Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Ronotsit ichga qabul qilish uchun eritma 100mg/ml 10ml №10
Nomi | Narx | |||||
Роноцит р/р д/приёма внутрь 100мг/мл 10мл №10 (208102370##2 045) |
UZS 171 500
Stokda yetarli (1)
|
-
+
|
Sotib oling
|
Yetkazib berish
Yetkazib berish punktidan olib ketish
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
Toshkent
2 soat bepul
O'zbekiston
2 kun bepul
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
Toshkent
20 000 UZS
O'zbekiston
yo'q
Ekspress yetkazib berish
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
Toshkent
40 daqiqagacha
O'zbekiston
1 kun
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 2 kun bepul |
Toshkent shahridagi qabul qilish punktiga 2 soat ichida yetkazib berish bepul. O'zbekiston bo'ylab 2 kun ichida yetkazib berish bepul. Shanba kuni buyurtma berishda yetkazib berish muddati 3 kun.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshigingizga yetkazib berish. Yetkazib berish xizmati har kuni dam olishlarsiz soat 9-00dan 21-00gacha.
|
Ekspress yetkazib berish | 40 daqiqagacha | 1 kun |
Toshkent bo'ylab tezkor yetkazib berish - 40 daqiqa ichida. O'zbekiston bo'ylab yetkazib berish 1-2 kun.
|
Xususiyatlari
Faol modda
Цитиколин
Страна производитель
Турция
Дозировка
100 мг/мл 10 мл
Производитель
Rotapharm Ilaclari Limited Sirketi, Турция
Рецептурный препарат
Да
Форма выпуска
Раствор для приёма внутрь
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Ishlab chiqarilgan
- Dorixonalardan berish tartibi
Preparatning savdo nomi
Ronotsit
Ta'sir etuvchi modda (XPN) sitikolin
Dori shakli
ichga qabul qilish uchun eritma
Tarkibi
1 ml preparat quyidagilarni saqlaydi
faol modda sitikolin (tsitikolin natriy shaklida) – 100 mg;
yordamchi moddalar kristallanmaydigan sorbitol eritmasi, glitserin, metilparagidroksibenzoati, propilparagidroksibenzoati, natriy sitrat digidrati, natriy saxarini, ponso 4R, “Qulupnay” aromatizatori, kaliy sorbati, limon kislotasi monogidrati, tozalangan suv.
Ta'rifi och pushti rangli bir xil tiniq eritma.
Farmakoterapevtik guruhi
Psixostimulyatorlar, diqqat va yuqori faollikni tanqisligi sindromini davolash uchun qo‘llanadigan vositalar. Nootrop vosita.
ATX kodi N06BX06.
Farmakologik hususiyatlari
Farmakodinamika
si
Sitikolin – hujayra membranasining (asosan fosfolipidlarning) asosiy ultrastruktur komponentlarini o‘tmishdoshi bo‘lib, keng ta'sir doirasiga ega – shikastlangan hujayra membranalarini tiklanishiga yordam beradi, erkin radikallarni ortiqcha hosil bo‘lishiga qarshilik ko‘rsatib, fosfolipazalarning ta'sirini ingibitsiya qiladi, shuningdek apoptoz mexanizmiga ta'sir ko‘rsatib, hujayralarning o‘limini oldini oladi. Insultning o‘tkir davrida bosh miyaning shikastlangan to‘qimalar hajmini kamaytiradi, xolinergik o‘tkazuvchanlikni yaxshilaydi. Bosh miya jarohatlarida posttravmatik komaning davomiyligi va nevrologik simptomlarning yaqqolligini kamaytiradi.
Bosh miyani surunkali gipoksiyasida sitikolin xotirani yomonlashishi, tashabbussizlik, kundalik harakatlarni bajarishda va o‘z-o‘ziga xizmat ko‘rsatishda rivojlanadigan qiyinchiliklar kabi kognitiv buzilishlarni davolashda samaralidir. Diqqat va ongning darajasini oshiradi, shuningdek amneziyani namoyon bo‘lishini kamaytiradi.
Sitikolin degenerativ va tomirli etiologiyali sezgi va harakat faoliyatiga taalluqli nevrologik buzilishlarni davolashda samaralidir.
Farmakokinetikasi
So‘rilishi
Sitikolin ichga qabul qilinganida yaxshi so‘riladi. Peroral qabul qilingandan so‘ng uning so‘rilishi deyarli to‘liq, biokiraolishligi esa vena ichiga yuborilgandan keyingi biokiraolishligi bilan taxminan bir xil.
Metabolizmi
Preparat ichakda va jigarda metabolizmga uchrab, xolin va sitidin hosil qiladi. Preparat qabul qilingandan so‘ng qon plazmasida xolinning kontsentratsiyasi ahamiyatli darajada oshadi.
Taqsimlanishi
Sitikolin bosh miyaning strukturalariga ahamiyatli darajada taqsimlanib, xolin fraktsiyasi struktur fosfolipidlarga tez kirishadi va sitidin fraktsiyasi – sitidin nukleotidlar va nuklein kislotalariga kirishadi. Sitikolin bosh miyaga kiradi va hujayra, sitoplazmatik va mitoxondrial membranalarga faol ravishda saflanib, struktur fosfolipidlarning fraktsiyasini bir qismini hosil qiladi.
Chiqarilishi
Sitikolinning qabul qilingan dozasini faqat 15% odam organizmidan chiqariladi 3% dan kamroq qismi – buyraklar va ichak orqali va taxminan 12% - nafas a'zolari orqali chiqariladigan karbonat angidrit bilan chiqariladi.
Sitikolinni siydik bilan chiqarilishini 2 fazaga ajratish mumkin taxminan 36 soat davom etadigan birinchi faza, bunda chiqarilish tezligi tez pasayadi, va ikkinchi faza, bunda ekskretsiya tezligi juda sekin pasayadi. Huddu shunday holat chiqariladigan karbonat angidrit gazi bilan ham kuzatiladi – taxminan 15 soatdan keyin chiqarilish tezligi tez pasayadi, so‘ngra esa yanada sekin kamayadi.
Qo‘llanilishi
• ishemik insultni o‘tkir davrida (majmuaviy davolash tarkibida);
• ishemik va gemorragik insultlarni tiklanish davrida;
• bosh miya jarohatlari (BMJ), o‘tkir (majmuaviy davolash tarkibida) va tiklanish davrida;
• bosh miyaning degenerativ va tomirli kasalliklaridagi kognitiv va xulq-atvor buzilishlarida qo‘llanadi.
Qo‘llash usuli va dozalari
Ronotsit ichga qabul qilish uchun eritma peroral buyuriladi. Preparatni qabul qilishdan oldin ko‘p bo‘lmagan miqdordagi suv (120 ml yoki ½ stakan) da suyultirish mumkin. Preparat ovqat vaqtida yoki ovqatlanishlar orasida qabul qilinadi.
Tavsiya etilgan dozalash tartibi
Ishemik insultni o‘tkir davrida va BMJ 1000 mg (10 ml) har 12 soatda qabul qilinadi. Davolash davomiyligi kamida 6 haftani tashkil etadi.
Ishemik va gemorragik insultlardan keyingi tiklanish davri, BMJ keyingi tiklanish davri, bosh miyaning degenerativ va tomirli kasalliklarida kognitiv va xulq-atvor buzilishlari sutkada 500-2000 mg (sutkada 5-10 ml dan 1-2 marta) qabul qilinadi. Dozasi va davolash davomiyligi kasallikning simptomlarini og‘irligiga bog‘liq.
Bolalarga 100 mg (1 ml) dan sutkada 2-3 marta buyuriladi.
Pediatriya amaliyotida preparat shifokorning qat'iy nazoratida qo‘llanadi.
Preparat keksa yoshdagi patsiyentlarga buyurilganida dozaga tuzatish kiritish talab etilmaydi.
Nojo‘ya ta'sirlari
Juda kam hollarda (<1/10000) (shu jumladan, individual holatlar) allergik reaktsiyalar (toshma, terini qichishishi, anafilaktik shok), bosh og‘rig‘i, bosh aylanishi, qizib ketish hissi, tremor, ko‘ngil aynishi, qusish, diareya, gallyutsinatsiyalar, shishlar, hansirash, uyqusizlik, qo‘zg‘aluvchanlik, ishtahani pasayishi, falaj bo‘lgan qo‘l-oyoqlarni uvishishi, jigar fermentlarining faolligini o‘zgarishi bo‘lishi mumkin.
Ayrim hollarda preparat parasimpatik tizimni rag‘batlantirishi, shuningdek arterial bosimni qisqa muddatga o‘zgarishiga ta'sir ko‘rsatishi mumkin.
Qo‘llash mumkin bo‘lmagan holatlar
• preparatning komponentlaridan birortasiga o‘ta yuqori sezuvchanlikda;
• yaqqol ifodalangan vagotoniyada (vegetativ nerv tizimining parasimpatik nerv tizimi tonusini ustun bo‘lganida) bo‘lgan patsiyentlar;
• tarkibida sorbitol borligi sababli, fruktozani fermentativ parchalanishini yetishmovchiligi (malabsorbtsiya sindromi) da qo‘llash mumkin emas.
Dorilarning o‘zaro ta'siri
Sitikolin levodopaning samarasini kuchaytiradi.
Preparatni tarkibida meklofenoksat saqlovchi dori vositalar bilan bir vaqtda qo‘llash mumkin emas.
Maxsus ko‘rsatmalar
Sovuq joyda konservantni vaqtinchalik qisman kristallanishi oqibatida kristallarning ozgina miqdori hosil bo‘lishi mumkin. Keyinchalik tavsiya etilgan sharoitlarda saqlanganida kristallar bir necha oy davomida eriydi. Kristallarni hosil bo‘lishi preparatning sifatiga ta'sir qilmaydi.
Homiladorlik va laktatsiyada qo‘llanishi
Homilador ayollarga sitikolinni qo‘llash bo‘yicha yetarli ma'lumotlar yo‘q. Garchi hayvonlarda o‘tkazilgan tadqiqotlarda salbiy ta'siri aniqlanmagan bo‘lsa-da, homiladorlik davrida Ronotsit preparati ona uchun davolashdan kutiladigan foyda homila uchun potentsial havfdan ustun bo‘lgan holdagina buyuriladi.
Preparat laktatsiya davrida buyurilganida ayollar emizishni to‘xtatishlari kerak, chunki sitikolinni ona suti bilan ajralib chiqishi bo‘yicha ma'lumotlar yo‘q.
Pediatriyada qo‘llanishi
Preparat bolalarga shifokorning qat'iy nazorati ostida qo‘llanadi.
Avtotransportni haydash va mexanizmlarni boshqarish qobiliyatiga ta'siri
Sitikolin transport vositalarini boshqarish va mexanizmlar bilan ishlash qobiliyatiga ta'sir ko‘rsatmaydi.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
Preparatning zaharliligi past bo‘lganligi sababli, hatto terapevtik dozalardan ortiq dozalarda qo‘llanganida ham dozani oshirib yuborilish hollari ta'riflanmagan.
Chiqarilish shakli
Ichga qabul qilish uchun eritma 10 ml dan buraladigan plastik qopqoq bilan berkitilgan, birinchi marta ochish nazorati bilan ta'minlangan rangsiz tiniq shisha flakonda. 10 flakon qo‘llash bo‘yicha yo‘riqnomasi bilan birga karton qutiga joylangan.
Saqlash sharoiti
25oS dan yuqori bo‘lmagan haroratda saqlansin.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
Savdo belgisi va qayd etish sertifikatining egasi
«Rotafarm Ilachlari Limited Shirketi», Turkiya
(“Rotapharm Ilaçlari Limited Şirketi”, Turkey).
Ishlab chiqarilgan
«Uorld Meditsin Ilach San. ve Tidj. A.Sh.», Turkiya
(Bagdjilar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
"World Medicine İlaç San. ve Tic. A.Ş.", Turkey
(Bağcılar İlçesi, Güneşli, Evren Mahallesi,
Cami Yolu Cad. No50 K. 1B Zemin 4-5-6, İstanbul).
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.