Preparatning savdo nomi
Nistafur
Ta'sir etuvchi moddalar (XPN) Nifuratel + nistatin

Dori shakli
Vaginal kapsulalar.

Tarkibi

Har bir vaginal kapsula quyidagilarni saqlaydi
faol moddalar nifuratel – 500 mg, nistatin – 200000 XB.
yordamchi moddalar dimetikon, glitseril monokaprilokaprati, propilenglikol monolaurati, soya letsitini; kapsula jelatin, glitserin, etilparagidroksibenzoat natriy, propilparagidroksibenzoat natriy, titan dioksidi, temir II-oksidi.
Ta'rifi sariq rangdan och jigarrang ranggacha bo‘lgan bir jinsli suspenziya saqlovchi, oval shaklli, tiniq bo‘lmagan och jigarrang-sariq rangli yumshoq jelatin kapsulalar.

Farmakoterapevtik guruhi
Ginekologiyada qo‘llanadigan mikroblarga qarshi va antiseptik vositalar, kortikosteroidlarni saqlovchi majmuaviy preparatlardan tashqari. Antibiotiklar. Nistatin majmuada.
ATX kodi G01AX

Farmakologik hususiyatlari

Farmakodinamika

Nifuratel – nitrofuranlar guruhiga mansub, keng ta'sir doirasiga ega bo‘lgan sintetik kimyoterapevtik vosita bo‘lib, asosan urogenital infektsiyalarni davolash uchun qo‘llanadi. Nitrofuranlarning ta'sir mexanizmi butunlay o‘rganilmagan; ular sitoplazmatik membranani parchalaydi, oqsillar biosintezini izdan chiqaradi va sitoxrom S tiklanish jarayonini ingibitsiya qiladi. Nifuratel ham tinch holatda turgan, ham ko‘payish bosqichida bo‘lgan ko‘pgina grammusbat va grammanfiy mikroorganizmlarga asosan bakteriostatik ta'sir ko‘rsatadi, shuningdek protozoylarga qarshi (Trichomonas vaginalis) va zamburug‘larga qarshi ta'sirlarga ega.
Nistatin – Streptomyces noursei shtammlari tomonidan ishlab chiqariladigan poliyen antibiotikdir. Zamburug‘li infektsiyalar qo‘zg‘atuvchilarining hujayra membranasidagi sterollar bilan bog‘lanib, uning o‘tkazuvchanligini va transport funktsiyalarini izdan chiqaradi, bu holat keyinchalik hujayralardan makromolekulalar va ionlarni ajralib chiqishiga olib keladi. Nistatin fungistatik ta'sir ko‘rsatadi, katta dozalarda esa fungitsid ta'sir ko‘rsatadi, u ayniqsa Candida turkumiga mansub achitqisimon zamburug‘lar tomonidan chaqirilgan infektsiyalarni davolashda samaralidir.
Nifuratel va nistatinni majmuasi aralash etiologiyali yallig‘lanish kasalliklarini davolashda zamburug‘larga qarshi, antibakterial va trixomonadotsid samaralarni ta'minlaydi, shuningdek qinda fiziologik sharoitlarni tiklaydi.

Farmakokinetikasi

Mahalliy qo‘llanganida, hatto ko‘p marta ishlatilganidan keyin ham, dori preparati tizimli qon oqimiga deyarli o‘tmaydi.
Nifuratel intravaginal kiritilganidan so‘ng uning plazmadagi kontsentratsiyasi barcha farmakokinetik ko‘rsatkichlarini baholash imkonini bermaydi qon plazmasida nifuratelning maksimal kontsentratsiyasi 4,54 mkg/l ni tashkil etgan, bu dori vositasi peroral qabul qilingandan keyingi qiymatdan past, bunda ushbu qiymatga dori vositasi peroral qabul qilingandan keyingi qiymat bilan solishtirganda 8 soatga kechroq erishilgan; “kontsentratsiya-vaqt” egri chizig‘i ostidagi maydonining o‘rtacha qiymati soatiga 10,27 mkg/l ni tashkil etgan.


Qo‘llanilishi

Nistafur aralash etiologiyali vaginitlar (bakterial, zamburug‘li va trixomonadali), bakterial vaginoz va tashqi jinsiy a'zolarning infektsiyalarini davolash uchun, shuningdek kichik ginekologik aralashuvlarda infektsion kasalliklarni oldini olish uchun ko‘rsatilgan.


Qo‘llash usuli va dozalari


Dozalash tartibi

O‘tkir infektsiyada tavsiya etilgan dozasi– 1 kapsuladan sutkada 1 marta kechqurun qabul qilinadi; davolash davomiyligi 6-8 kunni tashkil etadi.
Surunkali va qaytalanuvchi infektsiyalarda tavsiya etilgan dozasi – 1 kapsuladan sutkada 2 marta qabul qilinadi; davolash davomiyligi 10-12 kunni tashkil etadi.
Bolalar
6 yoshgacha bo‘lgan qizlarda qo‘llanganida dori preparatining dozasini muvofiq ravishda kamaytirish kerak; davolash davomiyligi kamida 6 kunni tashkil etishi kerak.
Zamburug‘li infektsiyalar bilan birga surunkali vaginal, urogenital va trixomonadali infektsiyalari bo‘lgan ayol patsiyentlarda yoki zamburug‘li superinfektsiyaga shubha qilinganida, shuningdek umumiy kasalliklari (masalan, qandli diabet, anemiya, gormonal disbalans va boshq.) mavjud bo‘lgan, vaginal infektsiyalari bo‘lgan ayol patsiyentlarda mahalliy davolash bilan birga nifuratelning muvofiq dozalardagi peroral shakllari bilan davolash o‘tkazish tavsiya etiladi.
Hayz tufayli mahalliy davolash to‘xtatilganida, u tugaganidan so‘ng davolash kursini davom ettirish kerak.
Qindan ajralmalar ajralishi mahalliy davolash o‘tkazishga to‘sqinlik qilmaydi.
Qo‘llash usuli
Vaginal kapsulalar qinga chuqur kiritiladi.

Nojo‘ya ta'sirlari
Nojo‘ya reaktsiyalar quyida MedDRA bo‘yicha a'zolar tizimlari-a'zolar sinflariga muvofiq ravishda sanab o‘tilgan. Nojo‘ya reaktsiyalarni uchrash tezligini ko‘rsatkichlari quyidagi tarzda aniqlanadi juda tez-tez (≥ 1/10); tez-tez (≥ 1/100, ammo <1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Teri va teri osti to‘qimalari tomonidan juda kam hollarda – allergik reaktsiyalar (dermatit, eshakemi).
Umumiy buzilishlar va yuborilgan joydagi buzilishlar juda kam hollarda – qinda achishish va qichishish hissi.
Shubha qilingan nojo‘ya reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan nojo‘ya reaktsiyalar xaqida habarlar muhim hisoblanadilar. Patsiyentda dori vositasiga nisbatan jiddiy nojo‘ya reaktsiya aniqlanganida yoki ushbu bo‘limda ta'riflanmagan yangi nojo‘ya reaktsiya paydo bo‘lganida Milliy farmakologik nazorat tizimiga muvofiq ravishda axborot berishingizni so‘raymiz.


Qo‘llash mumkin bo‘lmagan holatlar

Preparatning faol moddalariga yoki yordamchi moddalaridan birortasiga o‘ta yuqori sezuvchanlikda preparatni qo‘llash mumkin emas.

Dorilarning o‘zaro ta'siri
Hozirgi vaqtda preparatning farmakologik o‘zaro ta'sirlari yuzasidan ma'lumotlar mavjud emas.


Maxsus ko‘rsatmalar

Nifuratel va nistatin majmuasi bilan, ayniqsa uzoq vaqt davomida mahalliy davolash o‘tkazilganida yuqori sezuvchanlik reaktsiyalari rivojlanishi mumkin.
Yuqori sezuvchanlik reaktsiyalari rivojlanganida Nistafur preparatini qo‘llashni to‘xtatish kerak.
Trixomonadali va qaytalanuvchi infektsiyalarda shuningdek bir vaqtda jinsiy sherikni ham muvofiq ravishda davolash kerak. Nistafur preparatini qo‘llash vaqtida jinsiy aloqalardan saqlanish kerak.
Yordamchi moddalar
Nistafur tarkibida etilparagidroksibenzoat natriy va propilparagidroksiyenzoat natriy saqlaydi, ularning har biri allergik reaktsiyalarni (shu bilan birga kechikkan) chaqirishi mumkin.
Fertillik, homiladorlikda va laktatsiya davrida qo‘llanishi
Homiladorlik
Homilador ayollarda nifuratel va nistatin majmuasini qo‘llash yuzasidan ma'lumotlar cheklangan. Hayvonlarda o‘tkazilgan tadqiqotlarda embrional rivojlanishga nifuratelni toksik ta'siri aniqlanmagan, shuningdek nistatinni odam uchun havf tug‘dirmasligi aniqlangan.
Homiladorlik vaqtida Nistafur preparatini bevosita shifokorning kuzatuvi ostida va faqatgina juda zarur bo‘lgan holatlarda qo‘llash lozim.
Laktatsiya
Mahalliy qo‘llanganida nifuratel va nistatinni tizimli so‘rilishi ahamiyatsiz darajada bo‘ladi, shuning uchun dori vositalarining ko‘krak sutida saqlanishi mumkin bo‘lgan miqdorlarda bolaga ta'sir ko‘rsatish ehtimoli kam. Biroq nifuratel va nistatinni ko‘krak suti bilan ajralib chiqishi yuzasidan aniq ma'lumotlar mavjud emas.
Emizish vaqtida Nistafur preparatini bola uchun emizishdan kutiladigan foydani va ona uchun dori vositasini qo‘llashdan kutiladigan foydani e'tiborga olgan holda, juda zarur bo‘lgan holatlardagina qo‘llash kerak.
Fertillik
Odam fertilligiga preparatning ta'sirini o‘rganish yuzasidan tadqiqotlar o‘tkazilmagan.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va mexanizmlarni boshqarish qobiliyatiga ahamiyatsiz ta'sir ko‘rsatadi yoki ta'sir ko‘rsatmaydi.


Dozani oshirib yuborilishi

Dori preparatining dozasi oshirib yuborilish holatlari yuzasidan xabarlar tushmagan. Spetsifik antidoti yo‘q.
Vaginal kapsulalar bexosdan yutib yuborilganida simptomatik davolash o‘tkazish tavsiya etiladi.


Chiqarilish shakli

Vaginal kapsulalar. 8 yoki 12 kapsuladan blisterda.
1 blister tibbiyotda qo‘llanilishiga doir yo‘riqnomasi bilan birga karton qutida.


Saqlash sharoiti

25°C dan yuqori bo‘lmagan xaroratda saqlansin.
Bolalar ololmaydigan joyda saqlansin.


Yaroqlilik muddati


Ishlab chiqarilgan
sanadan boshlab 3 yil.

Yaroqlilik muddati
tugaganidan so‘ng qo‘llanilmasin.



Dorixonalardan berish tartibi

Retsept bo‘yicha.