Tromborel tab. 75mg №28

Tavsif

Preparatning savdo nomi

Tromborel
Ta'sir etuvchi modda (XPN): klopidogrel

Dori shakli

plyonka qobiq bilan qoplangan tabletkalar

Tarkibi

Har bir plyonka qobiq bilan qoplangan tabletka quyidagilarni saqlaydi:
faol modda: 98,00 mg klopidogrel bisulfati, klopidogrelga qayta hisoblaganda –
75 mg;
yordamchi moddalar: mannitol, mikrokristall sellyuloza, natriy karboksimetil kraxmal, kaltsiy sterati;
qobig‘i: vinkout (jigarrang) (gipromelloza, triatsetin, etiltsellyuloza, titan dioksidi, talk, temir III oksidi).

Ta'rifi

dumaloq, och-pushtidan pushti rangligacha bo‘lgan, plyonka qobiq bilan qoplangan tabletkalar, sindirilganida ikki qavat ko‘rinadi. Yadrosi – och-sariq rangli.

Farmakoterapevtik guruhi

antiagregant vosita.
ATX kodi: V01AS04.

Farmakologik xususiyatlari

Farmakodinamikasi

Klopidogrel - trombotsitlar agregatsiyasining spetsifik va faol ingibitori; koronarodilatatsiya qiluvchi ta'sir ko‘rsatadi. ADFni trombotsitlardagi retseptorlar bilan bog‘lanishini va ADF ta'siri ostida GPI Ib/IIIa retseptorlarining faollanishini, trombotsitlar agregatsiyasini susaytirib, tanlab kamaytiradi.
Boshqa agonistlar chaqirgan trombotsitlar agregatsiyasini, ozod bo‘lgan ADF bilan ularning faollanishini oldini olib, kamaytiradi, fosfodiesterazaning (FED) faolligiga ta'sir qilmaydi. Trombotsitlarning ADF-retseptorlari bilan qaytmas bog‘lanadi, ular hayot sikli davomida (taxminan 7 kun) ADF stimulyatsiyasiga chidamli bo‘lib qoladilar.
Trombotsitlar agregatsiyasini tormozlanishi 400 mg boshlang‘ich doza qabul qilinganidan keyin 2 soat o‘tgach kuzatiladi (40% ingibitsiya qilinish). Sutkada 50-100 mg dozada doimo qabul qilinganida 4-7 kun o‘tgach maksimal samara (agregatsiyani 60% ga susayishi) rivojlanadi. Antiagregatsion samara trombotsitlarning butun hayoti davomida (7-10 kun) saqlanadi.
Qon tomirning aterosklerotik shikastlanishi mavjudligida tomirli jarayonni joylashishidan qat'iy nazar (tserebrovaskulyar, kardiovaskulyar yoki periferik shikastlanishlar) aterotrombozni rivojlanishiga to‘sqinlik qiladi.

Farmakokinetikasi

Kuniga 75 mg dan ko‘p marta qabul qilinganidan keyin klopidogrel tez so‘riladi.
Biokiraolishligi – yuqori. Lekin dastlabki moddaning plazmadagi kontsentratsiyasi past va qabul qilinganidan keyin 2 soat o‘tgach o‘lchash chegarasiga yetmaydi (0,025 mkg/l). Plazma oqsillari bilan bog‘lanishi – 98-94%.
Klopidogrel jigarda tez metabolizmga uchraydi – uning faol bo‘lmagan hosilasi karboksil kislotasi, uning maksimal kontsentratsiyaga erishish vaqti (TSmax) takroriy og‘iz orqali
75 mg dozalarda 1 soatdan keyin erishiladi (Cmax – taxminan 3 mg/l).
Preparatning taxminan 50% buyraklar orqali va taxminan 46% ichak orqali yuborilganidan keyin 120 soat davomida chiqariladi. Bir martalik va takroriy qabuldan keyin asosiy metabolitining yarim chiqarilish davri (T1/2) 8 soatni tashkil qiladi. Buyraklar orqali chiqarilayotgan metabolitlarining kontsentratsiyasi 50%.
Sutkada 75 mg qabul qilinganidan keyin asosiy metabolitining kontsentratsiyasi buyraklarning og‘ir kasalliklari bo‘lgan patsiyentlarda (kreatinin klirensi (KK) minutiga 5-15 ml) o‘rtacha og‘irlikdagi buyrak kasalliklari (KK minutiga 30 dan to
60 ml) bo‘lgan patsiyentlar va sog‘lom odamlar bilan solishtirganda past.

Qo‘llanilishi

Aterosklerozi bo‘lgan bemorlarda (shu jumladan o‘tkazilgan miokard infarkti, ishemik insultdan keyin yoki periferik arteriyalarning tashxislangan kasalliklari fonida, shuningdek ST sigmentini ko‘tarilishisiz, o‘tkir koronar sindromni shakllanishisiz – atsetilsalitsil kislotasi (ASK) bilan birga va ST intervalini ko‘tarilishi bilan o‘tkir miokard infarktida ASK bilan birga trombolitik davolashni qo‘llash imkoniyati bilan medikamentoz davolangan patsiyentlarda), shu jumladan teri orqali stentlanishga duchor bo‘lgan bemorlarda ishemik buzilishlarni (miokard infarkti, insult, periferik arteriyalarning trombozi, to‘satdan tomirli o‘lim) oldini olish uchun qo‘llanadi.

Qo‘llash usuli va dozalari

Kattalar va keksa odamlar Tromborel preparatini ovqat qabul qilishdan qat'iy nazar, ichga sutkada bir marta 75 mg dan qabul qilishlari kerak.
Miokard infarktidan keyin bemorlarda bir necha kundan to 35 kungacha va ishemik insultdan keyin bemorlarda 7 kundan to 6 oygacha muddatlarda davolashni boshlash kerak.
Tromborel bilan davolash ST sigmentini ko‘tarilishisiz o‘tkir koronar sindromida (nostabil stenokardiya yoki Q tishisiz) 300 mg bir martalik yuklama dozadan boshlanishi, so‘ngra esa sutkada bir marta 75 mg doza bilan davom ettirilishi kerak (ASK bilan – sutkada 75-325 mg). ASKning yuqori dozalarini qo‘llash qon ketishlarining yuqori xavfi bilan bog‘liqligi tufayli, tavsiya etilayotgan doza 100 mg dan yuqori bo‘lmasligi kerak.
ST sigmentini ko‘tarilishi bilan o‘tkir miokard infarkti bo‘lgan bemorlarga preparat boshlang‘ich yuklama dozani ishlatish bilan sutkada 75 mg dozada bir marta ASK bilan majmuada, trombolitiklar bilan birga yoki trombolitiklarsiz buyuriladi.
75 yoshdan oshgan patsiyentlar uchun Tromborel bilan davolash yuklama dozani ishlatishsiz amalga oshirilishi kerak. Majmuaviy davolash simptomlar rivojlanganidan keyin iloji boricha tezroq boshlanishi va kamida 4 hafta davom etishi kerak.
Nojo‘ya ta'sirlari
Qon ketishi – eng ko‘p uchraydigan reaktsiya, u preparatni qabul qilishning birinchi oyi davomida uchraydi. Kuchli qon ketishlarining hollari Tromborel preparatini ASK bilan yoki Tromborelni ASK va geparin bilan bir vaqtda qabul qilayotgan patsiyentlarda qayd etilgan (“Maxsus ko‘rsatmalar” bo‘limiga qarang).
Nojo‘ya samaralarining tez-tezligi quyidagi mezonlar bo‘yicha aniqlangan: tez-tez (>1/100 - <1/10), tez-tez emas (>1/1000 - <1/100) va kam hollarda (>1/10000 - <1/1000 gacha). “Juda kam hollarda” (<1/10000) to‘g‘ri keladi. Har sinf tez-tezligi chegaralarida noxush samaralari og‘irlik darajasini kamayishi tartibida berilgan.
Markaziy nerv tizimi tomonidan: tez-tez emas - bosh og‘rig‘i, bosh aylanishi va parasteziya; kam hollarda – tizimli bosh aylanishi; juda kam hollarda – ongni chalkashishi, gallyutsinatsiyalar, ta'm tuyg‘ularini buzilishi.
Me'da-ichak yo‘llari tomonidan: tez-tez – me'da-ichak qon ketishlari, diareya, qorin og‘rig‘i, dispepsiya; tez-tez emas – gemorragik insult, me'da yarasi, o‘n ikki barmoq ichak yarasi, gastrit, qusish, ko‘ngil aynishi, qabziyat, ichakni dam bo‘lishi; juda kam hollarda – pankreatit, kolit (shu jumladan yarali yoki limfotsitar kolit), stomatit, o‘tkir jigar yetishmovchiligi, gepatit.
Yurak-qon tomir tizimi va qon yaratish a'zolari tizimi tomonidan: tez-tez emas – qon ketishi vaqtini oshishi va trombotsitlar sonini kamayishi (trombotsitopeniya), leykopeniya, neytropeniya va eozinofiliya; juda kam hollarda – vaskulit, gipotenziya, trombotik trombotsitopenik purpura (TTP) (1/200000 preparat qabul qilgan patsiyentlar) (“Maxsus ko‘rsatmalar” bo‘limiga qarang), og‘ir trombotsitopeniya (trombotsitlar soni <30x109/l), agranulotsitoz, granulotsitopeniya, aplastik anemiya/pantsitopeniya, anemiya.
Teri qoplamalari tomonidan: tez-tez emas – allergik reaktsiyalar (teri toshmasi), terini qichishishi; juda kam hollarda – angionevrotik shish, bullyoz dermatit (ko‘p shaklli eritema, Stivens-Djonson sindromi, toksik epidermal nekroliz), eshakemi, eritematoz toshma, ekzema va yassi temiratki.
Nafas a'zolari tomonidan: juda kam hollarda – bronxospazm, interstitsial pnevmonit.
Boshqalar: juda kam hollarda – artralgiya, artrit, mialgiya, anafilaktoid reaktsiyalar, zardob kasalligi, haroratni oshishi, jigarning funktsional sinamalarini buzilishi, qonda kreatinin darajasini oshishi, glomerulonefrit.

Qo‘llash mumkin bo‘lmagan holatlar

• Preparatni faol yoki har qanday yordamchi komponentiga yuqori sezuvchanlik;
• 18 yoshgacha bo‘lganlar (qo‘llashning samaradorligi va xavfsizligi aniqlanmagan);
• og‘ir jigar yetishmovchiligi;
• faol patologik qon ketishi (peptik yara yoki bosh miya ichki qon quyilishi);
• homiladorlik va laktatsiya davrida qo‘llash mumkin emas.
Ehtiyotkorlik bilan: o‘rtacha jigar yetishmovchiligi, surunkali buyrak yetishmovchiligi (SBE), qon ketishini rivojlanishi xavfini oshiruvchi holatlar (shu jumladan jarohat, operatsiyalar, ASK ni, nosteroid yallig‘lanishga qarshi preparatlarni (NYaQP) (shu jumladan SOG-2 ingibitorlari), geparin va glikoprotein IIb/IIIa ingibitorlarini bir vaqtda qabul qilish.
Dorilarning o‘zaro ta'siri
ASK, geparin, trombolitiklar, bilvosita antikoagulyantlar, NYaQPning antiagregant samarasini kuchaytiradi, me'da-ichak yo‘llaridan qon ketishlarini rivojlanish xavfini oshiradi, shuning uchun bu vositalarni bir vaqtda qo‘llash ehtiyotkorlikni talab qilinadi.
Tromborelni jarohat yoki jarrohlik aralashuvlarda glikoprotein IIb/IIIa ingibitorlarini bir vaqtda qabul qilishda kuchli qon ketishni xavfi bo‘lishi mumkin bo‘lgan patsiyentlarda ehtiyotkorlik bilan qo‘llash kerak.
Klopidogrel va varfarinni bir vaqtda qo‘llash tavsiya qilinmaydi, chunki bu qon ketishini kuchaytirishi mumkin (shuningdek “Maxsus ko‘rsatmalar” bo‘limiga qarang).
Tromborel atenolol, nifedipin yoki atenololni nifedipin bilan majmuasi bilan bir vaqtda qo‘llash hollarida, klinik ahamiyatli farmakodinamik o‘zaro ta'sirlar aniqlanmagan. Bundan tashqari, klopidogrelning farmakodinamik faolligi fenobarbital, simetidin yoki estrogenlar bilan vaqtda qo‘llanganida ahamiyatli o‘zgarmagan.

Maxsus ko‘rsatmalar

Davolanish davrida gemostaz tizimining ko‘rsatkichlarini (faollashtirilgan qisman tromboplastik vaqti (FQTV), trombotsitlar soni, trombotsitlarning funktsional faolligining testlari) nazorat qilish kerak; jigarning funktsional faolligini muntazam tekshirish kerak.
Tromborelni jarohat, jarrohlik aralashuvlarda qon ketishining yaqqol xavfi bo‘lgan patsiyentlarda, qon ketishiga (ayniqsa me'da-ichak va ko‘z ichki qon ketishiga) moyil shikastlanishlari bo‘lgan patsiyentlarda, shuningdek ASK, nosteroid yallig‘lanishga qarshi vositalar (shu jumladan SOG-2 ingibitorlari), geparin, yoki glikoprotein IIb/IIIa ingibitorlarini qabul qilayotgan patsiyentlarda ehtiyotkorlik bilan qo‘llash kerak. Qon ketishining har qanday belgilarini, shu jumladan yashirin, ayniqsa preparatni qo‘llashni birinchi haftalari davomida va/yoki yurakdagi invaziv muolajalar yoki jarrohlik operatsiyalardan keyin aniqlash uchun patsiyentlarni sinchiklab kuzatish kerak. Tromborel va varfarinni bir vaqtda qo‘llash tavsiya qilinmaydi, chunki bu qon ketishini kuchaytirishi mumkin.
Jarrohlik aralashuvlar holida, agar antiagregant ta'siri hoxlanmasa, davolash kursini operatsiyadan 7 kun oldin to‘xtatish kerak.
Bemorlarni Tromborel preparatini qo‘llash fonida (ASK bilan birga yoki usiz) paydo bo‘luvchi qon ketishini to‘xtatish ko‘p vaqt talab qilishi haqida ogohlantirish kerak, ular qon ketishining har bir holi haqida shifokorga xabar berishlari kerak. Bemorlar shuningdek, agar ularda jarrohlik aralashuvlar o‘tkaziladigan bo‘lsa, preparatni qabul qilishlari haqida shifokorni xabardor qilishlari kerak.
Tromborel preparati qabul qilinganidan keyin trombotik trombotsitopenik purpura (TTP) kam aniqlangan, ba'zida qisqa muddati qo‘llashdan keyin. Bu holat trombotsitopeniya va mikroangiopatik gemolitik anemiya, nevrologik belgilar, buyraklar faoliyatini buzilishi yoki isitma bilan birga, xarakterlanadi.
TTP – shoshilinch, shu jumladan plazmaferezani qo‘llash bilan davolashni talab qiluvchi potentsial o‘limga olib kechuvchi holat.
Ma'lumotlarning yo‘qligi tufayli Tromborelni o‘tkir (7 kundan kam emas) ishemik insultlarda tavsiya qilish mumkin emas.
Buyraklar faoliyatini buzilishlari bo‘lgan patsiyentlarda klopidogrelni qo‘llashning tajribasi cheklangan, shuning uchun bu bemorlarga Tromborelni ehtiyotkorlik bilan buyurish kerak.
Jigar faoliyatini og‘ir buzilishlarida gemorragik diatez rivojlanishini xavfini yodda tutish kerak, jigar faoliyatini o‘rtacha buzilishlari bo‘lgan patsiyentlarda preparatni qo‘llashning tajribasi cheklangan, shuning uchun bu patsiyentlarga Tromborelni ehtiyotkorlik bilan buyurish kerak.
Homiladorlik va laktatsiya davri
Ma'lumotlarning yo‘qligi tufayli, Tromborelni homiladorlik va laktatsiya vaqtida qabul qilish tavsiya etilmaydi.
Avtotransport vositalarini boshqarish qobiliyati
Klopidogrel transport vositalarini boshqarish va mexanizmlar bilan ishlash qobiliyatiga ta'sir qilmaydi yoki ahamiyatsiz ta'sir kiladi.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach ishlatilmasin.

Dozani oshirib yuborilishi

Tromborelning dozasini oshirib yuborilishi qon ketish vaqtini cho‘zilishi va keyingi asoratlariga olib kelishi mumkin. Qon ketishi aniqlanganida muvofiq davolash qo‘llanishi kerak.
Klopidogrelning farmatsevtik faolligini antidotlari aniqlanmagan.
Agar qon ketishning cho‘zilgan vaqtini tez to‘g‘rilashning zarurati bo‘lsa, trombotsitar massani quyish tavsiya qilinadi.
Chiqarilishi shakli
Plyonka qobiq bilan qoplangan tabletkalar, 75 mg.
Plyonka qobiq bilan qoplangan 14 tabletkadan Al/PVX yoki Al/Al blisterda.
2 blisterdan tibbiyotda qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Retsept bo‘yicha.
Ishlab chiqaruvchining nomi va manzili
Edj Farma Prayvet Limited
166, Atlanta Bilding,
209 Nariman Poynt,
Mumbay 400 021
RF dagi vakolatxonasi:
“Edj Farma Prayvet Limited”
ma'suliyati cheklangan kompaniya vakolatxonasi
Moskva, Obruchev ko‘ch., 4 uy, 3 korp., of. 158-160
Tel: (495) 9364145, faks: (495) 7750407