Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Sefazolin in'ektsiya uchun eritma kukun 1000mg №1 (Borsh’agovskiy BXFZ)
Sefazolin in'ektsiya uchun eritma kukun 1000mg №1 (Borsh’agovskiy BXFZ)
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Цефазолин
Страна производитель
Россия
Дозировка
1 г
Производитель
Биосинтез,ОАО,Россия
Рецептурный препарат
Да
Форма выпуска
Порошок для приготовления раствора для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
Sefazolin-BXFZ
Ta'sir etuvchi modda (XPN) sefazolin
Dori shakli
in'ektsiya uchun eritma kukun
Tarkibi
1 flakon quyidagilarni saqlaydi
faol modda 500 mg yoki 1000 mg sefazolin (tsefazolinning natriyli tuzi ko‘rinishida).
Ta'rifi oq yoki deyarli oq rangli kukun. Juda gigroskopik.
Farmakoterapevtik guruhi
Tizimli qo‘llash uchun mikroblarga qarshi vositalar. Sefalosporinlar.
ATX kodi J01D B04.
Farmakologik xususiyatlari
.
Farmakodinamika
si
Sefazolin − parenteral yuborish uchun birinchi avlod yarimsintetik sefalosporin antibiotigidir. Antimikrob ta'sir mexanizmi transpeptidaza fermentini susaytirishi, bakteriyalarning hujayra devorida mukopeptidning biosintezini blokadasi bilan bog‘liq. Sefazolin − keng ta'sir doirasiga ega antibiotik bo‘lib, ko‘pchilik grammusbat va grammanfiy mikroorganizmlarga nisbatan faol. Preparatga grammusbat mikroorganizmlar Staphylococcus aureus (shu jumladan, penitsillinazani ishlab chiqaruvchi shtammlar), Staphylococcus epidermidis (metitsillinga chidamli, hamda sefazolinga chidamli stafilokokklar), A guruh β-gemolitik streptokokklar va streptokokklarning boshqa shtammlari (enterokokklarning ko‘pchilik shtammlari preparatga chidamli), Streptococcus (Diplococcus) pneumoniae, Corynebacterium diphtheriae, Bacillus anthracis; shuningdek grammanfiy mikroorganizmlar Escherichia coli, Proteus mirabilis, Klebsiella spp., Enterobacter aerogenes, Haemophilus influenzae, Neisseria meningitides, Neisseria gonorrhoeae, Shigella spp., Salmonella spp., Treponema spp., Leptospira spp. sezgirdirlar.
Proteus (Proteus vulgaris) ning ko‘pchilik indolmusbat shtammlari, shuningdek Enterobacter cloacae, Morganella morganii, Providencia rettgeri, Serratia, Pseudomonas spp., Acinetobacter spp., shu bilan birga anaerob kokklar Peptococcus, Peptostreptococcus, shu jumladan B. fragilis lar sefazolinga chidamlidirlar. Rikketsiyalar, viruslar, zamburug‘lar va soddalar preparatning ta'siriga chidamlidirlar.
Farmakokinetikasi
Mushak ichiga yuborilganida preparat tez so‘riladi; yuborilgan dozaning taxminan 90% plazma oqsillari bilan bog‘lanadi. Mushak ichiga yuborilganida qonda preparatning maksimal kontsentratsiyasi in'ektsiya qilinganidan 1 soatdan keyin kuzatiladi va
37-64 mkg/ml ni tashkil qiladi. Vena ichiga yuborilganida preparatning maksimal kontsentratsiyasi yuborilgandan zahoti aniqlanadi va 185 mkg/ml ni tashkil qiladi.
Qonda terapevtik kontsentratsiyasi 8-12 soat davomida saqlanib qoldadi. Preparat organizmning to‘qima va suyuqliklariga yaxshi kiradi, yallig‘langan sinovial parda orqali bo‘g‘imlarga va qorin bo‘shlig‘iga kiradi. Sefazolin yo‘ldosh to‘sig‘i orqali oson o‘tadi. Preparat jigarda oz miqdorda metabolizmga uchraydi va safro bilan chiqariladi. Preparatning yuborilgan dozasining ancha qismi (taxminan 60-90%) birinchi 6 soat davomida chiqariladi, 24 soatdan keyin − 70-95% va siydik bilan o‘zgarmagan holatda chiqariladi. Preparatning kam miqdori ko‘krak sutiga chiqariladi.
Yarim chiqarilish davri − mushak ichiga yuborilgandan so‘ng taxminan 2 soat, vena ichiga yuborilgandan so‘ng − 1,8 soat. Buyrak funktsiyasi buzilganida yarim chiqarilish davri 3-42 soatni tashkil qiladi.
Qo‘llanilishi
Preparatga sezgir mikroorganizmlar tomonidan chaqirilgan quyidagi infektsion-yallig‘lanish kasalliklarida
• nafas yo‘llarining infektsiyalari;
• siydik jinsiy tizimining infektsiyalari;
• teri va yumshoq to‘qimalarning infektsiyalari;
• o‘t chiqarish yo‘llarining infektsiyalari;
• suyaklar va bo‘g‘imlarning infektsiyalari;
• endokardit;
• sepsis;
• jarrohlik aralashuvlari vaqtida infektsiyani oldini olishda qo‘llaniladi.
Qo‘llash usuli va dozalari
Davolashni boshlashdan oldin teri sinamasini qo‘yib, patsiyentda antibiotikka nisbatan yuqori sezuvchanlik borligini istisno qilish lozim.
Sefazolinni mushak ichiga va vena ichiga (tomchilab va oqim bilan) yuborish lozim.
Sefazolinni intratekal yuborish mumkin emas!
In'ektsiya va infuziya uchun eritmalarni tayyorlash
Mushak ichiga yuborish uchun flakonning ichidagi 500 mg (1000 mg) 2-3 ml (4-5 ml) 0,9% li natriy xloridi eritmasida yoki in'ektsiya uchun steril suvda eritiladi, to‘liq erigunicha yaxshilab chayqatiladi. Katta dumba mushagining yuqori tashqi kvadrantiga chuqur yuboriladi.
Vena ichiga oqim bilan yuborish uchun preparatning bir martalik dozasi 10 ml 0,9% li natriy xloridi eritmasida yoki in'ektsiya uchun steril suvda eritiladi va 3-5 minut davomida sekin yuboriladi.
Vena ichiga tomchilab yuborishda 500 mg yoki 1000 mg preparat in'ektsiya uchun suv yoki 0,9% li natriy xloridning eritmasi, yoki quyidagi eritmalarning biri 5% li glyukoza eritmasi, 10% li glyukoza eritmasi, infuziya uchun natriy laktatning eritmasida 5% li glyukoza eritmasi, vena ichiga infuziya uchun 5% li glyukoza eritmasi bilan 0,9% li natriy xloridning eritmasi, vena ichiga infuziya uchun 5% li glyukoza eritmasi bilan 0,45% li natriy xloridning eritmasi, 5% li natriy laktatning eritmasi yoki in'ektsiya uchun suvda invertatsiyalangan qandning 10% li eritmasi, laktat bilan yoki laktatsiz in'ektsiya uchun Ringer eritmasining 50-100 ml da suyultiriladi; yuborish 20-30 minut davomida amalga oshiriladi (yuborish tezligi - minutiga 60-80 tomchi). Suyultirish vaqtida flakonlar to‘liq erigunicha yaxshilab chayqatiladi. Vena ichiga yuborilganida sutkalik dozalar huddi mushak ichiga yuborilgandagi kabi qoladi.
Yangi tayyorlangan eritma (333 mg/ml) sariq rangli, tiniq bo‘lib, hona haroratida 24 soat davomida o‘zining fizik va kimyoviy barqarorligini saqlab qoladi.
Dozalash
Kattalar uchun o‘rtacha sutkalik doza odatda 1000-4000 mg ni, maksimal sutkalik doza − 6000 mg ni tashkil qiladi.
Infektsiyaning turiBir martalik dozaTez-tezligi
Grammusbat mikroorganizmlar tomonidan chaqirilgan infektsiyalar 250-500 mghar 8 soatda
Pnevmokokklar tomonidan chaqirilgan, nafas yo‘llarining o‘rtacha og‘irlikdagi infektsiyalari va siydik chiqarish yo‘llarining infektsiyalari 1 ghar 12 soatda
Grammanfiy mikroorganizmlar tomonidan chaqirilgan infektsiyalar 500 mg-1 ghar 6-8 soatda
Hayotga xavf soluvchi infektsiyalar (sepsis, endokardit, peritonit, destruktiv pnevmoniya, o‘tkir gematogen osteomiyelit, asoratlangan urologik infektsiyalar).1-1,5 ghar 6-8 soatda
Kattalarda operatsiyalardan keyingi infektsion asoratlarni oldini olish uchun Sefazolin-BXFZ ni mushak ichiga yoki vena ichiga yuborish tavsiya qilinadi
• 1000 mg dozada jarrohlik aralashuvni boshlashdan 0,5-1 soat oldin;
• davomli operatsiyalarda (2 soat va undan ko‘p) − operatsiya jarayonida qo‘shimcha 500-
1000 mg;
• operatsiyadan keyin − 500-1000 mg dozada har 6-8 soatda birinchi 24 soat davomida yuboriladi.
Ayrim hollarda (masalan, ochiq yurakda operatsiya qilish, bo‘g‘imlarni protezlash) sefazolinni profilaktik qo‘llash operatsiyadan keyin 3-5 kun davom etishi mumkin.
Buyrak funktsiyasini buzilishi bo‘lgan katta yoshli patsiyentlarda dozalash tartibi kreatinin klirensiga qarab belgilanadi. Infektsiyaning og‘irligiga muvofiq keluvchi zarb dozadan keyin quyida keltirilgan tavsiyalardan foydalanish mumkin.
Kreatinin klirensi
• minutiga 55 ml va ko‘proq – dozaga tuzatish kiritish talab qilinmaydi;
• minutiga 35-54 ml − bir martalik doza o‘zgarmaydi, ammo yuborishlar orasidagi interval kamida 8 soatni tashkil qilishi kerak;
• minutiga 11-34 ml − bir martalik standart dozani 2 marta kamaytirish lozim, yuborishlar orasidagi interval 12 soatni tashkil qiladi;
• minutiga 10 ml dan kam − har 18-24 soatda terapevtik dozaning yarmi buyuriladi.
Keksa yoshli patsiyentlar doza kattalardagi kabi (buyrak funktsiyasi normal bo‘lgan sharoitda) bo‘ladi.
1 oylikdan oshgan bolalarga preparat sutkada tana vazniga 25-50 mg/kg dozada buyuriladi (og‘ir hollarda − sutkada tana vazniga 100 mg/kg gacha), 3-4 marta qabul qilishga bo‘linadi.
Bolalar uchun maksimal sutkalik doza − tana vazniga 100 mg/kg.
Buyrak funktsiyasini buzilishi bo‘lgan bolalarda dozaga tuzatish kiritish kreatinin klirensiga qarab o‘tkaziladi.
Kreatinin klirensi
• minutiga 40-70 ml − 12 soatlik interval bilan yuborish uchun taqsimlangan preparatning sutkalik dozasini 60%;
• minutiga 20-40 ml − 12 soatlik interval bilan yuborish uchun taqsimlangan sutkalik dozaning 25%;
• minutiga 5-20 ml − o‘rtacha sutkalik dozaning 10% har 24 soatda yuboriladi.
Barcha tavsiya qilingan dozalar boshlang‘ich zarb dozadan so‘ng buyuriladi.
Davolash davomiyligi o‘rtacha 7-10 kunni tashkil qiladi.
Nojo‘ya ta'sirlari
Ovqat hazm qilish yo‘llari ko‘ngil aynishi, qusish, anoreksiya, diareya, qorin sohasida og‘riq/spazmlar, uzoq muddat qo‘llanganida disbakterioz, soxtamembranoz enterokolitrivojlanishi mumkin.
Gepatobiliar tizim qon plazmasida jigar transaminazalari, bilirubin darajasini va/yoki laktatdegidrogenaza va ishqoriy fosfatazaning faolligini oshishi, tranzitor xolestatik sariqlik, tranzitor gepatit.
Qon tizimi va limfatik tizimi neytropeniya, leykopeniya/leykotsitoz, trombotsitopeniya/trombotsitoz, eozonofiliya, limfopeniya, bazofiliya. Monotsitoz, granulotsitoz/granulotsitopeniya, agranulotsitoz, gemoglobin va/yoki gematokritni pasayishi, anemiya shu jumladan aplastik, gemolitik, anemiya, pantsitopeniya, gipoprotrombinemiya, protrombin vaqtini uzayishi, koagulopatiyalar va gemorragiyalar, Kumbsning bevosita va bilvosita ijobiy reaktsiyasi.
Nerv tizimi bosh og‘rig‘i, bosh aylanishi, ko‘p charchash, holsizlik, uyqusizlik/uyquchanlik, yuqori qo‘zg‘aluvchanlik (asabiylik), xavotirli holat, tungi qo‘rquvlar, vertigo, o‘ta yuqori faollik, paresteziyalar, tirishishlar (ayniqsa jigar disfunktsiyasi fonida preparatning dozasi oshirilganida); qon oqib kelishi, rang ko‘rishni buzilishi, ongni chalkashishi, tirishishli faollik.
Immun tizimi dori vositasini qabul qilish oqibatidagi isitma, juda kam hollarda – anafilaktoid reaktsiyalar/anafilaksiya (shu jumladan anafilaktik shok, tomoqni shishi, laringospazm/bronxospazm, arterial bosimini tushishi, taxikardiya, hansirash, tilni shishi, yuzni shishi, anal sohasida qichishish, jinsiy a'zolar qichishishi), interstitsial pnevmoniya/pnevmonit, zardob kasalligiga o‘xshash sindrom.
Teri va teri osti kletchatkasi teri toshmasi (ekzantema), dermatitlar, teri giperemiyasi, eshakemi, qichishish, eritema, ko‘p shaklli ekssudativ eritema, qon tomirlar, o‘tkazuvchanligini oshishi, bunda angionevrotik shish, bo‘g‘imlar, shilliq qavatlarni shishi rivojlanadi. Toksik epidermal nekroliz (Layell sindromi), Stivens-Djonson sindromi.
Pustulyoz toshmalar toshishi mumkin.
Nafas tizimi plevral shish, ko‘krak qafasida og‘riq, xansirash yoki nafas olishni yetishmovchiligi, yo‘tal, rinit.
Siydik chiqarish tizimi buyrak yetishmovchiligining klinik belgilarisiz buyrak faoliyatini buzilishi (qonda mochevina azoti darajasini oshishi, proteinuriya, giperkreatininemiya). Kam hollarda − interstitsial nefrit, piuriya, eozonofiluriya bilan bo‘lishi mumkin va nefrotoksiklikning boshqa ko‘rinishlari (toksik nefropatiya, papillonekroz, buyrak yetishmovchiligi), asosan boshqa potentsial nefrotoksik preparatlarni bir vaqtda qabul qilganda.
Mahalliy reaktsiyalar preparat yuborilgan joyda flebit/tromboflebit (kam hollarda), mushak ichiga yuborilganida og‘riq va/yoki induratsiya.
Preparatning biologik ta'siri bilan bog‘liq bo‘lgan nojo‘ya samaralari preparatga chidamli qo‘zg‘atuvchilar tomonidan chaqirilgan superinfektsiyani rivojlanishi, kandidoz (shu jumladan me'da-ichak yo‘llarining kandidomikozi, kandidozli stomatit, jinsiy a'zolar kandidozi, vaginit), anogenital qichishish.
Boshqalar terini oqarishi, arterial gipertenziya, artralgiya, gipoglikemiya/giperglikemiya.
Qo‘llash mumkin bo‘lmagan holatlar
.
• Sefazolinga, sefalosporin qatorining har qanday antibiotiklariga o‘ta yuqori sezuvchanlik.
• Anamnezida boshqa β-laktam turi antibakterial vositalarga (penitsillin, monobaktam, karbapenem) o‘ta yuqori sezuvchanlikning og‘ir reaktsiyalari (masalan, anafilaktik reaktsiyalar) mavjud bo‘lganda qo‘llash mumkin emas.
Dorilarning o‘zaro ta'siri
Probenetsid− sefazolinni buyrak klirensi pasayadi, bu uni to‘planishiga, qonda preparatning kontsentratsiyasini uzoq muddat oshishiga olib keladi.
Antikoagulyantlar (masalan. Varfarin, geparin) – peroral antikoagulyantlarning samarasi kuchayadi va qon ketishlari xavfi oshadi. Sefazolinni antikoagulyantlar bilan yuqori dozalarda qo‘llash davomida koagulyatsiya parametrlarini nazorat qilish lozim.
K vitamini sefazolin kabi ayrim sefalosporinlar, K vitaminining metabolizmini buzilishiga, ayniqsa uning tanqisligida izdan chiqishiga olib kelishi mumkin, bu esa K vitaminini qo‘shimcha yuborishni talab etadi.
Aminoglikozidlar va halqali diuretiklar (furosemid, etakrin kislotasi), boshqa nefrotoksik preparatlar (shu jumladan kolistin, polimiksin V, vankomitsin) bilan − sefazolinning naychalar sekretsiyasini blokadasi oqibatida nefrotoksiklikning xavfi oshadi. Nefrotoksik preparatlar bilan yondosh davolash o‘tkazilishidan saqlanish lozim. Ushbu majmuani qo‘llash zarurati bo‘lsa, preparatning dozasini kamaytirish va davolashni buyrak funktsiyasini (qonda mochevina azoti, kreatinin) nazorati ostida o‘tkazish lozim.
Bakteriostatik antibakterial vositalar (tetratsiklinlar, sulfanilamidlar, eritromitsin, xloramfenikol) birga qo‘llash mumkin emas, sefazolinning bakteritsid samarasi susayishi mumkin.
Boshqa beta-laktam antibiotiklar kesishgan allergik reaktsiyalar rivojlanishi mumkin.
Gormonal kontratseptivlar boshqa antibiotiklar qo‘llanganida bo‘lgani kabi, gormonal kontratseptivlarning samaradorligi kamayadi, shuning uchun davolash vaqtida qo‘shimcha kontratseptsiya (nogormonal) usullaridan foydalanish tavsiya etiladi.
Tifga qarshi tirik vaktsina, BTSJ-vaktsina boshqa antibiotiklarga o‘xshab sefazolin ham tirik vaktsinalarning terapevtik samarasini pasaytirishi mumkin.
Antibiotikning oxirgi dozasi va vaktsinani qo‘llash orasidagi tanaffuz kamida 24 soat bo‘lishiga rioya qilish lozim.
Etanol− disulfiramga o‘xshash reaktsiyalar bo‘lishi mumkin.
Laborator tekshiruvlar
Nomutanosibligi.
Bir shpritsda boshqa dori vositalari bilan aralashtirilmasin.
Sefazolin eritmasini bir shpritsda yoki bir infuzion tizimda boshqa antibiotiklar bilan aralashtirish mumkin emas.
Maxsus ko‘rsatmalar
Sefazolinni buyurishda antibiotiklar bilan davolash bo‘yicha maxsus tavsiyalar va antibiotiklarga rezistentlikning profilaktikasi bo‘yicha tavsiyalarga amal qilish lozim.
O‘ta yuqori sezuvchanlik. Boshqa beta-laktam antibiotiklarini qo‘llaganda bo‘lgani kabi, o‘ta yuqori sezuvchanlikning o‘tkir og‘ir reaktsiyalari (anafilaktoidlar) holatlari xaqida, hattoki batafsil anammnezida tegishli ko‘rsatmalar bo‘lmasa ham, ba'zi hollarda o‘lim bilan yakunlangan holatlar haqida xabar berilgan. Bunday reaktsiyalar rivojlanganda preparatni qo‘llashni darhol to‘xtatish, adrenalin (epinefrin), glyukokortikoidlarlarni yuborish va boshqa adekvat shoshilinch choralarni qo‘llash kerak.
Xar gal yangi davolash kursini boshlashdan oldin patsiyentdan, anamnezida sefazolinga, boshqa sefalosporinlarga yoki boshqa har qanday beta-laktam antibiotiklariga, boshqa dori vositalarga nisbatan o‘ta yuqori sezuvchanlik reaktsiyalari bo‘lganligi to‘g‘risida so‘rab surishtirish kerak.
Sefazolinni, anamnezida penitsillinga yoki boshqa beta-laktam antibiotiklariga o‘ta yuqori sezuvchanlikning og‘ir bo‘lmagan reaktsiyalari bo‘lgan patsiyentlarga, ular va sefalosporinlar o‘rtasida kesishgan allergik reaktsiyalarni bo‘lishi mumkinligi tufayli, sefazolinni ehtiyotkorlik bilan qo‘llash lozim.
Sefazolinni allergik reaktivligi bo‘lgan (masalan, allergik rinit yoki bronxial astmasi bo‘lgan, allergik reaktsiyalarning har qanday shaklli, ayniqsa dori vositalariga allergik reaktsiyalari bo‘lgan) patsiyentlarga o‘ziga xos ehtiyotkorlik bilan yuborish lozim, chunki o‘ta yuqori sezuvchanlikning jiddiy reaktsiyalarini rivojlanish xavfi oshadi.
Antibiotik bilan assotsiatsiyalangan kolit/sezgir bo‘lmagan mikroorganizmlarni haddan ziyod o‘sishi. Antibakterial preparatlar bilan davolash, ayniqsa keksa yoshdgi patsiyentlarda og‘ir kasalliklarida, shuningdek holsizlangan patsiyentlarni, bolalarni davolash antibiotik bilan assotsiatsiyalangan diareyani, kolitlarni, shu jumladan soxtamembranoz kolitni paydo bo‘lishiga olib kelishi mumkin. Soxtamembranoz kolitni namoyon bo‘lishini og‘irlik darajasi yengil darajadan hayot uchun xavf soluvchi darajagacha o‘zgarib turishi mumkin, shuning uchun sefazolinni qo‘llash vaqtida yoki undan so‘ng diareya yuz bergan barcha patsiyentlarda, ushbu tashhisni bo‘lishi mumkinligini ko‘rib chiqish juda muhim. Og‘ir va/yoki qon aralash diareya bo‘lgan hollarda Sefazolin bilan davolashni darhol to‘xtatish va Clostridium difficile ga qarshi spetsifik davolashni qo‘llash kerak. Kerakli davolash ishlari bo‘lmaganida toksik megakolon, peritonit, shok rivojlanishi mumkin. Peristaltikani susaytiruvchi dori vositalarini qo‘llash mumkin emas.
Anamnazida me'da-ichak yo‘llari kasalliklari, ayniqsa koliti bo‘lgan patsiyentlarga keng ta'sir doirasiga ega antibiotiklarniehtiyotkorlik bilan buyurish kerak.
Antibakterial preparatlarni, shu jumladan sefazolinniuzoq muddat qo‘llash sezgir bo‘lmagan mikroorganizmlarni, zamburug‘larni haddan ziyod o‘sishiga va superinfektsiyani rivojlanishiga olib kelishi mumkin. Superinfektsiyani rivojlanishini aniqlash uchun, patsiyentlarni sinchkovlik bilan nazorat qilish lozim. Agar davolanish vaqtida superinfektsiya rivojlansa, muvofiq choralarni, xususan - preparatga mikroflorani sezgirligini vaqti-vaqti bilan tekshirib turish lozim.
Buyrak yetishmovchiligi. Buyrak yetishmovchiligi bo‘lgan patsiyentlarda buyrak funktsiyasini buzilishi darajasiga qarab, preparatning dozasi va/yoki qo‘llashlar orasidagi tanaffus tuzatish kiritish lozim.
Kalavalar filtratsiyasi minutiga 55 ml gacha bo‘lgan buyrak yetishmovchiligida sefazolinni organizmda to‘planishi mumkinligini e'tiborga olish lozim. Shuning uchun sutkalik dozani muvofiq kamaytirish yoki uning toksik ta'sirini oldini olish uchun preparatni yuborishlar orasidagi tanaffus vaqtini uzaytirish lozim.
Garchi sefazolin kam hollarda buyrak funktsiyasini buziishiga sabab bo‘lsa-da, buyrak funktsiyasini baholash, ayniqsa preparatning maksimal dozasini qabul qilayotgan og‘ir patsiyentlarda, boshqa potentsial nefrotoksik preparatlar (shu jumladan, aminoglikozidlar, kuchli ta'sir etuvchi diuretiklar) bilan muvofiq davolashni qabul qilayotgan patsiyentlarda buyrak funktsiyasini baholash tavsiya etiladi.
Buyrak yetishmovchiligi bo‘lgan patsiyentlarga sefazolinning yuqori dozalarini qo‘llash tirishishlar xavfini rivojlanishiga sabab bo‘lishi mumkin.
Buyrak funktsiyasi normal bo‘lgan geriatrik guruhi patsiyentlari uchun dozaga tuzatish kiritish talab qilinmaydi.
Qon ivish tizimini buzilishi.
Sefazolin juda kam hollarda qon ivishini buzilishiga olib kelishi mumkin. Shuning uchun qon ketishlarini chaqirishi mumkin bo‘lgan kasalliklari (masalan ovqat hazm qilish yo‘llarining yaralari) bo‘lgan patsiyentlarda, koagulyatsiya nuqsonlari bo‘lgan patsiyentlarda (nasliy masalan gemofiliya; orttirilgan masalan trombotsitopeniyada, parenteral oziqlanishda K vitaminini sintezini buzilishi yoki yetishmovchiligida, kam ovqatlanish, jigar, buyrakning surunkali kasalliklarida yoki keksa yoshli patsiyentlarda), shuningdek antibiotiklar bilan uzoq muddat davolangan patsiyentlarda, antikoagulyantlar bilan uzoq muddat davolangan patsiyentlarda protrombin vaqtini (yoki Xalqaro me'yoriy nisbatni) nazoratini amalga oshirish lozim. Ko‘rsatmalar bo‘lsa, ekzogen K vitaminini buyurish (xaftada 10 mg) lozim.
Laborator tekshiruvlar natijalariga ta'siri.
Preparat bilan davolash vaqtida nofermentativ usullar bilan o‘tkazilgan glyukozurik sinamalarning natijalari soxta musbat bo‘lishi mumkin. Preparat fermentativ usullar bilan o‘tkazilgan glyukozurik sinamalarning natijalariga ta'sir qilmaydi.
Sefalosporinlar eritrotsitlarning yuzasida absorbtsiyalanishi va preparatga qarshi qaratilgan antitelalar bilan o‘zaro ta'sirlanishi mumkin. Bu Kumbsning soxta musbat sinamasiga (masalan, onasi sefazolin bilan davolangan bolalarda) va juda kam hollarda − gemolitik anemiyani rivojlanishiga olib kelishi mumkin. Bunday reaktsiyada penitsillinlar bilan kesishgan reaktivlik rivojlanishi mumkin.
Intratekal yuborish. Preparatni intratekal yuborish tavsiya qilinmaydi. Markaziy nerv tizimi tomonidan, preparat aynan shu yo‘l bilan yuborilganida og‘ir toksik reaktsiyalar, shu jumladan tirishishlar to‘g‘risida xabarlar bo‘lgan .
Preparat bilan uzoq muddat davolanganda qon manzarasini, jigar, buyrakning funktsional holati ko‘rsatkichlarini muntazam nazorat qilish tavsiya etiladi.
Natriy. Sefazolin – BXFZ preparatining har bir grami 2,2 mmol (50,61 mg) natriy saqlaydi, buni natriyning miqdori nazorat qilinadigan parhezga rioya qilayotgan patsiyentlar hisobga olishlari zarur.
Preparatning faqat yangi tayyorlangan tiniq eritmalari foydalanish uchun yaroqlidir.
Sefazolin eritmasini boshqa antibiotiklar bilan bir idishda aralashtirish mumkin emas.
Homiladorlik va emizish davrida qo‘llanishi.
Preparatni homiladorlik davrida qo‘llash mumkin emas.
Preparatni qo‘llash zarurati bo‘lganida emizishni to‘xtatish kerak.
Bolalar.
Bir oylikkacha bo‘lgan va chala tug‘ilgan bolalarda preparatni qo‘llash mumkin emas.
Avtotransportni yoki boshqa mexanizmlarni boshqarishda reaktsiya tezligiga ta'sir qilish xususiyati.
Preparatga patsiyentning individual reaktsiyasi aniqlanmagunicha, davolash vaqtida markaziy nerv tizimi tomonidan bosh aylanishi, tirishishlar kabi buzilishlar kuzatilishi mumkinligini hisobga olib, avtotransportni boshqarish va boshqa mexanizmlar bilan ishlashdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Simptomlari sefalosporinlarni yuqori dozalarda parenteral yuborilganda bosh aylanishi, paresteziyalar va bosh og‘rig‘ini chaqirishi mumkin. Allergikreaktsiyalar rivojlanishi mumkin; surunkali buyrak yetishmovchiligi bo‘lgan patsiyentlarda neyrotoksik ko‘rinishlar, shu jumladan tirishishga yuqori tayyorlik, yoyilgan tirishishlar, qusish va taxikardiya bo‘lishi mumkin.
Kreatinin, mochevina azoti, jigar fermentlari va bilirubin darajasini oshishi, Kumbsning musbat sinamasi, trombotsitoz/trombotsitopeniya, eozonofiliya, leykopeniya va protrombin vaqtini uzayishi kabi laborator ko‘rsatkichlarda o‘zgarishlar bo‘lishi mumkin.
Davolash preparatni qo‘llash to‘xtatiladi, zarurati bo‘lganida - tirishishga qarshi, desensibilizatsiyalovchi davolash o‘tkaziladi. Dozani og‘ir oshirib yuborish hollarida patsiyentning holati barqarorlashgunicha tutib turuvchi davolash va gematologik, buyrak, jigar funktsiyasi va qon ivish tizimini monitoringini o‘tkazish tavsiya etiladi. Preparat organizmdan gemodializ yo‘li bilan chiqariladi; peritoneal dializ kamroq samaralidir.
Chiqarilish shakli
1 flakondan qutida; 5 flakondan kassetada, 1 kassetadan penalda;
Saqlash sharoiti
.
Original o‘ramida, 250S dan yuqori bo‘lmagan haroratda.
Yaroqlilik muddati
.
3 yil.
Dorixonalardan berish tartibi
Retsept bo‘yicha.
Ishlab chiqaruvchi
“Borsh’agovskiy ximiko-farmatsevticheskiy zavod” Ilmiy-ishlab chiqarish markazi” Jamoa aktsionerlik jamiyati
Manzili
Ukraina, 03134, Kiyev sh., Mir ko‘ch., 17.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
Toshkent sh., M.Ulug‘bek tumani, Bo‘zbozor 7 tor ko‘ch., 21 uy.
Tel. +99897 720 17 86
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.