Fenkarol tab. 50mg №30

Tavsif

Preparatning savdo nomi

Fenkarol®
Ta'sir etuvchi modda (XPN): xifenadin (quifenadinum)

Dori shakli

ichga qabul qilish uchun tabletkalar

Tarkibi

Bir tabletka quyidagilarni saqlaydi:
faol modda: 50 mg xifenadin gidroxloridi;
yordamchi moddalar: saxaroza, kartoshka kraxmali, modifikatsiyalangan makkajo‘xori kraxmali, kaltsiy stearati.

Ta'rifi

oq yoki deyarli oq rangli, yassi silindrik shaklli, faskali tabletkalar.

Farmakoterapevtik guruhi

tizimli qo‘llash uchun antigistamin vositalar, tizimli qo‘llash uchun boshqa antigistamin vositalar.
ATX kodi: R06AX31.

Farmakologik xususiyatlari

Farmakodinamikasi

Fenkarol® - antigistamin vosita bo‘lib, a'zo va ularning tizimiga gistaminning ta'sirini kamaytiradi. Ushbu guruhning boshqa klassik dori vositalaridan farqli ravishda, Fenkarol® o‘ziga xos ta'sir mexanizmiga ega. Dori vositasi periferik to‘qimalarda gistaminning N1-retseptorlarini bloklaydi, shuningdek diaminoksidaza (gistaminaza) fermentini faollashtiradi, shunday qilib, to‘qimalarda gistamin miqdorini kamaytiradi. Boshqa gistaminga qarshi vositalar samarasiz bo‘lgan bemorlar uchun Fenkarol®ning samarasi shu bilan izohlanadi. Fenkarol® past lipofillikka ega, shuning uchun gematoentsefalik to‘siq orqali yomon o‘tadi, miya to‘qimalarida serotoninni dezaminizatsiya jarayonlariga va monoaminooksidaza fermentlarining faolligiga kuchsiz ta'sir qiladi. Fenkarol® gistaminning toksik samarasini kamaytiradi, bronxokonstrikator ta'sirini va ichakning silliq mushaklariga spazmogen ta'sirini bartaraf etadi yoki kuchsizlantiradi, gistaminning gipotenziv ta'sirini va uni kapillyarlar o‘tkazuvchanligiga ta'sirini kuchsizlantiradi. Fenkarol® kuchsiz serotoninga qarshi va kuchsiz xolinolitik faollikka ega, adrenolitik faollikka ega emas. Fenkarol® yaqqol qichishishga qarshi va desensibilizatsiya qiluvchi ta'sir ko‘rsatadi.

Farmakokinetikasi

So‘rilishi
Dori vositasining 45% me'da-ichak yo‘llaridan tez so‘riladi va 30 minutdan keyin organizm to‘qimalarida aniqlanadi. Faol modda (xifenadin gidroxloridi) ning qon plazmasida maksimal kontsentratsiyasiga bir soatdan keyin erishiladi.
Taqsimlanishi
Faol moddaning eng yuqori kontsentratsiyasi jigarda, o‘pka va buyrakda, eng kam kontsentratsiyasi – bosh miya to‘qimalarida kuzatiladi. Dori vositasi past lipofillikka ega va uning miya to‘qimalaridagi miqdori kam (0,05% da kamrog‘i), bu markaziy nerv tizimiga susaytiruvchi ta'sirini yo‘qligi bilan izohlanadi, biroq shaxsiy yuqori sezuvchanlikda kuchsiz sedativ samara bo‘lishi mumkin.
Metabolizmi
Fenkarol® jigarda metabolizmga uchraydi.
Eliminatsiyasi (chiqarilishi)
Dori vositasining metabolitlari va o‘zgarmagan qismi asosan siydik, safro bilan va o‘pka orqali chiqariladi. Dori vositasining so‘rilmagan qismi ichak orqali chiqariladi. Dori vositasining asosiy qismi va uning metabolitlari (taxminan 44%) siydik bilan 48 soat davomida va yana 1% keyingi 48 soat davomida chiqariladi.

Qo‘llanilishi

Pollinoz, o‘tkir va surunkali eshakemi, allergik rinit, allergik kon'yunktivit, angionevrotik shish, dermatozlar (ekzema, neyrodermit, terini qichishishi va boshqalar), dori vositalarini yoki ovqat mahsulotlarini qabul qilishi bilan bog‘liq bo‘lgan allergik reaktsiyalarda qo‘llanadi.

Qo‘llash usuli va dozalari

Fenkarol® ovqatdan keyinoq darhol ichga qabul qilinadi.
Kattalarga 25-50 mg dan kuniga 2-4 marta buyuriladi. Maksimal sutkalik doza - 200 mg.
Davolash kursining davomiyligi 10-20 kunni tashkil qiladi. Zarurati bo‘lganida kurs takrorlanadi.
Agar qabul qilishni o‘tkazib yuborgan bo‘lsangiz, dori vositasini eslashingiz bilanoq qabul qiling, biroq keyingi qabul qilish vaqti deyarli yaqinlashgan bo‘lsa, dozani o‘tkazib yuboring. Hech qachon ikki barobar dozani qabul qilmang.
Nojo‘ya ta'sirlari
Boshqa dori vositalari kabi, Fenkarol® ham, barcha patsiyentlarda namoyon bo‘lmasada nojo‘ya ta'sirlarni chaqirishi mumkin:
Rivojlanishi tez-tezligi bo‘yicha, kutilmagan nojo‘ya reaktsiyalarning tasnifi: juda tez-tez (≥1/10); tez-tez (≥1/100 dan <1/10 gacha); tez-tez emas (≥1/1000 dan <1/100 gacha); kam hollarda (≥1/10000 dan <1/1000 gacha); juda kam hollarda (< 1/10000); paydo bo‘lishi tez-tezligi noma'lum (ma'lum bo‘lgan ma'lumotlarga qarab aniqlash mumkin emas).
Nerv tizimi tomonidan buzilishlar
Tez-tez emas: bosh og‘rig‘i, uyquchanlik.
Me'da-ichak yo‘llari tomonidan buzilishlar
Tez-tez: og‘izni qurishi
Tez-tez emas: dispeptik holatlar (ko‘ngil aynishi, qusish), bu odatda dozani kamaytirilgan yoki dori vositasi bekor qilinganda o‘tib ketadi.
Agar Sizda ushbu yo‘riqnomada ko‘rsatilmagan qandaydir nojo‘ya ta'sirlar paydo bo‘lsa yoki eslatib o‘tilgan nojo‘ya ta'sirlardan birontasi ayniqsa, kuchli namoyon bo‘lsa, shifokorga murojaat qilishingizni so‘raymiz.

Qo‘llash mumkin bo‘lmagan holatlar

Ta'sir etuvchi moddaga yoki dori vositasining yordamchi moddalariga yuqori sezuvchanlik.
Dori vositasini homiladorlik vaqtida va emizish davrida qo‘llash tavsiya etilmaydi, homiladorlikning birinchi 3 oyligida qo‘llash mumkin emas.
Dorilarning o‘zaro ta'siri
Fenkarol® alkogol va uxlatuvchi vositalarining markaziy nerv tizimiga (MNT) susaytiruvchi ta'sirini kuchaytiradi. Fenkarol® kuchsiz M-xolinobloklovchi xususiyatga ega, biroq me'da-ichak yo‘llarining motorikasi kamayganda, sekin so‘riluvchi dori vositalari (masalan, bevosita antikoagulyantlar-kumarinlar) ning so‘rilishi kuchayishi mumkin.

Maxsus ko‘rsatmalar

Fenkarol® MNT ga yaqqol susaytiruvchi ta'sir ko‘rsatmaydi, biroq alohida hollarda kuchsiz sedativ samara kuzatiladi.
Yurak-qon tomir tizimi, me'da-ichak yo‘llari, jigar va/yoki buyrakning og‘ir kasalliklarida ehtiyotkorlik bilan qo‘llash lozim.
Dori vositasi qand saqlaydi.
Qandaydir qandlarni o‘zlashtiraolmaslikda ushbu dori vositasini qo‘llashdan avval, shifokor bilan maslahatlashing.
Homiladorlik va emizish davrida qo‘llanilishi
Dori vositasini homiladorlikning birinchi 3 oyligida qo‘llash mumkin emas. Dori vositasini butun homiladorlik davomida qo‘llash tavsiya etiladi. Xifenadinni ona sutiga o‘tishi haqidagi tadqiqotlar mavjud emas, shuning uchun emizish davrida dori vositasini buyurish tavsiya etilmaydi.
Transport vositalarini boshqarish qobiliyatiga ta'siri
Ishi tez jismoniy yoki ruhiy reaktsiyalarni talab etuvchi shaxslarga (transport haydovchilari va bosh.), dori vositasi sedativ ta'sir ko‘rsatishi haqida, taxminan tekshirish lozim (qisqa muddatli buyurish yo‘li bilan). Dori vositasining sedativ ta'siri namoyon bo‘luvchi shaxslarga, transport vositalarini va xavfli mexanizmlarni boshqarish tavsiya etilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborilishiga shubha tug‘ilganda darhol shifokorni chaqirish lozim.
Dozani oshirib yuborilishi haqidagi ma'lumotlar tushmagan.
Simptomlari: dori vositasining katta dozalari shilliq qavatlarni quritish, bosh og‘rig‘i, qusish, ovqat hazm bo‘lishini buzilishini chaqirishi mumkin.
Davolash: organizmning hayotiy muhim faoliyatlarini simptomatik va tutib turuvchi davolashni ta'minlash zarur. Maxsus antidoti yo‘q.

Chiqarilish shakli

15 tabletkadan polivinilxlorid plyonka va alyumin folgali kontur uyali o‘ramda.
1 yoki 2 kontur uyali o‘ram (15 yoki 30 tabletka) davlat va rus tillaridagi qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Namlik va yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

4 yil

Dorixonalardan berish tartibi

Shifokor retseptisiz beriladi.
Ishlab chiqaruvchi va qayd etish guvohnomasining egasi
“Olaynfarm” AJ
Manzili: Latviya, Olayne, LV-2114, Rupnitsu ko‘ch. 5.
O‘zbekiston Respublikasi hududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“Olaynfarm” AJ O‘zbekiston Respublikasidagi vakolatxonasi
100015, Toshkent sh., Oybek ko‘ch., 24 uy
Tel.: +99871 281 46 40