Papaverin amp. 2% 2ml №10 MR

Tavsif

Preparatning savdo nomi

MR Papaverin gidroxlorid
Ta'sir etuvchi modda (XPN): Papaverin gidroxloridi

Dori shakli

In'ektsiya uchun eritma

Tarkibi

1 ampula quyidagilarni saqlaydi:
faol modda: papaverin gidroxloridi - 40 mg;
yordamchi moddalar: dinatriy edetati, D, L-metionini, in'ektsiya uchun suv.

Ta'rifi

tiniq, biroz sarg‘ish tusli suyuqlik.

Farmakoterapevtik guruhi

Spazmolitik vosita.
ATX kodi: A03AD01

Farmakologik xususiyatlari

Papaverin miotrop spazmolitik vosita hisoblanadi. U silliq mushaklarning tonusini pasaytiradi, qisqaruvchanlik faoliyatini kamaytiradi va shu tufayli qon tomirlarni kengaytiruvchi va spazmolitik ta'sir ko‘rsatadi. Papaverin siklik 3’,5’-adenozinmonofosfatni (tsAMF) xujayra ichida to‘planishini chaqiruvchi fosfodiesteraza fermentining ingibitori hisoblanadi. sAMFni to‘planishi silliq mushaklarning qisqaruvchanligini buzilishi va spastik holatlarda ularni bo‘shashishiga olib keladi. Preparatni markaziy nerv tizimiga ta'siri kuchsiz ifodalangan, faqat yuqori dozalarda u biroz sedativ samara ko‘rsatadi.

Farmakokinetikasi

Parenteral yuborilganida preparat qon zardobi albuminlari bilan mustahkam majmualar hosil qiladi. Gistogematik to‘siqlar orqali oson o‘tadi. Jigarda metabolizmga uchraydi. Taxminan 60% birikmalar ko‘rinishida, asosan fenol, glyukuron kislotasi bilan va oz miqdorda o‘zgarmagan shaklda chiqariladi. Yarim chiqarilish davri (T1/2) – 1-3 soatni tashkil qiladi.

Qo‘llanilishi

- qorin bo‘shlig‘i a'zolarining silliq mushaklarining spazmlari (pilorospazm, spastik kolit, xoletsistit, o‘t-tosh kasalligining xurujlari);
- siydik chiqarish yo‘llarining spazmlari, buyrak sanchig‘i;
- bosh miya qon tomirlarining spazmlari;
- koronar qon tomirlarning spazmlari (masalan, o‘tkir miokard infarkti, stenokardiya bilan bog‘liq);
- periferik qon tomirlarning spazmlarida (endarteriit) qo‘llanadi.

Qo‘llash usuli va dozalari

Preparat teri ostiga, mushak ichiga va vena ichiga qo‘llanadi.
Kattalar va 14 yoshdan oshgan bolalarga 2% li eritma 0,5-2 ml (10-40 mg) dan teri ostiga va mushak ichiga yuboriladi, vena ichiga esa 2% li papaverin gidroxloridining 1 ml eritmasi (20 mg) 10-20 ml natriy xloridining 0,9% li eritmasida suyultirib juda sekin, minutiga 3-5 ml tezlikda yuboriladi. Vena ichiga yuborish samaraliroq. Keksa yoshdagi patsiyentlar uchun davolashni boshida bir martalik doza 10 mg (0,5 ml 2% li eritma) dan oshmasligi kerak. Teri ostiga yoki mushak ichiga yuborishda kattalar uchun maksimal dozalar: bir martalik – 100 mg (5 ml 2% li eritma), sutkalik – 300 mg (15 ml 2% li eritma); vena ichiga yuborishda: bir martalik – 20 mg (1 ml 2% li eritma), sutkalik – 120 mg (6 ml 2% li eritma)tashkil qiladi.
1 yoshdan 14 yoshgacha bo‘lgan bolalarda preparat sutkada 2-3 marta qo‘llanadi. Bir martalik doza 0,7-1 mg/kg tana vazniga tashkil qiladi.
Bolalar uchun maksimal sutkalik doza (yuborish usulidan qat'iy nazar): 1-2 yosh – 20 mg (1 ml 2% li eritma), 3-4 yosh – 30 mg (1,5 ml 2% li eritma), 5-6 yosh – 40 mg (2 ml 2% li eritma), 7-9 yosh – 60 mg (3 ml 2% li eritma), 10-14 yosh – 100 mg (5 ml 2% li eritma) tashkil qiladi.
Nojo‘ya ta'sirlari
Markaziy va periferik nerv tizimi tomonidan: uyquchanlik, ko‘p terlash, holsizlik, bosh og‘rig‘i, bosh aylanishi.
Sezgi a'zolari tomonidan: ko‘rishni buzilishi, diplopiya.
Me'da-ichak yo‘llari tomonidan: anoreksiya, ko‘ngil aynishi, qabziyat, og‘iz bo‘shlig‘ini qurishi, diareya.
Jigar va o‘t chiqarish yo‘llari tomonidan: jigar transaminazalari faolligini oshishi.
Yurak-qon tomir tizimi tomonidan: aritmiyalar, taxikardiya, arterial gipotenziya, qisman yoki to‘liq atrioventrikulyar blokada, asistoliya, qorinchalar ekstrasistoliyasi, qorinchalar xilpillashi, kollaps.
Qon tizimi tomonidan: eozinofiliya.
Nafas a'zolari tomonidan: apnoe.
Dermatologik buzilishlar: tananing yuqori qismi, yuz va qo‘l terisining giperemiyasi; qichishish; terida toshmalar, eshakemi.
Allergik reaktsiyalar: o‘ta yuqori sezuvchanlik reaktsiyalari.
Boshqalar: yuborish joyidagi reaktsiyalar.

Qo‘llash mumkin bo‘lmagan holatlar

Preparatning komponentlariga yuqori sezuvchanlik, arterial gipotenziya, atrioventrikulyar o‘tkazuvchanlikni buzilishi, komatoz xolat, nafas olishni susayishi, monoaminooksidaza ingibitorlarini bir vaqtda qabul qilish; glaukoma, jigar yetishmovchiligi, 1 yoshgacha bo‘lgan bolalarda qo‘llash mumkin emas.
Dorilarning o‘zaro ta'siri
Yurak glikozidlari bilan bir vaqtda qo‘llanganida qon tomirlarning umumiy periferik qarshiligini kamayishi natijasida, miokardning qisqaruvchanlik faoliyatini yaqqol kuchayishi kuzatiladi.
Metildopa, levodopa, dopegit – bu preparatlarning samaradorligi kamayadi.
Antigipertenziv vositalar – antigipertenziv samara kuchayadi.
MNTni susaytiruvchi preparatlar – bir vaqtda qo‘llanganida bu preparatlarning toksikligi oshadi.
Nomutanosiblik. Natriy kofein-benzoati bilan kimyoviy nomutanosib. Faqat tavsiya qilingan erituvchi – 0,9% natriy xloridi eritmasi ishlatilsin.

Maxsus ko‘rsatmalar

Ehtiyotkorlik bilan va o‘rtacha terapevtik dozadan pastroq dozalarda preparatni buyurish kerak:
- keksa yoshdagi va xolsizlangan patsiyentlarga;
- bosh-miya jarohati bo‘lgan bemorlarga;
- surunkali buyrak yetishmovchiligi bo‘lgan bemorlarga;
- qorinchalar ustki taxikardiyasi, dekompensatsiya ko‘rinishlari bilan kechuvchi og‘ir yurak yetishmovchiligi bo‘lgan bemorlarga;
- buyrak usti bezlarining faoliyatini yetishmovchiligi, gipotireoz, prostata bezining giperplaziyasi, shok holatlarida.
Preparatni vena ichiga juda sekin va arterial bosim, yurak qisqarishlari soni, elektrokardiogrammaning nazorati ostida yuborish kerak.
Stenozlanuvchi koronarosklerozda preparatning vena ichiga in'ektsiyalarini ehtiyotkorlik bilan buyurish kerak.
Keksa yoshdagi patsiyentlarda giperemiya rivojlanishi mumkin.
Chekish preparatning samaradorligini kamaytiradi.
Preparatni qo‘llash davrida alkogol iste'mol qilish mumkin emas.
Homiladorlik yoki emizish davrida qo‘llanishi.
Homiladorlik yoki emizish davrida preparatni xavfsizligi va samaradorligi aniqlanmagan.
Bolalar. Preparat 1 yoshdan oshgan bolalarda qo‘llanadi.
Avtotransportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati.
Preparat bilan davolash vaqtida avtotransportni boshqarish yoki boshqa murakkab mexanizmlar bilan ishlashdan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: ko‘rishni buzilishi, diplopiya, xolsizlik, og‘iz bo‘shlig‘ini qurishi, qabziyat, tananing yuqori qismi terisini giperemiyasi, giperventilyatsiya, nistagm, ataksiya, taxikardiya, arterial gipotenziya, asistoliya, qorinchalar xilpillashi, kollaps. Preparatning yuqori dozalari qo‘llanganida va venaga tez yuborilganida aritmiyalar yoki to‘liq atrioventrikulyar blokada rivojlanishi mumkin.
Davolash: preparatni qo‘llashni to‘xtatish. Davolash simptomatik. Spetsifik antidoti yo‘q.

Chiqarilish shakli

In'ektsiya uchun eritma. 2 ml dan ampulada; 10 ampuladan polivinilxlorid plyonkali kontur-uyali o‘ramda.

Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Retsept bo‘yicha.