Preparatning savdo nomi
Emoksi-Optik
Ta'sir etuvchi modda (XPN) metiletilpiridinol

Dori shakli
ko‘z tomchilari

Tarkibi

1 ml eritma quyidagilarni saqlaydi
faol modda metiletilpiridinol gidroxloridi – 10 mg;
yordamchi moddalar natriy sulfiti (suvsiz natriysulfiti), natriy benzoati, kaliy digidrofosfati, natriy gidrofosfat dodekagidrati, metiltsellyuloza, in'ektsiya uchun suv.
Ta'rifi rangsiz yoki kuchsiz bo‘yalgan biroz tovlanuvchi suyuqlik.

Farmakoterapevtik guruhi
antioksidant vosita.
ATX kodi S05SX.

Farmakologik ta'siri
Antioksidant (xujayra membranalari lipidlarining perekisli oksidlanishiga to‘sqinlik qiluvchi dori vositasi), angioprotektor (tomirlarning chidamliligini oshiruvchi), antiagregatsion (trombotsitlarning yopishishiga to‘sqinlik qiluvchi) va antigipoksik (to‘qimalarni kislorodning yetishmovchiligiga chidamliligini oshiruvchi) faollikka ega.
Kapilyarlarning o‘tkazuvchanligini kamaytiradi va tomirlar devorini mustahkamlaydi (angioprotektor). Qonning qovushqoqligini va trombotsitlarning agregatsiyasini kamaytiradi (antiagregant). Erkin radikalli jarayonlarning ingibitori, membranalarni mustahkamlovchi ta'sirga ega.
Retinoprotektor xususiyatlarga ega, to‘r parda va ko‘zning boshqa to‘qimalarni yuqori jadallikdagi yorug‘likning shikastlovchi ta'siridan himoya qiladi. Ko‘z ichki qon quyilishlarining so‘rilishiga yordam beradi, qonning ivuvchanligini pasaytiradi, ko‘zning mikrotsirkulyatsiyasini yaxshilaydi. Shox pardadagi reparativ jarayonlarini (shu jumladan erta operatsiyadan keyingi va jarohatdan keyingi davrda) rag‘batlantiradi.

Farmakokinetikasi

A'zolar va to‘qimalarga tez kiradi, u yerda uning to‘planishi va metabolizmi yuz beradi.
Ko‘z to‘qimalaridagi kontsentratsiyasi qondagiga qaraganda yuqori.
Almashinuvining alkil guruhini ajralgan va kon'yugatsiya qilingan mahsulotlari bo‘lgan 5 metaboliti aniqlangan. Metabolitlari buyrak orqali chiqariladi. 2-etil-6-metil-3-oksipiridin-fosfat ahamiyatli miqdori jigarda aniqlanadi.


Qo‘llanilishi

Kattalarda quyidagi kasalliklarda va holatlarda qo‘llanadi
-ko‘zning old kamerasiga qon quyilishi (davolash);
-keksa yoshdagi shaxslarda skleraga qon quyilishi (davolash va oldini olish);
-shox pardaning yallig‘lanishi va kuyishlari (davolash va oldini olish);
-uzoqni ko‘raolmaslikdagi asoratlar (davolash);
-shox pardani himoya qilish (kontakt linzalar taqqanda).


Qo‘llash usuli va dozalari

Preparat kon'yunktiva bo‘shlig‘iga 1-2 tomchidan kuniga 2-3 marta tomiziladi. Davolash kursi 3-30 kun. Zarurati bo‘lganida va yaxshi o‘zlashtirilganida davolash kursi 6 oygacha davom ettirilishi va 1 yilda 2-3 marta takrorlanishi mumkin.

Nojo‘ya ta'sirlari
Achishishni his qilish, qichishish, kon'yunktivani qisqa muddatli giperemiyasi, kam hollarda – mahalliy allergik reaktsiyalar.


Qo‘llash mumkin bo‘lmagan holatlar

O‘ta yuqori sezuvchanlik. Homiladorlik. Laktatsiya davri (emizish), 18 yoshgacha bo‘lgan bolalar.

Dorilarning o‘zaro ta'siri
Preparatni boshqa dori vositalar bilan aralashtirish mumkin emas.


Maxsus ko‘rsatmalar

Boshqa ko‘z tomchilarini bir vaqtda qo‘llashning zarurati bo‘lganida preparatni oxirgi bo‘lib, avvalgi tomchilar to‘liq so‘rilganidan keyin (kamida 10-15 minutdan keyin) tomiziladi.
Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanmasin.


Dozani oshirib yuborilishi

Aniqlanmagan.


Chiqarilish shakli

Ko‘z tomchilari 1%.
5 yoki 10 ml dan rangsiz shisha flakonlarda.
5 ml yoki 10 ml dan uchlik-dozator va plastik buraluvchi qopqoqchali flakonlarda.
1 plastik flakon qo‘llash bo‘yicha yo‘riqnomasi bilan birga karton qutiga joylangan.
1 shisha flakon qo‘llash bo‘yicha yo‘riqnomasi va qopqoq-tomchilagich bilan birga yoki qopqoq-tomchilagichsiz karton qutiga joylanadi.


Yaroqlilik muddati

2 yil. Flakon ochilganidan keyin 1 oy davomida ishlatilsin.


Saqlash sharoiti

Yorug‘likdan himoyalangan joyda, 25oS dan yuqori bo‘lmagan haroratda.


Dorixonalardan berish tartibi

Retsept bo‘yicha beriladi.


Ishlab chiqaruvchi
/e'tirozlarni qabul qiluvchi tashkilot
”Aktsionernoye Kurganskoye obщestvo meditsinskix preparatov i izdeliy “Sintez” ochiq aktsionerlik jamiyati (“Sintez” OAJ).
Rossiya Federatsiyasi, 640008, Kurgan sh., Konstitutsiya prospekti, 7
Tel./faks (3522) 48-16-89
e/mail real@kurgansintez.ru

Ishlab chiqaruvchi
korxonaing internet-sayti http/www/kurgansintez.ru