Ditsinon tab. 250mg №100

Tavsif

Dori vositasining savdo nomi: Ditsinon
Ta'sir etuvchi modda (XPN): etamzilat/etamsylate

Dori shakli

tabletkalar

Tarkibi

har bir tabletka 250 mg etamzilat saqlaydi:
faol modda: etamzilat;
yordamchi moddalar: suvsiz limon kislotasi (E 330), makkajo‘hori kraxmali, laktoza monogidrati, povidon, magniy stearati.

Ta'rifi

oq yoki deyarli oq, dumaloq, ikki yoqlama qavariq tabletkalar.

Farmakoterapevtik guruhi

Gemostatik vositalar. Vitamin K va boshqa gemostatiklar.
ATX kodi: V02VX01

Farmakologik xususiyatlari

Farmakodinamikasi

Etamzilat gemostazning boshlang‘ich bosqichida ta'sir etuvchi (endoteliy va trombotsitlar o‘rtasida o‘zaro ta'sirlashuvi davrida) sintetik qon to‘xtatuvchi va angioprotektor vositadir. Preparat trombotsitlarni adgeziyasini va kapillyarni qarshiligini tiklashi sababli, qon ketish vaqtini va qon yo‘qotish hajmini kamaytiradi.
Etamzilat qon tomir torayturuvchi samaraga ega emas, fibrinolizga va plazmadagi qon ivishini omillariga ta'sir qilmaydi.

Farmakokinetikasi

So‘rilishi
Ichga qabul qilinganda etamzilat me'da-ichak yo‘llaridan sekin va to‘liq so‘riladi. Mutloq biokiraolishligi aniqlanmagan. Ichga 500 mg qabul qilingandan keyin qon plazmasidagi maksimal kontsentratsiyasi 15 mg/ml ga teng bo‘lib unga 4 soatdan keyin erishiladi.
Taqsimlanishi
Etamzilat to‘qimalarda yaxshi taqsimlanadi. Plazma oqsillari bilan bog‘lanishi taxminan 95% ni tashkil qiladi. Yo‘ldosh to‘sig‘i orqali o‘tadi. Ona va kindik qonida preparatning darajasi bir hil. Etamzilatni ko‘krak sutiga o‘tishi noma'lum.
Metabolizmi
Etamzilat faqat cheklangan darajada metabolizmga uchraydi.
Chiqarilishi
Plazmadan yarim chiqarilish davri o‘rtacha 8 soatni tashkil qiladi. Peroral qabul qilingan dozaning taxminan 70-80% o‘zgarishsiz 24 soat davomida chiqariladi. Buyrak va/yoki jigar buzilishlari bo‘lgan patsiyentlarda farmakokinetikasini o‘zgarishi noma'lum.
Yoshi
Bolalar va keksa yoshdagi patsiyentlarda preparatning farmakokinetikasi to‘g‘risida ma'lumotlar yo‘q.

Qo‘llanilishi

Jarrohlikda
Hamma murakkab operatsiyalarda yoki qon bilan yaxshi ta'minlagan to‘qimalarda operatsiyadan oldin va operatsiyadan keyingi kapillyar qon ketishlarni profilaktika qilish va davolash; otolaringologiyada, ginekologiyada, akusherlikda, urologiyada, stomatologiyada, oftalmologiyada yoki plastik va tiklash jarrohligida qo‘llanadi.
Terapiyada
Kelib chiqishi va joylashishi bo‘yicha turlicha bo‘lgan kapillyar qon ketishini: gematuriya, qonli qusiq, melena, burundan qon ketishini, milkdan kon ketishi profilaktika qilish va davolash uchun qo‘llanadi.
Ginekologiyada
Bachadon ichi homilaga qarshi vositasi chaqirgan, metrorragiya, birlamchi menorragiya yoki menorragiyada organik patologiya bo‘lmaganda qo‘llanadi.

Qo‘llash usuli va dozalari

Ichga qabul qilish uchun buyuriladi.
Kattalar va o‘smirlar (14 yoshdan katta)
Operatsiyadan oldin: 250 mg Ditsinonni 1-2 tabletkadan (250-500 mg) jarrohlik aralashuvidan 1 soat oldin buyuriladi.
Operatsiyadan keyin: 250 mg Ditsinonni qon ketish xavfi saqlangan butun vaqt davomida
1-2 tabletkadan har 4-6 soatda buyuriladi.
Terapiyada: 250 mg Ditsinonni odatda ovqat qabul qilish vaqtida oz miqdordagi suyuqlikni ichgan holda 2 tabletkadan (500 mg) sutkada 2-3 marta (1000-1500 mg) buyuriladi.
Ginekologiyada meno-metrorragiya bo‘lganda: 250 mg Ditsinonni ovqat qabul qilish vaqtida oz miqdordagi suyuqlikni ichgan holda 2 tabletkadan (500 mg) sutkada 3 marta (1500 mg) buyuriladi. Davolashni taxmin qilinadigan hayzli qon ketishlardan 5 kun oldin boshlash kerak va 10 kun davomida qabul qilish lozim.
Bolalar (6-14 yoshda)
Kattalar uchun dozaning yarmi buyuriladi.
Jigar yoki buyrak yetishmovchiligi bo‘lgan patsiyentlar
Jigar yoki buyrak yetishmovchiligi bo‘lgan patsiyentlarda klinik tadqiqotlar o‘tkazilmagan. Shuning uchun ushbu patsiyentlarga 250 mg Ditsinon tabletkalarini buyurilganda ehtiyotkorlikka rioya qilish kerak.
Keksa yoshdagi patsiyentlar
Dozaga tuzatish kiritish talab qilinmaydi.
Dori vositasini qabul qilishni o‘tkazib yuborilishi
Agar Siz preparatni qabul qilishni o‘tkazib yuborsangiz, bu haqda eslagan zahoti odatdagi dozani qabul qiling. Agar keyingi qabul qilish vaqti yaqinlashsa, o‘tkazib yuborilgan dozani qabul qilmang. O‘tkazib yuborilgan dozani kompensatsiya qilish uchun hech qachon dozani ikki barobar oshirmang.
Nojo‘ya ta'sirlari
Nojo‘ya samaralarni paydo bo‘lish tez-tezligi va a'zolar tizimiga ko‘ra, MedDRA Konventsiyasiga muvofiq quyidagicha tasniflanadi:
juda tez-tez (≥1/10), tez-tez (≥1/100, <1/10), tez-tez emas (≥1/1000, <1/100), kam hollarda (≥1/10 000, <1/1000), juda kam hollarda (<1/10 000), tez-tezligi noma'lum (mavjud bo‘lgan ma'lumotlar asosida aniqlash mumkin emas).
Me'da-ichak yo‘llari tomonidan buzilishlar:
Tez-tez: ko‘ngil aynishi, diareya, qorin sohasida yoqimsiz hisslar.
Teri va teriosti to‘qimalari tomonidan buzilishlar:
Tez-tez: toshma.
Umumiy buzilishlar va yuborilgan joyida buzilishlar:
Tez-tez: asteniya.
Juda kam hollarda: isitma.
Nerv tizimi tomonidan buzilishlar:
Tez-tez: bosh og‘rig‘i.
Qon tomirlari tomonidan buzilishlar:
Juda kam hollarda: tromboemboliya.
Qon va limfatik tizimi tomonidan buzilishlar:
Juda kam hollarda: agranulotsitoz, neytropeniya, trombotsitopeniya.
Skelet-mushak va biriktiruvchi to‘qimalari tomonidan buzilishlar:
Kam hollarda: artralgiya (bo‘g‘imlarda og‘riq), belda/umurtqada og‘riqlar.
Immun tizimi tomonidan buzilishlar:
Juda kam hollarda: o‘ta yuqori sezuvchanlik, anafilaktik shok.
Moddalar almashinuvi va oziqlanish tomonidan buzilishlar:
Juda kam hollarda: o‘tkir porfiriya.
Bu nojo‘ya samaralar davolash kursi to‘xtatilgandan keyin odatda qaytuvchandir.
Teri reaktsiyalari yoki haroratni oshish hollarida davolashni to‘xtatish va davolovchi shifokorni xabardor qilish kerak, chunki, bu o‘ta yuqori sezuvchanlik reaktsiyalarini belgisi hisoblanishi mumkin.
Sanab o‘tilgan nojo‘ya reaktsiyalar, shuningdek qo‘llash bo‘yicha yo‘riqnomasida ko‘rsatib o‘tilmagan reaktsiyalar paydo bo‘lganida shifokorga murojaat qiling.

Qo‘llash mumkin bo‘lmagan holatlar

- preparatning ta'sir etuvchi yoki boshqa yordamchi moddalariga yuqori sezuvchanlikda;
- o‘tkir porfiriyada;
- 6 yoshgacha bo‘lgan bolalarda (ushbu chiqarilish shakli uchun) qo‘llash mumkin emas.
Ehtiyotkorlik choralari:
Agar preparat juda ko‘p va/yoki davomli hayzli qon ketishlarni kamaytirish uchun buyurilgan bo‘lsa va bunda kutilgan samaraga erishilmasa, bunday holatni chaqirishi mumkin bo‘lgan boshqa patologiyani istisno qilish kerak.
Bolalar
Bolalarda preparatni tavsiya qilingan dozada qo‘llash mumkin.
Buyrak yetishmovchiligi bo‘lgan patsiyentlar
Buyrak yetishmovchiligi bo‘lgan patsiyentlarda etamzilat bilan davolashni xavfsizligi va samaradorligi o‘rganilmagan. Etamzilatni buyrak orqali to‘liq chikarilishi tufayli buyrak yetishmovchiligida dozani kamaytirish talab qilinishi mumkin.
Laborator tahlil natijalari
Terapevtik dozalarda qabul qilinayotgan etamzilat kreatininni fermentativ aniqlashni natijalarini kamaytirishi mumkin. Preparatni laborator ko‘rsatkichlariga mumkin bo‘lgan har qanday ta'sirini istisno qilish uchun Ditsinonni birinchi marta qo‘llashdan oldin davolash vaqtida talab qilinadigan boshlang‘ich tahlillarini (masalan, qon tahlili) o‘tkaziladi.
Preparat laktoza saqlaydi. Galaktozani o‘zlashtiraolmaslik, laktaza tanqisligi yoki glyukozo-galaktoza so‘rilishini buzilishlari kabi kam uchraydigan nasliy patologiyalari bo‘lgan patsiyentlarga ushbu preparatni qabul qilish mumkin emas.
Dorilarning o‘zaro ta'siri
Bugungi kungacha dorilarning o‘zaro ta'siri boshqa preparatlar bilan aniqlanmagan.

Maxsus ko‘rsatmalar

Homiladorlik va emizish davri
Preparatni homilador ayollarda qo‘llanishi to‘g‘risida klinik ma'lumotlar yetarli emas.
Hayvonlarda o‘tkazilgan eksperimentlar reproduktiv funktsiyasiga ta'sir etuvchi har qanday bevosita yoki bilvosita toksikligi aniqlanmagan. Homiladorlik vaqtida ehtiyotkorlik choralari sifatida preparatni qo‘llamaslik afzalroq.
Preparatni ko‘krak sutiga o‘tishi to‘g‘risida ma'lumotlar bo‘lmagani tufayli, davolash vaqtida emizish tavsiya qilinmaydi. Agar emizish davom ettirilsa u holda preparatni qabul qilishni to‘xtatish kerak.
Transport vositalarini boshqarish va mexanizmlar bilan ishlash qobiliyatiga ta'siri
Ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati o‘tganidan keyin ishlatilmasin.

Dozani oshirib yuborilishi

Preparat dozasini oshirib yuborilish hollari qayd qilinmagan. Dozani oshirib yuborilishini davolash uchun standart tibbiy choralar qo‘llash kerak.

Chiqarilish shakli

10 ta tabletka alyuminiy/PVX/PVDX dan blisterda. 10 ta blister qo‘llash bo‘yicha yo‘riqnoma bilan birga karton qutida.

Saqlash sharoiti

Yorug‘likdan va namlikdan himoyalangan joyda, 25ºC yuqori bo‘lmagan haroratda saqlansin.

Yaroqlilik muddati

5 yil. Yaroqlilik muddati ko‘rsatilgan oyning ohirgi kuni tugaydi.

Dorixonalardan berish tartibi

Retsepti bo‘yicha beriladi.
Ishlab chiqaruvchi/Ro‘yxatdan o‘tkazish guvohnomasining egasi to‘g‘risida ma'lumot
Lek d.d., Verovshkova 57, Lyublyana, Sloveniya

Ishlab chiqaruvchi

OM Farma SA, Jeneva, Shveytsariya litsenziyasi bo‘yicha Lek d.d., Verovshkova 57, Lyublyana, Sloveniya ishlab chiqaradi.
Ditsinon ni savdo markasi OM Farma SA, Jeneva, Shveytsariya ga qarashli.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«Sandoz Farmasyutikals d.d.» vakolatxonasi
100015, Toshkent sh., Oybek ko‘ch., 24 uy