Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Menopur in'ektsiya uchun eritma tayyorlash uchun liofilizatsiyalangan kukun erituvchi bilan 75XB 1ml №10
Menopur in'ektsiya uchun eritma tayyorlash uchun liofilizatsiyalangan kukun erituvchi bilan 75XB 1ml №10
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Человеческий менопаузальный гонадотропин чМГ
Страна производитель
Германия
Производитель
Ferring GmbH
Форма выпуска
Порошок для приготовления раствора для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakodinamika
- Farmakokinetikasi
- Qo‘llash usuli va dozalari
- Dozalash tartibi
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
- Faol modda
- ATX kodi
Preparatning savdo nomi
Menopur
Ta'sir qiluvchi modda (XPN) menotropin
Dori shakli
in'ektsiya uchun eritma tayyorlash uchun liofilizatsiyalangan kukun
Tarkibi
1 flakon quyidagilarni saqlaydi
Faol modda
75 XB follikulostimullovchi gormon (FSG) 75 XB lyuteinlovchi gormon (LG) ni saqlovchi, menotropin (yuqori tozalangan odam menopauza gonadotropini oMG);
Yordamchi moddalar laktoza monogidrati, polisorbat 20, natriy gidroksidi, xlorid kislotasi.
Erituvchi 0,9% li natriy xloridi eritmasi, suyultirilgan xlorid kislotasi, in'ektsiya uchun suv.
Ta'rifi
1 flakon oq rangdan deyarli oq ranggacha bo‘lgan qavat ko‘rinishidagi liofilizat saqlaydi;
Erituvchisi bo‘lgan 1 ampula tiniq rangsiz suyuqlik saqlaydi.
Farmakoterapevtik guruhi
Gonatropinlar va ovulyatsiyaning boshqa stimulyatorlari. Odam menopauza gonadotropini.
ATX kodi
G03G A02.
Farmakologik xususiyatlari
Farmakodinamika
si
Menopur follikulostimullovchi gormon (FSG) lyuteinlovchi gormon (LG) lar tarkib topgan menotropin (oMG) saqlaydi. Bundan tashqari, Menopur preparatida postmenopauza davrida ayollarning siydigidan ajratib olingan, LG ning faolligiga olib keladigan odam xorionik gonadotropini (oXG) mavjud. Ham FSG, ham LG faolligiga ega bo‘lgan Menotropin follikulalarni o‘sishi va rivojlanishini rag‘batlantiradi, shuningdek tuxumdonlarni birlamchi disfunktsiyasi bilan xastalanmagan ayollarda jinsiy steroid gormonlarni ishlab chiqarilishini rag‘batlantiradi. FSG follikulogenezda follikulalarning populyatsiyasini to‘lishi va o‘sishini belgilaydigan asosiy omil hisoblanadi, ayni vaqtda LG esa tuxumdonlarda steroidogenez va follikulani ovulyatsiyadan oldin yetilishi uchun muhim hisoblanadi. FSG LG butunlay bo‘lmaganida (masalan, gipogonadotropli gipogonadizmda) follikulalarning o‘sishini rag‘batlantirishi mumkin, ammo natijada normal bo‘lmagan follikulalar rivojlanadi, bu estradiolning darajasini pastligi bilan assotsiatsiyalanadi va follikulalarni yetarli darajada yetilmasligi yuz berishi mumkin.
Shunga muvofiq steroid jinsiy gormonlar ishlab chiqarilishini, estradiolning darajasini, Menopur bilan davolash bilan bog‘liq holda oshishiga nisbatan LG ni ta'siri, boshqariladigan EKO/IKSI sikllarini tayyorlashda rekombinant FSG ga nisbatan yuqori bo‘ladi. Bu masala patsiyentning javob reaktsiyasini estradiolning darajasiga asoslanib monitoring qilishda ko‘rib chiqilishi kerak. Estradiollarning darajalari orasidagi farq anovulyator patsiyentlarda ovulyatsiyani past dozali protokollaridan foydalanilganda aniqlanmagan.
Farmakokinetikasi
Menopurdagi FSG ning farmakokinetik profili hujjatlar bilan tasdiqlangan. Sog‘lom ayol ko‘ngillilarda ingibitsiya qiluvchi boshqarish uchun Menopurning 150 XB dozasi takroran yuborilgandan so‘ng 7 kun o‘tgach qon plazmasida FSG ning maksimal kontsentratsiyasi (bazisli korrektsiyada o‘rtacha ± SD) teri ostiga va mushak ichiga yuborish uchun muvofiq 8,9±3,5 XB/l va 8,5±3,2 XB/l ni tashkil qilgan. FSG ni maksimal kontsentratsiyasiga har ikkala qo‘llash usulida 7 soat davomida erishilgan. Takroran yuborilganidan so‘ng FSG teri ostiga va mushak ichiga yuborilganida muvofiq ravishda 30±11 soat va 27±9 soatlik yarim parchalanish davri (o‘rtacha ± standart siljish) bilan chiqarilgan. Garchi LG ning kontsentratsiyasini vaqtga nisbatan ayrim egri chizig‘i, Menopur preparati qabul qilinganidan so‘ng LG ning kontsentratsiyasini oshishini ko‘rsatsa-da, mavjud bo‘lgan ma'lumotlar farmakokinetik tahlilga yaroqli bo‘lishi uchun kam bo‘lgan. Menotropin asosan buyrak orqali chiqariladi. Menopurning farmakokinetikasi buyrak yoki jigar yetishmovchiligi bo‘lgan patsiyentlarda o‘rganilmagan.
Qo‘llanilishi
- Ayollarda klomifen bilan davolab bo‘lmaydigan anovulyatsiya bilan bog‘liq bo‘lgan bepushtlik (xususan, tuxumdonlar polikistozi natijasida).
- Bepushtlikni davolash bo‘yicha medikamentoz dasturlarni (shu jumladan, in vitro sharoitlarda urug‘lantirish/embrionni tashish, gametalarni bachadon nayi ichi bo‘ylab tashish (GBT) va spermatozoidlarni intratsitoplazmatik in'ektsiyasi (SITSI)) o‘tkazishda ko‘p sonli follikulalarni hosil bo‘lishini induktsiya qilish uchun tuxumdonlarni nazoratli giperstimulyatsiyasida qo‘llanadi.
Qo‘llash usuli va dozalari
Menopur preparati teri ostiga yoki mushak ichiga yuborish uchun mo‘ljallangan. Kukun bevosita yuborishdan oldin o‘ramida ilova qilingan erituvchini ishlatish yordamida eritiladi. 1 ml erituvchida 3 flakongacha Menopur kukuni eritilishi mumkin.
Tiniq bo‘lmagan eritmani yoki agar unda zarrachalar aniqlansa, qo‘llash mumkin emas.
Dozalash tartibi
teri ostiga yoki mushak ichiga yuborish uchun bir xildir.
Tuxumdonlarni ekzogen gonadotropinlarga nisbatan individual reaktsiyasi ahamiyatli darajada o‘zgarib turadi, bu standart dozalash sxemasini qo‘llash imkonini bermaydi. Shu sababli, preparatning dozalari tuxumdonlarning davolashga nisbatan reaktsiyasiga qarab, individual ravishda tanlanadi. Menopur preparatini alohida holda, yoki gonadotropin rilizing-omil (tuxumdonlar giperstimulyatsiyasini nazorat qilish maqsadida uning agonisti yoki antagonisti) bilan majmuada qo‘llash mumkin. Tavsiya etilgan dozalash tartibi va davolash davomiyligi individual davolash sxemasiga qarab o‘zgarishi mumkin.
Anovulyatsiya (shu jumladan, tuxumdonlar polikistozi) Menopur bilan davolashdan maqsad odam xorionik gonadotropin gormoni (XGG) ning ta'siri natijasida bir dona Graafov follikulasini hosil bo‘lishi va undan ovotsitni ajralib chiqishidan iboratdir.
Menopur bilan davolashni hayz ko‘rish siklining birinchi 7 kuni davomida boshlash kerak. Tavsiya etilgan dozasi 7 kun davomida kuniga 75-150 XB ni tashkil etadi. Navbatdagi dozalash tartibi klinik monitoringlarga (shu jumladan tuxumdonlarni alohida yoki estradiolning darajasini nazorati bilan majmuada ultratovush tekshiruvidan o‘tkazish) asoslanib, javob reaktsiyasiga qarab, individuallashtirish kerak. Dozani 7 kunda ko‘pi bilan bir marta boshqarish mumkin. Dozani tavsiya etilgan holda bir martalik oshirish 37,5 XB ni tashkil etadi va 75 XB dan oshmasligi kerak. Maksimal sutkalik dozasi 225 XB dan oshmasligi kerak. 4 haftalik davolash kursi davomida natija kuzatilmasa, davolashni to‘xtatish kerak, keyinchalik davolashni sikl to‘xtaganida ishlatilgan dozalarga nisbatan yuqoriroq dozalar bilan boshlash kerak.
Optimal natijaga erishilganidan so‘ng Menopurning oxirgi dozasi yuborilganidan so‘ng ertasiga XGG ni 5000 dan 10000 XB gacha bo‘lgan bir martalik dozasini yuborish kerak. XGG yuborilgan kunda va ertasiga jinsiy aloqani amalga oshirish tavsiya etiladi. Muqobil usul bo‘lib, bachadon ichi sun'iy urug‘lantirishni o‘tkazish hisoblanadi. Menopurga nisbatan yuqori reaktsiya kuzatilsa, davolashni to‘xtatish kerak, patsiyentlar ayollar jinsiy aloqadan saqlanishlari yoki navbatdagi hayz sikli boshlangunicha kontratseptsiyaning to‘siq usullaridan foylanishlari kerak.
Yordamchi reproduktiv texnologiyalar (YoRT) dasturlari o‘tkazilganida ko‘p sonli follikulalar hosil bo‘lishini induktsiya qilish uchun tuxumdonlarni nazoratli giperstimulyatsiyasi
Menopur preparatini gonadotropin-rilizing omilning agonistlari bilan taxminiy qo‘llash protokoli.
Gonadotropin rilizing-omil yordamida boshqarishdan iborat bo‘lgan klinik tadqiqotlarda, Menopur bilan davolashni agonist bilan davolash boshlangandan so‘ng taxminan 2 hafta o‘tgach boshlash kerak. Menopurning tavsiya etilgan boshlang‘ich dozasi davolashning kamida birinchi 5 kuni davomida sutkada 150-225 XB ni tashkil etadi. Navbatdagi dozalash tartibi klinik monitoringlarga (shu jumladan tuxumdonlarni alohida yoki estradiolning darajasini nazorati bilan majmuada ultratovush tekshiruvidan o‘tkazish) asoslanib, individuallashtirilgan bo‘lishi kerak, ammo dozasi har safar boshqarilganida 150 XB dan oshmasligi kerak. Maksimal sutkalik dozasi 450 XB dan oshmasligi kerak, ko‘pchilik hollarda 20 kundan ortiq davolash tavsiya etilmaydi.
Dozani regulyatsiya (ingibitsiya) qilish ko‘rib chiqilmagan davolash sxemalarida, Menopur bilan davolashni hayz ko‘rish siklining 2-3 kunidan boshlash kerak. Tavsiya etilgan dozalash tartibi va kattaligi, boshqarish uchun XGG agonistlari qo‘llangan yuqori sanab o‘tilgan protokollar uchun taqdim etilgan protokollar kabi bo‘ladi.
Organizmni optimal reaktsiyasiga erishilgach, patsiyent ayollarga, follikulani to‘liq yetilishini induktsiya qilish va ovotsitni ajralib chiqishiga tayyorgarlik qilish uchun XGG 5000 dan 10000 XB gacha bo‘lgan bir martalik dozasi yuboriladi. Patsiyent ayollar, XGG yuborilganidan so‘ng kamida 2 hafta davomida sinchkov kuzatuvda bo‘lishlari kerak. Menopurga nisbatan reaktsiya yuqori bo‘lganida davolashni to‘xtatish kerak, patsiyent ayollar esa, jinsiy aloqadan saqlanishlari yoki navbatdagi hayz sikli boshlangunicha kontratseptsiyaning to‘siq usullaridan foylanishlari kerak.
Nojo‘ya ta'sirlari
Klinik tadqiqotlarda Menopur bilan davolanishda quyidagi nojo‘ya reaktsiyalar abdominal og‘riq, bosh og‘rig‘i, 10% gacha uchraydigan, yuborilgan joyda reaktsiya va og‘riq yuzasidan ko‘proq xabarlar berilgan. Jadvalda a'zolar va tizimlar tomonidan, klinik tadqiqotlar vaqtida eng ko‘p kuzatilgan nojo‘ya reaktsiyalar keltirilgan.
A'zolar tizimi bo‘yicha sinflanishiTez-tez (1/100, 1/10)
Ovqat hazm qilish tizimi tomonidan buzilishlar Qorinda og‘riq, ko‘ngil aynishi, qorinni dam bo‘lishi
Nerv tizimi tomonidan buzilishlar Bosh og‘rig‘i
Reproduktiv tizim va sut bezlari tomonidan kuzatiladigan buzilishlarTuxumdonlar giperstimulyatsiya sindromi, chanoq sohasida og‘riq
Umumiy buzilishlar va yuborilgan joydagi buzilishlar In'ektsiya qilingan joyda og‘riq
Klinik tadqiqotlarning ma'lumotlariga ko‘ra, ovqat hazm qilish tizimi tomonidan, TGS bilan bog‘liq bo‘lgan tipik simptomlar diskomfort va qorinni dam bo‘lishi, ko‘ngil aynishi, qusish bo‘lgan. TGSda kam kuzatiladigan asoratlar bo‘lib, venoz tromboembolik buzilishlar va tuxumdonlarni buralib qolishi hisoblanadi.
Gonadotropin preparatlari qo‘llanganida allergik reaktsiyalar teri tomonidan mahalliy reaktsiyalar va umumiy reaktsiyalar, shu jumladan anafilaksiya yuzasidan xabarlar berilgan.
OMG bilan davolash ixtiyorsiz ko‘p homilali homiladorlikka olib keladi. Bepushtlikni gonadotropinlar bilan davolanish fonida rivojlangan homiladorlik odatdagi homiladorlikka nisbatan ko‘proq abortlar bilan tugaydi.
O‘ta yuqori sezuvchanlik reaktsiyalari (tana haroratini oshishi, terida toshmalar), shish, in'ektsiya qilingan joyda og‘riq yoki qichishish kam rivojlanadi.
Preparat uzoq muddat qo‘llanganida yakka hollarda antitelalar hosil bo‘lishi mumkin, bu o‘tkazilgan davolashni samarasizligiga olib keladi.
OMG bilan davolash tuxumdonlar giperstimulyatsiyasini chaqirishi mumkin, bu klinik jihatdan ovulyatsiya maqsadida odam xorionik gonadotropini (oXG) buyurilganidan so‘ng namoyon bo‘ladi. Bu katta o‘lchamdagi tuxumdan kistalari hosil bo‘lishiga olib kelishi mumkin. Bundan tashqari, tuxumdonlarning yaqqol giperstimulyatsiyasida astsit, gidrotoraks, oliguriya, arterial gipotenziya va tromboemboliya ko‘rinishlari kuzatilishi mumkin.
Grippsimon simptomlar rivojlanishi mumkin.
Qo‘llash mumkin bo‘lmagan holatlar
Menopur preparatini quyidagi ayollarga qo‘llash mumkin emas
- gipofizar yoki gipotalamik o‘smalari bo‘lgan ayollarda;
- tuxumdonlar, bachadon yoki sut bezlari kartsinomasida;
- etiologiyasi noma'lum bo‘lgan ginekologik qon ketishlarida;
- preparatning har qanday komponentiga yuqori sezuvchanlikda;
- tuxumdonlar kistalarida yoki tuxumdonlar o‘lchamini, tuxumdonlar polikistozi bilan bog‘liq bo‘lmagan kattalashganida qo‘llash mumkin emas.
Quyida keltirilgan holatlarda davolashdan ijobiy natija kutilmaganligi sababli, Menopur preparatini buyurish mumkin emas
- tuxumdonlar faoliyatni birlamchi yetishmovchiligida;
- jinsiy a'zolarni, homiladorlik bilan nomutanosib bo‘lgan anomaliyalarida;
- bachadonni, homiladorlik bilan nomutanosib bo‘lgan fibrozli o‘smalarida.
Dorilarning o‘zaro ta'siri
Menopur preparatini boshqa dori vositalari bilan o‘zaro ta'siri yuzasidan tadqiqotlar o‘tkazilmagan.
Klinik tajribalar yo‘qligiga qaramasdan, Menopur va klomifenni bir vaqtda qo‘llanganda follikulalarni yetilish reaktsiyasini kuchaytirishi mumkinligi kutiladi. Gipofizar desensibilizatsiya maqsadida gonadotropin-rilizing omil agonistlari bilan birga qo‘llanganida tuxumdonlar tomonidan kutilgan reaktsiyaga erishish uchun Menopur preparatining yuqori dozalari talab etilishi mumkin.
Nomutanosibligi
Menopur preparatini Ferring kompaniyasi ishlab chiqargan urofollitropin Bravel 75 XB dan tashqari boshqa preparatlar bilan bitta in'ektsiyada yuborish mumkin emas. Tadqiqotlar, Mengopur va urofollitropinni birga yuborish kutilgan biofaollikni ahamiyatli darajada o‘zgartirmasligini ko‘rsatadi.
Maxsus ko‘rsatmalar
Menopur – turli og‘irlik darajasidagi nojo‘ya samaralarni chaqirishi mumkin bo‘lgan kuchli ta'sir qiluvchi gonadotrop preparatdir, shuning uchun uni faqat bepushtlikni davolash usullarini yaxshi egallagan shifokor kuzatuvi ostida qo‘llash kerak.
Gonadotropinlar bilan davolash shifokorlarda ma'lum bir vaqtni oladi va tuxumdonlarni davolashga nisbatan reaktsiyasini sinchiklab va muntazam ravishda nazorat qilish, shu jumladan ultratovush tekshiruvini o‘tkazishni talab etadi, ultratovush tekshiruvini qon plazmasida estradiolning darajasini aniqlash bilan birga o‘tkazgan afzal. Patsiyentlar o‘rtasida menotropinni yuborishga nisbatan ma'lum bir farqlar mavjud, ularning ba'zilarida – davolashga nisbatan javob reaktsiyasi juda past bo‘ladi. Davolash maqsadiga javob beruvchi kichik dozalarni qo‘llash kerak.
Menopurning birinchi in'ektsiyasini shifokorning sinchkov nazorati ostida qo‘llash kerak.
Davolashni boshlashdan oldin har ikkala partnerda bepushtlikning sababini aniqlash, shu bilan birga qo‘llash mumkin bo‘lmagan holatlar borligi yuzasidan tibbiy tekshiruv o‘tkazish kerak. Xususan, patsiyent ayollarda gipotireoidizm, adrenokortikal yetishmovchilik, giperprolaktinemiya, gipofizar yoki gipotalamik o‘smalar borligini tekshirish, bunday patologik holatlarda ko‘zda tutilgan muvofiq davolashni buyurish kerak.
Anovulyatsiya natijasida bepushtlikni davolash doirasida ham, yordamchi reproduktiv texnologiyalar (YoRT) dasturlari doirasida ham follikulalarni o‘sishini rag‘batlantirish o‘tkazilayotgan patsiyent ayollarda tuxumdonlar o‘lchamini kattalashishi yoki tuxumdonlar giperstimulyatsiya sindromi rivojlanishi mumkin. Menopur preparatini tavsiya etilgan dozalash tartibiga rioya qilish va tuxumdonlarni davolashga nisbatan reaktsiyasini yaxshilab nazorat qilish ushbu nojo‘ya samaralarni rivojlanish havfini kamaytirishga yordam beradi. Follikulalarni yetilish ko‘rsatkichlarini ekspress baholash shifokordan bunday sinamalarni taxlil qilish tajribasini talab etadi.
Tuxumdonlar giperstimulyatsiyasi sindromi (TGS)
TGS – tuxumdonlarni asoratsiz kattalashishidan farq qiluvchi holatdir. TGS simptomlarning og‘irligi avj olib borishi mumkin bo‘lgan sindrom hisoblanadi. Sindrom tuxumdonlar o‘lchamini ahamiyatli darajada kattalashishi, jinsiy steroid gormonlarning darajasini oshishi, shuningdek qon-tomirlarning o‘tkazuvchanligini oshishi bilan namoyon bo‘ladi, bu qorin bo‘shlig‘i, plevra bo‘shlig‘i, kamdan-kam hollarda perikardial bo‘shliqda suyuqlikni to‘planishiga olib kelishi mumkin.
TGS og‘ir holatlarda quyidagi simptomlar qorinda og‘riq, qorinni dam bo‘lishi, tuxumdonlarni ahamiyatli darajada kattalashishi, tana vaznini oshishi, dispnoe, oliguriya va ko‘ngil aynishi, qusish va diareya kabi gastrointestinal simptomlar kuzatilishi mumkin. Klinik tekshiruvlarda gipovolemiya, elektrolitlar muvozanatini buzilishi, astsit, gemoperitoneum, plevra bo‘shlig‘ini bo‘rtishi, gidrotoraks, o‘tkir o‘pka distress sindromi va tromboemboliya epizodlarini aniqlash mumkin.
Tuxumdonlarni gonadotropin bilan davolashga nisbatan reaktsiyani oshishi, ovulyatsiyani stimulyatsiya qilish uchun XGG qo‘llangan holatlardan tashqari, TGS ga olib keladi, shuning uchun TGS rivojlanganida ovulyatsiyani XGG yordamida stimulyatsiya qilishdan saqlanish, shuningdek patsiyent ayollarga jinsiy aloqalardan saqlanish yoki kamida 4 kun davomida kontratseptsiyaning to‘siqli usullaridan foydalanishni tavsiya etish kerak. TGS tez (bir sutkadan bir necha kungacha) boshlanishi mumkin va jiddiy nojo‘ya samara hisoblanadi, shuning uchun patsiyent ayollar XGG yuborilganidan so‘ng kamida 2 hafta davomida shifokorning sinchkov nazoratida bo‘lishlari kerak.
Menopurni tavsiya etilgan dozalash tartibiga rioya qilish va davolash vaqtida sinchiklab nazorat qilish tuxumdonlar giperstimulyatsiyasi va ko‘p homilali homiladorlikni rivojlanish havfini minimallashtirish imkonini beradi. Yordamchi reproduktiv texnologiyalar (YoRT) dasturlarini o‘tkazishda ovulyatsiya boshlanishida barcha follikulalarni aspiratsiyasi giperstimulyatsiyani rivojlanish havfini pasaytirishga yordam beradi.
TGS og‘ir shakllarga o‘tishi mumkin va homiladorlik kuzatilganida uzoqroq davom etishi mumkin. Odatda TGS hayz ko‘rish sikli kuzatilganida o‘z-o‘zidan o‘tib ketadi.
TGS og‘ir holatlarida gonadotropinni yuborishni to‘xtatish kerak, patsiyent ayol esa maxsus davolashni olishi uchun shifoxonaga yotkazilishi kerak.
Sindrom asosan tuxumdonlar polikistozi bo‘lgan patsiyentlarda kuzatiladi.
Ko‘p homilali homiladorlik
Ko‘p homilali homiladorlik, ayniqsa homilalar miqdori ko‘p bo‘lganida, perinatal davrda ona uchun ham, homila uchun ham asoratlarni rivojlanish havfi yuqori bo‘ladi.
Ovulyatsiya gonadotrop gormoni bilan davolash natijasida kuzatiladigan patsiyent ayollarda ko‘p homilalikni rivojlanish hollari tabiiy urug‘lanish natijasida kuzatiladigan homiladorlikka nisbatan ko‘proq kuzatiladi. Ko‘p homilalikni rivojlanish havfini minimallashtirish uchun patsiyent ayoldagi tuxumdonlarning reaktsiyasini sinchiklab nazorat qilish kerak. Yordamchi reproduktiv texnologiyalar (YoRT) muolajasi o‘tkazilganidan so‘ng patsiyentda ko‘p homilali homiladorlikni rivojlanish havfi, asosan o‘tkazilgan embrionlarning miqdori, ularning sifati va patsiyentning yoshiga bog‘liq.
Davolashni boshlanishida patsiyentlar, ularda ko‘p homilali homiladorlik rivojlanishi mumkinligi yuzasidan ogohlantirilgan bo‘lishlari kerak.
Homilani tushishi
Homiladorlikni to‘xtashi yoki spontan abortlar natijasida homilani tushish hollari follikulalarni yetilishi stimulyatsiya qilingan ayollarda yoki yordamchi reproduktiv texnologiya (YoRT) dasturlarini o‘tishda, tabiiy urug‘lantirishga nisbatan yuqori bo‘ladi.
Bachadondan tashqari homiladorlik
Bachadon naylarini kasalliklari bo‘lgan ayollarda bachadondan tashqari homiladorlikni rivojlanish havfi tabiiy urug‘lanish yoki bepushtlikni davolash hollariga nisbatan yuqori bo‘ladi. In vitro sharoitlarida fertilizatsiya o‘tkazilganidan so‘ng ektopik homiladorlikni uchrash chastotasi, populyatsiyadagi 1-1,5% ga nisbatan 2-5% ni tashkil etadi.
Reproduktiv a'zolarda o‘smalarni hosil bo‘lishi
Bepushtlik bo‘yicha medikamentoz davolashni ko‘p marta olgan ayollarda tuxumdonlar va reproduktiv tizimning boshqa a'zolarida ham havfsiz, ham havfli o‘smalarni rivojlanishi kuzatilgan. Hozirgi kunda bepushtlik bilan xastalangan ayollarda gonadotropin bilan davolash va o‘smalarni rivolanishiga boshlang‘ich moyillik o‘rtasida bog‘liqlik aniqlanmagan.
Tug‘ma rivojlanish nuqsonlari
YoRT o‘tkazgan ayollardan tug‘ilgan homilada tug‘ma rivojlanish nuqsonlarini tarqalishi, tabiiy yo‘l bilan urug‘langandagi nuqsonlar soniidan biroz ortiq bo‘lishi mumkin. Bu ota-onalarning individual hususiyatlari (masalan, onaning yoshi, spermaning hususiyatlari va h.) va ko‘p homilali homiladorlikning natijasi bo‘lishi mumkin deb hisoblanadi.
Tromboembolik buzilishlar
Tromboembolik holatlarni rivojlanish havfi yuqori bo‘lgan ayollarda nasliy moyillik, ahamiyatli darajadagi semirish (tana vazni indeksi 30 kg/m2) yoki trombofiliya sababli gonadotropin bilan davolanish vaqtida ham, davolash tugaganidan keyin ham venoz va arterial tromboembolik buzilishlar rivojlanishi mumkin. Homiladorlikni o‘zi ham tromboembolik asoratlarni rivojlanish havfini oqishiga olib kelishini ta'kidlash kerak.
Menopur preparatini qo‘llash doping-sinamasini ijobiy natijasiga olib kelishi mumkin. Menopur preparatini doping sifatida qo‘llash patsiyentning ahvolini yomonlashtirishi mumkin.
Preparat tarkibida laktoza saqlaydi, shuning uchun uni galaktozani o‘zlashtirolmaslikni kam uchraydigan nasliy shakllari, laktaza yetishmovchiligi yoki glyukoza-galaktoza malabsorbtsiya sindromi bo‘lgan patsiyentlarga qo‘llash mumkin emas.
Homiladorlik va laktatsiya davrida qo‘llanishi
Homiladorlik yoki emizish davrida Menopur preparatini qo‘llash mumkin emas.
Bolalar
Bolalarda qo‘llanmaydi.
Avtomobilni va murakkab mexanizmlarni boshqarish qobiliyatiga ta'siri
Avtotransport va boshqa mexanizmlarni boshqarish qobiliyatiga Menopur preparatini ta'sir qilish ehtimoli kam.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.
Dozani oshirib yuborilishi
Dozani oshirib yuborilish samaralari noma'lum, tuxumdonlar giperstimulyatsiya sindromi rivojlanishi mumkin. Davolash simptomatik bo‘ladi.
Chiqarilish shakli
Kukunli 10 flakon va 1 ml erituvchili 10 ampula karton qutida.
Saqlash sharoiti
25S dan yuqori bo‘lmagan haroratda, yorug‘likdan himoyalangan saqlansin.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
Ferring GmbX, Germaniya/Ferring GmbH, Germany.
Ferring Interneshnl Senter SA, Shveytsariya/Ferring International Center SA, Switzerland.
Manzili.
Vitland 11, Postfash 21 45, D-24109 Kil, Germaniya /
Wittland 11, Postfash 21 45, D-24109 Kiel, Germany.
Chemin de la Vergognausaz 50, 1162, San-Pre, Shveytsariya
Chemin de la Vergognausaz 50, 1162, St-Prex, Switzerland.
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.