Alcetro 5 mg № 20

Tavsif

Preparatning savdo nomi

Altsetro
Ta'sir etuvchi modda (XPN): Levotsetirizin

Dori shakli

Qobiq bilan qoplangan tabletkalar

Tarkibi

bir tabletka quyidagilarni saqlaydi:
faol modda: levotsetirizin digidroxloridi – 5,0 mg;
yordamchi moddalar: makkajo‘xori kraxmali, mikrokristall sellyuloza, kalьtsiy ikki fosfati, povidon (K30), natriy kraxmal glikolyati, kolloid kremniy dioksidi, talьk, magniy stearati, laktoza;
qobiq tarkibi: talьk, gipromelloza, makrogol (6000), propilenglikolь, talьk, titan dioksidi.

Ta'rifi

dumaloq shaklli, oqdan deyarli oq rangligacha bo‘lgan, ikki tomoni qavariq silliq yuzali, qobiq bilan qoplangan tabletkalar.

Farmakoterapevtik guruhi

allergiyaga qarshi vosita - N1-gistamin retseptorlarini blokatori.
Kod ATX: R06AE09

Farmakologik xususiyatlari

Farmakodinamika

Levotsetirizin – bu setirizinning R-enantiomeri gistaminning raqobatli antagonisti guruhiga mansub bo‘lib N1-gistamin retseptorlarini bloklaydi. Levotsetirizini N1-gistamin retseptorlariga o‘xshashligi, setirizinga nisbatan 2 marotaba yuqori.
Levotsetirizin allergik reaktsiyalarning gistaminga bog‘liq bo‘lgan bosqichiga ta'sir ko‘rsatadi, shuningdek eozinofillarning migratsiyasini kamaytiradi, qon tomirlarning o‘tkazuvchanligini kamaytiradi, yallig‘lanish mediatorlarini ajralib chiqishini cheklaydi.
Levotsetirizin allergik reaktsiyalarni rivojlanishini oldini oladi va kechishini yengillashtiradi, antiekssudativ, qichishishga qarshi ta'sir ko‘rsatish xususiyatiga ega, antixolinergik va antiserotonin ta'sirlarni deyarli ko‘rsatmaydi. Terapevtik dozalarda deyarli sedativ ta'sir ko‘rsatmaydi.

Farmakokinetikasi

Levotsetirizinning farmakokinetik ko‘rsatkichlari to‘g‘ri proportsional tarzda o‘zgaradi va deyarli setirizinning farmakokinetikasidan farq qilmaydi.
So‘rilishi
Levotsetirizin ichga qabul qilgandan keyin me'da-ichak yo‘llaridan tez so‘riladi. Ovqat qabul qilish so‘rilish darajasiga ta'sir ko‘rsatmaydi, biroq uning tezligi kamayadi. Terapevtik dozalarda ichga bir marta qabul qilingandan keyin kattalarning qon plazmasida maksimal kontsentratsiyasiga (Smax) 0,9 soatdan keyin erishiladi va 207 ng/ml ni tashkil etadi, sutkada 5 mg dozada takroran qabul qilingandan keyin 308 ng/ml ni tashkil eiadi. Biokiraolishligi – 100% ni tashkil etadi.
Taqsimlanishi
Muvozanatli kontsentratsiyasiga (Css) 2 sutkadan so‘ng erishiladi. Levotsetirizinning plazma oqsillari bilan bog‘lanishi 90% ni tashkil etadi. Preparatni taqsimlanish xajmi (Vd) 0,4 l/kg ni tashkil etadi.
Metabolizmi
14% dan kamrog‘i jigarda N- va O-alkil guruhini ajralishi yo‘li orqali farmakologik nofaol metabolitni hosil bo‘lishi bilan (jigarda sitoxrom R450 tizimi izofermentlari ishtirokida metabolizmga uchrovchi boshqa gistamin H1-retseptorlari blokatorlaridan farqli ravishda) metabolizmga uchraydi. Past darajadagi metabolizm va metabolik potentsialning yo‘qligi tufayli, levotsetirizinning boshqa dori preparatlari bilan o‘zaro ta'sirga kirish ehtimoli kam.
Chiqarilishi
Kattalarda yarim chiqarilish davri (T1/2) 7,9±1,9 soatni tashkil etadi, umumiy klirensi minutiga 0,63 ml/ng ni tashkil etadi. Dozaning taxminan 85,4% kalavalar filьtratsiyasi va naychalar sekretsiya yo‘li bilan o‘zgarmagan holda buyraklar orqali chiqariladi; taxminan 12,9% ahlat bilan chiqariladi.
Maxsus klinik holatlardagi farmakokinetikasi
Buyrak yetishmovchiligi (kreatinin klirensi (KK) minutiga 40 ml dan kam) bo‘lgan patsiyentlarda levotsetirizinning klirensi kamayadi. T1/2 esa oshadi (gemodializda bo‘lgan patsiyentlarda, umumiy klirensi 80% ga kamayadi), bu dozalash tartibini muvofiq o‘zgartirishni talab etadi. Levotsetirizinning kamida 10% gemodializning standart 4 soatli muolojasi jarayonida chiqariladi.
Kichik yosh guruhidagi bolalarda T1/2 kamayadi.

Qo‘llanilishi

Allergik kasalliklar va holatlarni simptomatik davolash:
— yil davomidagi (vaqti vaqti bilan avj oluvchi) va mavsumiy (vaqti vaqti bilan kuzatiladigan) allergik rinit va allergik kon'yunktivit (qichishish, aksirish, rinoreya, ko‘z yoshlanishi, kon'yunktivalar giperemiyasi, burun bitishi);
— pollinoz (pichan isitmasi);
— eshakemi (jumladan, surunkali idiopatik eshakemi);
—Kvinke shishi;
— qichishish va toshmalar bilan birga kechuvchi boshqa allergik dermatozlar.
To‘g‘ri qo‘llash haqida ma'lumot

Qo‘llash usuli va dozalari

Har doim Altsetroni Sizning davolovchi shifokoringiz tavsiyalariga aniq qat'iy amal qilgan holda qo‘llang. Agar Siz nimadandir ikkilansangiz, o‘z shifokoringiz yoki farmatsevtdan so‘rang.
Qobiq bilan qoplangan tabletkalar butunligicha yutgan holda ovqatlanish vaqtida yoki och qoringa oz miqdordagi suv bilan holda ichga qabul qilinadi.
Kattalar va 6 yoshdan katta bolalar: sutkalik bir martalik doza 5 mg (1 tabletka) ni tashkil etadi
Levotsetirizin organizmdan buyraklar orqali chiqarilgani tufayli, preparatni qo‘llashda buyrak yetishmochiligi bo‘lgan patsiyentlarda va keksa yoshdagi patsiyentlarda KK ko‘rsatkichidan kelib chiqqan holda dozaga tuzatish kiritish kerak.
KKni zardob kreatinini kontsentratsiyasidan kelib chiqqan holda, quyidagi formula bo‘yicha hisoblash mumkin:
- erkaklar uchun: KK (ml/minutiga) = [140 - yosh (yil)] × tana vazni (kg)/72 × zardob kreatinini (mg/dl);
- ayollar uchun: KK (ml/minutiga) = [140 - yosh (yil)] × tana vazni (kg)/72 × zardob kreatinini (mg/dl) × 0.85.
Buyrak funktsiyasining yengil buzilishi (kreatinin klirensi minutiga 50-79 ml/) bo‘lgan patsiyentlarga dozaga tuzatish kiritish talab etilmaydi.
O‘rtacha og‘irlikdagi buyrak yetishmovchiligi bo‘lgan patsiyentlarga (kreatinin klirensi 30 dan 49 ml/minutigacha) tavsiya qilingan doza – kunora 5 mg.
Og‘ir buyrak yetishmovchiligi bo‘lgan patsiyentlarga (kreatinin klirensi minutiga 30 ml/kam) tavsiya qilingan doza 5 mg har 3 kunda 1 marta tashkid etadi.
Terminal bosqichdagi patsiyentlarga (gemodializda bo‘lgan patsiyentlar, kreatinin klirensi minutiga 10 ml/ kam) preparatni qabul qilish mumkin emas.
Buyrak va jigar yetishmovchiligi bo‘lgan patsiyentlarga dozalash yuqorida ko‘rsatilgan sxema bo‘yicha amalga oshiriladi.
Faqat jigar funktsiyasi buzilgan patsiyentlarga dozalash tartibiga tuzatish kiritish talab qilinmaydi.
Qo‘llash davomiyligi ko‘rsatmalarga bog‘liq.
Mavsumiy (vaqti vaqti bilan kuzatiladigan) rinitni davolashda (haftasiga 4 kundan kamroq simptomlar mavjud bo‘lsa yoki ularning umumiy davomiyligi 4 haftadan kamroq bo‘lsa) davolash davomiyligi simptomatikaning cho‘zilishiga bog‘liq; simptomlar yo‘qolganda davolash to‘xtatilishi va simptomlar paydo bo‘lganda esa qaytadan o‘tkazilishi mumkin.
Yil davomidagi (vaqti vaqti bilan avj oluvchi) allergik rinitni davolashda (haftasiga 4 kundan ko‘proq simptomlar mavjud bo‘lsa va ularning umumiy davomiyligi 4 haftadan ko‘proq bo‘lsa), davolash allergenlar ta'sirining to‘liq davri davomida davom ettirilishi mumkin.
Surunkali kasalliklarda (yil davomidagi rinit, atopik dermatit) davolash davomiyligi 18 oygacha cho‘zilishi mumkin.
Agar Siz Altsetro preparatini qabul qilishni unutib qo‘ygan bo‘lsangiz, o‘tkazib yuborilgan dozaning o‘rnini bosish uchun ikka karra dozani qabul qilmang, odatiy vaqtda keyingi dozani qabul qiling.
Nojo‘ya ta'sirlari
Har qanday dori preparati kabi, Altsetro ham, har bir iste'molchida kuzatilmasada, nojo‘ya reaktsiyalar chaqirishi mumkin.
Nojo‘ya samaralarning rivojlanishi tez-tezligi Jaxon Sog‘liqni Saqlash Tashkilotining tavsiyalari asosida tasniflangan: juda tez-tez - kamida 10%, tez-tez – kamida 1%, ammo 10% dan kam; tez-tez emas – kamida 0,1%, ammo 1% dan kam; kamida 0,01%, ammo 0,1% dan kam; juda kam – kamida 0,01%, jumladan yakka holatlar.
Alohida holatlarda quyidagi nojo‘ya reaktsiyalar ehtimoli bor:
— immun tizimi tomonidan: juda kam hollarda– o‘ta yuqori sezuvchanlik reaktsiyalari, jumladan anafilaksiya;
— metabolizm va ovqatlanishning buzilishlari tomonidan: juda kam hollarda – ishtahaning oshishi;
— ruxiyat tomonidan: xavotirlik, tajovuzkorlik, qo‘zg‘alish, uyqusizlik, gallyutsinatsiyalar, depressiya, suiqasd fikrlar.
— markaziy nerv tizimi tomonidan: tez-tez emas – bosh og‘rig‘i, toliqish, uyquchanlik; kam hollarda - asteniya; juda kam hollarda- tajovuzkorlik, qo‘zg‘alish, tirishishlar, miyaning qattiq qobig‘i sinuslari trombozi, paresteziya, bosh aylanishi, xushdan ketish, tremor, disgevziya;
— eshitish tomonidan: juda kam hollarda – Vertigo;
— ko‘rish a'zosi tomonidan: juda kam hollarda– ko‘rishning buzilishi, ko‘rishning noaniqligi, yallig‘lanish ko‘rinishlari;
— yurak-qon tomir tizimi tomonidan: juda kam hollarda – stenokardiya, taxikardiya, yurak urishini xis etish, bo‘yinturuq venalar trombozi;
— nafas tizimi tomonidan: juda kam hollarda – dispnoe, hansirash, rinit simptomlarining kuchayishi;
— ovqat hazm qilish tizimi tomonidan: tez-tez emas – og‘iz qurishi; kam hollarda – qorin og‘rig‘i; juda kam hollarda - ko‘ngil aynishi, diareya, qusish;
— gepatobiliar buzilishlar: juda kam – hollarda gepatit, jigar funktsional sinamalarining o‘zgarishi;
— buyrak va siydik chiqarish tizimi tomonidan: dizuriya, siydik tutilishi;
— teri va yumshoq to‘qimalar tomonidan: juda kam hollarda– angionevrotik shish, turg‘un dori eritemasi, toshma, qichishish, eshakemi, gipotrixoz, yoriqlar, fotosensibilizatsiya;
— suyak-mushak tizimi tomonidan: juda kam hollarda– mialgiya;
— umumiy buzilishlar: juda kam hollarda– periferik shishlar, tana vaznining oshishi;
— boshqalar: kesishgan reaktivlik.
Agar Sizda ushbu yo‘riqnomada ta'riflanmagan har qanday boshqa nojo‘ya reaktsiyalar qayd etilsa, iltimos, O‘zingizning shifokoringizga, farmatsevtingizga yoki ishlab chiqaruvchiga xabar bering.
Dori vositasini qo‘llashni boshlashdan oldin zarur bo‘lgan ma'lumot

Qo‘llash mumkin bo‘lmagan holatlar

Altsetro preparatini quyidagi holatlarda:
- levotsetirizin yoki piperazin hosilalariga, shuningdek preparatning boshqa komponentlariga yuqori sezuvchanlik;
- buyrak yetishmovchiligining terminal bosiqichida (kreatinin klirensi< 10 ml/minutiga);
- 6 yoshgacha bo‘lgan bolalar (ushbu dori shakli uchun);
- laktozani o‘zlashtiraolmaslik, laktaza tanqisligi, glyukozo-galaktoza kam so‘rilishi;
- homiladorlik va laktatsiya davri qo‘llash mumkin emas.
Surunkali buyrak yetishmovchiligida (dozalash tartibiga tuzatish kiritish lozim); keksa yoshdagi patsiyentlarda (kalavali filьtratsiyaning yoshga bog‘liq pasayishi); orqa miya shikastlanishi, prostata bezining giperplaziyasi, shuningdek siydik tutilishiga boshqa moyillik omillari bo‘lgan patsiyentlarda; chunki levotsetirizin siydik tutilishi xavfini oshirishi mumkin; alkogolь bilan bir vaqtda qabul qilinganda ehtiyotkorlik bilan qo‘llanilsin (“Dorilarning o‘aro ta'siri” bo‘limiga qarang).
Dorilarning o‘zaro ta'siri
Agar Siz boshqa preparatlarni qabul qilayotgan bo‘lsangiz yoki biroz oldin qabul qilgan bo‘lsangiz, ular retseptsiz beriladigan bo‘lsa ham, iltimos, o‘zingizning shifokoringizga yoki farmatsevtingizga xabar bering.
Levotsetirizinning boshqa dori preparatlari bilan o‘zaro ta'siri bo‘yicha izlanishlar o‘tkazilmagan. Levotsetirizinning fenazon, psevdoefedrin, simetidin, ketokonazol, eritromitsin, azitromitsin, glipizid va diazepam bilan o‘zaro ta'siri o‘rganilganda, klinik ahamiyatga ega o‘zaro ta'siri aniqlanmagan. Teofillin (400 mg/sutka) bilan bir vaqtda qo‘llanganda, levotsetirizinning umumiy klirensi 16% ga pasayadi, teofillinning farmakokinetik ko‘rsatkichlari o‘zgarmaydi.
Ritanovir (600 mg, kuniga 2 marta) va setirizin (kuniga 10 mg) ni bir vaqtda qabul qilish bo‘yicha tadqiqotda shu ko‘rsatib berilganki, setirizin ekspoziyasi 40% ga ortgan, ritanovir ekspoziyasi esa ahamiyatsiz ravishda o‘zgargan (-11%).
Levotsetirizinni etanol yoki markaziy nerv tizimiga (MNT) susaytiruvchi ta'sir ko‘rsatuvchi dori preparatlari bilan bir vaqtda qo‘llashning bir qancha hollarida, ularni MNT ga ta'siri kuchayishi mumkin, biroq levotsetirizin etanolning samarasini kuchaytirmasligi isbotlangan.

Maxsus ko‘rsatmalar

Tavsiya etilgan sutkalik dozani oshirmaslik lozim.
Levotsetirizin bilan davolash vaqtida alkogolni istemol qilish tavsiya etilmasligi haqida patsiyentni ogohlantirish lozim.
Tabletkalarda laktoza saqlanganligi tufayli, ushbu preparatni galaktozemiya, glyukoza yoki galaktoza so‘rilishining buzilishi yoki laktaza tanqisligida (moddalar almashinuvining kam uchraydigan buzilishlari) qo‘llash mumkin emas.
Jigar funktsiyasi buzilishlarida qo‘llanilishi
Jigar yetishmovchiligi bo‘lgan patsiyentlarga dozaga tuzatish kiritish talab qilinmaydi.
Buyrak funktsiyasi buzilishlarida qo‘llanilishi
Buyrak yetishmovchiligining terminal bosqichida (KK minutiga 10 ml dan kam) qo‘llash mumkin emas.
Surunkali buyrak yetishmovchiligi bo‘lgan patsiyentlarga, KK 49-30 ml/minutiga doza 2 barobar kamaytiriladi (1 tabletkadan har 2 kunda 1 marta), KK 29-10 ml/minutiga 3 barobar kamaytiriladi (1 tabletkadan har 3 kunda 1 marta).
Homiladorlik va laktatsiya davrida qo‘llanishi
Agar Siz Altsetroni qabul qilayotgan vaqtda homilador ekanligingizni aniqlasangiz, bu haqda zudlik bilan O‘z shifokoringizga xabar bering, faqat u davolashni davom ettirishni xal qiladi.
Levotsetirizinni homilador ayollarda qo‘llanilishi haqidagi klinik ma'lumotlar yetarli emas, shuning uchun Altsetro preparatini homiladorlikda qo‘llash mumkin emas. Levotsetirizin ko‘krak sutiga ajraladi. Altsetro preparatini qo‘llash zarurati bo‘lganida emizishni to‘xtatish lozim.
Pediatriyada qo‘llanilishi
6 yoshgacha bo‘lgan bolalarda qo‘llash mumkin emas.
Avtotransportni xaydash va mexanizmlarni boshqarish qobiliyatiga ta'siri
Levotsetirizin uyquchanlikning oshishiga olib kelishi mumkin, Altsetro preparati avtomobilьni boshqarish yoki texnika bilan ishlashga ta'sir ko‘rsatishi mumkin. Davolanish davrida yuqori darajada diqqatni jamlash va psixomotor reaktsiyalar tezligini talab qiluvchi potentsial xavfli faoliyati turlari bilan shug‘ullanishdan chetlanib turish kerak.

Dozani oshirib yuborilishi

Sizga buyurilgan dozadan yuqoriroq doza qabul qilinganida darhol shifokorga murojaat qiling!
Simptomlari: uyquchanlik (kattalarda), qo‘zg‘aluvchanlik va xavotirlik, uyquchanlikka almashinuvchi (bolalarda).
Davolash: preparatni qabul qilgandan keyin, darhol me'dani yuvish yoki sun'iy qusishni chaqirish kerak. Faollashtirilgan ko‘mirni qo‘llash, simptomatik va tutib turuvchi davolash tavsiya etiladi. Mahsus antidoti yo‘q. Gemodializ samarasiz.

Chiqarilish shakli

Qobiq bilan qoplangan tabletkalar, 5 mg. 10 tabletkadan kontur uyali o‘ramda.
1,2,3,4 yoki 5 kontur uyali o‘ramlar tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

Preparat quruq, yorug‘likdan himoyalangan va bolalar ololmaydigan joyda, 25°C dan yuqori bo‘lmagan haroratda saqlansin.

Yaroqlilik muddati

3 yil.
Preparat yaroqlilik muddati o‘tganidan so‘ng qo‘llanilmasin.

Dorixonalardan berish tartibi

Retseptsiz.