Preparatning savdo nomi
Insulatard® Penfill®
Ta'sir qiluvchi modda (XPN) odam insulini

Dori shakli
teri ostiga yuborish uchun suspenziya 100 XB/ml

Tarkibi

1 ml suspenziya saqlaydi
Faol modda odam gen-injenerli insulini (insulin-izofan) 100 XB (3,5 mg);
Yordamchi moddalar protamin sulfati, rux (rux xloridi ko‘rinishida), glitserin, metakrezol, fenol, natriy gidrofosfat digidrati, natriy gidroksidi (2M eritma), xlorid kislotasi (2M eritma), in'ektsiya uchun suv.
Ta'rifi oq suspenziya, turganida tiniq rangsiz yoki deyarli rangsiz cho‘kma ustki suyuqlik va oq rangli cho‘kmaga bo‘linadi. Yengil silkitishida cho‘kma oson qayta suspenziyaga aylanadi.

Farmakoterapevtik guruhi
Qandli diabetni davolash uchun vositalar. O‘rtacha ta'sirli insulinlar va analoglari.
ATX kodi A10AS01.


Farmakologik xususiyatlari

Insulatard® Penfill® - o‘rtacha ta'sir davomiyligiga ega odam insulini, Saccharomyces cerevisiae shtammini ishlatish bilan rekombinant DNK biotexnologiyasi usuli bo‘yicha ishlab chiqarilgan. Xujayralarning tashqi sitoplazmatik membranasining spetsifik retseptorlari bilan o‘zaro ta'sir qilib, xujayra ichki jarayonlarini, shu jumladan qator muhim fermentlarining (geksokinaza, piruvatkinaza, glikogensintetaza va boshq.) sintezini rag‘batlantiruvchi insulin-retseptorli majmuani hosil qiladi. Glyukozaning qondagi miqdorini pasayishi uning xujayra ichki tashilishini oshishi, to‘qimalarda yutilishi va o‘zlashtirilishini oshishi, lipogenezni, glikogenezni, oqsil sintezini rag‘batlantirilishi, jigarda glyukoza hosil bo‘lishining tezligini pasayishi va boshqalar bilan bog‘liq.
Insulin preparatlarining ta'sirini davomiyligi asosan so‘rilish tezligiga bog‘liq bo‘lib, ular bir necha omillarga bog‘liq (masalan, dozaga, qo‘llash usuli va yuborilish joyiga va diabetning turiga). Shuning uchun insulinning ta'sir profili turli odamlarda ham, bitta odamda ham ahamiyatli o‘zgaradi. Uning ta'siri yuborilganidan keyin bir yarim soat davomida boshlanadi, maksimal samara esa 4-12 soat davomida namoyon bo‘ladi, bunda ta'sirining umumiy davomiyligi taxminan 24 soatni tashkil qiladi.


Farmakokinetikasi

So‘rilishi
So‘rilishining to‘liqligi va samarasini boshlanishi yuborish usuliga (teri ostiga, mushak ichiga), yuborish joyiga (qorin, son, dumba), dozaga (yuborilayotgan insulinning hajmiga), preparatdagi insulinning kontsentratsiyasiga va boshqalarga bog‘liq. Insulinning plazmadagi maksimal kontsentratsiyasiga (Smax) teri ostiga yuborilganidan keyin 2-18 soat davomida erishiladi.
Taqsimlanishi
Plazma oqsillari bilan yaqqol bog‘lanishi aniqlanmagan, ba'zida faqat insulinga aylanib yuruvchi antitelolar aniqlanadi.
Metabolizmi
Odam insulini insulin proteazasi yoki insulin-parchalovchi fermentlar ta'siri ostida, shuningdek protein-disulfid-izomeraza ta'siri ostida parchalanishi mumkin. Odam insulini molekulasida parchalanishning bir necha sohalari (gidroliz) bor; ammo parchalanish oqibatida hosil bo‘lgan metabolitlardan birortasi faol emas.
Chiqarilishi
Yarimchiqarilish davri (T1/2) teri osti to‘qimalaridan so‘rilish tezligi bo‘yicha aniqlanadi. Shunday qilib, T1/2 ko‘proq so‘rilish me'yori, insulinning plazmadan chiqarilish me'yori emas (insulinning qon oqimidan T1/2 atigi bir necha minutga teng). Tekshirishlar T1/2 taxminan 5-10 soatni tashkil qilishini ko‘rsatdi.


Qo‘llanilishi

- qandli diabetni davolash uchun


Qo‘llash usuli va dozalari

Preparat teri ostiga yuborish uchun mo‘ljallangan.
Preparatning dozasi bemorning ehtiyojiga qarab shaxsiy ravishda tanlanadi. Odatda insulinga bo‘lgan ehtiyoj sutkada 0,3 dan 1 XB/kg gachani tashkil qiladi. Insulinga bo‘lgan sutkalik ehtiyoj insulinga rezistent bo‘lgan patsiyentlarda (masalan, jinsiy balog‘atga yetish davrida, shuningdek semiz patsiyentlarda) yuqori va insulinni qoldiq endogen hosil bo‘lishi bo‘lgan patsiyentlarda past bo‘lishi mumkin. Bundan tashqari, shifokor patsiyentni kuniga qancha in'ektsiya - bitta yoki bir nechta olishini belgilaydi. Insulatard® Penfill® monodavolash sifatida ham tez yoki qisqa ta'sirli insulin bilan, peroral qandni pasaytiruvchi preparatlar bilan ham majmuaviy yuborilishi mumkin. Insulin bilan jadal davolashni o‘tkazish zarurati bo‘lganida asosiy insulin bilan davolash sifatida ushbu suspenziya (in'ektsiya kechqurun va/yoki ertalab o‘tkazilishi kerak) qisqa yoki tez ta'sirli insulin bilan majmuaviy ishlatilishi mumkin, qilinayotgan in'ektsiyalar ovqat qabul qilishga yaqinlashtirilishi kerak.
Insulatard® Penfill® odatda teri ostiga, son sohasiga yuboriladi. Agarda bu qulay bo‘lsa, u holda in'ektsiyalarni, shuningdek qorinning oldingi devoriga, dumba sohasiga yoki yelkaning deltasimon mushagi sohasiga ham qilish mumkin. Preparat son sohasiga yuborilganida qorinning oldingi devoriga yuborilganiga nisbatan sekinroq so‘rilishi aniqlangan. Lipodistrofiyani rivojlanishini oldini olish uchun in'ektsiya joyini anatomik soha chegarasida o‘zgartirish kerak.
Insulin suspenziyalarini har qanday holatlarda ham vena ichiga yuborish mumkin emas.
Dozani to‘g‘rilash
Buyraklar yoki jigarni shikastlanishida insulinga bo‘lgan ehtiyoj pasayadi
Insulatard® Penfill® ni ishlatish bo‘yicha patsiyentga kerak bo‘lgan yo‘riqnoma.
Penfill® kartridjlari faqat Novo Nordisk kompaniyasining insulinini yuborish uchun tizimlarida va NovoFayn® va NovoTvist® ignalari bilan ishlatish uchun ishlab chiqarilgan va mo‘ljallangan.
1 kartridjda 3 ml saqlanadi, bu 300 XB ga ekvivalent.
Agarda bir vaqtda Insulatard® Penfill® preparati va Penfill® kartridjida boshqa insulin ishlatilsa, insulinni yuborish uchun har bir tur insulin uchun bittadan ikkita alohida in'ektsion tizimni ishlatish kerak.
Insulatard® Penfill® faqat shaxsiy ishlatish uchun mo‘ljallangan.
Penfill® kartridjlari qayta to‘ldirish uchun mo‘ljallanmagan.
Insulatard® Penfill® preparatini qo‘llashdan oldin
-Insulinning turi to‘g‘ri tanlanganligiga ishonch hosil qilish uchun o‘ramini tekshiring
-Har doim kartridjni, shu jumladan rezinali porshenni tekshiring. Agar biron-bir shikastlanishlar aniqlansa, yoki kauchukli porshen va markirovkali oq tasma orasida ochiq joy aniqlansa, bunday kartridjni ishlatish mumkin emas. Keyingi ko‘rsatmalar bo‘yicha insulinni yuborish uchun tizimni ishlatilishi bo‘yicha yo‘riqnomaga murojaat qiling.
-Doimo har bir in'ektsiya uchun yangi igna ishlating.
-Paxtali tampon yordamida kauchukli tiqinning dizenfektsiyasi o‘tkaziladi.
Insulatard® Penfill® preparatini ishlatish mumkin emas
-Agar insulinni yuborish uchun kartridj yoki qurilma teshilgan bo‘lsa, yoki agarda ular shikastlangan yoki ezilgan bo‘lsa, bu holda insulinni oqib chiqish xavfi bor.
-Agar insulin noto‘g‘ri saqlangan bo‘lsa, yoki agar u muzlatilgan bo‘lsa.
-Agar qo‘llash bo‘yicha yo‘riqnomasiga muvofiq kartridj ichidagisi aralashtirilganida insulin tiniq va rangsiz bo‘lmasa.
In'ektsiya texnikasi
Insulinni qanday yuborish to‘g‘risida patsiyent uchun yo‘riqnoma
1. Kartridjni Penfill® o‘rnatishdan oldin va insulini yuborish uchun tizimga Penfill® kartridjini yuqoriga-pastga ko‘taring va tushiring kamida 10 marta rasmda ko‘rsatilganidek (a va b holatlar orasida) kartridjning ichidagi sharcha bir tomondan boshqa tomonga harakatlanishi uchun tushiring kamida 20 marta. Xar inektsiya oldin buni kamida 10 marta kilish shart. Ushbu muolajalarni suyuqlik bir xil oq va loyqali bo‘lmagunicha takrorlang. O‘sha zahotiyoq in'ektsiya qiling.

Aralashtirish bo‘yicha manipulyatsiyani o‘tkazishdan oldin kartridjda kamida 12 birlik insulin qolganiga ishonch hosil qilish kerak. Agarda kartridjda 12 birlikdan kam qolgan bo‘lsa, u holda yangi kartridjni Insulatard®Penfill® ishlatish kerak.
Insulinni qanday yuborish to‘g‘risida patsiyentga maslahat bering
-Insulin teri orasiga yuboriladi. Buning uchun «Insulinni yuborish uchun tizimni (shprits-ruchka) qo‘llash bo‘yicha yo‘riqnomada ta'riflangan usul qo‘llanadi.
-Doza to‘liq yuborilganligini kafolatlash uchun igna teri ostida kamida 6 sekund qoldirilishi kerak.
-Har bir in'ektsiyadan keyin ignani shprits-ruchkadan yechish kerak. Aks holda suyuqlik shprits-ruchka kartridjidan oqib chiqishi mumkin, bu preparatning kontsentratsiyasini o‘zgarishiga olib kelishi mumkin.

Nojo‘ya ta'sirlari
Insulatard® Penfill® preparati bilan davolash fonida patsiyentlarda aniqlangan nojo‘ya reaktsiyalar asosan dozaga bog‘liq bo‘lgan va insulinning farmakologik ta'siri bilan bog‘liq.
Tez-tezligi quyidagi tarzda aniqlangan tez-tez emas (>1/1000, <1/100); juda kam (<1/10000); yakka spontan hollarni ham qo‘shib.
Juda tez-tez
- gipoglikemiya
U insulinning dozasi unga bo‘lgan ehtiyojdan ancha oshgan hollarda rivojlanadi.Shuningdek preparat iste'molchilar bozoriga chiqarilganidan keyingi qo‘llash davomida gipoglikemiyaning tez-tezligi turli populyatsiyadagi patsiyentlarda va turli dozalash tartibida ishlatilganida turlicha bo‘lgan, shuning uchun tez-tezligining aniq sonini ko‘rsatishning imkoniyati yo‘q. Og‘ir gipoglikemiyada xushdan ketish va/yoki tirishishlar aniqlanishi mumkin, bosh miya faoliyatini vaqtinchalik yoki doimiy buzilishi va xatto o‘lim yuz berishi mumkin.
Tez-tez emas
- diabetik retinopatiya
Agarda uzoq vaqt davomida glikemiyaning adekvat nazoratiga erishilsa, u holda diabetik retinopatiyani kuchayish xavfi kamayadi. Ammo glikemiya nazoratini keskin yaxshilanishi bilan bo‘lgan insulin bilan davolashni jadallashuvi, diabetik retinopatiyaning yaqqolligini vaqtinchalik kuchayishiga olib kelishi mumkin.
- lipodistrofiya.
Lipodistrofiya in'ektsiyani o‘tkazish joyida in'ektsiya joyini tananing bir sohasi chegarasida doimiy almashinuvi amalga oshirilmagan hollarda rivojlanishi mumkin.
- in'ektsiyani o‘tkazish joyida reaktsiyalar.
Insulin bilan davolash fonida in'ektsiyani o‘tkazish joyida reaktsiyalar (terini qizarishi, shish, qichishish, og‘riq, in'ektsiyani yuborish joyida gematomalarni hosil bo‘lishi) paydo bo‘lishi mumkin. Biroq ko‘pchilik hollarda bu reaktsiyalar o‘tkinchi xarakterga ega va davolashni davom ettirish jarayonida yo‘qoladi.
- shish.
Shish odatda insulin bilan davolashning boshlang‘ich bosqichida aniqlanadi. Odatda bu belgi o‘tkinchi xususiyatga.
- eshakemi, toshma.
Juda kam
- anafilaktik reaktsiyalar.
Yoyilgan o‘ta yuqori sezuvchanlik belgilari yoyilgan teri toshmasi, qichishish, terlash, me'da-ichak yo‘llari tomonidan buzilishlar, angionevrotik shish, hansirash, yurak urishi, arterial bosimni pasayishi, xushdan ketish/xotirani yo‘qotishni o‘z ichiga olishi mumkin. Yoyilgan o‘ta yuqori sezuvchanlik reaktsiyalari hayot uchun xavf tug‘dirishi mumkin.
- periferik neyropatiya.
Agar qonda glyukoza darajasining miqdori yaxshilanishiga juda tez erishilsa, «o‘tkir og‘riqli neyropatiya» deb nomlanuvchi holat rivojlanishi mumkin, u odatda qaytuvchi bo‘ladi.
- refraktsiyani buzilishi.
Refraktsiyani buzilishi odatda insulin bilan davolashning boshlang‘ich bosqichida aniqlanadi. Odatda bu belgilar qaytuvchi xususiyatga.


Qo‘llash mumkin bo‘lmagan holatlar

- gipoglikemiya
- odam insuliniga yoki preparatning har qanday ingrediyentiga yuqori sezuvchanlik.

Dorilarning o‘zaro ta'siri
Insulinga bo‘lgan ehtiyojiga ta'sir qiluvchi qator dori vositalari mavjud.
Insulinning gipoglikemik ta'sirini kuchaytiradi peroral gipoglikemik preparatlar, monoaminooksidaza ingibitorlari, angiotenzin - aylantiruvchi ferment ingibitorlari, karboangidraza ingibitorlari, noselektiv beta-adrenoblokatorlar, bromokriptin, sulfonamidlar, anabolik steroidlar, tetratsiklinlar, klofibrat, ketokonazol, mebendazol, piridoksin, teofillin, siklofosfamid, fenfluramin, litiy preparatlari, etanol saqlovchi preparatlar kuchaytiradi.
Insulinning gipoglikemik ta'sirini susaytiradi peroral kontratseptivlar, glyukokortikosteroidlar, tireoid gormonlar, tiazid diuretiklar, geparin, tritsiklik antidepressantlar, simpatomimetiklar, danazol, klonidin, kaltsiy kanallarining blokatorlari, diazoksid, morfin, fenitoin, nikotin susaytiradi. Rezerpin va salitsilatlar preparatning ta'sirini susaytirishi ham, kuchaytirishi ham mumkin. Beta-adrenoblokatorlar gipoglikemiyaning belgilarini niqoblashi va gipoglikemiyaning bartaraf qilishni qiyinlashtirishi mumkin.
Oktreotid/lanreotid insulinga bo‘lgan ehtiyojni kamaytirishi ham, oshirishi ham mumkin.
Alkogol insulinning gipoglikemik ta'sirini kuchaytirishi va uzaytirishi mumkin.




Tiazolidindion guruh preparatlari va insulin preparatlarini bir vaqtda qo‘llanishi
Tiazolidindionlar insulin preparatlari bilan majmuada, ayniqsa dimlangan yurak yetishmovchiligini rivojlanish xavf omillari bo‘lgan patsiyentlarda dimlangan yurak yetishmovchiligini rivojlanish hollari haqida xabarlar berilgan. Patsiyentlarda tiazolidindion va insulin preparatlari bilan majmuaviy davolash buyurilganida ushbu faktni e'tiborga olish kerak. Bunday majmuaviy davolash buyurilganda patsiyentlarni dimlangan yurak yetishmovchiligining belgilari va simptomlari, tana vaznini oshishi va shishlarni borligiga tibbiy tekshiruvdan o‘tkazish kerak. Patsiyentlarda yurak yetishmovchiligi simptomatikasi yomonlashganda tiazolidindionlar bilan davolashni to‘xtatish kerak.
Nomutanosiblik
Insulatard® Penfill® ni faqat mutanosibligi ma'lum bo‘lgan birikmalarga qo‘shish mumkin.
Insulin suspenziyalarini infuziya uchun eritmalarga qo‘shish mumkin emas.


Maxsus ko‘rsatmalar

Doza noto‘g‘ri tanlanganida yoki davolash bekor qilinganida, ayniqsa 1 tur diabeti bo‘lgan patsiyentlarda, giperglikemiya rivojlanishi mumkin. Giperglikemiyaning birinchi belgilari asta-sekin bir necha soat yoki kunlar davomida namoyon bo‘ladi. Bunday belgilarga ko‘ngil aynashi, qusish, yaqqol uyquchanlik, qizargan quruq teri, og‘izni qurishi, siydikni ko‘p chiqarilishi, chanqoqlik, ishtahani yo‘qolishi, shuningdek og‘izdan atseton hidi kelishi kiradi.
Agar davolash o‘tkazilmasa, 1 tur qandli diabetda giperglikemiya hayot uchun xavfli diabetik ketoatsidozni rivojlanishiga olib kelishi mumkin. Glikemik nazoratni masalan, jadallashtirilgan insulin bilan davolash hisobiga sezilarli yaxshilanish hollarida, gipoglikemiyani odatdagi darakchi - belgilari ham o‘zgarishi mumkin, bu haqida patsiyentlar ogohlantirilgan bo‘lishlari kerak.
Yo‘ldosh kasalliklarda, ayniqsa infektsiya va isitmali holatlarda patsiyentlarni insulinga bo‘lgan ehtiyoji odatda oshadi.
Agar patsiyent insulinning bir turidan boshqasiga o‘tkazilsa, u holda gipoglikemiyaning darakchi - belgilari o‘zgarishi yoki kamroq ifodalanishi mumkin, ular oldingi insulin yuborilganida aniqlangan.
Patsiyentlarni insulinning boshqa turiga yoki boshqa ishlab-chiqaruvchi kompaniyaning insuliniga o‘tkazish faqat tibbiy nazorat ostida amalga oshirilishi kerak. Biologik faollikni o‘zgarishida, ishlab-chiqaruvchi, turi, xili (hayvon, odam, odam insulinining analogi) va/yoki ishlab chiqarish usuli o‘zgarganida dozalash tartibini o‘zgartirish talab qilinishi mumkin.
Agar dozani to‘g‘rilash zarurati bo‘lsa, buni birinchi doza yuborilganidayoq yoki davolashning birinchi haftasida yoki oylarida qilish mumkin.
Ovqat qabulini o‘tkazib yuborilishi yoki rejalashtirilmagan og‘ir jismoniy yuklama gipoglikemiyani chaqirishi mumkin. Agar patsiyent soat mintaqalarini kesib o‘tib sayohat qiladigan bo‘lsa, u shifokor bilan maslahatlashishi kerak, chunki unga insulinni yuborish va ovqat qabul qilish vaqtini o‘zgartirishi kerak bo‘ladi.
Insulatard® Penfill® preparati infuziya uchun eritmalarga qo‘shilganida, infuzion tizimida absorbtsiyalanuvchi insulinning miqdorini oldindan aytish mumkin emas, shuning uchun Insulatard® Penfill® ni insulinli pompalarda (PPII) ishlatishga ruxsat etilmaydi.
Insulatard® Penfill® preparatining tarkibiga metakrezol kiradi, u allergik reaktsiyalarni chaqirishi mumkin.
Homiladorlik va laktatsiya davri
Homiladorlik davrida diabetni insulin bilan davolashda cheklovlar yo‘q, chunki insulin yo‘ldosh to‘sig‘i orqali o‘tmaydi.
Bundan tashqari homiladorlik vaqtida qandli diabetni davolash o‘tkazilmasa, u holda homila uchun xavf tug‘iladi. Shuning uchun diabetni davolashni homiladorlik vaqtida ham davom ettirish kerak.
Yetarlicha aniq tanlanmagan davolash hollarida rivojlanishi mumkin bo‘lgan gipoglikemiya ham, giperglikemiya ham, homila rivojlanishining nuqsonlari paydo bo‘lishini va homilani ona qornida nobud bo‘lishini xavfini oshiradi. Diabetli homilador ayollar homiladorlikning hamma davrida kuzatuv ostida bo‘lishlari kerak, ularda qondagi glyukozaning darajasini kuchli nazoratini amalga oshirish kerak; homiladorlikni rejalashtirgan ayollarga ham bu tavsiyalar taalluqlidir.
Homiladorlikning birinchi uch oyligida insulinga bo‘lgan ehtiyoj odatda pasayadi va ikkinchi va uchinchi uch oyligida asta-sekin oshadi.
Tug‘ruqdan keyin insulinga bo‘lgan ehtiyoj tezda dastlabki holatiga qaytadi.
Shuningdek laktatsiya va emizish davrida ham Insulatard® Penfill® preparatini ishlatish uchun cheklovlar yo‘q. Emizikli onalarda insulinoterapiyani o‘tkazish bola uchun xavf tug‘dirmaydi. Biroq onaga Insulatard® Penfill® preparatining dozasini va/yoki parhezni to‘g‘rilash talab qilinishi mumkin.
Avtomobilni boshqarish va mexanizmlar bilan ishlash qobiliyatiga ta'siri
Patsiyentlarning diqqatni jamlash qobiliyati va reaktsiya tezligi gipoglikemiya va giperglikemiya vaqtida buzilishi mumkin, bu qobiliyatlar ayniqsa zarur bo‘lgan vaziyatlarda (masalan, avtomobilni boshqarish yoki mashina va mexanizmlar bilan ishlashda) xavf tug‘dirishi mumkin. Avtomobilni haydash va mexanizmlar bilan ishlashda gipoglikemiya va giperglikemiyani rivojlanishini oldini olish uchun choralar ko‘rishni patsiyentlarga tavsiya qilish kerak. Bu rivojlanayotgan gipoglikemiyaning darakchi-belgilarini yo‘qligi yoki yaqqolligini pasayishi yoki gipoglikemiyaning tez-tez epizodlari bo‘lgan patsiyentlar uchun ayniqsa muhim. Bunday holatlarda avtomobilni boshqarish maqsadga muvofiqligini ko‘rib chiqish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Yuborilganida insulinning dozasini oshirib yuborilishi haqida gapirish mumkin bo‘lgan maxsus dozalar aniqlanmagan, ammo patsiyentlarga ularning ehtiyojdan oshiq haddan ziyod yuqori dozalar yuborilganida, turli og‘irlik darajasidagi gipoglikemiya holati rivojlanishi mumkin
- Yengil gipoglikemiyani patsiyentning o‘zi ichga qand yoki uglevodlarga boy ovqat mahsulotlarini qabul qilib bartaraf qilish mumkin. Shuning uchun qandli diabeti bo‘lgan bemorlar har doim o‘zlari bilan qand, shirinliklar, pechene yoki shirin meva sharbatini olib yurishlari kerak.
- Og‘ir hollarda, patsiyentlar xushni yo‘qotganida, vena ichiga 40% dekstroza eritmasi (glyukoza), mushak ichiga, teri ostiga - glyukagon (0,5mg-1 mg) yuboriladi. Xushga kelgandan keyin patsiyentga gipoglikemiyani qayta rivojlanishini oldini olish uchun uglevodlarga boy ovqat qabul qilish tavsiya qilinadi.
Og‘ir gipoglikemiya hollarida patsiyentni shoshilinch gospitalizatsiya qilish kerak.




Chiqarilish shakli

3 ml dan rezina tiqin bilan berkitilgan va alyumin qopqoqcha bilan yopilgan tiniq, rangsiz shisha kartridjlarda. Suspenziyani oson qayta tiklanishi uchun kartridjning ichida shisha sharcha mavjud.
5 kardridjdan polivinilxlorid plyonka va alyumin folga kontur uyali o‘ramda.
Har bir kartridjga o‘zi yopishadigan yorliq yopishtiriladi.
Bir kontur uyali o‘ramdan davlat va rus tillaridagi tibbiyotda qo‘llash bo‘yicha yo‘riqnomasi bilan birga karton qutiga joylanadi.



Saqlash sharoiti

Sovutgichda 2oS dan 8oS gacha bo‘lgan haroratda (muzlatgich kamerasiga yaqin bo‘lmagan holda) saqlansin. Muzlatilmasin. Yorug‘likdan himoyalash uchun kartridj karton qutida saqlansin.
Ochilgan kartridjlar uchun 30oS dan yuqori bo‘lmagan haroratda 6 hafta davomida saqlansin. Sovutkichda saqlash tavsiya qilinmaydi.
Preparatni issiqlik va quyosh nuri ta'siridan himoyalash kerak.


Yaroqlilik muddati

2,5 yil.


Dorixonalardan berish tartibi

Retsept bo‘yicha.


Ishlab chiqaruvchi

“Novo Nordisk A/S”, Daniya

Qayd qilish guvohnomasi
Novo Nordisk A/S, Daniya

Qadoqlovchi
“Novo Nordisk A/S”, Daniya

Insulatard® Penfill®, NovoFayn® va NovoTvist® - Novo Nordisk A/S, Daniya kompaniyasiga tegishli qayd qilingan savdo belgisi

© 2012
“Novo Nordisk A/S”