Trokserutin gelʼ 2% 40g Sofarma

Tavsif

Preparatning savdo nomi

Trokserutin
Ta'sir etuvchi modda (XPN): trokserutin
Dori shakli; sirtga qo‘llash uchun gel'

Tarkibi

100 g sirtga qo‘llash uchun gel' quyidagilarni saqlaydi:
faol modda: trokserutin - 2,0 g;
yordamchi moddalar: karbomer — 0,6 g, trolamin — 0,7 g, dinatriy edetati — 0,05 g, benzalkoniy xloridi, eritma – 0,2 g, suv – 96,45 g.

Ta'rifi

sariqdan sariq-yashil ranggacha bir turdagi tiniq gel'

Farmakoterapevtik guruhi

surunkali venoz yetishmovchiligini davolash uchun vosita.
ATX kodi: CO5CA04.

Farmakologik xususiyatlari

Trokserutin – flavoniod (rutin xosilasi), R-vitamin faollikka ega; venotonik, venoprotektor, shishga qarshi, antioksidant va yallig‘lanishga qarshi ta'sir ko‘rsatadi. Oksidlanish-qaytarilish jarayonlarida ishtirok etadi, gialuronidazani bloklaydi, xujayra qobiqlari gialuron kislotasini barqarorlashtiradi va ularning o‘tkazuvchanligini va kapillyarlarni sinuvchanligini kamaytiradi, ularni tonusini oshiradi. Tomir devorining zichligini oshiradi, plazmaning suyuq qismining ekssudatsiyasini va qon hujayralarining diapedezini kamaytiradi. Yuzasiga trombotsitlarni yopishishini chegaralab, tomir devorida yallig‘lanishni kamaytiradi. Zaharli emas, terapevtik ta'sirini katta kengligiga ega.

Farmakokinetikasi

Gelni teriga surtganda, faol moddasi epidermis orqali tez kiradi, 30 minutdan keyin dermada, 2-5 soatdan keyin esa teri osti yog‘ kletchatkasida aniqlanadi.

Qo‘llanilishi

- surunkali venoz yetishmovchiligi bilan bog‘liq og‘riq va shishlar;
- oyoqlarda og‘riq va og‘irlik hissi, to‘piq shishishi;
- charchash, shish, tirishishlar, paresteziyalar;
- o‘tkir yuzaki tromboflebit va periflebit;
- varikoz dermatit;
- shikastlanish xarakterli og‘riq va shishlar (shuningdek, paylar shikastlanganda, mushaklar shikastlanganda yoki lat yeganda) da qo‘llaniladi.

Qo‘llash usuli va dozalari

Gel' sirtga qo‘llanadi.
Gelni ertalab va kechqurun shikastlangan sohaga pastdan tepaga yengil uqalash harakati bilan teriga butunlay singdirilguncha surtiladi. Agar qandaydir sabab bilan preparatni qo‘llash o‘tkazib yuborilganda, patsiyent uni har qanday vaqtda surtishi mumkin, davolashni ikkita seansi o‘rtasidagi 10-12 soatdan kam bo‘lmagan oraliqni saqlab.
Zarurati bo‘lganda gelni bintlar yoki elastik paypoqni ostiga surtish mumkin. Davolash kursi – 2 haftadan 1-2 oygacha. Kasallik qaytalaganda davolash kursini yiliga 2-3 marta qaytarish mumkin.
Hojya ta'sirlari
Kamdan kam holda qizarish, qichishish, toshma kuzatiladi. Ushbu simptomlar davolash to‘xtatilgandan keyin tez o‘tib ketadi.

Qo‘llash mumkin bo‘lmagan holatlar

Trokserutinga yoki preparatni qaysidir yordamchi moddasiga yuqori sezuvchanlikda, homiladorlik (1 trimestr). Teri qoplamalarini butunligi buzilganda qo‘llash mumkin emas.
Dorilarning o‘zaro ta'siri
Trokserutin mahalliy qo‘llaganda noma'lum.

Maxsus ko‘rsatmalar

Gelni ochiq jarohatlarga, shilliq qavatlarga, ko‘zga tushishidan saqlansin!
Surunkali venoz yetishmovchiligi bor patsiyentlarda, kasallikni boshlang‘ich va kech bosqichlarida qo‘llash tavsiya qilinadi. Tomirlarni o‘tkazuvchanligi oshishi bilan xarakterlangan holatlarda (shuningdek, skarlatina, grisht, qizamiq, allergik reaktsiyalar), askorbin kislotasini, uni samarasini oshirish uchun qo‘shib qo‘llaniladi.
Homiladorlik va laktatsiya davrida qo‘llanishi
Homila va yangi tug‘ilgan chaqaloqlarga nojo‘ya ta'siri haqida ma'lumotlar yo‘q. Dori preparatini homiladorlikni ikkinchi va uchinchi trimestrida, hamda emizish davrida qo‘llash mumkin.
Avtomobilni va murakkab mexanizmlarni boshqarish qobiliyatiga ta'siri
Xabarlar yo‘q.

Dozani oshirib yuborilishi

Dozani oshirib yuborilishi xavfi yo‘q, chunki preparat sirtga surtiladi. Tasodifan. gelni katta miqdorda yutib yuborilganda, og‘iz bo‘shlig‘i va me'dani chayish kerak bo‘ladi; zarurati bo‘lganda simptomatik davolashni buyuriladi.

Chiqarilish shakli

Sirtga qo‘llash uchun gel 2%.
30, 40, 50 g alyumin tubalarda, ichki lakli qoplama bilan, tashqi yuzasi litografiya usuli bilan bosilgan, membrana va zichlangan halqa, poliztilen buraladigan qopqoq bilan.
Har bir tuba qo‘llanilishiga doir yo‘riqnoma bilan karton qutiga joylanadi.

Saqlash sharoiti

25°C dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

5 yil.
Yaroqlilik muddati o‘tgach qo‘llanilmasin.

Dorixonalardan berish tartibi

Retseptsiz.

Ishlab chiqaruvchi

Sofarma OAJ, Bolgariya