Preparatning savdo nomi
Seftazidim-SRN
Ta'sir etuvchi modda (XPN) seftazidim

Dori shakli
mushak ichiga va vena ichiga in'ektsiya uchun eritma tayyorlash uchun kukun

Tarkibi

faol moddalar seftazidim pentogidrati, natriy karbonati.
Ta'rifi oqdan deyarli oq rangligacha bo‘lgan kristall kukun.
Farmakoterapevtik guruxi antibiotiklar sefalosporinlar guruhi.
ATX kodi J01DA11


Farmakologik xususiyatlari

Parenteral qo‘llash uchun III avlod sefalosporin antibiotigi. Bakteritsid ta'sir qiladi. Mikroorganizmlarning xujayra devori sintezini buzadi. Keng ta'sir doirasiga ega. Ko‘pchilik beta-laktamazalarning ta'siriga chidamli. In vitro ttadqiqotlarda seftazidimning quyidagi grammanfiy bakteriyalarga nisbatan faolligi ko‘rsatilgan
Pseudomonas aeruginosa, Pseudomonas spp. (shu jumladan Pseudomonas pseudomallei), Klebsiella spp. (shu jumladan Klebsiella pneumoniae), Proteus mirabilis, Proteus vulgaris, Morganella morganii, Providencia rettgeri, Providencia spp., Escherichia coli, Enterobacter spp., Citrobacter spp., Serratia spp., Salmonella spp., Shigella spp., Yersinia enterocolitica, Pasteurella multocida, Acinetobacter spp., Neisseria gonorrhoeae, Neisseria meningitides, Haemophilus influenzae (shu jumladan ampitsillinga rezistent shtammlari); Haemophilus parainfluenzae (shu jumladan ampitsillingarezistent shtammlari);
grammusbat bakteriyalar Staphylococcus aureus (metitsillinga sezgir shtammlari), Staphylococcus epidermidis (metitsillinga sezgir shtammlari), Mictococcus spp., Streptococcus pyogenes (A guruhi -gemolitik streptokokk), V guruhi Streptococcus (Streptococcus agalactiae), Streptococcus pneumoniae, Streptococcus mitis, Streptococcus spp., (Streptococcus faecalis dan tashqari);
anaerob bakteriyalar
Peptococcus spp., Peptostreptococcus spp., Streptococcus spp., Propionibacterium spp., Clostridium perfringens, Fusobacterium spp., Bacteroides spp. (Bacteroides fragilis ni ko‘pchilik shtammlari rezistentdir).
In vitro sharoitlardatseftazidim metitsillinga rezistent stafilokokklar, Streptococcus faecalis va ko‘pchilik boshqa Enterococci, Listeria monocytogenes, Campylobacter spp. va Clostridium difficile larga nisbatan faol emas.


Farmakokinetikasi

Taqsimlanishi
Qon plazmasida faol moddaning terapevtik kontsentratsiyasi 8-12 soat davomida saqlanadi. Plazma oqsillari bilan bog‘lanishi – 10% ni tashkil etadi. Seftazidim shikastlanmagan gemotoentsefalik to‘siq orqali yomon o‘tadi. Miya pardalarini yallig‘lanishida orqa miya suyuqligida terapevtik kontsentratsiyalarda aniqlanadi.
Metabolizmi
Seftazidim metabolizmga uchramaydi.


Chiqarilishi
Buyrak faoliyati normal bo‘lgan patsiyentlarda yarim chiqarish davri T1/2 1,8 soatni tashkil qiladi. Seftazidim siydik bilan kalava filtratsiyasi yordamida o‘zgarmagan holda chiqariladi. Dozaning taxminan 80-90% siydik bilan 24 soat davomida chiqariladi.
Alohida klinik hollardagi farmakokinetikasi
Buyrak faoliyatini buzilishlari bo‘lgan patsiyentlarda T1/2 2,2 soatni tashkil qiladi.


Qo‘llanilishi

Preparatga sezgir mikroorganizmlar chaqirgan quyidagi monoinfektsiyalar yoki aralash infektsiyalarni davolashda qo‘llanadi
- og‘ir infektsiyalar (septitsemiya, bakteriyemiya, peritonit, meningit, immuniteti past bo‘lgan patsiyentlardagi infektsiyalar; jadal davolash bo‘limlarida bo‘lgan patsiyentlardagi infektsiyalar, masalan, infektsiyalangan kuyishlar);
- nafas yo‘llarining infektsiyalari, shu jumladano‘pka infektsiyalari va mukovistsidozni ham qo‘shib;
- quloq, tomoq va burun infektsiyalari;
- siydik chiqarish yo‘llarining infektsiyalari;
- teri va yumshoq to‘qimalarning infektsiyalari;
- me'da-ichak tizimi, o‘t chiqarish yo‘llari va qorin bo‘shlig‘ining infektsiyalari;
- suyaklar va bo‘g‘imlarning infektsiyalari;
- kichik chanoq a'zolarining infektsiyalari;
- gemodializ va peritoneal dializ, shuningdek ambulator uzluksiz peritoneal dializ bilan bog‘liq bo‘lgan infektsiyalar;
- prostata bezidagi operatsiyalardagi infektsion asoratlarni oldini olish (transuretral rezektsiya).
Mikroorganizmlarning sezgirligi haqidagi ma'lumotlar olingunicha, seftazidimni boshqa antibakterial vositalar bilan qo‘shmasdan birinchi tanlov preparati sifatida ishlatilishi mumkin.
Seftazidim aminoglikozidlar va beta-laktamazalar ta'siriga chidamli bo‘lgan ko‘pchilik boshqa antibiotiklar bilan majmuada ishlatilishi mumkin.
Anaerob infektsiyalarda, agar Bacteroides fragilis ning borligi faraz qilinsa, seftazidim boshqa antibiotiklar bilan birga ishlatilishi mumkin.


Qo‘llash usuli va dozalari

Preparat faqat parenteral qo‘llanadi. Kasallikni kechishini og‘irligi, qo‘zg‘atuvchining turi, yoshi, tana vazni, buyrak faoliyatiga qarab, doza shaxsiy ravishda belgilanadi.
Preparat vena ichiga yoki mushak ichiga chuqur qilib katta dumba mushagining yuqori tashqi kvadrati sohasiga yoki sonning lateral qismi sohasiga yuboriladi. Seftazidimning eritmasini bevosita venaga yoki infuzion tizim naychasiga yuborish mumkin.
Kattalarga sutkada 1-6 g vena ichiga yoki mushak ichiga buyuriladi. Yuborish karraligi – sutkada 2-3 marta.
Siydik chiqarish yo‘llarining infektsiyalarida 0,5-1 g dan har 12 soatda buyuriladi.
Ko‘pchilik infektsiyalarda 1 g doza har 8 soatda yoki 2 g dozani har 12 soatda yuborish samaralidir.
Kasallikni og‘ir kechishida, ayniqsa immuniteti past bo‘lgan patsiyentlarda, shu jumladan neytropeniyas bo‘lganpatsiyentlarda, 2 g dan har 8 yoki 12 soatda yoki 3 g dan har 12 soatda buyurish kerak.
Mukovistsidozi bo‘lganpatsiyentlarda va psevdomonadlar chaqirgan o‘pka infektsiyalarida, Seftazidim sutkada 100-150 mg/kg dozada buyuriladi; yuborishlar soni – sutkada 3 marta.
2 oylikdan oshgan bolalarga. Preparat sutkada 30-100 mg/kg dozada buyuriladi; yuborish soni – sutkada 2-3 marta.
Immuniteti susaygan, mukovistsidozi yoki meningiti bo‘lgan bolalarga sutkada 150 mg/kg gacha (maksimal sutkada 6 g) dozada buyuriladi; in'ektsiyalar soni – sutkada 3 marta.
Yangi tug‘ilgan va 2 oylikkacha bo‘lgan chaqaloqlarga preparat sutkada 25-60 mg/kg dozada buyuriladi; in'ektsiyalar soni – sutkada 2 marta.
Keksa yoshli patsiyentlarga, o‘tkir kasalliklarda seftazidimning pasaygan klirensini e'tiborga olib, seftazidimni sutkada 3 g dan ko‘p bo‘lmagan dozada buyurish tavsiya qilinadi, ayniqsa 80 yoshdan oshgan patsiyentlarga.
Buyrak faoliyatini buzilishigan bo‘lgan patsiyentlar uchun dozalash tartibi KK qiymatlariga qarab belgilanadi, boshlang‘ich doza 1 g ni tashkil qiladi. Tavsiya qilinadigan samarani bir maromda saqlab turuvchi dozalar


KK (ml/min)
Dozalash tartibi

50-311 g har 12 soatda
30-161 g har 24 soatda
15-5500 mg har 24 soatda
5 dan kam500 mg har 48 soatda

Og‘ir infektsiyaga chalingan patsiyentlarda bir martalik dozani 50% ga oshirish yoki preparatni yuborish tez-tezligini oshirish mumkin. Bunday hollarda qon zardobidagi seftazidimning darajasini nazorat qilish kerak, bunda seftazidimning kontsentratsiyasi 40 mg/l dan oshmasligi kerak.
Bolalar uchun kreatinin klirensi ideal tana vazni yoki tana yuzasining maydoniga mos ravishda hisoblanadi.
Gemodializ. Har bir gemodializ seansidan keyin seftazidimning tutib turuvchi dozalari yuqorida keltirilgan jadvalga mos ravishda yuboriladi.
Peritoneal dializ. Vena ichiga yuborishdan tashqari, seftazidimni dializ eritmasiga ham kiritish mumkin (odatda 2 l dializ eritmasiga 125-250 mg).
Arterio-venoz shunt ishlatib uzluksiz gemodializda bo‘lgan buyrak yetishmovchiligi bo‘lgan patsiyentlar uchun va jadal davolash bo‘limlarida yuqori tezlikli gemofiltratsiyada bo‘lgan patsiyentlar uchun tavsiya etiladigan dozalari tashkil qiladi; sutkada 1 g dan har kuni (bir yoki bir necha yuborishda) yuboriladi.
Past tezlikli gemofiltratsiyada bo‘lgan patsiyentlar uchun, buyrak faoliyati buzilganida tavsiya qilinadigan dozalarda buyuriladi.
In'ektsiya uchun eritma tayyorlash tartibi
Seftazidim kukun shaklida flakonlarda past bosim ostida bo‘ladi. Kukun eritilganida karbon dioksidi ajralib chiqadi va flakonda bosim oshadi. Preparatni olingan tayyor eritmasida karbon dioksidini katta bo‘lmagan pufakchalari bo‘lishi mumkin, bunga e'tibor bermaslik mumkin.

Flakondagi seftazidimning miqdoriYuborish usuliErituvchining miqdori (ml)Taxminiy kontsentratsiyasi (mg/ml)
1 gmushak ichiga3260
vena ichiga bolyus1090
vena ichiga infuziya50*20

* Qo‘shish 2 yuborishda o‘tkaziladi.
Kontsentratsiyasi, erituvchining turi va saqlash sharoitiga qarab, seftazidimning olingan eritmasi och-sariqdan to to‘q-sariqqacha rangga ega bo‘lishi mumkin. Agar preparatni eritishning barcha tavsiya etilgan tartiblariga rioya qilingan bo‘lsa, unda uning samaradorligi tusiga bog‘liq bo‘lmaydi.

Ikkilamchi suyultirish
Vena ichiga tomchilab yuborish uchun, yuqorida ta'riflangan usul yordamida olingan preparatning eritmasi, qo‘shimcha 50-100 ml vena ichiga yuborish uchun mo‘ljallangan quyidagi erituvchilarning birida suyultiriladi (0,9% li natriy xloridining eritmasi, Ringer eritmasi, 5% yoki 10% li glyukoza (dekstroza) eritmasi, 5% li glyukoza (dekstroza) eritmasi 0,9% li natriy xloridi eritmasi bilan.
Mushak ichiga yuborish uchun seftazidim 0,5% yoki 1% li lidokain gidroxloridi eritmasida suyultirilgan bo‘lishi mumkin.
Mushak ichiga yoki vena ichiga bolyus yuborish uchun eritma tayyorlash
1.Shprits ignasini flakon qopqog‘iga kiritish va tavsiya etilgan miqdordagi erituvchini qo‘shish.
2.Shprits ignasini chiqarish va tiniq eritma hosil bo‘lishi uchun flakonni silkitish.
3.Flakonni to‘nkarish. Shprits porsheni to‘liq kiritilgan holda ignani flakon qopqog‘iga shunday kiritish kerakki, igna butunlay eritmada bo‘lsin.
4.Eritmaning hammasi shpritsga olinsin (igna eritmada bo‘lishi kerak). Shpritsdagi eritma karbon dioksidini katta bo‘lmagan pufakchalarini saqlashi mumkin.
Vena ichiga infuziyalar uchun eritma tayyorlash
1.Shprits ignasini flakon qopqog‘iga kiritish va 10 ml erituvchi qo‘shish.
2.Shprits ignasini chiqarish va tiniq eritma hosil bo‘lishi uchun flakonni silkitish.
3.Gaz chiqib ketishi uchun, ichki bosimni pasaytirish uchun ignani flakon qopqog‘iga kiritish.
4.Gaz chiqib ketishi uchun ignani olmasdan, erituvchini qolgan miqdorini flakonga qo‘shish. Flakon qopqog‘idan ikkala ignani chiqarib olish (gaz chiqishi uchun igna va shprits ignasi); flakonni silkitish va uni infuziya o‘tkazish uchun o‘rnatish.
5.Sterillikni ta'minlash uchun, kukun to‘liq erimagunicha gaz chiqishi uchun ignani flakonga kiritmaslik muhim.

Nojo‘ya ta'sirlari
Ovqat hazm qilish tizimi tomonidan diareya, ko‘ngil aynishi, qusish, qorin og‘rig‘i, transaminazalar (LDG, GGT, ЩF) faolligini tranzitor oshishi; kam xollarda – stomatit, kolit (shu jumladan soxtamembranoz kolit).
Qon yaratish tizimi tomonidan eozinofiliya; juda kam xollarda – leykopeniya, neytropeniya, agranulotsitoz, trombotsitopeniya, limfotsitoz.
Markaziy nerv tizimi va periferik nerv tizimi tomonidan bosh og‘rig‘i, bosh aylanishi, parasteziyalar, ta'm tuyg‘ularini buzilishi; buyrak yetishmovchiligi bo‘lgan patsiyentlarda doza noto‘g‘ri tanlanganida – qaltirash, tirishishlar, entsefalopatiya.
Boshqalar gemolizsiz musbat Kumbs reaktsiyasi, qon zardobida kreatinin darajasini tranzitor oshishi.
Biologik ta'siri bilan bog‘liq bo‘lgan samaralari superinfektsiya (kandidoz, shu jumladan qinning shilliq pardasini).
Allergik reaktsiyalar toshma, eshakemi, isitma, qichishish, eozinofiliya; juda kam xollarda – bronxospazm, arterial bosimni pasayishi, angionevrotik shish; alohida hollarda – ko‘p shaklli eritema, Stivens-Djonson sindromi va toksik epidermal nekroliz.
Mahalliy reaktsiyalar vena ichiga yuborilganida flebit yoki tromboflebit, mushak ichiga in'ektsiya qilingan joyda og‘riqlilik.


Qo‘llash mumkin bo‘lmagan holatlar

- seftazidimga, sefalosporinlarga nisbatan yuqori sezuvchanlik;
- homiladorlik va laktatsiya;
Seftazidimni homiladorlikning 1 uch oyligida ehtiyotkorlik bilan qo‘llash kerak. Seftazidim past kontsentratsiyalarda ko‘krak suti bilan chiqariladi, shuning uchun preparat emizish davrida buyurilganida ehtiyotkorlikka rioya qilish kerak.

Dorilarning o‘zaro ta'siri
In vitro xloramfenikol seftazidim va boshqa sefalosporinlarning antagonisti sifatida ta'sir qiladi.
Buning klinik ahamiyati aniqlanmagan, biroq seftazidim yoki xloramfenikol bir vaqtda qo‘llanganida, mumkin bo‘lgan antagonistik ta'sirini e'tiborga olish kerak.
Nefrotoksik preparatlarni (masalan, aminoglikozid antibiotiklari yoki furosemid kabi kuchli ta'sir qiluvchi diuretiklar) qabul qilayotgan patsiyentlarga sefalosporin antibiotiklarini katta dozalarda ehtiyotkorlik bilan buyurish kerak, chunki bunday qo‘shilish buyrak faoliyatiga noxush ta'sir ko‘rsatishi mumkin. Seftazidimni qo‘llashning klinik tajribasi, tavsiya qilingan dozalash tartibiga rioya qilinganida, bu ta'sirining ehtimoli kamligini ko‘rsatdi.


Maxsus ko‘rsatmalar

Seftazidimni ishlatib davolashni boshlash oldidan, patsiyentda seftazidimga, sefalosporinlar va penitsillin guruhi antibiotiklariga yoki boshqa preparatlarga bo‘lgan yuqori sezuvchanlik reaktsiyasi bo‘lmaganligini aniqlash kerak. Anamnezida penitsillin guruhi antibiotiklariga yoki beta-laktamazalar ta'siriga chidamli boshqa antibiotiklariga allergik reaktsiyalar bo‘lgan patsiyentlarga, seftazidimni juda ehtiyotkorlik bilan buyurish kerak.
Seftazidimga allergik reaktsiyalar rivojlanganida, preparatni darhol bekor qilish kerak. O‘ta yuqori sezuvchanlik reaktsiyasi rivojlanganida adrenalin, gidrokortizon, antigistamin preparatlarni qo‘llash va boshqa shoshilinch tadbirlarni o‘tkazish ko‘rsatilishi mumkin.
Keng ta'sir doirasiga ega antibiotiklarni, shu jumladan Seftazidimni ham uzoq vaqt qo‘llash, sezgir bo‘lmagan mikroblarning o‘sishini kuchaishiga olib kelishi mumkin (masalan Candida, Enterococcus), bunda davolashni to‘xtatish yoki to‘g‘ri keladigan davolashni o‘tkazish talab qilinishi mumkin. Davolashda doimo bemor holatini baholash kerak.
Penitsillinlar yoki sefalosporinlar guruhidan bo‘lgan keng ta'sir doirasiga ega boshqa antibiotiklarni qo‘llaganda bo‘lgani kabi, seftazidim bilan davolashda Enterobacter ni sezgir shtammlarida rezistentlik rivojlanishi mumkin. Shuning uchun, agar kerak bo‘lsa, Enterobacter chaqirganligini tekshirishni o‘tkazish kerak.
Buyrak yetishmovchiligida Seftazidimning dozalari buyrak faoliyatining buzilish darajasiga mos ravishda kamaytiriladi. Dozalar noto‘g‘ri tanlanganida nevrologik buzilishlarning ayrim hollari aniqlangan. Seftazidim siydikda glyukozani fermentativ usulda aniqlashning natijalariga ta'sir qilmaydi, biroq ma'lum darajada misning tiklanishili sinamalarni (Benedikt, Feling, Klinitest) natijalariga ta'sir qilishi mumkin.
Ishqoriy pikrat bilan kreatininni aniqlash sinamasi natijalariga Seftazidim ta'sir qilmaydi.
Pediatriyada ishlatilishi
Yangi tug‘ilgan chaqaloqlarda preparatni ehtiyotkorlik bilan qo‘llash kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.




Dozani oshirib yuborilishi

Simptomlari nevrologik buzilishlar (shu jumladan entsefalopatiya, tirishishlar, koma).
Davolash qon zardobidagi seftazidim dializ yoki peritoneal dializ yordamida pasaytirilishi mumkin.


Chiqarilish shakli

1 g dan 1 tiniq rangsiz shisha flakonda, rezina tiqini va alyumin qalpoqchasi bilan, va PVX qopqoqli, yo‘riqnomasi bilan o‘ramda.


Saqlash sharoiti

Preparatni quruq, yorug‘likdan himoyalangan joyda, 250S dan yuqori bo‘lmagan haroratda saqlash kerak.


Yaroqlilik muddati

2 yil.


Dorixonalardan berish tartibi

Retsept bo‘yicha.


Ishlab chiqaruvchi

CSPC Zhongno Pharmaceutical (Shijiazhuang) Co., LTD, Xitoy
BV CHEMIA PHARMACIE HOLLAND
buyurtmasi bo‘yicha ishlab chiqarilgan
Hettenheuvelweg 8, 1101 BN Amsterdam
Fax (31-20) 7980799 Tel (31-20) 7980798