Preparatning savdo nomi
Yuniksim
Ta'sir etuvchi modda (XPN) Sefiksim trigidrati.

Dori shakli
Ichga qabul qilish uchun suspenziya tayyorlash uchun kukun.

Tarkibi

5 ml suspenziya quyidagilarni saqlaydi
faol modda – sefiksim trigidrati (suvsiz sefiksimga ekvivalent) – 100,0 mg.
yordamchi moddalar kolloid kremniy dioksidi, natriy benzoati, natriy karmelloza, limon kislotasi monogidrati, hushbo‘y, saxaroza.
Ta'rifi Sarg‘ish tusli oq rangli mayda dispersli kukun, suvda eritilganidan keyin och sariq rangli suspenziya.

Farmakoterapevtik guruhi
Antibiotik (3 avlod sefalosporinlar guruhi).
Kod ATX J01DA23


Farmakologik xususiyatlari

Sefiksim – parenteral qo‘llash uchun III avlod sefalosporin antibiotigidir. Bakteritsid ta'sir ko‘rsatadi (mikroorganizmlarning xujayra devori sintezini buzadi). Turli aerob va anaerob grammusbat va grammanfiy mikroorganizmlar, shu jumladan Pseudomonas aeruginosa ni o‘z ichiga oluvchi keng ta'sir doirasiga ega. Grammusbat ham, grammanfiy ham mikroorganizmlarning beta-laktamazalariga chidamli.
Streptococcus pneumonia, Streptococcus pyogenes, Streptococcus agalactiae, Haemophilus influenzae, Haemophilus parainfluenzae, Moraxella catarrhalis (shu jumladan beta-laktamaza ishlab chiqaruvchi shtammlari), Escherichia coli, Proteusmirabilis, Proteus vulgaris, Neisseriagonorrhoeae, Klebsiella pneumoniae, Klebsiella oxytoca, Pasteurella multocida, Providenciaspp., Salmonella spp., Shigella spp., Citrobacter spp. (shu jumladan Citrobacter diversus), Serratia marcescens. Pseudomonas spp., Acinetobacter spp., Streptococcus,Enterococcus spp. (metitsillinga chidamli shtammlari), Listeria monocytogenes, Bacteroidesfragilis ga nisbatan juda faol, Staphylococcus,Enterobacter Clostridium ning ko‘pchilik shtammlari sefiksimga chidamli.


Farmakokinetikasi

Sefiksim ichga qabul qilinganidan keyin 40-50% so‘riladi (ovqatlanishdan qat'iy nazar), ammo ovqat bilan qabul qilinganda maksimal kontsentratsiyasiga erishish vaqti taxminan 0,8 soatga oshadi. Qon plazmasidagi maksimal kontsentratsiyasi Smax ga 2-6 soatdan keyin erishiladi. Qon plazmasidagi oqsillar bilan bog‘lanishi taxminan 65% ni tashkil etadi. Keksa patsiyentlarda boshqa katta patsiyentlarga nisbatan muvozanat holatidagi AUC farmakokinetik egri chizig‘i ostidagi maydonning o‘rtacha qiymatlari taxminan 40% ga yuqori. Taxminan 50% o‘zgarmagan ko‘rinishda siydik bilan 24 soat davomida chiqariladi. Plazmadan yarim chiqarilish davri T1/2 o‘rtacha 4 soatni tashkil etadi, lekin 9 soatgacha yetishi mumkin. Buyrak faoliyatini buzilishi bo‘lgan patsiyentlarda T1/2 – 6,4-11,5 soatni tashkil etadi.


Qo‘llanilishi

Preparatga sezgir mikroorganizmlar chaqirgan infektsion-yallig‘lanish kasalliklari
-nafas yo‘llari infektsiyalari (faringit, tonzillit, sinusit, otit)
-quyi nafas yo‘llari infektsiyalari (o‘tkir va surunkali bronxit, pnevmoniya)
-siydik chiqarish yo‘llari infektsiyalari (tsistit, piyelonefrit, simptomsiz bakteriuriya, asoratlanmagan gonoreya)
-me'da-ichak yo‘llari (dizenteriya, salmonellyoz, shigellyoz) va o‘t chiqaruvchi yo‘llar infektsiyalari
-teri va yumshoq to‘qimalar infektsiyalarida qo‘llanadi.


Qo‘llash usuli va dozalari

Dozasi infektsiyaning og‘irlik darajasiga qarab shaxsiy ravishda belgilanadi.
Ichga qabul qilish uchun buyuriladi, kattalar va tana vazni 50 kg dan ortiq bo‘lgan 12 yoshdan oshgan bolalarga sutkalik doza 400 mg (20 ml) dan sutkada 1 marta yoki 200 mg (10 ml) dan sutkada 2 martani tashkil etadi. 12 yoshgacha bo‘lgan bolalarga sutkada 8 mg/kg yoki har 12 soatda 4 mg/kg dan dozada suspenziya shaklida buyuriladi. 2 oylikdan 6 oylikkacha bo‘lgan bolalarga 1,25 ml-2,5 ml (1/4-1/2 choy qoshiq) dan suspenziya sutkada 1 marta buyuriladi. 6 oylikdan 2 yoshgacha bo‘lgan bolalarga 5 ml (1 choy qoshiq) dan suspenziya sutkada 1 marta buyuriladi. 2 yoshdan 6 yoshgacha bo‘lgan bolalarga odatda 5-10 ml (1-2 choy qoshiq) dan suspenziya sutkada 1 marta buyuriladi. 6 yoshdan 10 yoshgacha bo‘lgan bolalarga odatda 10 ml (2 choy qoshiq) dan suspenziya sutkada 1 marta buyuriladi. Yuniksim bilan davolash davomiyligi 5-14 kunni tashkil etadi.
Suspenziyani quruq moddaga hona haroratidagi qaynagan suv belgigacha qo‘shish va keyinchalik chayqatish yo‘li bilan tayyorlanadi.
Buyrak faolitiyani buzilishi bo‘lganida dozasi qonda kreatinin klirensining ko‘rsatkichlariga bog‘liq holda belgilanadi KK minutiga 21-60 ml bo‘lganida yoki gemodializda bo‘lgan patsiyentlarda sutkalik dozani 25% ga kamaytirish kerak; KK minutiga 20 ml va undan kam bo‘lganida yoki peritoneal dializda bo‘lgan patsiyentlarda sutkalik dozani 2 marta kamaytirish kerak.

Nojo‘ya ta'sirlari
Me'da-ichak yo‘llari tomonidan kam hollarda – diareya, dispepsiya bo‘lishi mumkin; ayrim hollarda – soxtamembranoz va gemorragik kolitlar.
Siydik chiqarish tizimi tomonidan kam hollarda – interstitsial nefrit rivojlanishi;
Qon yaratish a'zolari tomonidan kam hollarda – agranulotsitoz, trombotsitopeniya.
Allergik reaktsiyalar teri reaktsiyalari, asosan spetsifik makulopapulyoz toshma ko‘rinishida; kam hollarda – ko‘p shaklli eritema, Stivens-Djonson sindromi; ayrim hollarda – anafilaktik shok, angionevrotik shish.


Qo‘llash mumkin bo‘lmagan holatlar

Preparatning komponentlariga va beta-laktam antibiotiklar guruhining boshqa dori vositalariga shaxsiy yuqori sezuvchanlikda qo‘llash mumkin emas.
Preparatni anamnezida allergik diatez va pichan isitmasi bo‘lgan patsiyentlarga ehtiyotkorlik bilan buyurish kerak. Preparatni qusish bilan kechuvchi kasalligi bo‘lgan patsiyentlarga buyurish tavsiya etilmaydi, chunki bunday hollarda preparatning so‘rilishi buzilishi mumkin.

Dorilarning o‘zaro ta'siri
Sefiksim bir vaqtda qo‘llanilganida digoksinning so‘rilishini oshiradi, digoksin bilan davolanayotgan patsiyentlarda Yuniksim preparatini qo‘llash zarurati bo‘lganida digoksinning dozasiga tuzatish kiritish lozim.
Praparatga sezuvchanlikning ijobiy natijalarida bakteritsid samaraga ega, shu jumladan penitsillinlar va aminoglikozidlar bilan majmuada qo‘llanishi mumkin.


Maxsus ko‘rsatmalar

Allergik reaktsiyalarga moyilligi bo‘lgan patsiyentlarga preparatni buyurilganida ehtiyotkorlikka rioya qilish kerak.
Preparatning tarkibida saxaroza bo‘lganligi sababli, qandli diabeti bo‘lgan patsiyentlarga Yuniksimni ehtiyotkorlik bilan buyurish kerak.
Homiladorlik va laktatsiya davri
Preparat gemato-yo‘ldosh to‘sig‘i orqali yaxshi o‘tadi va ko‘krak sutiga ajraladi. Sefiksim teratogen, mutagen va embriotoksik ta'sirlarga ega emas, ammo, uni homiladorlik va laktatsiya davrida qabul qilish qat'iy shifokor ko‘rsatmasi bo‘yicha amalga oshirilishi kerak. Homiladorlik va laktatsiya davrida preparatni buyurish zarurati bo‘lganida uni minimal samarali dozalarda qabul qilish kerak.
Avtotransportni haydash va mexanizmlarni boshqarish qobiliyatiga ta'siri
Preparat transportni boshqarish va mexanizmlar bilan ishlash qobiliyatiga ta'sir qilmaydi.
Preparat bolalar olaolmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Preparatning yuqori dozalarini qabul qilinganida patsiyentlarda ko‘ngil aynishi, qusish, axlatni va suv-tuz muvozanatini buzilishi rivojlanishi mumkin. Spetsifik antidoti yo‘q. Dozani oshirib yuborilgan hollarda me'dani yuvish, enterosorbentlar va tuzli surgi vositalarni qabul qilish ko‘rsatilgan. Bundan tashqari, suv-tuz muvozanatini bir maromda ushlab turishga qaratilgan choralarni amalga oshirish kerak. Zarurati bo‘lgan hollarda gemodializ o‘tkaziladi.


Chiqarilish shakli

60 ml suspenziya tayyorlash uchun kukun flakonlarda. 1 flakon qo‘llash bo‘yicha yo‘riqnomasi bilan karton qutida. 5 ml tayyor suspenziya 100 mg faol modda saqlaydi.


Saqlash sharoiti

Preparatni bevosita quyosh nurlaridan yiroqda, 15 dan 25oS gacha bo‘lgan haroratda saqlansin.


Yaroqlilik muddati

3 yil.
Tayyorlangan eritma 15 dan 25oS gacha bo‘lgan haroratda 14 sutka davomida barqaror.


Dorixonalardan berish tartibi

Shifokor retsepti bo‘yicha.


Ishlab chiqaruvchi

COTECHealthcare PvtLTD (India)
Hindistonning KARAN XELT KER (P) LTD. firmasi uchun ishlab chiqarilgan.
Maxipalpur Ekstenshon ko‘ch., 1 uy, Nyu Deli-110037 (Hindiston)