Loratal tab. №10

Tavsif

Preparatning savdo nomi

Loratal®
Ta'sir etuvchi modda (XPN): loratadin

Dori shakli

tabletkalar

Tarkibi

faol modda: loratadin 10 mg;
yordamchi moddalar: laktoza monogidrati, makkajo‘xori kraxmali, magniy stearati.

Ta'rifi

oq rangli, dumaloq shaklli, ikki tomoni bo‘rtib chiqqan, bir tomonida gravirovkali tabletkalar.

Farmakoterapevtik guruhi

Antiallergik vositalar.
ATX kodi: R06AX13

Farmakologik xususiyatlari

Loratadin N1-gistamin retseptorlarining blokatoridir. Ko‘rsatilgan turdagi periferik retseptorlarga nisbatan selektiv antagonizmi bilan tavsiflanadi. Allergiyaga qarshi, qichishishga qarshi va antiekssudativ ta'sirga ega. Kapillyarlar o‘tkazuvchanligini kamaytiradi, to‘qimalar shishini rivojlanishini oldini oladi. Preparat markaziy nerv tizimiga deyarli ta'sir etmaydi, uyquchanlik chaqirmaydi, sedativ va antixolinergik ta'sir ko‘rsatmaydi.

Farmakokinetikasi

Ichga qabul qilingandan keyin me'da-ichak yo‘llaridan yaxshi so‘riladi. Preparatning ta'siri qabul qilinganidan keyin 30 daqiqadan so‘ng boshlanadi va 24 soat davom etadi. Qon plazmasidagi maksimal kontsentratsiyasiga erishish vaqti 1,3 soatni tashkil etadi, uning faol metabolitining maksimal kontsentratsiyaga erishish vaqti - 2,5 soat. Loratadin jigarda biotransformatsiyaga uchraydi va bunda uning faol metaboliti - dezkarboetoksiloratadin hosil bo‘ladi. Loratadinning yarim chiqarilish davri 8,4 soatni, dezkarboetoksiloratadinniki esa - 28 soatni tashkil etadi. Dozaning taxminan 80 foizi metobolitlar ko‘rinishida teng miqdorda siydik va najas bilan 10 kun davomida chiqariladi. Dozaning taxminan 27 foizi birinchi sutka davomida siydik bilan chiqariladi. Ikki yoshdan 12 yoshgacha bo‘lgan bolalarda preparat 10 mg dozada qabul qilinganda loratadinning farmakokinetik profili kattalarniki bilan bir xil bo‘ladi.
Qo‘llash uchun ko‘rsatmalar
mavsumiy va yil davomida kuzatiladigan allergik rinit, kon'yunktivit;
eshakemi (shu jumladan surunkali idiopatik eshakemi);
Kvinke shishi;
gistamin ajralib chiqishi bilan bog‘liq psevdoallergik reaktsiyalar;
qichishuvchi dermatozlar;
hashorotlar chaqqandagi allergik reaktsiyalar;
turli etiologiyali qichishishlar.

Qo‘llash usuli va dozalari

Kattalarga va 12 yoshdan katta bolalarga preparatni tavsiya qilinadigan dozasi sutkada 1 marta 10 mg ni tashkil qiladi. Ikki yoshdan 12 yoshgacha bo‘lgan bolalarga tana vazni 30 kg gacha bo‘lganida tavsiya etiladigan doza sutkada 1 marta 5 mg, tana vazni 30 kg dan ortiq bo‘lsa, sutkada 1 marta 10 mg ni tashkil qiladi. Jigar faoliyatining buzilishi yoki buyrak yetishmovchiligi (kalava filtratsiyasi tezligi 1 daqiqada 30 ml dan kam) mavjud bemorlarga boshlang‘ich dozasi kunora 10 mg ni tashkil qiladi.
Nojo‘ya ta'sirlari
Ovqat hazm qilish tizimi tomonidan: og‘iz qurishi, ko‘ngil aynishi, gastrit; kam hollarda - jigar faoliyatining buzilishi kuzatilishi mumkin (ko‘proq kattalarda).
Markaziy nerv tizimi tomonidan: bosh og‘rig‘i, toliqish, uyquchanlik (ko‘proq kattalarda); kamdan-kam hollarda bolalarda - bosh og‘rig‘i, asabiylik yoki sedativ ta'sir.
Teri reaktsiyalari: kam hollarda - alopetsiya.
Allergik reaktsiyalar: teri toshmalari (ko‘proq kattalarda), kam hollarda - anafilaktik reaktsiyalar bo‘lishi mumkin.

Qo‘llash mumkin bo‘lmagan holatlar

Loratadin yoki preparatning har qanday boshqa bir komponentiga nisbatan yuqori sezuvchanlikda qo‘llash mumkin emas.
Homiladorlikda preparatni ona uchun kutilayotgan foyda homila uchun rivojlanishi mumkin bo‘lgan xavfdan ustun bo‘lganda qo‘llash mumkin. Loratadin va uning metoboliti ko‘krak sutiga oson o‘tadi, shuning uchun laktatsiya davrida qo‘llanilganda emizishni to‘xtatib turish kerak.
Dorilarning o‘zaro ta'siri
Preparatni eritromitsin, simetidin, ketokonazol bilan bir vaqtda qo‘llaganda loratadin va uning metabolitining qon plazmasidagi kontsentratsiyasi oshishi mumkin. Bu klinik ahamiyatga ega emas va EKG ga ta'sir ko‘rsatmaydi. Preparatni alkogol bilan qo‘llagandan keyin ruhiy-harakat faoliyat tekshirilganida, alkogolni loratadinga nisbatan rag‘batlantiruvchi ta'siri aniqlanmadi.
Preparatni sitoxrom R450 tizimi fermentlari ingibitorlari bilan birga qo‘llaganda ehtiyotkorlikka amal qilish lozim.

Maxsus ko‘rsatmalar

Tirishishlarni rivojlanishini, ayniqsa unga moil bemorlarda, to‘liq istisno etib bo‘lmaydi. Teri sinamalari natijalarni o‘zgarib ketishiga yo‘l qo‘ymaslik uchun, preparatni qabul qilishni teri sinamalarini o‘tkazishdan 48 soat oldin to‘xtatish kerak.
Preparatni bolalar ola olmaydigan joyda saqlash va uni yaroqlilik muddati o‘tgach ishlatmaslik lozim.

Dozani oshirib yuborilishi

Simptomlari: uyquchanlik, taxikardiya, bosh og‘rig‘i.
Davolash: dori vositasini qabul qilishni to‘xtatish, me'dani yuvish, faollashtirilgan ko‘mirni qabul qilish.

Chiqarilish shakli

«Loratal®», tabletkalar 10 mg dan, №10.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda.

Yaroqlilik muddati

5 yil.

Dorixonalardan berish tartibi

Retseptsiz.

Ishlab chiqaruvchi

MChJ "NOBEL PHARMSANOAT" CHEK
Dori vositasining sifati bo‘yicha iste'molchilarning fikr-mulohazalari, e'tirozlari va dori preparatining nojo‘ya ta'sirlari yoki samarasini yo‘qligi haqidagi xabarlarni quyidagi manzilga yuborish mumkin:
O‘zbekiston Respublikasi, Toshkent sh, Mirzo Ulug‘bek tumani, Qorasuvbo‘yi ko‘ch, 5 "A"
Tel: (99871) 265 90 99; Faks: (99871) 265 91 99; E-mail: pv@nobel.uz, www.nobel.uz