Rotafer Kids sirop 150ml flakon №1

Tavsif

Preparatning savdo nomi

Rotafer Kids

Dori shakli

sirop

Tarkibi

5 ml sirop quyidagilarni saqlaydi:
faol moddalar:
V1 vitamini (tiamin gidroxloridi) 4 mg;
V2 vitamini (riboflavin) 1 mg;
V3 vitamini (nikotinamid) 8 mg;
V5 vitamini (kaltsiy D-pantotenati) 2 mg;
V6 vitamini (piridoksin gidroxloridi) 2 mg;
folat kislotasi 150 mkg;
B12 vitamini (tsianokobalamin) 5 mkg;
S vitamini (askorbin kislotasi) 10 mg;
temir (temir L-laktati shaklida) 7 mg;
rux (rux glyukonati shaklida) 5 mg;
mis (mis glyukonati shaklida) 0,25 mg;
marganets (marganets glyukonati shaklida) 0,25 mg;
yod (kaliy yodat shaklida) 40 mkg;
kaltsiy glitserofosfati 10 mg;
lizin gidroxloridi 40 mg;
solod o‘ti ekstrakti 500 mg;
yordamchi moddalar: dekstrin, kaliy sorbati, glitserin, sorbitol, maltitol, «Asal» aromatizatori, sukraloza, «Apelsin» aromatizatori, tozalangan suv.

Ta'rifi

apelsin va asal hidli jigarrang rangli shirin suyuqlik.

Farmakoterapevtik guruhi

Antianemik preparat. Makro- va mikroelementlar hamda biogen adaptogenlardan tarkib topgan polivitaminlar.
ATX kodi: A11AB

Farmakologik xususiyatlari

Farmakodinamikasi

Rotafer Kids – majmuaviy preparat bo‘lib, ta'siri uning tarkibiga kiruvchi komponentlarning hususiyatlari bilan ifodalanadi.
V1 vitamini koenzimning tarkibiy qismi sifatida ketokislotalar karboksil guruhini yo‘qotishi uchun uglevodlar almashinuvining muhim komponenti hisoblanadi; uglevodlar, oqsillar va yog‘lar almshinuvida muhim rol o‘ynaydi; sinapslarda nerv qo‘zg‘aluvchanligini o‘tishida qatnashadi. Aqliy va jismoniy ish qobiliyatini oshiradi, detoksikatsion ta'sir ko‘rsatib, nerv to‘qimasining metabolizmini yaxshilaydi.
V2 vitamini hujayra nafasi va ko‘rish faoliyatlarini muhim katalizatori hisoblanadi. Riboflavin oksidlanish-qaytarilish jarayonlarini boshqarib, oqsillar, yog‘lar va uglevodlar almashinuvida ishtirok etadi, DNKni shakllanishida muhim rol o‘ynaydi, gemoglobin sintezida qatnashadi, to‘qimalar (shu jumladan teri hujayralari) regeneratsiyasi jarayonlariga, hujayralarda trofik buzilishlarni muvofiqlashtirishga yordam beradi.
V3 vitamini qondagi lipoproteinlarning kontsentratsiyasini normallashtiradi; yuqori dozalarda (sutkada 3-4 g) umumiy xolesterinning kontsentratsiyasini pasaytiradi, xolesterin/fosfolipidlar indeksini kamaytiradi, antiaterogen samaralarga ega bo‘lgan yuqori zichlikdagi lipoproteinlarning miqdorini oshiradi.
V5 vitamini yog‘lar, uglevodlar, aminokislotalar almashinuvi uchun, hayotiy muhim yog‘ kislotalari, xolesterin, gistamin, atsetilxolin, gemoglobin sintezi uchun muhim. U antitelalarni shakllanishida muhim rol o‘ynaydi, boshqa vitaminlarni o‘zlashtirilishiga yordam beradi, shuningdek neyrotransmitterlar sintezida ishtirok etadi.
V6 vitamini aqliy va jismoniy ish qobiliyatini oshiradi, qonda glyukozaning darajasini boshqaradi, qalqonsimon bez, buyrak usti bezlari va jinsiy bezlarning funktsiyasini normallashtiradi, bosh miya to‘qimalarida moddalar almashinuvini yaxshilaydi, nerv tizimini mustahkamlaydi, neyromediatorlar sintezida ishtirok etadi, antidepressiv ta'sir ko‘rsatadi.
Folat kislotasi to‘qimalarni o‘sishi, rivojlanishi va proliferatsiya jarayonlarini normal kechishi uchun muhim, aqliy va jismoniy ish qobiliyatini oshiradi, me'dada xlorid kislotasini ishlab chiqarilishini rag‘batlantiradi.
B12 vitamini immunomodulyator, allergiyaga qarshi ta'sirga ega, nerv to‘qimasining strukturasini tiklaydi, ishtahani oshiradi. B12 vitamini turli aminokislotalarni sintezida ishtirok etadi, jigar, nerv tizimining funktsiyasiga ijobiy ta'sir ko‘rsatadi, qon ivishi jarayonlari, uglevodlar va lipidlar almashinuvi jarayonlarini faollashtiradi.
S vitamini hujayra ichidagi kollagenni hosil bo‘lishi uchun muhim, tishlar, suyaklar va kapillyarlar devorining strukturasini mustahkamlash uchun talab etiladi. Oksidlanish-qaytarilish reaktsiyalarida, tirozinni metabolizmida, folat kislotasini folinat kislotasiga aylanishida, uglevodlar metabolizmida, lipidlar va oqsillar sintezida, temirni metabolizmida, hujayra nafasi jarayonlarida ishtirok etadi. Antioksidant hususiyatlariga ega.
Temir – eritropoezni rag‘batlantiruvchi mikroelement. Gemoglobin, mioglobin, turli fermentlarning tarkibiga kiradi; kislorodni qaytuvchan bog‘laydi va qator oksidlanish-qaytarilish reaktsiyalarida ishtirok etadi; qon yaratish jarayonlarida muhim rol o‘ynaydi. Temir, temir tuzlari ko‘rinishida qo‘llanganida organizmda tanqisligini tez to‘lishi yuz beradi.
Rux – odam organizmidagi muhim element bo‘lib, asosan eritrotsitlarda rux metalloenzim karboangidraza ko‘rinishida va kamroq darajada qon plazmasida α-2-makroglobulin bilan bog‘langan holatda saqlanadi. DNK, RNK, oqsillar sintezining asosiy bosqichlarini katalizatsiya qiladigan 80 ortiq fermentlarning tarkibiga kiradi. To‘qimalarni o‘sishi va rivojlanishi jarayonlariga yaqqol ta'sir ko‘rsatadi, bolalarda aqliy va jismoniy rivojlanishi kechikkanida ijobiy ta'sir qiladi.
Mis qizil qon hujayralarini sintezida ishtirok etadi; bu nerv tolalarining tashqi qobig‘i, kollagen, organizmning asosiy struktur oqsilining asosiy komponenti hisoblanadi; mis shuningdek teri qoplamlaridagi pigmentlarni ishlab chiqarilishida muhim rol o‘ynaydi.
Marganets organizm tomonidan biotin, V va S vitaminlarini to‘g‘ri ishlatilishi uchun kerak bo‘ladigan fermentlarni faollashishiga yordam beradi. Suyaklarni normal strukturasi uchun muhim. Uglevodlar almashinuvini boshqaradi.
Yod qalqonsimon bez gormoni – tiroksin sintezi uchun, shuningdek hujayralarda yot tanalarni yo‘qotishga kerak bo‘ladigan patrul hujayralar – fagotsitlarni hosil bo‘lishi uchun muhim. Fagotsitlar yot tanalarni, xususan mikroorganizmlar va hatto yetilmagan hujayralarni qamrab olish va hazm qilish hususiyatiga ega.
Kaltsiy glitserofosfati anabolik jarayonlarni rag‘batlantiradi. Kaltsiy ionlari nerv impulslarini o‘tishida, silliq hamda ko‘ndalang-targ‘il mushaklarni qisqarishida, miokard funktsiyasida, qon ivishida ishtirok etadi, suyak to‘qimasini shakllanishi uchun, elektrolitlar muvozanatini va boshqa tizimlar hamda a'zolarni faoliyat ko‘rsatishi uchun kerak bo‘ladi. Organizmda kaltsiy va fosfor almashinuvini normallashtiradi, umumiy mustahkamlovchi ta'sir ko‘rsatadi.
Lizin gidroxloridi gemoglobin sintezi uchun kerak bo‘lgan aminoguruhini donori hisoblanadi, qondan kaltsiyni o‘zlashtirilishini va suyak to‘qimasiga tashilishini yaxshilaydi. Lizin odam organizmiga normal o‘sishi, gormonlar, antitelolar, fermentlarni ishlab chiqarilishi, shuningdek to‘qimalarni tiklanishi uchun muhim.
Solod o‘ti ekstrakti me'daning shilliq qavatini temirning qitiqlovchi ta'siridan himoya qiladi, organizmning himoya faoliyati (immunitet) ni mustahkamlaydi, kasallik, operatsiya, aqliy va jismoniy harakatlardan keyin organizmning kuchini tiklaydi, qonda gemoglobin va eritrotsitlarning miqdorini oshiradi.

Farmakokinetikasi

Preparatning ta'siri tarkibidagi komponentlarning umumiy hususiyatlari bilan ifodalanadi, shuning uchun kinetik kuzatishlarni o‘tkazish imkoni yo‘q.

Qo‘llanilishi

Quyidagi holatlar:
• muvozanatlashtirilmagan yoki to‘liq bo‘lmagan ovqatlanishda;
• me'da-ichak yo‘llarida so‘rilishni buzilishida;
• ovqatlanishga bo‘lgan talabni oshishi (homiladorlik va laktatsiya vaqtida; bolalar va o‘smirlarni faol o‘sish davrida) da temir va V12 vitaminining tanqisligi holatlarini oldini olish va davolash uchun qo‘llanadi.

Qo‘llash usuli va dozalari

Rotafer Kids ichga, ovqatdan keyin, flakon oldindan chayqatilgandan so‘ng qabul qilinadi. Zarurat bo‘lganida siropni suvga, mevali sharbatga, bolalar ozuqasiga qo‘shish mumkin.
1-3 yoshdagi bolalarga kuniga 2,5 ml buyuriladi.
4-6 yoshdagi bolalarga – 2,5 ml dan kuniga 2 marta buyuriladi.
7-12 yoshdagi bolalarga – 5 ml dan kuniga 1-2 marta buyuriladi.
12 yoshdan katta bolalar va kattalarga – 5 ml dan kuniga 2 marta buyuriladi.
Homiladorlik va hayz ko‘rish vaqtida 5 ml preparatni kuniga 3 marta qabul qilish tavsiya etiladi.
Siropni dozalash uchun 2,5 ml, 3 ml, 5 ml, 7,5 ml, 10 ml, 15 ml hajmga bo‘lingan o‘lchov stakani ishlatiladi.
Siropni qabul qilish davomiyligi shifokor tomonidan belgilanadi.
Nojo‘ya ta'sirlari
Kuzatilgan nojo‘ya samaralar asosan yengil va o‘tginchi bo‘lgan. Juda kam hollarda me'dani to‘lib ketishi hissi va epigastral sohada bosimni oshishi, ko‘ngil aynishi, qabziyat yoki diareya kabi me'da-ichak tomonidan buzilishlar bo‘lishi mumkin.
Kam hollarda allergik reaktsiyalar bo‘lishi mumkin.

Qo‘llash mumkin bo‘lmagan holatlar

• preparatning komponentlariga yuqori sezuvchanlik;
• organizmda temirning miqdorini ortiq ketishi (gemoxromatoz, gemosideroz);
• temirni utilizatsiya mexanizmlarini buzilishi (qo‘rg‘oshinli anemiya, sideroaxrestik anemiya, talassemiya) da qo‘llash mumkin emas.
Dorilarning o‘zaro ta'siri
Boshqa dori vositalari bilan o‘zaro ta'siri ta'riflanmagan.

Maxsus ko‘rsatmalar

Preparatning dozasini oshirib yuborilishidan saqlanish maqsadida boshqa polivitamin va mineral komplekslarni bir vaqtda qo‘llash tavsiya etilmaydi.
Ahlatni so‘rilmagan temirni chiqarilishi bilan bog‘liq bo‘lgan, klinik ahamiyatga ega bo‘lmagan to‘q rangga bo‘yalishi, va siydikni yorqin sariq rangga bo‘yalishi bo‘lishi mumkin.
Tarkibida etanol saqlovchi ichimliklarni iste'mol qilishdan saqlanish kerak.
Homiladorlikda va laktatsiya davrida qo‘llanishi
Zarurat bo‘lganida preparatni homiladorlik va laktatsiya davrida qo‘llash mumkin.
Pediatriyada qo‘llanishi
Preparatni 1 yoshgacha bo‘lgan bolalarga qo‘llash tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Preparat avtomobilni va potentsial havfli mexanizmlarni boshqarish qobiliyatiga ta'sir qilmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Hozirgi vaqtgacha preparatning dozasini oshirib yuborilish holatlari yuzasidan xabar berilmagan.

Chiqarilish shakli

Ichga qabul qilish uchun sirop 150 ml dan buraladigan himoya qopqoqli sariq rangli shisha flakonda. 1 flakon o‘lchov stakani va qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

25oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha beriladi.

Ishlab chiqaruvchi

Savdo belgisi va qayd etish sertifikatining egasi
«Rotafarm Ilachlari Limited Shirketi», Turkiya
(“Rotapharm Ilaçlarl Limited Şirketi”, Turkey).

Ishlab chiqarilgan

«Farmamag Ambalaj Sanayi ve Tidjaret A.Sh.», Turkiya
(Avdjilar Ilchesi, Baglarichi Djaddesi №14, Kat: 2, Istambul)
“Farmamag Ambalaj Sanayi ve Ticaret A.Ş.”, Turkey
(Avcılar İlçesi, Bağlariçi Caddesi No:14, Kat: 2, İstanbul).