproduktiv toksiklikni tasdiqlagan. Emizikli yangi tug‘ilgan chaqaloqlar/yosh bolalarga ta'siri taxmin qilinmaydi.
Ketokonazol 2% shampuni homilador bo‘lmagan ayollar bosh terisiga surtilgandan so‘ng qon plazmasidagi darajasi aniqlanmagan. Ketokonazol 2% shampuni tananing butun yuzasiga surtilgandan so‘ng qon plazmasidagi darajasi aniqlangan. Ketokonazol 2% shampunining homiladorlik vaqtida va emizish davrida qo‘llanilish xavfi noma'lum.
Transport vositasini boshqarish va boshqa mexanizmlardan foydalanish qobiliyatiga ta'siri
Ma'lumotlar yo‘q.
Dozaning oshirib yuborilishi
Tasodifan ichga tushganida, quvvatlovchi va simptomatik tadbirlarni o‘tkazish kerak. Aspiratsiya oldini olish uchun qayt qilishni sun'iy ravishda qo‘zg‘atish yoki me'dani yuvish tavsiya etilmaydi.

Chiqarilish shakli

8 ml dan shampun sashelarda. 20 ta sashe tibbiyotda qo‘llanilishiga doir yo‘riqnomasi bilan birga karton o‘ramda.
50 ml yoki 100 ml dan shampun yuqori zichlikka ega polietilendan tayyorlangan “yoqali”, qaytarma ochiladigan qalpoqchali oq rangli buraladigan qopqoqli flakonlarda. Flakonning oq rangli buraladigan qopqog‘i PVX-issiqda qisqaruvchi plyonkaga o‘ralgan. Har bir flakon tibbiyotda qo‘llanilishiga doir yo‘riqnomasi bilan birga karton o‘ramda.

Saqlash sharoiti

Quruq, yorug‘likdan himoyalangan joyda 25°C dan yuqori bo‘lmagan haroratda saqlansin.
Bolalar ololmaydigan joyda saqlansin.

Yaroqlilik muddati

4 yil.
Yaroklik muddati o‘tgach ko‘llanilmasin.
Dorixonalardan berilish tartibi:
Retseptsiz beriladi.

Ishlab chiqaruvchi

Kusum Healthcare Pvt. Ltd.
Ishlab chiqarish manzili
SP-289(A), RIICO Industrial Area, Chopanki, Bhiwadi, Dist. Alwar (Rajasthan), Hindiston.