Preparatning savdo nomi
Furadonin
Ta'sir etuvchi modda (XPN) nitrofurantoin (nitrofurantoin)

Dori shakli
tabletkalar

Tarkibi

1 tabletka quyidagilarni saqlaydi
faol modda nitrofurantoin 50 mg yoki 100 mg;
yordamchi moddalar kartoshka kraxmali, suvsiz kolloid kremniy dioksidi, kaltsiy stearati.
Ta'rifi sariq yoki ko‘kimtir-sariq rangli, yassitsilindrik, faskali tabletkalar.

Farmakoterapevtik guruhi
Tizimli qo‘llash uchun antibakterial vosita. Nitrofuran hosilasi.
ATX kodi J01XE01


Qo‘llanilishi

sezgir mikroorganizmlar tomonidan chaqirilgan, siydik-chiqarish yo‘llarining asoratlanmagan infektsiyalari (tsistit, uretrit, piyelit, piyelonefrit).
urologik operatsiyalarda va tekshirishlarda infektsiyalarni oldini olish (tsistoskopiya, kateterizatsiya) uchunqo‘llaniladi.


Qo‘llash usuli va dozalari

Preparat ichga ovqatlanish vaqtida ko‘p miqdordagi suv bilan ichib qabul qilinadi.
Katta patsiyentlar
Siydik chiqarish yo‘llarining o‘tkir asoratlanmagan infektsiyalari 50 mg kuniga to‘rt marta yetti kun davomida. Og‘ir takroriy infektsiya 100 mg kuniga to‘rt marta yetti kun davomida buyuriladi.
Uzoq muddatli samarani bir maromda saqlab turuvchi davolash 50 mg – 100 mg kuniga bir marta.
Profilaktika urologik operatsiyalar va tekshirishlarda bir kun oldin va ulardan 3 kun keyin 50 mg dan kuniga to‘rt marta buyuriladi.
6 yoshdan oshgan bolalar
Siydik chiqarish yo‘llarining o‘tkir asoratlanmagan infektsiyalari sutkada 3 mg/kg to‘rt marta qabul qilish uchun yetti kun davomida. Samarani bir maromda saqlab turuvchi davolash 1 mg/kg kuniga bir marta buyuriladi.
Tana vazni 25 kg dan kam bolalar uchun suspenziya ko‘rinishidagi dori vositasini qo‘llash tavsiya qilinadi.

Nojo‘ya ta'sirlari
Me'da-ichak yo‘llari tomonidan ko‘ngil aynishi, qusish, ishtahani yo‘qolishi, qorinda og‘riq, diareya, pankreatit, soxtamembranoz kolit.
Jigarva safro chiqarish yo‘llari tomonidan xolestatik sariqlik, xolestatik sindrom, surunkali faol gepatit (ba'zi hollarda letal holat bilan, odatda uzoq muddat davolanganda). Gepatotoksik simptomlar paydo bo‘lganida preparatni qabul qilishni darhol to‘xtatish zarur.
Nerv tizimi tomonidan bosh og‘rig‘i, uyquchanlik, bosh aylanishi, depressiya, eyforiya, nistagm, ongni chalkashuvi, ruhiy reaktsiyalar, bosh miya ichki gipertenziyasi. Kam hollarda sensor va motor buzilishlar bilan kechuvchi jiddiy va hatto qaytmas periferik neyropatiya (shu jumladan ko‘rish nervini shikastlanishi). Eslatib o‘tilgan simptomlarda preparatni qabul qilishni to‘xtatish zarur.
Nafas tizimi tomonidan to‘satdan isitmani paydo bo‘lishi, eozinofiliya, yo‘tal, ko‘krakda og‘riq, xansirash, o‘pka infiltratini shakllanishi, bo‘shlig‘ida suyuqlikni to‘planishi bilan xarakterlanadigan o‘pkaning o‘tkir reaktsiyalari (odatda davolashning birinchi haftasida rivojlanadi va preparatni bekor qilgandan so‘ng qaytuvchandir).
6 oy va undan ortiq vaqt davomida uzoq muddat davolangan patsiyentlarda, surunkali o‘pka reaktsiyalari kam uchraydi, ko‘proq keksa yoshli patsiyentlarda uchraydi.Yaqqollik darajasi birinchi klinik simptomlardan keyin davolashni davomiyligiga bog‘liq bo‘ladi. EKG da o‘pka reaktsiyalariga bog‘liq bo‘lgan o‘zgarishlar bo‘lishi mumkin, kam hollarda – sianoz, kollaps. O‘pka faoliyatini buzilishi qaytmas bo‘lishi mumkin.
Nafas tizimi tomonidan birinchi belgilar paydo bo‘lganida preparatni qabul qilishni to‘xtatish lozim.
Teri va teri osti kletchatkasi tomonidan yuqori sezuvchanlik reaktsiyalari – teri toshmalari, makulopapulyoz toshma, eshakemi, qichishish, ayrim hollarda angionevrotik shish, anafilaksiya, so‘lak bezlarini yallig‘lanishi, ekzema. Eksfoliativ dermatit, ko‘p shaklli eritema (shu jumladan Stivens-Djonson sindromi), yuguriksimon sindrom.
Qon yaratish va limfatik tizim tomonidan leykopeniya, granulotsitopeniya yokiagranulotsitoz, trombotsitopeniya, megablastik anemiya, aplastik anemiya, glyukozo-6-fosfat degidrogenaza tanqisligi bo‘lgan patsiyentlardagemolitik anemiya.
Suyak-mushak tizimi tomonidan artralgiya.
Boshqalar qaytuvchan alopetsiya, superinfektsiya (ko‘pincha ko‘kyiring tayoqchasi yoki zamburug‘lar chaqirgan), siydikni to‘q-sariq yoki jigarrangga bo‘yalishi kuzatilishi mumkin.






Qo‘llash mumkin bo‘lmagan holatlar

nitrofurantoinga yoki nitrofuranlarga yuqori sezuvchanlik;
buyrak faoliyatini yaqqol buzilishlari, buyrak yetishmovchiligi, oliguriya (kreatinin klirensi minutiga 60 ml dan kam);
6 yoshgacha bo‘lgan bolalar, homiladorlik va eritrotsitlarning ferment tizimlarini yetuk emasligi sababli homilada yoki yangi tug‘ilgan chaqaloqda gemolitik anemiya tufayli emizish davri;
jigar sirrozi, surunkali gepatit;
surunkali yurak yetishmovchiligi, (NYHA bo‘yicha III-IV sinfi);
glyukoza-6-fosfatdegidrogenaza yetishmovchiligi;
o‘tkir porfiriyada qo‘llash mumkin emas.

Dorilarning o‘zaro ta'siri
Furadoninni so‘rilishi, ovqat bilan birga yoki me'dani bo‘shashini tutilishini chaqiruvchi dori vositalari bilan birga qabul qilinganida oshadi.
Magniy trisilikati furadoninni so‘rilishini kamaytiradi.
Probenetsid va sulfinpirazon furadoninning buyrak orqali ekskretsiyasini kamaytiradi.
Karboangidraza ingibitori va siydikning ishqoriy reaktsiyasini chaqiruvchi vositalar furadoninning antibakterial faolligini kamaytiradi.
Furadonin va ftorxinolonlar guruhiga mansub mikroblarga qarshi vositalar antibakterial antagonistlardir.
Furadonin ichak florasini susaytirishi mumkin, bu estragenlarni so‘rilishi va estrogenlarni saqlovchi kontratseptivlarning samaradorligini pasayishiga olib keladi. Patsiyent ayollarga nogormonal kontratseptsiya usullarini qo‘llash tavsiya qilinadi.
Furadonin tifga qarshi peroral vaktsinani faolsizlantirishi mumkin.


Maxsus ko‘rsatmalar

Preparatni qabul qilish periferik neyropatiyaning birinchi belgilari (paresteziyalarni paydo bo‘lishi) borligida to‘xtatilishi kerak, chunki ushbu asoratni rivojlanishi hayot uchun xavfli bo‘lishi mumkin.
O‘pka, jigar faoliyatini buzilishlari, gematologik va nevrologik buzilishlarning tushuntirib bo‘lmaydigan simptomlari paydo bo‘lganida davolashni to‘xtatish kerak.
O‘pkani shikastlanishi belgilari paydo bo‘lgan hollarda furadoninni qabul qilish darhol to‘xtatilishi kerak. Furadonin bilan uzoq muddat davomida davolanayotgan, ayniqsa keksa yoshli patsiyentlarda o‘pka faoliyatini sinchkov monitoringini o‘tkazish kerak.
Gepatitni rivojlanish belgilarini aniqlash maqsadida furadonin bilan uzoq muddat davomida davolanayotgan patsiyentlarni sinchkov monitoringini o‘tkazish kerak.
Furadonin qabul qilinganidan keyin siydik sariq yoki jigarrangga bo‘yalishi mumkin. Furadoninni qabul qilayotgan patsiyentlarda siydikda glyukoza miqdorini aniqlashda soxta musbat reaktsiyalar kuzatilishi mumkin.
Glyukoza-6-fosfat degidrogenaza yetishmovchiligiga gumon qilingan patsiyentlarda gemoliz belgilari paydo bo‘lganida furadoninni qabul qilish to‘xtatilishi kerak.
Me'da-ichak yo‘llari tomonidan reaktsiyalar preparat ovqat, sut bilan qabul qilinganida yoki doza pasaytirilganida minimumga yetkazilishi mumkin.
Uzoq muddat davomida davolashda zamburug‘lar yoki sezgir bo‘lmagan mikroorganizmlar tomonidan chaqirilgan superinfektsiya rivojlanishi mumkin.
Buyrak faoliyati buzilganda (kreatinin klirensi minutiga 60-90 ml), glyukozo-6-fosfatdegidrogenaza yoki eritrotsitlarning boshqa fermentlari tanqisligiga shubha bo‘lgan patsiyentlarda, holsizlangan patsiyentlarda, allergiyasi bor, jigar, o‘pkapatologiyalari, nevrologik buzilishlari mavjud shaxslarda nitrofurantoinni ehtiyotkorlik bilan qo‘llash lozim.
Homiladorlik va laktatsiya. Furadoninni homiladorlik vaqtida qo‘llash mumkin emas. Laktatsiya davrida uni qo‘llashning zarurati bo‘lganida butun davolash davri davomida bolani ko‘krakdan ajratish lozim.
Pediatriyada ishlatilishi. 6 yoshgacha bo‘lgan bolalarda qo‘llash tavsiya etilmaydi.
Qandli diabeti, anemiyasi, elektrolit buzilishlari, V vitamini guruhi tanqisligi bo‘lgan shaxslarga buyurishda ehtiyotkorlikka rioya qilish kerak, chunki preparatning neyrotoksik ta'siri kuchayishi mumkin.
Furadoninni buyrakning po‘stloq moddasi kasalliklarini (glomerulonefritlar), yiringli paranefritni va prostatitni davolash uchun qo‘llash mumkin emas. Ayniqsa bir faoliyat ko‘rsatmaydigan buyrakning parenximatoz infektsiyasini davolash uchun qo‘llanmaydi. Qaytalanuvchi yoki og‘ir infektsiyalarda, jarrohlik aralashuvi bilan bog‘liq sabablar istisno qilinishi kerak.
Avtotransportni boshqarish va harakatlanuvchi mexanizmlar bilan ishlash qobiliyatiga ta'siri. Furadonin bosh aylanishi va uyquchanlikni chaqirishi mumkin. Dori vositasini qabul qilish vaqtida patsiyent avtomobilni boshqarmasligi yoki harakatlanuvchi mexanizmlar bilan ishlamasligi kerak.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.




Dozani oshirib yuborilishi

Simptomlari yuqori dozada yuborilganida bosh aylanishi, ko‘ngil aynishi, qusish paydo bo‘lishi mumkin.
Davolash preparatni bekor qilish, preparatni siydik bilan chiqarilishini oshirish uchun ko‘p miqdorda suyuqlik qabul qilish, gemodializ, simptomatik davolash. Maxsus antidoti yo‘q.
Dozani oshirib yuborilishning belgilari paydo bo‘lganida, preparatni qabul qilishni to‘xtatish va tezda shifokorga murojaat qilish kerak.


Chiqarilish shakli

10 tabletkadan kontur uyasiz va kontur uyali o‘ramda. 1 yoki 2 kontur uyali o‘ramlar ilova-varaqasi bilan birga karton qutiga joylangan.


Saqlash sharoiti

Yorug‘likdan va namlikdan himoyalangan joyda, 25oS dan yuqori bo‘lmagan haroratda.


Yaroqlilik muddati

4 yil.


Dorixonalardan berish tartibi

Retsept bo‘yicha.


Ishlab chiqaruvchi

«Borisovskiy zavod meditsinskix preparatov» ochiq aktsionerlik jamiyati,
Belarus Respublikasi, Minsk vil., Borisov sh., Chapayev ko‘ch. 64,
tel/faks +375(177) 735612