Tiotsetam 400mg/100mg tab. №60

Tavsif

Preparatning savdo nomi

Tiotsetam (Thiocetam)
Ta'sir etuvchi moddalar (XPN): piratsetam, tiazot kislotasi.

Dori shakli

plyonka qobiq bilan qoplangan tabletkalar

Tarkibi

1 tabletka quyidagilarni saqlaydi:
faol moddalar: 100% moddaga qayta hisoblanganda 400 mg piratsetam, 100% moddaga qayta hisoblanganda 100 mg tiazot kislotasi;
yordamchi moddalar: kartoshka kraxmali; mannit; qand upasi; magniy stearati; povidon; qoplash uchun aralashma “Opadry II Yellow” 33G22623 (gipromeloza; laktoza monogidrati; titan dioksidi (E 171); polietilenglikol (makrogol) 3000; triatsetin; xinolin sarig‘i (E 104); FCF (E 110) sariq shafaqi; temir II oksidi (E 172); indigokarmin (E 132)).

Ta'rifi

oval shaklli, tabletkaning bir tomonida riskasi bo‘lgan, sariq rangli plyonka qobiq bilan qoplangan tabletkalar. Sindirilganda oq rangli yadrosi ko‘rinadi.

Farmakoterapevtik guruhi

psixostimulyator va nootrop vositalar.
ATX kodi: N06BX.

Farmakologik xususiyatlari

Farmakodinamika

Preparat serebroaktiv (bosh miya faoliyatiga ta'sir etuvchi) vositalar guruhiga mansub bo‘lib, ishemiyaga qarshi, antioksidant, membranani barqarorlashtiruvchi va nootrop xususiyatlarga egadir.
Preparat miyaning integrativ va kognitiv faoliyatini yaxshilaydi, o‘qish jarayoni samaradorligini oshiradi, amneziya belgilarini bartaraf qilishga yordam beradi, qisqa muddatli va uzoq muddatli xotira ko‘rsatkichlarini yaxshilaydi.
Preparatning farmakologik samarasi tiotriazolin va piratsetamning o‘zaro potentsiyalovchi ta'siri bilan bog‘liq.
Preparat glyukozaning aerob va anaerob oksidlanish reaktsiyalarda oksidlanishini tezlashtirish, bioenergetik jarayonlarni me'yorlashtirish, ATF ning darajasini oshirish, miya to‘qimalarida metabolizmni barqarorlashtirish qobiliyatiga ega.
Preparat kislorodning faol shakllarini hosil bo‘lish yo‘llarini tormozlaydi, fermentlarning antioksidant tizimini, ayniqsa superoksiddismutazani qayta faollashtiradi, ishemiyada miya to‘qimalarda erkin radikallarni hosil bo‘lishi bilan kechuvchi jarayonlarni tormozlaydi, fibrinolotik tizimni faollashtirish hisobiga qonning reologik xususiyatlarini yaxshilaydi, muvofiq nekroz va ishemiya sohalarni kamaytiradi.

Farmakokinetikasi

Ichga qo‘llanganda yaxshi so‘riladi, turli a'zo va to‘qimalarga, shu jumladan bosh miya to‘qimalariga kiradi. Preparat yo‘ldosh to‘sig‘i orqali o‘tadi. Preparatning har bir komponenti alohida metabolizmga uchraydi. Piratsetam organizmda deyarli metabolizmga uchramaydi va siydik bilan chiqariladi. Yarim chiqarilish davri - 4-8 soat.
Tiazot kislotasi ichga qabul qilingandan keyin tez so‘riladi, uning mutloq biokiraolishligi 53% ni tashkil qiladi. Qon plazmasidagi maksimal kontsentratsiyasiga 20 mg dozada bir marta qabul qilingandan so‘ng 1,6 soatdan keyin erishiladi. Yarim chiqarilish davri taxminan 8 soatni tashkil etadi.

Qo‘llanilishi

Bosh miya tomirlarining aterosklerozi va ilgari miya qon aylanishini buzilishlari bilan bog‘liq bo‘lgan miyada qon aylanishini tranzitor va surunkali buzilishlari. Preparat, shuningdek miyada qon aylanishini buzilishlarida, bosh miya jarohatlari, intoksikatsiyalar, diabetik entsefalopatiyalar bilan bog‘liq miyadagi almashinuv jarayonlarini buzilishlarida, shuningdek ishemik va gemorragik insultlarning tiklanish davrida ham qo‘llanadi.

Qo‘llash usuli va dozalari

Dozalash va davolash davomiyligini shifokor har bir individual holatda kasallikning xarakteri va kechishiga qarab, alohida belgilaydi.
Miyada qon aylanishini tranzitor va surunkali buzilishlarida va ishemik va gemorragik insultdan keyingi tiklanish davrida 1 tabletkadan sutkada 3 marta 25-30 kun davomida.
Tiotsetam tabletkalari ovqatdan 30 minut oldin buyuriladi.
Davolash kursi 2-3 haftadan 3-4 oygachani tashkil qiladi.
Diabetik entsefalopatiyani davolash uchun 1 tabletkadan kuniga 3 marta 45 kun davomida buyuriladi.
Nojo‘ya ta'sirlari
Tiotsetam preparati qo‘llanganida quyidagi nojo‘ya reaktsiyalar kuzatilishi mumkin:
markaziy va periferik nerv tizimi tomonidan: bosh og‘rig‘i, umumiy holsizlik, uyqusizlik, uyquchanlik, xavotirlik, ichki zo‘riquvchanlik;
me'da-ichak yo‘llari tomonidan: ko‘ngil aynishi, qusish, og‘izni qurishi, diareya;
immun tizimi tomonidan: allergik reaktsiyalar, shu jumladan toshma, qichishish, eshakemi, ko‘p terlash;
vestibulyar tizim tomonidan: bosh aylanishi;
Bemorlarda preparatning alohida komponentlari bilan bog‘liq bo‘lgan nojo‘ya reaktsiyalar rivojlanishi mumkin:
-piratsetam bilan bog‘liq:
qon va limfa tomonidan: gemorragik buzilishilar;
immun tizimi tomonidan: o‘ta yuqori sezuvchanlik, anafilaktoid reaktsiyalar;
ruhiy buzilishlar: asabiylik, depressiya, yuqori qo‘zg‘aluvchanlik, xavotrlik, ongni chalkashishi, gallyutsinatsiyalar;
nerv tizimi tomonidan: giperkineziya, uyquchanlik, ataksiya, muvozanatni buzilishi, tutqanoq xurujlari sonini oshishi, bosh og‘rig‘i, uyqusizlik, tremor;
eshitish a'zolari va labirint tomonidan: bosh aylanishi;
ovqat hazm qilish tizimi tomonidan: abdominal og‘riq, qorinning yuqori qismida og‘riq, diareya, ko‘ngil aynishi, qusish;
teri va teri osti to‘qimalari tomonidan: angionevrotik shish, dermatitlar, toshma, eshakemi, qichishish;
reproduktiv tizim tomonidan: jinsiy faollikni oshishi;
qon tomirlari tomonidan buzilishlar: gippotenziya, tromboflebit;
umumiy buzilishlar va yuborish joyidagi buzilishlar: asteniya, yuborish joyida og‘riq, isitma, tana vaznini oshishi;
- tiazot kislotasi bilan bog‘liq:
teri va teri osti kletchatkasi tomonidan o‘zgarishlar: qichishish, teri giperemiyasi toshmalar, eshakemi, angionevrotik shish;
immun tizimi tomonidan buzilishlar: anafilaktik shok;
markaziy va periferik nerv tizimi tomonidan - bosh aylanishi, quloqlarni shang‘illashi;
yurak-qon tomir tizimi tomonidan- taxikardiya, arterial bosimni oshishi;
me'da-ichak yo‘llari tomonidan- dispepsiya, shu jumladan og‘izni qurishi, qorinni dam bo‘lishi, ko‘ngil aynishi, qusish;
nafas tizimi tomonidan- hansirash, bo‘g‘ilish (nafas siqish) xurujlari. umumiy buzilishlar: isitma, umumiy holsizlik.
Preparat sariq shafaq FCF (E 110) bo‘yovchisini saqlaydi, bu allergik reaktsiyalarni chaqirishi mumkin

Qo‘llash mumkin bo‘lmagan holatlar

Piratsetamga yoki pirolidon hosilalariga va/yoki tiazot kisloatsiga, shuningdek preparatning boshqa komponentlaridan birontasiga yuqori sezuvchanlik.
Miyada qon aylanishini gemorragik turdagi o‘tkir buzilishi.
O‘tkir buyrak yetishmovchiligi. Buyrak yetishmovchiligining terminal bosqichi.
Gentington xoreyasida qo‘llash mumkin emas.
Dorilarning o‘zaro ta'siri
Tiotsetam® ni kislotali rN muhitiga ega bo‘lgan preparatlar bilan buyurish mumkin emas.
Preparatning tarkibida piratsetam borligi tufayli, quyidagi o‘zaro ta'sir turlari kuzatilishi mumkin:
Tireoid gormonlar.
Tireoid gormonlar (T3+T4) bilan majmuada qo‘llanganda kuchli jizzakilik, dezoriyentatsiya va uyquni buzilishi yuz berishi mumkin.
Atsenokumarol.
Qaytalanuvchi trombozni og‘ir kechishi bilan xastalangan bemorlarda piratsetamni yuqori dozalarda (sutkada 9,6 g) qo‘llanilishi atsenokumarolning protrombin vaqti qiymatini 2,5-3,5 ga erishish uchun kerak bo‘lgan dozasiga ta'sir qilmagan, lekin uni bir vaqtda qo‘llanganda trombotsitlar agregatsiyasi darajasi, fibrinogen, Villebrand faktorlarining darajasini (koagulyatsion faollik (VIII: S); ristotsetin ko-faktori (VIII: vW: Rco) va qon plazmasi proteini (VIII: vW: Ag)), qon va plazmani qovushqoqligini ancha pasayishi aniqlangan.
Farmakokinetik o‘zaro ta'sirlar.
Piratsetamning farmakodiyenamikasini boshqa preparatlarning ta'siri ostida o‘zgarish ehtimoli past, chunki preparatning 90% o‘zgarmagan holda siydik bilan chiqariladi.
In vitro sharoitlarda o‘tkazilgan tajribalarda piratsetam sitoxrom R450 ning CYP1A2, 2B6, 2C8, 2C9, 2C19, 2D6, 2E1 va 4A9/11 izoformalarini 142, 426, 1422 mkg/ml kontsentratsiyalarda susaytirmaydi. 1422 mkg/ml kontsentratsiyada CYP2A6 ni (21% ga) va 3A4/5 ni (11% ga) biroz susayishi aniqlangan. Shuning uchun shu fermentlar tomonidan biotransformatsiyaga uchraydigan preparatlar bilan metabolik o‘zaro ta'sir ehtimoli kam.
Tutqanoqqa qarshi dori vositalar.
Piratsetamni sutkada 20 mg dozada 4 xafta davomida va undan ortiq qo‘llanganda tutqanog‘i bo‘lgan bemorlarda qon zardobidagi tutqanoqqa qarshi preparatlarning (karbamazepin, fenitoin, fenobarbital, natriy valproati) kontsentratsiyasi darajasining egri chizig‘i va maksimal kontsentratsiyasini o‘zgartirmagan.
Alkogol.
Alkogol bilan birga qabul qilish piratsetamning qon zardobidagi kontsentratsiyasi darajasiga ta'sir qilmagan va 1,6 g piratsetam qabul qilinganda alkogolning qon zardobidagi kontsentratsiyasi o‘zgarmagan.

Maxsus ko‘rsatmalar

Preparatni nutqni, xotirani, diqqatni buzilishi, bosh miyaning intellektual funktsiyasini pasayishi va sefalgiyalarda, shu jumladan neyrotsirkulyator distoniya oqibatida yuz bergan o‘qish qobiliyatini oshirish uchun emotsional sferani buzilishlari bilan kechuvchi serebrovaskulyar yetishmovchilikda buyurish mumkin. Tiotsetam® ni mavjud bo‘lgan yurak patologiyasi (zo‘riqish stenokardiyasi, miokard infarkti), jigar patologiyasi (gepatit, sirroz) va virusli infektsiyalar fonida yuqorida ko‘rsatilgan kasalliklarni davolash uchun qo‘llash mumkin.
Preparatni yurak-tomir patologiyasi bilan xastalangan keksa yoshli shaxslar ehtiyotkorlik bilan qabul qilishlari lozim, chunki yuqorida ta'riflangan nojo‘ya reaktsiyalar bu guruh bemorlarida ko‘proq aniqlanadi.
Allergik reaktsiyalar allergiyaga moyilligi bo‘lgan shaxslarda ko‘proq uchraydi.
Trombotsitlar agregatsiyasiga ta'siri. Piratsetam trombotsitlar agregatsiyasini susaytirgani tufayli, uni gemostazni buzilishi, qon ketishlari bilan kechuvchi holatlari (me'da-ichak yo‘llari yaralari) bo‘lgan bemorlarga, katta jarrohlik operatsiyalarida (shu jumladan stomatologik aralashuvlarida), og‘ir qon ketishlari simptomlari bo‘lgan bemorlarga yoki anamnezida gemorragik insult bo‘lgan bemorlarga; antikoagulyantlarni, trombotsitar antiagregantlarni, shu jumladan atsetilsalitsil kislotasining past dozalarini qo‘llayotgan patsiyentlarga ehtiyotkorlik bilan buyurish kerak. Preparat buyrak orqali chiqariladi, shuning uchun buyrak yetishmovchiligi bo‘lgan bemorlarga o‘ziga xos e'tibor berish kerak.
Keksa yoshdagi patsiyentlar. Keksa yoshdagi bemorlarda uzoq muddat davolashda buyrak faoliyati ko‘rsatkichlarini muntazam nazorat qilib turish tavsiya qilinadi, zarurat tug‘ilganida kreatinin klirensi tekshiruvlari natijalariga qarab, dozaga tuzatish kiritiladi.
Preparat yordamchi modda sifatida buni laktoza saqlaydi, buni galaktozani o‘zlashtira olmasligi, laktaza tanqisligi yoki glyukoza/galaktozani so‘rilishini buzilishi bo‘lgan patsiyentlar hisobga olishlari lozim.
Tiotsetamning 1 tabletkasi 0,007 g qand upasini saqlaydi, buni qandli diabeti bo‘lgan patsiyentlar hisobga olishlari kerak.
Homiladorlik yoki emizish davrida qo‘llanishi. Qo‘llamaslik kerak.
Bolalar. Pediatriya amaliyotida qo‘llash mumkin emas.
Avtotransportni boshqarishda yoki boshqa mexanizmlar bilan ishlashda reaktsiya tezligiga ta'sir qilish qobiliyati. Preparatni avtotransportni boshqarishda va yuqori diqqatni talab qiladigan mexanizmlar bilan ishlashda, nerv tizimi tomonidan yuz berishi mumkin bo‘lgan nojo‘ya reaktsiyalarini rivojlanish xavfi tufayli, qo‘llash tavsiya qilinmaydi.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Terapevtik dozalarda qo‘llanganida dozani oshirib yuborilishi mumkin emas. Ammo shifokor tomonidan buyurilgan dozaga rioya qilinmasa, preparatning nojo‘ya samaralari (qo‘zg‘alish, uyquni buzilishi, dispeptik holatlar) paydo bo‘lishi va kuchayishi mumkin. Bunday hollarda preparatning dozasi kamaytiriladi va simptomatik davolash buyuriladi.

Chiqarilish shakli

10 tabletkadan blisterda, 3 yoki 6 blisterdan qutida.

Saqlash sharoiti

Original o‘ramida, 25°C dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.
Ishlab chiqaruvchining nomi va manzili
“Kiyevmedpreparat” JAJ
Ukraina, 01032, Kiyev sh., Saksaganskiy ko‘ch., 139.