Vitamin B kompleks tab. №20

Tavsif

Preparatning savdo nomi

VITAMIN B kompleks

Dori shakli

Qobiq bilan qoplangan tabletkalar

Tarkibi

Bitta tabletka tarkibida faol moddalar: tiamin nitrat (vitamin B1) – 5 mg, riboflavin (vitamin B2) – 1 mg, piridoksin gidrokhlorid (vitamin B6) – 4 mg, nikotinamid (vitamin PP) – 50 mg, yordamchi moddalar: bug'doy kraxmali – 33 mg, mikrokristallik tsellyuloza – 22 mg, gidroksipropil tsellyuloza – 1 mg, stearin – 1 mg, talk – 2 mg, kolloidli kremniy oksidi – 1 mg, opadray – 5 mg.

Ta'rifi

Qobiq bilan qoplangan (yupqa qatlamli qoplama) tabletkalar, to'g'ri dumaloq shaklda, ikki tomondan qavariq, qizil rangda, tiamin hidiga ega

Farmakoterapevtik guruhi

B guruhi vitaminlari boshqa preparatlar bilan birgalikda.

Farmakologik xususiyatlari

Farmakokinetikasi

Vitamin B1 og'izdan qabul qilingandan keyin o'n ikki barmoqli ichak va ingichka ichakda so'riladi. Jigarida katta miqdorda metabolizmga uchraydi va uning asosiy metabolitlari tiaminkarbon kislotasi va piramin hisoblanadi. Siydik bilan va qisman o't bilan chiqariladi. Qondagi o'rtacha kontsentratsiyasi taxminan 2-4 mkg/100 ml ni tashkil etadi. Asosan siydik bilan chiqariladi. Yarim eliminatsiya vaqti taxminan 10-20 kun.
Vitamin B2 oshqozon-ichak traktida, asosan ingichka ichakda so'riladi; turli to'qima va organlarda tekis taqsimlanadi. Yarim eliminatsiya vaqti – 5,5 kun. Siydik bilan o'zgarishsiz holda yoki riboflavin-5-fosfat shaklida chiqariladi.
Vitamin B6 og'izdan yoki parenteral yo'l bilan yuborilgandan keyin tezda metabolizmga uchrab, vitamerlar deb ataladigan piridoksol, piridoksal va piridoksaminlarga aylanadi. Plazmagedagi kontsentratsiyasi taxminan 6 mkmol/100 ml ga teng. Siydik bilan, asosan 4-piridoksin kislotasi shaklida chiqariladi. Plazmadagi yarim hayot davri 15-20 kunni tashkil etadi.
Nikotinamid oshqozon-ichak traktining barcha qismlarida to'liq so'riladi. Terapevtik dozalar yuborilgandan keyin siydik bilan o'zgarishsiz birikmaning faqat izlari chiqariladi. Vitamin N-metilnikotinamidga metabolizmga uchraydi, keyin esa N-metil-4-piridon-3-karboksamidga oksidlanadi. Plazmadagi yarim hayot davri taxminan 40 daqiqani tashkil etadi.

Farmakodinamikasi

B guruhi vitaminlari turli kimyoviy tuzilishga ega organik birikmalardir. Ular organizmning hayotiy funksiyalari uchun mutlaqo zarurdir. Past kontsentratsiyalarda biologik faollikka ega bo'lib, hujayra funksiyalariga tartibga soluvchi ta'sir ko'rsatadilar. Bundan tashqari, ular bir qator ferment tizimlarining tarkibiga kirib, shu tariqa uglevodlar, oqsillar va lipidlar almashinuvini tartibga solishda ishtirok etadilar.
Vitamin B1 pirofosfatga aylanib, kofermen sifatida uglevodlar va oqsillar almashinuvida, nuklein kislotalari sintezida ishtirok etadi. Sinapslarda nerv impulslarining o'tkazilishiga ta'sir ko'rsatadi.
Riboflavinning fiziologik ahamiyati uning organizmning oksidlanish-qaytarilish jarayonlarida ishtirok etishi bilan belgilanadi. U uglevodlar almashinuvini yaxshilaydi, lipidlar almashinuvi buzilishlariga ijobiy ta'sir ko'rsatadi va aminokislotalar metabolizmi bilan ham bog'liqdir. Temir va porfirinlar almashinuvida, shuningdek gemoglobin sintezi va hujayra nafas olishida muayyan rol o'ynaydi.
Vitamin B6 dekarboksilaza va transaminaza fermentlarining tarkibiga kiradi. Erkin aminokislotalar va oqsillar almashinuvida ishtirok etadi. Gistamin almashinuvida muhim rol o'ynaydi. Yog'lar almashinuvi jarayonlarida ishtirok etadi. Markaziy va periferik nerv tizimi, teri va ovqat hazm qilish organlarining normal faoliyati uchun zarur.
Nikotin kislotasi va uning amidi NAD va NADF kodegidrogenaznalarning tarkibiga kirib, kislorod tashishda ishtirok etadi va to'qima nafas olishi uchun zarur bo'lgan oksidlanish-qaytarilish jarayonlarini amalga oshiradi. Nikotin kislotasi periferik tomirlarning kengayishini va plazma xolesterin hamda triglitseridlar darajasining pasayishini keltirib chiqaradi.

Qo‘llash mumkin holatlar

B guruhi vitaminlari (B1, B2, B6) va nikotinamid tanqisligi nevritlar, polinevritlar (alkogolli, toksik, infeksiyadan keyingi) diabetik polinevropatiya
nevralgiyalar, ishias
markaziy kelib chiqishli spastik holatlar
miasteniya
Vernika ensefalopatiyasi
vegetativ nevrozlar
asteniya
dermatitlar
neyrodermatitlar
ekssudativ diatez
psoriaz
eritematoz bo'ri
furunkulez
stomatit
glossit
kolit
spru
Kompleks terapiyaning tarkibida:
ateroskleroz
surunkali alkogolizm
gepatit
anemiya
intoksikatsiya sindromi.

Qo‘llash usuli va dozalari

Preparat og'iz orqali qabul qilinadi: kattalar kuniga 2-3 marta 1-2 tabletka, 6 yoshdan katta bolalar kuniga 1-2 tabletka. Davolash kursining davomiyligini davolash shifokor belgilaydi.

Nojo‘ya ta‘sirlari

Preparat odatda yaxshi ko'tariladi. Juda kamdan-kam hollarda mumkin:
allergik toshma
qichish
qichima
Kvinke shishi (ko'proq moyil bemorlarda)
buyrak funksiyasining buzilishi.
Preparat tarkibida bug'doy kraxmali bor, bu tselakiya (glyuten enteropatiyasi) bilan og'rigan shaxslar uchun xavfli bo'lishi mumkin.

Qo‘llash mumkin bo‘lmagan holatlar

preparat komponentlariga haddan tashqari sezgirlik
II va III bosqich arterial gipertenziya
6 yoshgacha bo'lgan bolalar yoshi.
Dorilarning o'zaro ta'siri
Fizik-kimyoviy mos kelmasligi ma'lum emas. Preparat tarkibidagi vitamin B1 tufayli ba'zi adrenolitiklar va simpatolitiklarning gipotenziv ta'siri kamayishi, barbiturlar va glyutetimidning uyqu ta'siri kamayishi mumkin. Xlorpromazin vitamin B2 ning siydik bilan ajralishini oshiradi. Probeneсid uning kanalcha sekretsiyasi va reabsorbsiyasini inhibe qilib, shu tariqa buyraklar orqali ajralishini kamaytiradi.
Vitamin B6 L-Dopaning antiparkinson ta'sirini kamaytiradi. Og'iz orqali qabul qilinadigan kontratseptiv vositalar, izoniazid, penitsilamin, tsikloserinva tiosemikarbazonlar bilan bir vaqtda qo'llanilganda qondagi vitamin B6 kontsentratsiyasi kamayadi.

Maxsus ko‘rsatmalar

Homiladorlik va laktatsiya vaqtida qo’llanishi

Preparat homiladorlik va laktatsiya davrining barcha vaqtida terapevtik dozalarda qo'llanilishi mumkin.
Dori vositasining transport vositalari boshqarish yoki potensial xavfli mexanizmlar bilan ishlash qobiliyatiga ta'siri
E'tiborni konsentratsiya qilish qobiliyatining pasayishi va reflekslarga ta'siri haqida ma'lumotlar yo'q. Preparat avtomobil haydash va murakkab mashinalarda ishlashda xavfsiz qo'llanilishi mumkin.

Dozani oshirib yuborilishi

Alomatlar: qo'zg'alish, qo'rquv, tremor, uyqusizlik, bosh og'rig'i, tutilishlar.
Davolash – simptomatik. Izoniazid piridoksinning antidotidir.

Chiqarilish shakli

Qobiq bilan qoplangan tabletkalar 20 donadan qattiq rangsiz PVX va alyuminiy folga blisteriiga o'raladi. Bitta blister qo'llash bo'yicha yo'riqnoma bilan birga karton qutiga o'raladi.

Saqlash sharoiti

Asl o'ramida, quruq va yorug'likdan himoyalangan joyda +25ºC dan yuqori bo'lmagan haroratda. Bolalar qo'li yetmaydigan joyda saqlang!
Saqlash muddati
2 yil.

Dorixonalardan berish tartibi

Retseptsiz

Ishlab chiqaruvchi

Sofarma AO, Bolgariya