Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Floksimed ko‘z/quloq tomchilari 0.3% №1
Floksimed ko‘z/quloq tomchilari 0.3% №1
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Ципрофлоксацин
Страна производитель
Египет
Дозировка
0,3% 5 мл
Производитель
World Medicine Ophthalmics, Великобритания произведено: E.I.P.I.Co.
Рецептурный препарат
Да
Форма выпуска
Глазные / ушные капли
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
Floksimed
Ta'sir etuvchi modda (XPN) siprofloksatsin
Dori shakli
ko‘z/quloq tomchilari.
Tarkibi
1 ml preparat quyidagilarni saqlaydi
faol modda 3,0 mg siprofloksatsin (tsiprofloksatsin gidroxloridi shaklida);
yordamchi moddalar benzalkoniy xloridi, dinatriy edetati, mannit, 99,8% li sirka kislotasi, suvsiz natriy atsetati, xlorid kislotasi yoki natriy gidroksidi, in'ektsiya uchun suv.
Ta'siri rangsizdan och sariq ranggacha bo‘lgan tiniq suyuqlik
Farmakoterapevtik guruhi
Oftalmologiya va otologiyada qo‘llanadigan preparatlar. Mikroblarga qarshi vositalar.
ATX kodi S03AA07
Farmakologik hususiyatlari
Farmakodinamika
si
Ta'sir mexanizmi
Floksimed preparati tarkibida ftorxinolon – siprofloksatsin saqlaydi. Siprofloksatsinni bakteriyalarga nisbatan bakteritsid va ingibitsiya qiluvchi faolligi bakteriyalardagi DNK sintezi uchun zarur bo‘lgan ferment DNK-giraza bilan interferentsiyasining natijasi hisoblanadi. Shunday qilib, bakteriyalarning xromosomalaridagi hayotiy muhim axborot transkriptsiya bo‘lmaydi, bu bakteriyalarda metabolizmni izdan chiqishiga olib keladi. Siprofloksatsin in vitro sharoitlarida grammusbat va grammanfiy bakteriyalarning keng ta'sir doirasiga qarshi faollikka ega.
Chidamlilik mexanizmi
Ftorxinolonlarga, xususan, siprofloksatsinga chidamlilik bakteriyalarda bir yoki bir nechta asosiy mexanizmlarni jiddiy genetik o‘zgarishlarini talab etadi a) DNK-sintezi uchun fermentlar; b) himoya oqsillari; c) hujayralarning o‘tkazuvchanligi; d) preparatni chiqib ketishi yoki e) plazmidagi bog‘liq aminoglikozid 6'-N-atsetiltransferaza, AAC (6')-Ib ni talab etadi.
Ftorxinolonlar, shu jumladan siprofloksatsin kimyoviy tuzilishi va ta'sir usuli bo‘yicha aminoglikozidlar, β-laktam antibiotiklar, makrolidlar, tetratsiklinlar, sulfonamidlar, trimetoprim va xloramfenikoldan farqlanadi. Shunday qilib, ushbu moddalarga chidamli mikroorganizmlar siprolofksatsinga sezgir bo‘lishi mumkin.
Chegaraviy qiymatlar
Mahalliy qo‘llanadigan siprofloksatsin uchun chegaraviy qiymatlar rasmiy ravishda aniqlanmagan. Tizimli qo‘llanganida chegaraviy qiymatlardan foydalanishiga qaramasdan, preparat bilan mahalliy davolanganda chegaraviy qiymatlardan foydalanish noaniqdir. Ushbu antibiotik uchun antimikrob sezuvchanligini sinash bo‘yicha Yevropa qo‘mitasi (EUCAST) tomonidan belgilangan minimal ingibitsiya qiluvchi kontsentratsiya (MIK) ning klinik chegaraviy qiymatlari quyidagi jadvalda keltirilgan
Rod Staphylococcus S ≤ 1 mg/l, R ≥ 1 mg/l
Streptococcus pneumoniaeS ≤ 0,125 mg/l, R ≥ 2 mg/l
Haemophilus influenzaeS ≤ 0,5 mg/l, R ≥ 0,5 mg/l
Moraxella catarrhalisS ≤ 0,5 mg/l, R ≥ 0,5 mg/l
Pseudomonas aeruginosaS ≤ 0,5 mg/l, R ≥ 1 mg/l
Siprofloksatsinga sezuvchanlik
Orttirilgan chidamlilikni tarqalganligi tanlab olingan mikroorganizmlarning turlari uchun geografik va vaqt ko‘rsatkichlariga qarab o‘zgarishi mumkin, shuning uchun aynan shu joydagi, ayniqsa og‘ir darajadagi infektsiyalarni davolashda, mikroorganizmlarning sezuvchanligi yuzasidan ma'lumot olgan afzal. Zarurat bo‘lganida, agar aynan shu joyda chidamlilikni tarqalganligi ayrim infektsiya turlarida preparatni qo‘llanishi minimal sifatida shubha tug‘dirsa, mutaxassislarga murojaat qilish kerak.
Quyida ko‘z infektsiyalarida aniqlangan bakteriyalarning turlari keltirilgan
- ko‘proq sezgir turlari
aerob grammusbat mikroorganizmlar - Corynebacterium accolens, Corynebacterium auris, Corynebacterium propinquum, Corynebacterium psudodiphtheriticum, Corynebacterium striatum, Staphylococcus aureus (metitsillinga sezgir turlari - MSSA), Staphylococcus capitis, Staphylococcus epidermidis (metitsillinga sezgir turlari - MSSE), Staphylococcus hominis, Staphylococcus saprophyticus, Staphylococcus warneri, Streptococcus pneumonia, gruppa Streptococcus viridans;
aerob grammanfiy mikroorganizmlar – Acinetobacter avlodi, Haemophilus influenza, Moraxella catarrhalis, Pseudomonas aeruginosa, Serratia marcescens;
- orttirilgan chidamlilik muammo tug‘dirishi mumkin bo‘lgan turlari
aerob grammusbat mikroorganizmlar – Staphylococcus aureus (metitsillinga chidamli turlari – MRSA), Staphylococcus epidermidis (metitsillinga chidamli turlari - MRSE), Staphylococcus lugdunensis;
- ich-ichidan chidamli mikroorganizmlar
aerob grammusbat mikroorganizmlar - Corynebacterium jeikium.
Quyida quloq infektsiyalarida aniqlangan bakteriyalarning turlari keltirilgan
1) Timpanostomik naylari bilan birga o‘tkir o‘rta quloq otiti
- ko‘proq sezgir turlari
aerob grammusbat mikroorganizmlar - Staphylococcus aureus (metitsillinga sezgir turlari), Streptococcus pneumoniae;
aerob grammanfiy mikroorganizmlar - Haemophilus influenza, Moraxella catarrhalis, Pseudomonas aeruginosa;
- orttirilgan chidamlilik muammo tug‘dirishi mumkin bo‘lgan turlari
aerob grammusbat mikroorganizmlar - Staphylococcus aureus (metitsillinga chidamli turlari).
2) O‘tkir tashqi quloq otiti
- ko‘proq sezgir turlari
aerob grammusbat mikroorganizmlar - Staphylococcus aureus (metitsillinga sezgir turlari);
aerob grammanfiy mikroorganizmlar - Pseudomonas aeruginosa;
- orttirilgan chidamlilik muammo tug‘dirishi mumkin bo‘lgan turlari
aerob grammusbat mikroorganizmlar - Staphylococcus aureus (metitsillinga chidamli turlari).
Yuqorida ko‘rsatilgan ma'lumot Yevropaning turli joylarida o‘tkazilgan mikrobiologik nazoratli tadqiqotlarga, va AQSh hamda Kanadada o‘tkazilgan klinik tadqiqotlarning ma'lumotlariga asoslangan.
Farmakokinetikasi
Mahalliy qo‘llanganida preparat tez so‘riladi va tizimli darajasi past bo‘ladi. 0,3% li eritma kon'yunktivaga 2 tomchidan har 2 soatda 2 kun davomida, so‘ngra esa har 4 soatda 5 kun davomida instillyatsiya qilinganidan so‘ng qon plazmasida siprofloksatsinning kontsentratsiyasi baholab bo‘lmaydigan miqdorlardan (< 1,0 ng/ml) 4,7 ng/ml gacha bo‘lgan qiymatlar orasida o‘zgargan. Ushbu tadqiqot natijasiga ko‘ra, qon plazmasidagi siprofloksatsinning o‘rtacha maksimal kontsentratsiyasi, siprofloksatsin 250 mg dozada ichga qabul qilinganda kuzatiladigan kontsentratsiyasiga nisbatan taxminan 450 marta kam. Siprofloksatsinning tizimli farmakokinetik hususiyatlari yaxshi o‘rganilgan.
Bolalarga siprofloksatsin quloq tomchilari sifatida 3 mg/ml / 1 mg/ml dozalarda mahalliy qo‘llanganidan so‘ng uning qon plazmasidagi darajasi juda past bo‘lgan. Har bir quloqqa 4 tomchidan (tsiprofloksatsinning 0,84 mg bo‘lgan umumiy dozasiga ekvivalent) tomizilgandan so‘ng siprofloksatsinning maksimal kontsentratsiyasiga (Cmax) bir necha soat davomida erishilgan va kamida 0,50 ng/ml dan 3,45 ng/ml gacha bo‘lgan qiymatlarda o‘zgarib turgan, o‘rtacha Cmax 1,33 ng/ml bo‘lgan. Cmax erishilgandan so‘ng, katta yoshdagi sub'ektlarda peroral dozalari qo‘llangandan keyin ham, siprofloksatsin plazmadan taxminan 3 soatga teng bo‘lgan yarim chiqarilish davri bilan chiqariladi.
Siprofloksatsin organizmning to‘qimalariga keng taqsimlanadi, taxminiy taqsimlanish hajmi 1,7 l/kg dan 5,0 l/kg gacha bo‘lgan qiymatlarni tashkil etadi. Plazma oqsillari bilan bog‘lanishi – 20-40%. Plazmadan yarim chiqarilish davri 3-5 soatni tashkil etadi. Siprofloksatsin va uning 4 metaboliti siydik va axlat bilan chiqariladi. Buyrak orqali siprofloksatsinning plazmadagi umumiy miqdorini taxminan 2/3 qismi eliminatsiya bo‘ladi, ayni vaqtda ichak orqali va safro bilan siprofloksatsinning umumiy miqdoriini 1/3 qismi chiqariladi. Buyrak faoliyatini buzilishi bo‘lgan patsiyentlarda buyrakdan tashqari eliminatsiya yo‘llarini hisobiga siprofloksatsinning yarim chiqarilish davrini biroz oshishi kuzatiladi. Shunga o‘xshash, jigar faoliyatini buzilishlarida yarim chiqarilish davri biroz uzayadi.
Siprofloksatsin bolalarda qo‘llanganida uning farmakokinetik hususiyatlarini o‘rganish yuzasidan ma'lumotlar yo‘q.
Qo‘llanilishi
• preparatga sezgir bakteriyalar chaqirgan bakteriyalarning shtammlari chaqirgan shox parda yarasi va ko‘z hamda ko‘z ortiqlarining yuzaki infektsiyalarini davolash;
• timpanostomik naychalari bo‘lgan patsiyentlarda o‘tkir tashqi va o‘rta quloq otitini davolash uchun qo‘llanadi.
Qo‘llash usuli va dozalari
Preparat kattalarga, yangi tug‘ilgan chaqaloqlarga (0-27 kunlik), go‘daklar va kichik yoshdagi bolalarga (28 kunlikdan 23 oylikkacha), bolalarga (2-11 yosh) va o‘smirlarga (12-16 yosh) qo‘llanadi.
Shox parda yarasi
Floksimed preparatini, hatto tunda ham, quyidagi vaqt oraliqlariga rioya qilgan holda qo‘llash kerak
Preparat birinchi kunda dastlabki 6 soat davomida shikastlangan ko‘zga 2 tomchidan har 15 minutda tomiziladi, so‘ngra esa kunning qolgan vaqtida shikastlangan ko‘zga 2 tomchidan har 30 minutda tomiziladi.
Ikkinchi kunda shkastlangan ko‘zga 2 tomchidan har soatda tomiziladi.
To‘rtinchi kundan o‘n to‘rtinchi kungacha shikastlangan ko‘zga 2 tomchidan har 4 soatda tomiziladi. Agar patsiyentga 14 kundan ortiq vaqt davomida davolanish zarur bo‘lsa, dozalash tartibi davolovchi shifokor tomonidan belgilanadi.
Ko‘zning yuzaki infektsiyalari
Odatdagi dozasi shikastlangan ko‘z(lar)ga 1 yoki 2 tomchidan sutkada 4 marta tomiziladi. Og‘ir darajadagi infektsiyalarda dozasi dastlabki ikki kunda 1 yoki 2 tomchidan har 2 soatda uyg‘oqlik vaqtida tomizilishi mumkin.
Har bir ko‘rsatmalarda qo‘llanganida tavsiya etilgan maksimal davolash davomiyligi 21 kunni tashkil etadi.
1 yoshdan oshgan bolalar uchun dozasi kattalar uchun mo‘ljallangan doza bilan bir xil.
Timpanostomik naychalari bo‘lgan patsiyentlarda o‘tkir tashqi va o‘rta quloq otiti
Preparat shikastlangan quloq(lar)ga 4 tomchidan kuniga ikki marta 7 kun davomida tomiziladi, bunda o‘tkir o‘rta quloq otiti va timpanostomik naychalari bo‘lgan patsiyentlar va o‘tkir tashqi quloq otiti bo‘lgan patsiyentlar uchun tomizish usullaridagi farqlarga rioya qilinadi.
Bolalarda qo‘llanishi
Bolalarda siprofloksatsin ko‘z tomchilarini qo‘llash havfsizligi va samaradorligi aniqlangan. Ushbu patsiyentlar guruhida dori vositasi ta'sirida jiddiy noxush reaktsiyalar xaqida xabarlar berilmagan. Preparat 1 yoshdan oshgan bolalarda kattalar uchun mo‘ljallangan dozalarda qo‘llanishi mumkin.
Keksa yoshdagi patsiyentlar
Umuman olganda, keksa yoshdagi hamda yoshroq katta yoshdagi patsiyentlarda preparatning havfsizligi va samaradorligida farqlar aniqlanmagan.
Nojo‘ya ta'sirlari
Klinik tadqiqotlarda ko‘zda diskomfort hissi (6% hollarda), disgevziya (3% hollarda) va shox pardada cho‘kma hosil bo‘lishi (3% hollarda) kabi noxush reaktsiyalar eng ko‘p kuzatilgan.
Noxush reaktsiyalarning uchrash tezlishi quyidagi tarzda aniqlangan tez-tez (≥ 1/100, ammo < 1/10), tez-tez emas (≥ 1/1000, ammo < 1/100), kam hollarda (≥ 1/10000, ammo < 1/1000), uchrash tezligi noma'lum (mavjud bo‘lgan ma'lumotlar asosida baholash mumkin emas). Har bir guruhda keltirilgan noxush reaktsiyalar ularning uchrash tezligini kamayishi tartibida berilgan.
Infektsiyalar va invaziyalar tez-tez emas – kandidoz.
Immun tizimi tomonidan kam hollarda – o‘ta yuqori sezuvchanlik reaktsiyalari.
Nerv tizimi tomonidan kam hollarda – paresteziyalar (quloqlarda sanchish hissi), bosh og‘rig‘i; kam hollarda – bosh aylanishi.
Ko‘rish a'zolari tomonidan tez-tez – shox pardada cho‘kma hosil bo‘lishi, ko‘zlarda diskomfort, ko‘zlarni qizarishi; tez-tez emas – keratopatiya, nuqtali keratit, shox parda infiltratlari, yorug‘likdan qo‘rqish, ko‘rish o‘tkirligini pasayishi, qovoqlarni shishi, ko‘rishni xiralashishi, ko‘zlarda og‘riq, ko‘zni qurishi hissi, ko‘zni shishi va qichishishi, ko‘z yoshini oqishi, ko‘zdan ajralma ajralishi, qovoqlarning chetlarida qatqaloqlarni hosil bo‘lishi, qovoqlarning terisini qipiqlanishi, kon'yunktivani shishi, qovoq eritemasi; kam hollarda – ko‘rish a'zolari tomonidan toksik ko‘rinishlar, keratit, kon'yunktivit, shox parda epiteliysini nuqsoni, diplopiya, shox pardaning sezuvchanligini pasayishi, astenopatiya, ko‘zlarni ta'sirlanishi, ko‘zlarni yallig‘lanishi, govmichak toshishi.
Eshitish a'zolari tomonidan va labirint buzilishlari kam hollarda – quloqlarda og‘riq.
Nafas a'zolari, ko‘krak qafasi va ko‘ks oralig‘i a'zolari tomonidan kam hollarda – burunning yondosh bo‘shliqlari shilliq qavati tomonidan ajralib chiqadigan ajralmani sekretsiyasini oshishi, rinit.
Me'da-ichak yo‘llari a'zolari tomonidan tez-tez – disgevziya; tez-tez emas – ko‘ngil aynishi; kam hollarda – diareya, qorinda og‘riq.
Teri va teri osti to‘qimalari tomonidan kam hollarda – dermatit.
Skelet-mushak tizimi va biriktiruvchi to‘qimalar tomonidan uchrash tezligi noma'lum – bog‘lam apparati tomonidan buzilishlari.
Umumiy buzilishlar tez-tez emas – instrument okklyuziyasi (timpanostomik naychani yopilib qolishi).
Tanlangan noxush ko‘rinishlarni ta'rifi
Ftorxinolonlar mahalliy qo‘llanganida juda kam hollarda toshma (shu jumladan tarqoq), toksik epidermoliz, eksfoliativ dermatit, Stivens-Djonson sindromi va eshakemi kuzatilgan.
Bolalar
Siprofloksatsin ko‘z tomchilarini 3 mg/ml dozada qo‘llash havfsizligi va samaradorligi 0 dan 12 yoshgacha bo‘lgan 230 bolalarda aniqlangan. Ushbu patsiyentlar guruhida dori vositasi ta'sirida rivojlangan jiddiy noxush reaktsiyalar xaqida xabar berilmagan.
Shubha qilingan noxush reaktsiyalar xaqida ma'lumot
Dori vositasi qayd etilgandan so‘ng shubxa qilingan noxush reaktsiyalar xaqida ma'lumotlar muhim hisoblanadi. Dori vositasiga nisbatan jiddiy noxush reaktsiya yuz berganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ma'lumot berishingizni so‘raymiz.
Qo‘llash mumkin bo‘lmagan holatlar
• preparatning faol moddasiga yoki tarkibiga kiruvchi boshqa yordamchi moddalarga o‘ta yuqori sezuvchanlik;
• ftorxinolonlarga o‘ta yuqori sezuvchanlik;
• virusli infektsiyalar (ya'ni suvchechak, oddiy gerpes virusi) va zamburug‘li infektsiyalarda qo‘llash mumkin emas.
Dorilarning o‘zaro ta'siri
Siprofloksatsinning ko‘z/quloq tomchilari dori shakli yordamida o‘zaro ta'sirini o‘rganish yuzasidan maxsus tadqiqotlar o‘tkazilmagan. Siprofloksatsin kon'yunktivaga instillyatsiya qilingandan so‘ng plazmada siprofloksatsinning tizimli kontsentratsiyasi pastligini e'tiborga olib, siprofloksatsin bilan birga qo‘llanadigan preparatlar bilan o‘zaro ta'sir qilish ehtimoli kam. Boshqa mahalliy oftalmologik preparatlar bilan birga qo‘llanganida ularni qo‘llash o‘rtasidagi oraliq kamida 5 minutni tashkil etishi kerak, bunda ko‘z surtmasini barcha preparatlardan keyin qo‘llash kerak.
Maxsus ko‘rsatmalar
Agar flakonning qalpoqchasi yechib olingandan so‘ng birinchi marta ochish nazorat xalqasi flakonga mahkam joylashgan bo‘lmasa, preparatni qo‘llashdan oldin uni yechib olish kerak.
Floksimed preparati oftalmologik kasalliklarda qo‘llanganida, preparatni burun-halqumga tushishi havfini inobatga olish kerak, bu holat bakteriyalarning chidamliligini rivojlanishiga va tarqalishiga olib kelishi mumkin.
Agar butun davolash kursi tugaganidan so‘ng otoreya davom etsa, yoki agar olti oy davomida ikki yoki undan ortiq otoreya hurujlari kuzatilsa, xolesteatoma, burun bo‘shlig‘ida yot jismni yoki o‘smani bo‘lishi kabi, boshqa patologik holatlarni borligini istisno qilish uchun qo‘shimcha tekshiruv o‘tkazish tavsiya etiladi.
Jiddiy va ba'zida o‘limga olib keluvchi o‘ta yuqori sezuvchanlik reaktsiyalari (anafilaktik reaktsiyalar), ba'zida preparatning birinchi dozasi yuborilganidan so‘ng rivojlangan reaktsiyalar xinolonlar bilan tizimli davolangan patsiyentlarda kuzatilgan. Ayrim reaktsiyalar yurak-qon tomir yetishmovchiligi, xushni yo‘qolishi, sanchish hissi, halqum yoki yuzni shishi, hansirash, eshakemi va qichishish bilan kuzatilgan. Patsiyentlarning ko‘p bo‘lmagan miqdoridagina anamnezida o‘ta yuqori sezuvchanlik reaktsiyalariga ko‘rsatmalar bo‘lgan.
Siprofloksatsinga nisbatan jiddiy o‘tkir o‘ta yuqori sezuvchanlik reaktsiyalari shoshilinch davolashni talab etishi mumkin. Klinik ko‘rsatmalar bo‘lsa, patsiyentlarga kislorod berish va nafas yo‘llarining o‘tkazuvchanligini ta'minlash kerak.
Boshqa antibakterial preparatlar bilan bo‘lgani kabi, preparatni uzoq muddat qo‘llash bakteriyalarning sezgir bo‘lmagan shtammlari va zamburug‘larni haddan tashqari o‘sishiga olib kelishi mumkin. Superinfektsiya rivojlanganida muvofiq davolashni boshlash kerak.
Ftorxinolonlar, shu jumladan siprofloksatsin tizimli qo‘llanganida, ayniqsa keksa yoshdagi patsiyentlarda va bir vaqtda kortikosteroidlar qo‘llanayotgan patsiyentlarda, paylarni yallig‘lanishi va uzilishi bo‘lishi mumkin. Shu sababli, paylarni yallig‘lanishini birinchi belgilari paydo bo‘lganida Floksimed preparatini qo‘llashni to‘xtatish kerak.
Floksimed preparatini tez-tez qo‘llaydigan, shox pardani yarasi bo‘lgan patsiyentlarda ko‘zlarda tashqi pardalar (preparatning qoldiqlari) hosil bo‘lishi kuzatilgan; Floksimed preparati bilan davolanish davom ettirilganida ko‘zlarning holati normaga qaytgan. Tashqi pardalarni hosil bo‘lishi Floksimed preparatini qo‘llashni to‘xtatishni talab etmaydi va klinik sog‘ayish jarayoniga salbiy ta'sir ko‘rsatmaydi. Pardalarni hosil bo‘lishini boshlanishi davolash boshlanganidan so‘ng 24 soatdan boshlab 7 kungacha bo‘lgan davrda kuzatilgan. Pardalarni yo‘qolishi davolash boshlanganidan so‘ng darhol yoki 13 kun davomida kuzatilgan.
Ko‘z infektsiyalarini davolash vaqtida kontakt linzalarni taqish tavsiya etilmaydi. Floksimed preparati bilan davolanish vaqtida patsiyentlarga, kontakt linzalarni taqib yurishdan saqlanishni maslahat berish kerak. Agar patsiyentlarga kontakt linzalarni taqib yurish ruxsat etilsa, Floksimed preparatini qo‘llashdan oldin kontakt linzalarni yechish va kamida 15 minutdan keyin taqish kerakligi yuzasidan patsiyentlarga ko‘rsatma berish kerak.
Floksimed preparati tarkibida, ko‘zlarni ta'sirlanishi va yumshoq kontakt linzalarni rangsizlantirishi mumkin bo‘lgan, benzalkoniy xloridini saqlaydi,
Bolalar
Bir yoshdan kichik bo‘lgan bolalarda, ayniqsa yangi tug‘ilgan chaqaloqlarda preparatni klinik qo‘llash tajribasi juda cheklangan. Oftalmiyasi bo‘lgan yangi tug‘ilgan chaqaloqlarga, gonokokkli yoki xlamidiyali infektsiyalari bo‘lgan yangi tug‘ilgan chaqaloqlarga siprofloksatsin ko‘z tomchilarini qo‘llash tavsiya etilmagan, chunki bunday patsiyentlarda shunga o‘xshash davolash usulini baholash o‘tkazilmagan.
O‘tkir o‘rta quloq otiti va timpanostomik naychalari bo‘lgan 6 oylikdan kichik bolalarda va o‘tkir tashqi quloq otiti bo‘lgan 1 yoshdan kichik bolalarda siprofloksatsinning havfsizligi va samaradorligi aniqlanmagan. Ayrim hollarda siprofloksatsin bilan davolash bolalarning ushbu kichik guruhida, davolashdan kutiladigan foyda va havf shifokor tomonidan sinchiklab baholangandan keyin, o‘tkazilishi mumkin.
Homiladorlik va laktatsiya davrida qo‘llanishi
Fertillik
Siprofloksatsin mahalliy qo‘llanganida, uni odam fertilligiga ta'sirini baholash bo‘yicha tadqiqotlar o‘tkazilmagan. Hayvonlarda siprofloksatsinning peroral dori shakllarini qo‘llash bilan o‘tkazilgan tadqiqotlarda fertillikka salbiy ta'siri aniqlanmagan.
Homiladorlik
Homilador ayollarda siprofloksatsinni qo‘llash yuzasidan ma'lumotlar yo‘q. Hayvonlarda o‘tkazilgan tadqiqotlarda, siprofloksatsinni reproduktiv faoliyatga salbiy ta'siridan dalolat beruvchi natijalar olinmagan. Siprofloksatsin mahalliy qo‘llanganida uning tizimli ta'sirini past bo‘lishi kutiladi.
Homiladorlikda preparatni qo‘llash havfsizligi yuzasidan ma'lumotlar yo‘qligi sababli, homiladorlik davrida siprofloksatsinni ona uchun preparatni qo‘llashdan kutiladigan foyda homila uchun kuzatilishi mumkin bo‘lgan havfdan ustun bo‘lgan hollardagina buyurish tavsiya etiladi.
Laktatsiya davri
Siprofloksatsin ayollarga emizish davrida peroral qo‘llanganida uni ko‘krak sutiga ekskretsiyasi kuzatiladi. Siprofloksatsin ko‘z/quloq tomchilari ko‘rinishida mahalliy qo‘llanganida uni ko‘krak sutiga ekskretsiya bo‘lishi noma'lum, ammo bunday holatda emadigan bola uchun kutiladigan havfni istisno qilish mumkin emas. Preparat ayollarga emizish davrida qo‘llanganida ehtiyotkorlikka rioya qilish kerak.
Pediatriyada qo‘llanishi
Bolalarda siprofloksatsin ko‘z tomchilarini qo‘llash havfsizligi va samaradorligi aniqlangan. Ushbu patsiyentlar guruhida dorilar ta'sirida jiddiy noxush reaktsiyalar yuzasidan xabar berilmagan. Preparat 1 yoshdan katta bolalarda kattalar uchun qo‘llanadigan dozalarda qo‘llanishi mumkin.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni haydash va mexanizmlarni boshqarish qobiliyatiga ahamiyatsiz darajada ta'sir ko‘rsatadi. Ko‘rishni vaqtinchalik xiralashishi yoki ko‘rish faoliyatini boshqa buzilishlari avtomobil va mexanizmlarni boshqarish qobiliyatiga ta'sir qilishi mumkin. Agar preparat tomizilganidan so‘ng ko‘rishni xiralashishi kuzatilsa, u holda avtomobilni yoki diqqatni jamlashni talab etuvchi boshqa mexanizmlarni boshqarishdan oldin, ko‘rish faoliyati tiklanmagunicha kutib turish kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Preparat instillyatsiya holida mahalliy qo‘llanganida dozasi oshirib yuborilganida bo‘shliqni iliq suv bilan yuvish kerak. Preparat mahalliy qo‘llanganida dozasi oshirib yuborilganida ham, flakonning ichidagisi bexosdan yutib yuborilganida ham toksik samaralarni rivojlanishi kutilmaydi.
Chiqarilish shakli
Ko‘z tomchilari 5 ml dan plastik flakonda tiqin-tomchilagich va buraladigan himoya qopqoqchasi bilan yopilgan, himoya halqasi bilan ta'minlangan. Flakon qo‘llash bo‘yicha yo‘riqnomasi bilan birga karton qutiga joylangan.
Saqlash sharoiti
25°S dan yuqori bo‘lmagan haroratda saqlansin.
Flakon ochilganidan so‘ng preparat bir oy davomida ishlatilsin.
Yaroqlilik muddati
3 yil.
Dorixonalardan berish tartibi
Retsept bo‘yicha beriladi.
Ishlab chiqaruvchi
«E.I.P.I.Ko.», Misr, Tens ov Ramadan Siti,
Birinchi Ishlab chiqarish Zonasi V1, a/q 149 Tens
(“E.I.P.I.Co.”, Egypt, Tenth of Ramadan City,
First Industrial Area B1, P.O. box 149 Tenth).
«Uorld Meditsin Oftalmiks», Buyuk Britaniya uchun ishlab chiqarilgan.
(“World Medicine Ophthalmics”, Great Britain).
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.