Aspirin C vish. tab. №10

Tavsif

Preparatning savdo nomi

Aspirin C

Xalqaro patentlanmagan nomi

Atsetilsalitsil kislotasi+Askorbin kislotasi

Dori shakli

Vishillovchi tabletkalar

Tarkibi

1 vishillovchi tabletka quyidagilarni saqlaydi:
faol moddalar: atsetilsalitsil kislotasi 400 mg, askorbin kislotasi (C vitamini) 240 mg;
yordamchi moddalar: natriy digidrositrati, natriy gidrokarbonati, suvsiz limon kislotasi, suvsiz natriy karbonati.

Ta'rifi

Dumaloq, yassi, chetlari qiya, bir tomonida firma belgisi (bayer xochi) ko’rinishida tushirilgan, boshqa tomoni silliq, oq rangli tabletkalar.

Farmakoterapevtik guruhi

Analgetiklar antipiretiklar boshqalar. Salitsil kislotasi va uning hosilalari. Atsetilsalitsil kislotasi boshqa preparatlar bilan majmuada (psixoleptiklardan tashqari)
ATX kodi: N02BA51

Farmakologik xususiyatlari

Majmuaviy preparat, uning ta'siri uning tarkibiga kiruvchi faol komponentlariga bog'liq.
Atsetilsalitsil kislotasi og‘riq qoldiruvchi, isitmani tushiruvchi va yallig‘lanishga qarshi ta'sirga ega kislota hosil qiluvchi nosteroid yallig‘lanishga qarshi moddalar guruhiga mansubdir.
Uning ta'sir mexanizmi prostaglandinlar sintezida ishtirok etuvchi sikloksigenaza enzimlarini qaytmas ingibisiya qilish bilan bog'liq.
Atsetilsalitsil kislotasi 0,3 va 1,0 g oralig’ida bo'lgan ichga qabul qilish uchun dozalarda yengildan o'rtacha darajadagi bosh og'rig'i va yuqori tana haroratini davolash uchun, masalan: shamollash va grippda, isitmani tushirish uchun, mushak og’riqlari va bo'g'imlardagi og'riqni davolashda qo’llaniladi.
Teng ravishda, revmatoid artrit, osteoartrit va ankilozlovchi spondiloartrit kabi o'tkir va surunkali yallig'lanish kasalliklarini davolash uchun qo’llaniladi. Atsetilsalitsil kislotasi trombositlar agregasiyasini ingibisiya qiladi, chunki u trombositlarda tromboksan A2 sintezini bloklaydi. Shuning uchun yurak qon-tomir kasalliklarining turli belgilarida kuniga 75 dan 300 mg gacha buyuriladi.
Askorbin kislotasi suvda eruvchan vitamin bo‘lib, oksidlanish-qaytarilish jarayonlarini, uglevod almashinuvini, qon ivishini, to‘qimalarning yangilanishini tartibga solishda muhim rol o‘ynaydi va organizmning qarshiligini oshirishga yordam beradi.
Askorbin kislotasi yallig'lanish jarayonlarida va leykositlar funksiyasida aniq rol o'ynaydi, kelib chiqishi ekzogen va endogen erkin radikallar va boshqa oksidantlarning zararli ta'siridan organizmni himoya qiluvchi tizimning tarkibiy qismi bo’lib hisoblanadi.
Askorbin kislotasi hujayra ichidagi mukopolisaxaridlar sintezi jarayonida muhim rol o'ynaydi, ular kollagen tolalari bilan birga kapillyar devorlarni mustahkamlaydi.
Klinik tadqiqotlarda atsetilsalitsil kislotasi bilan bir vaqtda qo'llanilganda, askorbin kislotasi atsetilsalitsil kislotasi tomonidan yuzaga kelgan me’da shikastlanishi va oksidlanish stressga qarshi himoya ta'sirini ko'rsatdi.

Farmakokinetikasi

So’rilishi
Atsetilsalitsil kislotasi me’da-ichak yo’lidan tez va to'liq so'riladi. Atsetilsalitsil kislotasi so’rilishi vaqtida va undan keyin uning asosiy metaboliti - salitsil kislotasiga aylanadi. Umuman olganda, atsetilsalitsil kislotasining plazmadagi maksimal darajalariga dori shakliga qarab 15-30 minutdan so'ng, salitsil kislotasi esa 0,72-2 soatdan keyin erishiladi. Askorbin kislotasini qo'shilishi atsetilsalitsil kislotasining farmakokinetik ko’rsatkichlariga deyarli yoki umuman ta'sir qilmaydi.
Taqsimlanishi
Atsetilsalitsil kislotasi va salitsil kislotasi plazma oqsillari bilan tez bog'lanadi va organizmda tez taqsimlanadi. Salitsil kislotasi ko’krak sutiga o’tadi va yo'ldosh orqali kiradi.
Metabolizmi
Atsetilsalitsil kislotasi uning asosiy metaboliti - salitsil kislotasiga aylanadi. Atsetilsalitsil kislotasining atsetil guruhi ichak shilliq qavatidan o'tganda ham gidrolitik ravishda ajralib chiqadi, ammo bu jarayon asosan jigarda sodir bo'ladi.
Uning metabolitlari salitsil kislotasi, salitsilfenol glyukuronidi, salitsilasil glyukuronidi, gentizin kislotasi va gentisurik kislotasi hisoblanadi.
Chiqarilishi
Salitsil kislotasining chiqarilish kinetikasi dozaga bog'liq, chunki metabolizm jigar fermentlarining hajmlari bilan cheklangan. Shuning uchun, yarim chiqarilish davri past dozalardan keyin 2 soatdan 3 soatgacha va yuqori dozalarda taxminan 15 soatgacha o'zgaradi. Salitsil kislotasi va uning metabolitlari asosan buyraklar orqali chiqariladi.
Askorbin kislotasi ingichka ichakning proksimal qismida konsentratsiyaga bog’liq so'riladi. Bir martalik dozani oshirish bilan biokiraolishligi pasayadi (1 g dan keyin 60-75%, 12 g dan keyin 16%). So‘rilmagan qismi asosan yo‘g‘on ichak mikroflorasi tomonidan CO2 va organik kislotalar hosil bo‘lishi bilan parchalanadi. Sog'lom kattalarda sutkada 40-50 mg gacha bo'lgan maksimal metabolik o’zgarishi 0,8-1,0 mg / dl plazma kontsentratsiyalarida erishiladi. Umumiy metabolizmi sutkada taxminan 1 mg ni tashkil qiladi. Juda yuqori dozalarni ichga qabul qilganda 3 soatdan keyin qisqa muddatli plazmada kontsentratsiyasi 4,2 mg / dl gacha bo'lishi mumkin. Bunday hollarda askorbin kislotasi asosan (>80%) siydik bilan o'zgarmagan ko’rinishda chiqariladi (yarim chiqarilish davri 2.9 soat). Muntazam qabul qilinganda organizmda to'planishi taxminan sutkada 180 mg, bu kamida 1,5 g tashkil etadi.U asosan gipofiz, buyrak usti bezlari, ko'z gavxari va leykositlarda to'planadi.

Qo‘llanilishi

Kelib chiqishi turli xil bo’lgan o'rtacha yoki kuchsiz yaqqolikdagi og'riq sindromini (bosh og'rig'i, tish og'rig'i, menstrual og'riqlar; tomoq og'rig'i, gripp va shamollashdagi mushaklar va bo'g'imlardagi og'riqlar) simptomatik yengillashtirish uchun.
Infeksion kasalliklarda yuqori tana haroratida ko'tarilishi (isitma) qo’llaniladi.

Qo‘llash usuli va dozalari

Vishillovchi tabletka bir stakan suvda eritilishi kerak. Ovqatdan keyin 1-2 tabletkadan sutkada 3 marta 4-8 soatlik oralig’ bilan ichga qabul qilinsin. Och qoringa qabul qilinmasin.
Maksimal birmartalik doza - 2 tabletka.
Maksimal sutkalik doza 6 tabletkadan oshmasligi kerak.
Davolashning davomiyligi (shifokor bilan maslahatlashmasdan) 4 kundan oshmasligi kerak.
Nojo‘ya ta'sirlari
Noj’oya samaralarni baholashda quyidagi uchrash tezligi asos qilib olinadi:
Juda tez-tez: ≥ 1/10
Tez-tez: ≥ 1/100 dan <1/10 gacha
Tez-tez emas: ≥ 1/1000 dan <1/100 gacha
Kam hollarda: ≥ 1/10 000 dan < 1/1 000 gacha
Juda kam hollarda: <1/10 000.
Noma'lum: mavjud ma'lumotlarga ko’ra uchrash tez-tezligini baholab bo’lmaydi.
Qon va limfatik tizimi tomonidan buzilishlar: kam va juda kam hollarda – jiddiy qon ketishlar, masalan, serebral qon ketishlar, ayniqsa nazorat qilib bo’lmaydigan gipertioniyasi bo‘lgan pasientlarda va/yoki antikoagulyantlar bidan bir vaqtda davolaganda, ayrim holatlarda hayotga potensial havf tug’dirishi mumkin. Glyukozo-6-fosfat degidrogenaza tanqisligini og’ir shakllari bo'lgan pasientlarda gemoliz va gemolitik anemiya holatlari xabar berilgan.
Qon ketishlar, burundan, milklardan, teri yoki siydik jinsiy yo'lidan qon ketishlar kabi, qon ketish vaqtini uzaytirishi mumkin. Ushbu samara preparatni qo'llashdan keyin 4 dan 8 kungacha davom etishi mumkin.
Me’da-ichak yo’li tomonidan buzilishlar: tez-tez – jig’ildon qaynashi, ko'ngil aynishi, qusish, qorin soxasidagi og'riqlar, diareya; kam hollarda – me’da-ichak yo’li yaralari, bu juda kam hollarda teshilishga olib kelishi mumkin; me’da-ichak yo’li qon ketishlari kam hollarda temir tanqisligi anemiyasiga; me’da-ichak yo’li yallig'lanishiga olib kelishi mumkin.
Noma'lum: agar ichak shilliq qavati shikastlangan bo'lsa, keyinchalik stenoz xavfi bilan bo’lgan (ayniqsa, uzoq muddatli davolanish holatida) bir nechta membranalar hosil bo'lishi mumkin.
Nerv tizim tomonidan buzilishlar: bosh og‘rig‘i, bosh aylanishi, eshitishni buzilishi, quloqlarda shovqin (tinnitus) va ongni chalkashishi dozani oshirib yuborilishi belgilari bo‘lishi mumkin (“Dozani oshirib yuborilishi” bo‘limiga qarang).
Teri va teri osti to‘qimalari tomonidan buzilishlar: tez-tez emas – teri reaksiyalari ko‘rinishidagi allergik reaksiyalar; kam hollarda – og‘ir teri reaksiyalari ko‘rinishidagi allergik reaksiyalar (hatto ko‘p shaklli ekssudativ eritemagacha).
Immun tizimi tomonidan buzilishlar: kam hollarda – nafas yo‘llari, MIY va yurak qon-tomir tizimining allergik reaksiyalari, eng avvalo bronxial astmasi bo‘lgan pasientlarda. Quyidagilar simptomlari bo‘lishi mumkin: arterial qon bosimini pasayishi, nafas siqish xurujlari, rinit, burun bitishi, anafilaktik shok yoki Kvinke shishi.
Jigar va safro chiqarish yo‘llari tomonidan buzilishlar: juda kam hollarda – jigar ko‘rsatkichlari darajasini oshishi.
Buyrak va siydik chiqarish yo‘llari tomonidan buzilishlar: buyraklarni funksional buzilishlari va o‘tkir buyrak yetishmovchiligi kuzatilishi mumkin.
Askorbin kislotasi (C vitamini)
Quyida sanab o'tilgan nojo'ya samaralar "spontan xabarlarga" asoslangan (tez-tezligi noma'lum):
immun tizimi tomonidan: allergik reaksiyalar, anafilaktik shok;
me’da-ichak yo’li tomonidan: ko'ngil aynishi, qusish, qorin og'rig'i, diareya kuzatilishi mumkin.

Qo‘llash mumkin bo‘lmagan holatlar

preparatning ta’sir etuvchi moddalariga yoki har qanday yordamchi moddalarga o’ta yuqori sezuvchanlik;
- salitsilatlar yoki shunga o'xshash ta'sirga ega moddalarni, ayniqsa nosteroid yallig'lanishga qarshi preparatlarni qabul qilish natijasida kelib chiqqan bronxial astma anamnezida;
- me’da-ichak yo’lining eroziv va yarali shikastlanishlari (o'tkir bosqichda);
- gemorragik diatez;
- buyrak va / yoki jigar etishmovchiligi;
- og'ir nazorat qilib bo’lmaydigan yurak etishmovchiligi;
- haftasiga 15 mg yoki undan ortiq dozada metotreksat bilan birgalikda qo’llash;
- homiladorlik (III uch oylik);
- nefrolitiaz yoki anamnezidagi nefrolitiaz;
- giperoksaluriya;
- gemoxromatoz;
- 12 yoshgacha bo'lgan bolalar, o'tkir respirator kasalliklarda, etiologiyasi virusli, Reye sindromi (jigar etishmovchiligining o'tkir rivojlanishi bilan ensefalopatiya va jigarning o'tkir yog'li distrofiyasi) rivojlanish xavfi tufayli.
Dorilarning o‘zaro ta'siri
Nojo'ya samaralar xavfini oshirishgacha ta’sirni kuchayishi:
- antikoagulyantlar/trombolitiklar: atsetilsalitsil kislotasi trombolitik davolashni boshlashdan oldin qabul qilinsa, qon ketish xavfini oshirishi mumkin. Shuning uchun trombolitiklar bilan davolanishni rejalashtirgan pasientlarda tashqi yoki ichki qon ketish belgilariga e'tibor qaratish lozim.
- trombotsitlar agregatsiyasi ingibitorlari, masalan, tiklopidin, klopidogrel: qon ketish xavfini yuqori;
boshqa nosteroid analgetiklar/yallig’lanishga qarshi vositalar (atsetilsalitsil kislotasi kuniga 3 g dozalarda yoki undan ko'p): me’da-ichak yo’lida yarali shikastlanishlar va qon ketish xavfi rivojlanishi yuqori;
- tizimli glyukokortikosteroidlar (Addison kasalligini o’rindosh davolashda qo'llaniladigan gidrokortizondan tashqari): me’da-ichak yo’lida nojo'ya samaralar va qon ketishlar xavfi rivojlanishi yuqori;
- alkogol: me’da-ichak yo’lida yarali shikastlanishlar va qon ketish xavfi ortadi;
- digoksin: qon plazmasida konsentratsiyasini oshishi;
- diabetga qarshi preparatlar: qondagi glyukoza miqdori pasayishi mumkin;
- metotreksat: organizmdan chiqarilishining pasayishi va oqsillar bilan bog'lanishi tufayli salitsilatlar tomonidan siqib chiqarilishi;
valproat kislotasi: oqsillar bilan bog'lanishi tufayli salitsilatlar tomonidan siqib chiqarilishi;
- serotoninni qayta qamrab olinishini selektiv ingibitorlari (SQQOSI): sinergik samarasi tufayli me’da-ichakdan qon ketish xavfi yuqori.
Ta’sirini zaiflashishi:
- diuretiklar (atsetilsalitsil kislotasining kuniga 3 g va undan yuqori dozalari bilan birgalikda);
- angiotenzinga aylantiruvchi ferment ingibitorlari (atsetilsalitsil kislotasining kuniga 3 g va undan yuqori dozalari bilan birgalikda);
- urikozurik preparatlar (masalan, benzbromaron, probenesid).
- askorbin kislotasi bilan bir vaqtda qabul qilingan deferaksamin temirning to'qimalarga, ayniqsa yurak to'qimalariga zaharliligini oshirishi va yurak dekompensasiyasiga olib kelishi mumkin.
Laborator diagnostikasida askorbin kislotasi bilan o'zaro ta'siri: C vitamini tiklovhi agent (ya'ni elektronlar donori) bo'lib, glyukoza, kreatinin, karbamazepin, siydik va qon zardobidagi siydik kislotasi va yashirin qon kabi laboratoriya tahlillarida kimyoviy to’siqlarga olib kelishi mumkin. C vitamini siydik va qonda qand darajasini aniqlashga xalaqit berishi va natijalarni buzishi mumkin, garchi u qonda qand darajasiga ta'sir qilmasa ham.

Maxsus ko‘rsatmalar

Preparatni quyidagi hollarda juda ehtiyotkorlik bilan qabul qilish kerak:
- boshqa analgetiklar/yallig'lanishga qarshi / revmatizmga qarshi vositalarga yoki boshqa allergen moddalarga yuqori sezuvchanlik;
- allergiya (masalan, teri reaksiyalari, qichishish, eshakemi), astma, pichan isitmasi, burun shilliq qavatining shishishi (burun poliplari) yoki surunkali respirator kasalliklar bo'lganda;
- antikoagulyantlar bilan bir vaqtda davolanishda;
- me’da-ichak yo’lining yarali shikastlanishlari yoki me’da-ichakdan qon ketishlar anamnezida;
jigar funksiyasini buzilishida;
- jigar funksiyasini buzilishi yoki yurak qon-tomirda qon aylanishini pasayishi bo‘lgan pasientlarda (masalan, buyrak qon-tomirlari kasalligi, dimlangan yurak etishmovchiligi, gipovolemiya, katta jarrohlik aralashuvi, sepsis yoki og'ir qon ketishlar): ASK buyrakning funksional buzilishlari yoki o‘tkir buyrak yetishmovchiligi xavfini oshirishi mumkin;
- operasiyadan oldin (tishni olib tashlash kabi katta bo‘lmagan aralashuvlarda ham) qon ketishiga moyillikni oshirishi mumkin;
- glyukozo-6-fosfatdegidrogenaza tanqisligini yuqori bo‘lgan pasientlarda: ASK gemoliz yoki gemolitik anemiyaga olib kelishi mumkin. Gemoliz xavfi yuqori dozalarda, isitma yoki o'tkir infeksiyalar kabi omillarda oshishi mumkin.
Aspirin® C ning bitta vishillovchi tabletkasi 466,4 mg natriy saqlaydi, bu natriyni nazorat ostida iste'mol qilish bilan dietada hisobga olinishi kerak (ovqat bilan birga natriyning maksimal sutkalik iste'moli 2 g).
Og'riq qoldiruvchi vositalarni uzoq muddat qabul qilganda bosh og'rig'i yuzaga kelishi mumkin, bu esa preparatni takroriy qo'llashga olib keladi, bu esa yana uzoq davom etadigan bosh og'rig'iga olib kelishi mumkin.
Og'riq qoldiruvchi vositalarni qabul qilish buyrak etishmovchiligi (analgetik nefropatiya) xavfi bilan uzoq muddatli buyrak buzilishlariga olib kelishi mumkin. Ushbu xavf, ayniqsa, turli xil og'riq qoldiruvchi vositalarni majmuaviy qo'llanganda ortadi.
Kichik dozalarda ASK siydik kislotasining chiqarilishini kamaytiradi. Past diurezga moyilligi bo'lgan pasientlarda podagrani kuchayishi mumkin.
12 yoshdan katta bolalar ASK ni faqat shifokor nazorati ostida va faqat boshqa preparatlar samarasiz bo'lganda qabul qilishlari kerak. Bolalar va o'smirlarda ASK ni virusli kasalliklarda qo'llanilishi Reye sindromi rivojlanish xavfi mavjud. Reye sindromining simptomlari uzoq davom etuvchi qusish, o'tkir ensefalopatiya, jigarni kattalashishi hisoblanadi.
Fertillik. Homiladorlik va laktasiya davri.
Fertillik
Sikloksigenaza/ prostaglandinlar sintezini ingibisiya qiluvchi preparatlar ayollar fertilligining buzilishiga olib keladi, chunki ular ovulyasiya jarayoniga ta'sir qiladi. Davolashni to'xtatgandan keyin ushbu jarayon orqaga qaytadi.
Homiladorlik
Prostaglandinlar sintezi ingibitorlari homiladorlikni kechishi va/yoki embrion/homilani rivojlanishiga salbiy ta'sir ko‘rsatishi mumkin. Homiladorlikning erta muddatlarida bola tashlash va nuqsonlarni rivojlanishi xavfi preparatning dozasi va qabul qilish davomiyligini oshirish bilan birga ortib boradi.
Homiladorlikning birinchi va ikkinchi uch oyligida preparatni qo'llash mumkin emas; preparatni past dozalarda (150 mg dan yuqori bo'lmagan) qisqa muddatli qo’llash, agar ona uchun kutilayotgan foyda homila uchun potensial xavfdan yuqori bo'lsa, shifokor tomonidan buyurilishi mumkin.
Homiladorlikning 3-chi uch oyligi davomida quyidagi xavflar kuzatilishi mumkin: buyrak disfunksiyasi, u oqibatda buyrak yetishmovchiligi va kamsuvlikka; homilada – yurak-o‘pka toksikligiga olib kelishi mumkin (arterial kanalining muddatidan oldin yopilishi va o'pka gipertenziyasi bilan). Homiladorlikning so‘ngi oylarida ona va bolada – qon ivishi oshishi; antiagregasion samara; tug‘ruq to‘lg‘oqlarini susayishi mumkin. Shuning uchun atsetilsalitsil kislotasi homiladorlikning 3-chi uch oyligida qo’llash mumkin emas.
Emizish
Salitsilatlar va ularning metabolitlari oz miqdorda ona sutiga o'tadi. Bugungi kunga qadar preparatni tavsiya etilgan dozada qabul qilgandan keyin go’dakka salbiy ta'sir ko'rsatish holatlari kuzatilmaganligi sababli, emizishni to'xtatishga hojat yo'q. Biroq, preparatni uzoq muddat qo'llash yoki katta dozalarni qabul qilish bilan emizishni to'xtatish kerak.
Dori vositasining transport vositalarini yoki potensial xavfli mexanizmlarni boshqarishga ta'sirining xususiyatlari
Ta'sir qilmaydi.

Dozani oshirib yuborilishi

Simptomlari:
Surunkali salitsilat zaharlanishini tashxislash qiyin, chunki belgilari va simptomlari o'ziga xos emas. Salitsilatning yengil intoksikasiyasi odatda takroriy yuqori dozalardan keyin yuzaga keladi (2 kun davomida > 100 mg / kg / sutkada zaharli bo'lishi mumkin). Simptomlar jumladan uyquchanlik, bosh aylanishi, quloqlarda shovqin, eshitish qobiliyatini yo'qotish, terlash, ko'ngil aynishi va qusish, bosh og'rig'i va ongni chalkashishi. Dozani kamaytirish orqali nazorat qilish mumkin.
Dozani oshirib yuborilishning yengil va o'rtacha og'irlikdagi simptomlari: ko'ngil aynishi, qusish, tez yuzaki nafas olish, alkaloz, terni ajralishi. Ushbu simptomlar preparatning dozasini kamaytirish bilan o’tib ketadi.
Dozani og’ir oshirib yuborilishi: kompensator metabolik asidoz bilan respirator alkaloz, isitma, glyukoza metabolizmini buzilishi va ketoz, quloqlarda shovqin, eshitish qobiliyatini pasayishi, me’da-ichakdan qon ketishi, nafas etishmovchiligi (giperventilyasiyadan nafas to'xtaguncha), yurak qon-tomir buzilishlari (aritmiyadan yurak qon-tomir shokgacha), gematologik shikastlanishlar (trombositlarni susayishidan koagulopatiyagacha), toksik ensefalopatiya va MNT susayishi (lohaslikdan koma va tirishishlargacha).
Davolash: me’dani yuvish, kislota-ishqor muvozanatini kuzatish, siydik pH ni 7,5-8 gacha olish uchun ishqoriy diurez (agar plazmadagi salitsilat konsentrasiyasi 500 mg / l (3,6 mmol / l) dan ortiq bo'lsa, jadallashgan ishqoriy diurezga erishilgan deb hisoblanadi). kattalarda yoki bolalarda 300 mg / l (2,2 mmol / l), gemodializ, suyuqlik yo'qotilishini to’ldirish, simptomatik davolash o’tkaziladi.
Adabiyotda askorbin kislotasining o'tkir va surunkali dozasini oshirib yuborilishning kamdan-kam holatlari keltirilgan. Glyukozo-6-fosfat degidrogenaza tanqisligi bo'lgan pasientlarda dozani oshirib yuborilishi oksidlovchi gemolizga, qon-tomirlar ichida qonni disseminasiyalangan ivishi va siydikda oksalatlar darajasining ahamiyatli darajada oshishiga olib kelishi mumkin.
Oksalat darajasining oshishi dializdagi pasientlarda kalsiy oksalatning cho'kishiga olib kelishi mumkin. Bundan tashqari, askorbin kislotasining yuqori dozalari (peroral yoki vena ichiga) kalsiy oksalatining cho'kishi, oksalat kristalluriyasi (kristallar agregasiyasining ko'payishiga moyil bo'lgan pasientlarda), tubulointerstisial nefropatiya va o'tkir buyrak etishmovchiligi (kalsiy oksalati kristallari hosil bo'lishi natijasida) olib kelishi mumkinligi haqida alohida xabarlar mavjud.
Chiqarilish shakli va o’rami
Stripda 2 ta vishillovchi tabletkadan, 5 ta stripdan, tibbiyotda qo’llanilishiga doir yo’riqnomasi bilan birga qutiga joylashtiriladi.
Saqlash sharoitlari
25°C dan yuqori bo‘lmagan haroratda, bolalar ololmaydigan joyda saqlansin.

Yaroqlilik muddati

3 yil. O’ramida ko’rsatilgan yaroqlilik muddati o‘tgach ishlatilmasin.

Dorixonalardan berish tartibi

Reseptsiz.