Siprinol infuziya uchun eritma 200mg 100ml

Tavsif

Patentlangan savdo nomi: Siprinol®
Ta'sir etuvchi modda (XPN): siprofloksatsin

Dori shakli

infuziya uchun eritma

Tarkibi

1 flakon infuziya uchun eritma quyidagilarni saqlaydi:
Faol modda: 200 mg siprofloksatsin
Yordamchi moddalar: natriy laktati, natriy xloridi, xlorid kislotasi, in'ektsiya uchun suv.

Ta'rifi

tiniq, sarg‘imtir-yashil rangli eritma.

Farmakoterapevtik guruhi

mikroblarga qarshi vosita - ftorxinolon.
ATX kodi: J01MA02

Farmakologik xususiyatlari

Farmakodinamikasi

Ftorxinolonlar guruhiga mansub keng ta'sir doirasiga ega mikroblarga qarshi preparat. Bakteritsid ta'sir qiladi. Preparat bakteriyalarning DNK-giraza fermentini ingibitsiya ыiladi, buning oqibatida DNK replikatsiyasi va bakteriyalarning hujayra oqsillarining sintezi buziladi. Makroorganizm hujayralari uchun past toksikligi ularda DNK-girazani yo‘qligi bilan tushuntiriladi. Siprofloksatsinni qabul qilish fonida, giraza ingibitorlari guruhiga mansub bo‘lmagan boshqa antibiotiklarga paralell chidamlilik hosil bo‘lishi yuz bermaydi, bu uni masalan, aminoglikozidlar, penitsillinlar, sefalosporinlar, tetratsiklinlar va ko‘pchilik boshqa antibiotiklarga chidamli bo‘lgan bakteriyalarga nisbatan yuqori faol qiladi. Siprofloksatsin ko‘payayotgan mikroorganizmlarga ham, tinch holatidagilariga ham ta'sir qiladi. Siprofloksatsinga grammanfiy aerob bakteriyalarga sezgir: enterobakteriyalar (Escherichia coli, Salmonella spp., Shigella spp., Citrobacter spp., Klebsiella spp., Enterobacter spp., Proteus mirabilis, Proteus vulgaris, Serratia marcescens, Hafnia alvei, Edwardsiella tarda, Providencia spp., Morganella morganii, Vibrio spp., Yersinia spp.), boshqa grammusbat bakteriyalar (Haemophilus spp., Pseudomonas aeruginosa, Moraxella catarrhalis, Aeromonas spp., Pasteurella multocida, Plesiomonas shigelloides, Campylobacter jejuni, Nesseria spp.); ayrim hujayraichki qo‘zg‘atuvchilar: Legionella pneumophila, Brucella spp., Chlamydia trachomatis, Listeria monocytogenes, Mycobacterium tuberculosis, Mycobacterium kansasii, Mycobacterium avium (xujayra ichida joylashgan).
Siprofloksatsinga shuningdek aerob grammusbat bakteriyalar sezgir: Staphylococcus spp. (Staphylococcus aureus, Staphylococcus haemolyticus, Staphylococcus hominis, Staphylococcus saprophyticus), Streptococcus spp. (Streptococcus pyogenes, Streptococcus agalactiae). Metitsillinga chidamli bo‘lgan ko‘pchilik stafilokokklar, siprofloksatsinga ham chidamli.
Streptococcus pneumoniae, Enterococcus faecalis bakteriyalarining sezgirligi o‘rtacha. Preparatga Corynebacterium spp., Bacteroides fragilis, Pseudomonas cepacia, Pseudomonas maltophilia, Ureaplasma urealyticum, Clostridium difficile, Nocardia asterodes chidamli. Preparatni Treponema pallidum ga nisbatan ta'siri yetarli o‘rganilmagan.
Bacillus anthracis siprofloksatsinga in vitro ham in vivo ham sezgir.

Farmakokinetikasi

Vena ichiga (v/i) 200 mg yoki 400 mg infuziyadan keyin maksimal kontsentratsiyaga (TSmax) erishish vaqti 60 minut, maksimal kontsentratsiyasi (Cmax) – muvofiq 2,1 mkg/ml va 4,6 mkg/ml. Organizmdagi taqsimlanish hajmi 1,74 dan 5 l/kg gacha o‘zgaradi, oqsillar bilan bog‘lanishi – 19-40%.
Organizmning to‘qimalarida yaxshi taqsimlanadi (yog‘larga boy, masalan, nerv to‘qimasidan tashqari). To‘qimalardagi miqdori, plazmadagiga qaraganda 2-12 marta yuqori.
Preparatning yuqori kontsentratsiyalari safroda, o‘pkada, buyraklarda, jigarda, o‘t pufagida, bachadonda, urug‘ suyuqligida, prostata bezining to‘qimasida, bodomsimon bezlarda, endometriyda, fallopiy naylarida va tuxumdonlarda kuzatiladi. Preparatning bu to‘qimalaridagi kontsentratsiyasi zardobidagiga nisbatan yuqori. Siprofloksatsin shuningdek suyaklarga, ko‘z suyuqligiga, bronxlar sekretiga, so‘lakka, teriga, mushaklarga, plevraga, qorin pardasiga, limfaga yaxshi o‘tadi. Orqa miya suyuqligiga ko‘p bo‘lmagan miqdorda o‘tadi, uning u yeradagi kontsentratsiyasi yallig‘lanmagan miya pardalari sharoitida qon zardobidagining 6-10% ni, yallig‘langanida esa – 14-37% ni tashkil qiladi. Siprofloksatsin shuningdek yo‘ldosh orqali ham yaxshi o‘tadi.
Siprofloksatsinning qon neytrofillaridagi kontsentratsiyasi zardobidagiga qaraganda 2-7 marta yuqori.
Jigarda (15-30%) kam faollikka ega metabolitlari (dietiltsiprofloksatsin, sulfotsiprofloksatsin, oksotsiprofloksatsin, formiltsiprofloksatsin) hosil bo‘lishi bilan metabolizmga uchraydi.
V/i yuborilganidagi yarim chiqarilish davri (T½) – 3-5 soat, surunkali buyrak yetishmovchiligida (SBE) – 12 soatgacha. Asosan buyraklar orqali tubulyar filtratsiya va naychalar sekretsiyasi yo‘li bilan o‘zgarmagan holda (v/i yuborilganida – 50-70%) va metabolitlari ko‘rinishida (v/i yuborilganida – 10%), qolgan qismi – me'da-ichak yo‘llari orqali chiqariladi. Ko‘p bo‘lmagan miqdori ko‘krak suti bilan chiqariladi. V/i yuborilganidan keyin siydikdagi kontsentratsiyasi yuborilganidan keyingi birinchi 2 soat davomida zardobdagiga qaraganda deyarli 100 marta ko‘p, bu siydik chiqarish yo‘llarining infektsiyalarini ko‘pchilik qo‘zg‘atuvchilari uchun minimal bostiruvchi kontsentratsiyasidan (MBK) ancha yuqori.
Buyrak klirensi – 3-5 ml/min/kg; umumiy klirens – 8-10 ml/min/kg.
SBE da (kreatinin klirensi (KK) – minutiga 20 ml dan yuqori) buyraklar orqali chiqariladigan preparatning foizi pasayadi, biroq preparatning metabolizmini va ichak orqali chiqarilishini kompensator oshishi oqibatida organizmda kumulyatsiyasi yuz bermaydi.

Qo‘llanilishi

• Siprofloksatsinga sezgir mikroorganizmlar chiqargan quyidagi infektsion-yallig‘lanish kasalliklarida qo‘llanadi:
- nafas yo‘llarining: pnevmoniya (pnevmokokkli pnevmoniyadan tashqari), o‘tkir bronxit va surunkali bronxitning zo‘rayishi, bronxoektatik kasalligi, mukovistsidoz (agarda qo‘zg‘atuvchisi grammanfiy bakteriyalar, ayniqsa R.aeruginosa bo‘lsa);
- quloq, burun va tomoqning: o‘tkir o‘rta otit, sinusit, mastoidit;
- buyraklar va siydik yo‘llarining: siydik yo‘lining yuqori va pastki bo‘limlarining asoratlanmagan va asoratlangan infektsiyalari (uretrit, sistit, piyelonefrit);
- kichik chanoq a'zolari va jinsiy a'zolarning (epididimit, prostatit, salpingit, endometrit, ooforit, nay abstsessi va pelvioperitonit, gonoreya, yumshoq shankr, xlamidioz);
- qorin bo‘shlig‘i a'zolarining: qorin pardasi ichki abstsessi; xoletsistit, xolangit (metronidazol yoki klindamitsin bilan majmuada), infektsion diareya: salmonellyoz, kampilobakterioz, iyersinioz, shigellez, vabo, qorin tifi, sayohatchilar diareyasi, Salmonella typhi bakteriya tashuvchilik;
- teri va yumshoq to‘qimalarning: infektsiyalangan yaralar, infektsiyalangan jaroxatlar, abstsesslar, flegmona, tashqi tovush yo‘lining infektsiyalari, infektsiyalangan kuyishlar;
- tayanch-harakat apparatining: osteomiyelit, septik artrit;
• Immuniteti pasaygan bemorlardagi infektsiyalar (immunodepressantlar bilan davolash fonidagi yoki neytropeniyali patsiyentlardagi).
• Jarrohlik, asosan urologik, me'da-ichak yo‘llaridagi (metronidazol bilan kombinatsiyada) va ortopedik aralashuvlardagi infektsiyalarni oldini olish.
• Kuydirgining o‘pka shaklini davolash va oldini olish.
Pediatriyada qo‘llanishi
Siprofloksatsinni 18 yoshgacha bo‘lgan bolalarda quyidagilardan tashqari boshqa infektsion kasalliklarni davolash uchun ishlatish tavsiya qilinmaydi:
- kuydirgini davolash va oldini olish (Bacillus anthracis bilan taxmin qilingan yoki insbotlangan infektsiyalanishdan keyin);
- o‘pka mukovistsidozi bo‘lgan 5 yoshdan 17 yoshgacha bo‘lgan bolalarda Pseudomonas aeruginosa chaqirgan asoratlarni davolash.

Qo‘llash usuli va dozalari

Vena ichiga buyuriladi, v/i oqim bilan yuborish mumkin, lekin tomchilab 30 minut
(200 mg) va 60 minut (400 mg) davomida yuborish avzalroq.
Siprofloksatsinning dozasi kasallikning og‘irligi, infektsiyaning turi, organizmning holati, patsiyentning yoshi, og‘irligi va buyraklar faoliyatiga bog‘liq. Odatdagi tavsiya etiladigan dozalar: v/i yuborish uchun bir martalik doza – 200 mg (og‘ir infektsiyalarda – 400 mg), yuborish soni – sutkada 2 marta.
Pseudomonas spp., stafilokokklar yoki Streptococcus pneumoniae chaqirgan alohida og‘ir, hayot uchun xavfli yoki qaytalanuvchi infektsiyalarni davolashda v/i yuborish zaruratida; sepsisda, peritonitda, suyaklar va bo‘g‘imlarning infektsiyalarida doza 0,4 g gacha, yuborishlar soni sutkada 3 martagacha oshirilishi mumkin.
O‘tkir asoratlanmagan gonoreyada – bir marta, v/i 100 mg.
Operatsiyadan keyingi infektsiyalarni oldini olish uchun – operatsiyadan 30-60 minut oldin v/i 200-400 mg; operatsiyaning 4 soatdan ortiq davomiyligida takroran xuddi shu dozada yuboriladi.
Davolashning o‘rtacha davomiyligi: 1 kun o‘tkir asoratlanmagan gonoreyada; 7 kungacha – buyraklar, siydik chiqarish yo‘llari va qorin bo‘shlig‘ining infektsiyalarida; neytropenik fazaning hamma davri davomida – organizmning himoya kuchlari susaygan bemorlarda, lekin 2 oydan ko‘p emas – osteomiyelitda va 7-14 kun – qolgan infektsiyalarda. Streptokokkli infektsiyalarda kechki asoratlarning xavfi tufayli, shuningdek xlamidiyali infektsiyalarda davolash kamida 10 kun davom etadi. Immun tanqisligi bo‘lgan bemorlarda davolash neytropeniyani hamma davri davomida o‘tkaziladi.
Tana harorati normallashganidan yoki klinik belgilari yo‘qolganidan keyin davolashni yana kamida 3 kun o‘tkazish kerak.
Keksa patsiyentlarda doza 30% ga pasaytiriladi.
Kalava filtratsiyasini (KK 31-60 ml/min/1,73 kv.m yoki zardob kreatinini kontsentratsiyasi 1,4 dan 1,9 mg gacha 100 ml) tezligida maksimal sutkalik doza – 800 mg.
Og‘ir buyrak yetishmovchiligi bo‘lgan bemorlarga (KK 30 ml/min/1,75 kv.m dan past; kreatinin kontsentratsiyasidan 2 mg/100 ml dan yuqori) sutkalik dozaning yarmini buyurish kerak, maksimal sutkalik doza - 400 mg. Ambulator peritoneal dializda bo‘lgan patsiyentlardagi peritonitda siprofloksatsinni 50 mg dozada sutkada 4 marta 1 l dializatda intraperitoneal yuborish mumkin.
Infuziya uchun eritmani 0,9% natriy xloridi eritmasi, Ringer eritmasi, 5% va 10% dekstroza eritmasi, 10% fruktoza eritmasi, shuningdek 0,225% yoki 0,45% natriy xloridi eritmasi 5% dekstroza eritmasini saqlovchi eritma bilan qo‘shish mumkin.
V/i qo‘llashdan keyin davolashni peroral davom ettirish mumkin.
Kuydirgining o‘pka shaklida (oldini olish va davolash):
Kattalar: 400 mg dan v/i sutkada 2 marta.
Bolalar (5 yoshdan 17 yoshgacha): 10 mg/kg tana vazniga kuniga 2 marta. Maksimal bir martalik doza – 400 mg v/i (maksimal sutkalik doza – 800 mg) oshirish mumkin emas. Davolashni infektsiyalanish taxmin qilinganidan yoki tasdiqlanganidan keyin darhol boshlash kerak. Kuydirgining o‘pka shaklida siprofloksatsin bilan davolashni umumiy davomiyligi 60 kunni tashkil qiladi.
O‘pka mukovistsidozi bo‘lgan 5 yoshdan 17 yoshgacha bolalarda Pseudomonas aeruginosa chaqirgan asoratlarni davolashda siprofloksatsinning tavsiya etilgan dozasi har 8 soatda 10 mg/kg ni tashkil qiladi (har 8 soatda v/i 400 mg dan ko‘p emas). Davolash davomiyligi 10-14 kun.
Nojo‘ya ta'sirlari
Ovqat hazm qilish tizimi tomonidan: ko‘ngil aynishi, diareya, qusish, qorinda og‘riq, meteorizm, anoreksiya, xolestatik sariqlik (ayniqsa jigar kasalliklarini o‘tkazgan patsiyentlarda), gepatit, gepatonekroz, soxtamembranoz kolit.
Markaziy va periferik nerv tizimi tomonidan: bosh aylanishi, bosh og‘rig‘i, yuqori charchoqlik, qo‘zg‘alish, tirishishlar, xavotirlik, tremor, uyqusizlik, “dahshatli” tushlar ko‘rish, periferik paralgeziya (og‘riq sezgisini anomal his qilish), ko‘p terlash, bosh suyagi ichki bosimini oshishi, ongni chalkashishi, depressiya, gallyutsinatsiyalar, shuningdek psixotik reaktsiyalarning boshqa ko‘rinishlari (kamdan-kam patsiyentni o‘ziga o‘zi zarar yetkazishi mumkin bo‘lgan holatgacha bo‘lgan suitsidal tendentsiyalar), migren, xushdan ketish holatlari, serebral arteriyalar trombozi.
Sezgi a'zolari tomnidan: ta'm va xid sezishni buzilishi, ko‘rishni buzilishi (diplopiya, rang sezishni o‘zgarishi), quloqlarda shovqin, eshitishni susayishi.
Yurak-qon tomir tizimi tomnidan: taxikardiya, yurak ritmini buzilishi, arterial bosimni (AB) pasayishi, yuz terisiga qonni “oqib kelishi”ni hissi.
Qon yaratish tishimi tomonidan: leykopeniya, granulotsitopeniya, anemiya, trombotsitopeniya, leykotsitoz, trombotsitoz, gemolitik anemiya.
Siydik chiqarish tizimi tomonidan: gematuriya, kristalluriya (avvalo ishqoriy siydik va past diurezda), glomerulonefrit, dizuriya, poliuriya, siydikni tutilishi, albuminuriya, uretral qon ketishlar, buyraklarning azotni chiqarish faoliyatini pasayishi, interstitsial nefrit.
Allergik reaktsiyalar: terini qichishish, eshakemi, qon ketishlar va qora qo‘tir hosil qiluvchi kichik tugunlarni hosil bo‘lishi bilan birga kechuvchi po‘rsildoqlarni hosil bo‘lishi, dori isitmasi, nuqtali qon quyilishlar (petexiyalar), yuz va xalqumni shishi, hansirash, eozinofiliya, vaskulit, ekzantema, tugunli eritema, ekssudativ ko‘pshaklli eritema, Stivens-Djonson sindromi (xavfli ekssudativ eritema), toksik epidermal nekroliz (Layell sindromi), anafilaktik shok.
Suyak-mushak tizimi tomonidan: artralgiya, artrit, tendovaginit, paylarni uzilishi, mialgiya, bo‘g‘im sohasida shish.
Boshqalar: umumiy holsizlik, kuchli terlash, superinfektsiyalar (kandidoz), yorug‘likka yuqori sezuvchanlik.
Laboratoriya ko‘rsatkichlari tomonidan: gipoprotrombinemiya, “jigar” transaminazalari va ishqoriy fosfataza faolligini oshishi, giperkreatininemiya, giperbilirubinemiya, giperurikemiya, giperglikemiya.
Mahalliy: yuborilgan joyda og‘riq va achishish, flebit.

Qo‘llash mumkin bo‘lmagan holatlar

• Siprofloksatsin yoki xinolonlar guruhidan bo‘lgan boshqa preparatlarga yoki preparatning har qanday boshqa komponentiga yuqori sezuvchanlik.
• Homiladorlik va laktatsiya davri.
• 18 yoshgacha bo‘lgan bolalar va o‘smirlar (o‘pka mukovistsidozi bo‘lgan 5 yoshdan 17 yoshgacha bo‘lgan bolalardagi Pseudomonas aeruginosa chaqirgan asoratlarni davolash; kuydirgining o‘pka shaklini oldini olish va davolashdan tashqari).
• Tizanidin bilan bir vaqtda qo‘llash (arterial bosimni (AB) ni yaqqol pasayish xavfi, uyquchanlik).
Ehtiyotkorlik bilan: bosh miya tomirlarining yaqqol aterosklerozi, bosh miyada qon aylanishini buzilishi, ruhiy kasalliklar, tutqanoq sindromi, tutqanoq, yaqqol buyrak va/yoki jigar yetishmovchiligi, keksalar, glyukoza-6-degidrogenaza tanqisligi, glyukokortikosteroidlar bilan davolash, natriyning past miqdori bo‘lgan parhez tavsiya qilingan patsiyentlar.
Dorilarning o‘zaro ta'siri
Gepatotsitlarda mikrosomal oksidlanish jarayonlar faolligini pasayishi oqibatida, teofillin va/yoki kofein (va boshqa ksantinlarning), peroral gipoglikemik preparatlar (glibenklamidni – bu gipoglikemiyaga olib kelishi mumkin), bilvosita antikoagulyantlarning (varfarin va boshq.) kontsentratsiyasini oshiradi va yarimchiqarilish davrini uzaytiradi, protrombin vaqtini pasayishiga (qon ketishi rivojlanishining xavfi) yordam beradi.
Siprofloksatsin tizanidinning Smax ni 7 marta (4 dan 21 martagacha) va AUC ni 10 marta (6 dan 24 martagacha) oshiradi, bu AB ni yaqqol pasayish xavfini va uyquchanlikni oshiradi.
Nosteroid yallig‘lanishga qarshi preparatlar (atsetilsalitsil kislotasidan tashqari) bilan bir vaqtda qabul qilish - tirishishlarni rivojlanish xavfi oshadi.
Siprofloksatsin va siklosporin bir vaqtda qo‘llanganida siklosporinning nefrotoksik ta'siri kuchayadi (qondagi kreatinin darajasini 2 haftada bir marta nazorat qilish kerak.
Siprofloksatsin va glyukokortikoidlarni bir vaqtda qabul qilish paylarning uzilishini paydo bo‘lishi xavfini oshirishi mumkin.
Siprofloksatsin va fenitoinni bir vaqtda buyurish, fenitoinning zardobdagi kontsentratsiyasini oshishiga yoki pasayishiga olib kelishi mumkin.
Urikozurik preparatlarni birga buyurish siprofloksatsinni chiqarilishini sekinlashishiga (50% gacha) va plazmadagi kontsentratsiyasini oshishiga olib keladi.
Boshqa mikroblarga qarshi preparatlar (beta-laktamlar, aminoglikozidlar, klindamitsin, metronidazol) bilan qo‘shilganida, odatda sinergizm kuzatiladi: Pseudomonas spp. chaqirgan infektsiyalarda preparat azlotsillin va seftazidim bilan majmuada, mezlotsillin, azlotsillin va boshqa beta-laktam antibiotiklar bilan – streptokokkli infektsiyalarda; izoksazolpenitsillinlar va vankomitsin bilan – stafilokokkli infektsiyalarda; metronidazol va klindamitsin bilan – anaerob infektsiyalarda muvoffaqiyatli qo‘llanishi mumkin.
Infuzion eritma nordon muhitda fizik-kimyoviy barqaror bo‘lgan barcha infuzion eritmalar va dori vositalari bilan farmatsevtik to‘g‘ri kelmaydi (tsiprofloksatsinning infuzion eritmasining rN – 3,5-4,6)

Maxsus ko‘rsatmalar

Tutqanoqli, anamnezida tirishish xurujlari bo‘lgan, miyaning tomirli kasalliklari va organik shikastlanishlari bo‘lgan bemorlarga markaziy nerv tizimi tomonidan nojo‘ya reaktsiyalar rivojlanishini xavfi tufayli, siprofloksatsinni faqat hayotiy ko‘rsatmalar bo‘yicha buyurish kerak.
Siprofloksatsin bilan davolash vaqtida yoki undan so‘ng og‘ir va davomli diareya paydo bo‘lganida, preparatni bekor qilishni va tegishli davolashni buyurishni talab qiladigan soxtamembranoz kolit tashhisini istisno qilish kerak.
Paylarda og‘riq paydo bo‘lganida yoki tendovagintning birinchi belgilari paydo bo‘lgani- da davolashni to‘xtatish lozim, chunki ftorxinolonlar bilan davolash vaqtida paylarni yallig‘lanishi va xattoki uzilishning ayrim hollari ta'riflangan (ko‘proq bir vaqtda kortikosteroidlarni olayotgan keksa patsiyentlarda).
Siprofloksatsin bilan davolanish vaqtida haddan ziyod jismoniy yuklamalardan saqlanish kerak.
Siprofloksatsin bilan davolanish davrida, kristalluriya rivojlanishidan saqlanish maqsadida, tavsiya etilgan sutkalik dozani oshirish mumkin emas. Shuningdek me'yordagi diurez va siydikning kislotali reaktsiyasini tutib turish uchun, yetarli miqdorda suyuqlik qabul qilishni ta'minlash (diurezni nazorati ostida) kerak.
Siprofloksatsin bilan davolash davrida ultrabinafsha nurlanishdan (shu jumladan to‘g‘ri quyosh nurlaridan) saqlanish kerak.
Davolash vaqtida protrombin indeksini oshishi mumkin (xirurgik aralashuvlarni o‘tkazishda qonning ivish tizimi holatini nazorat qilish kerak).
Glyukoza-6-degidrogenaza tanqisligi bo‘lgan patsiyentlarda Siprinolni buyurish gemolitik anemiya rivojlanishini sababi bo‘lishi mumkin.
Davolanish vaqtida patsiyentlar alkogol iste'mol qilmasliklari kerak.
Siprinolning infuziya uchun 1 ml eritmasi 3,61 mg natriy saqlaydi. Shuning uchun natriyning miqdori past bo‘lgan parxez tavsiya qilingan patsiyentlar ehtiyotkorlikka rioya qilishlari kerak.
Avtotransportni haydash va mexanizmlarni boshqarish qobiliyatiga ta'siri
Siprofloksatsin qabul qilayotgan patsiyentlar avtomobilni haydash va psixomotor reaktsiyalar tezligini talab etuvchi faoliyatning boshqa potentsial xavfli turlari bilan shug‘ullanishda ehtiyotkorlikka amal qilishlari lozim (ayniqsa bir vaqtda alkogol iste'mol qilinganida).
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: ko‘ngil aynishi, qusish, diareya, bosh og‘rig‘i va bosh aylanishi, og‘irroq hollarda esa chalkashish, tremor, gallyutsinatsiyalar va tishishishlar.
Davolash: simptomatik, yetarli miqdorda suyuqlikni yuborilishini ta'minlash. Spetsifik antidoti ma'lum emas. Intoksikatsiyada gemodializ klinik samara ko‘rsatmaydi.

Chiqarilish shakli

Infuziyalar uchun eritma 200 mg/100 ml.
100 ml dan infuziya uchun eritma, teflon plyonkali rezina qolqop bilan qoplangan, alyuminiy qolpoqli va yuqoridan «flip off» plastmassa qopqoq bilan yopilgan tiniq flakonda (I tur shisha).
100 ml li 1 flakondan qo‘llash yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda, 30oS dan yuqori bo‘lmagan haroratda saqlansin. Muzlatilmasin!

Yaroqlilik muddati

5 yil.

Dorixonalardan berish tartibi

Retsept bo‘yicha.

Ishlab chiqaruvchi

KRKA, d.d., Novo mesto, Shmareshka sesta 6, 8501 Novo mesto, Sloveniya