ACC Aktiv 600mg №10

Tavsif

DORI VOSITASINING NOMLANISHI
ACC AKTIV 600 mg
Ichga qabul qilish uchun kukun.
XALQARO PATENTLANGAN NOMI
Atsetiltsistein/acetylcysteine
ISHLAB CHIQARISH SHAKLI
Ichga qabul qilish uchun kukun.
TAVSIFI
Oq rangdan biroz sarg‘ish ranggacha yengil parchalanadigan qumoqchalarga ega, maymunjon, ehtimol, biroz oltingugurt hidli kukun.

TARKIBI

Ta'sir ko‘rsatuvchi modda: atsetiltsistein.
1,6 g kukunli bitta paketcha tarkibida 600 mg atsetiltsistein mavjud.
Yordamchi moddalar: sorbitol (E420), ksilitol, suvsiz limon kislotasi, bitta o‘rin bosuvchi natriy sitrat, magniy sitrat, karmelloza natriy, aspartam (E951), magniy stearat, Dinasan 116 (glitserin tripalSSmitat), polisorbat 65, “V” maymunjon aromatizatori.

FARMAKOTERAPEVTIK GURUHI

Yo‘talga qarshi preparatlar, mukolitiklar.
ATX kodi: R05CB01.
FARMAKOLOGIK XOSSALARI

Farmakodinamika

Atsetiltsistein sistein aminokislotasining hosilasi hisoblanadi. Atsetiltsistein nafas olish yo‘llarida sekretolitik va sekretomotor ta'sir ko‘rsatadi, bronxial sekret yopishqoqligini pasaytiradi. Kimyoviy radikallarni zararsizlantiradi, zararli moddalar detoksikatsiyasida muhim hisoblangan glutation sintezi kuchayishiga yordam beradi. Bu paratsetamol bilan intoksikatsiyada atsetiltsisteinning antidot samarasini izohlaydi.
Surunkali bronxit/mukovistsidozga ega bemorlarda atsetiltsistein profilaktik maqsadlarda qo‘llanganda, bakterial zo‘rayishlar chastotasi va og‘irligi pasayadi.

Farmakokinetikasi

Peroral tarzda qabul qilinganda atsetiltsistein tez va deyarli to‘liq so‘riladi va jigarda sistein, farmakologik jihatdan faol metabolit, shuningdek diatsetiltsistin, sistin va boshqa aralash disulSSfidlar hosil bo‘lgan holda parchalanib ajralib chiqadi.
Ichga qabul qilingan atsetiltsisteinning biologik joizligi juda past (taxminan 10%).
Plazmada dori vositasining maksimal kontsentratsiyalariga 1-3 soatdan keyin erishiladi. Qon plazmasi oqsillari bilan bog‘lanishi taxminan 50%ni tashkil etadi.
Organizmdan buyrak orqali deyarli faqat nofaol metabolitlar shaklida ajralib chiqadi. Atsetiltsisteinning qon plazmasidan yarim chiqarib yuborilish davri taxminan 1 soatni tashkil etadi va asosan jigarda moddalarning tez transformatsiyasi bilan bog‘liq bo‘ladi.
Jigar funktsiyalari buzilishi yarim chiqarib yuborilish davrining 8 soatgacha uzayishiga olib keladi.
Atsetiltsistein yo‘ldosh orqali singib kiradi va kindik ichakchasi qonida aniqlanadi.
Ona sutida ajralib chiqishi to‘g‘risida ma'lumotlar yo‘q.
Atsetiltsisteinning odamda gematoentsefalik to‘siq orqali singib kirish xususiyati to‘g‘risida ma'lumotlar mavjud emas.
QO‘LLANISH UCHUN TAVSIYALAR
ACC AKTIV – yopishqoq balg‘amni suyultirish va uning nafas olish yo‘llaridan ajralib chiqishini osonlashtirish uchun mukolitik dori vositasi hisoblanadi.
ACC AKTIV kattalarda quyuq va ajralib chiqishi qiyin balg‘am hosil bo‘lishi bilan birga kechadigan o‘tkir va surunkali nafas olish yo‘llari kasalliklari: o‘tkir va surunkali bronxitlar, obstruktiv bronxit, bronxiolit, bronxoektaz, zotiljam, laringit, traxeit, bronxial astma, shuningdek mukovistsidoz, sinusitlar, o‘rta quloq yallig‘lanishi (o‘rta otit) kasalliklarida qo‘llanadi.
TAVSIYA QILINMAYDIGAN HOLATLAR
- Atsetiltsisteinga yoki dori vositasining yordamchi moddalaridan istalgan biriga yuqori sezuvchanlik.
- Faol peptik yara.
- 14 yoshdan kichik yoshdagi bolalar.
ALOHIDA KO‘RSATMALAR VA EHTIYOTKORLIK CHORALARI
Bronxial astmaga ega bemorlar, ilgari peptik yaraga ega bo‘lgan bemorlar mazkur dori vositasini qo‘llashda (ayniqsa, oshqozon-ichak yo‘li shilliq pardasini yallig‘lantiradigan boshqa dori vositasi bir vaqtda qabul qilinayotgan bo‘lsa) ehtiyotkorlikka rioya etishlari kerak. Bronxial astmaga ega bemorlarda bronxospazm paydo bo‘lishi mumkin. Bronxospazm paydo bo‘lganda mazkur dori vositasi qo‘llanishi zudlik bilan to‘xtatiladi.
ACC AKTIV qo‘llanishi bronxial sekret suyuqlashishiga, taalluqli ravishda, (ayniqsa, davolash boshlanishida) uning hajmi oshishiga olib kelishi mumkin. Yo‘talib balg‘am ko‘chirish imkoni bo‘lmagan (etarlicha balg‘am ko‘chirilmagan) holatda tegishli (drenaj va aspiratsiya kabi) choralar ko‘rilishi kerak.
Atsetiltsistein qabul qilish vaqtida juda kamdan-kam holatlarda Stivens-Jonson sindromi va Layell sindromi kabi og‘ir teri reaktsiyalari kuzatilgan. Teri va shilliq pardalar tomonidan o‘zgarishlar paydo bo‘lgan holatda ACC AKTIV qabul qilinishi to‘xtatiladi va zudlik bilan shifokorga murojaat qilinadi.
Bolalar
ACC Aktiv 600 mg preparatida yuqori miqdorda atsetiltsistein tarkibiga kirganligi uchun 14 yoshgacha bo‘lgan bolalarni davolash uchun ishlatilmasligi kerak.
Ikki yoshdan kichik yoshdagi bolalarda nafas olish yo‘llarining o‘ziga xos xususiyatlari va yo‘talib balg‘am ko‘chirish imkoniyatlari cheklanganligi sababli mukolitiklar nafas yo‘llari obstruktsiyasiga olib kelishi mumkin, shu tufayli ikki yoshdan kichik yoshdagi bolalarda mukolitiklar qo‘llanishi mumkin emas.
Mazkur dori vositasi tarkibida taxminan 493 mg sorbitol mavjud. Fruktozaga chidamsizlik kabi kamdan-kam uchraydigan irsiy kasallikka ega bemorlar mazkur dori vositasini qabul qilmasliklari kerak.
Mazkur dori vositasi tarkibida fenilalanin manbai hisoblangan 0,5 mg aspartam mavjud. U fenilketonuriyaga ega bemorlarga zarar yetkazishi mumkin.
HOMILADORLIK VA EMIZISH DAVRI
Atsetiltsisteinning homilador ayollarga qo‘llanishi to‘g‘risida ma'lumotlar yetarlicha emas.
Atsetiltsisteinning ona sutiga singib kirish xususiyati to‘g‘risida ma'lumotlar yo‘q.
Homiladorlik va emizish davrida dori vositasi foyda va xavf nisbati qat'iy baholangandan keyingina qo‘llanishi kerak.
TRANSPORT VOSITALARINI BOSHQARISH VA MEXANIZMLAR BILAN ISHLASH QOBILIYATIGA TA'SIRI
Mavjud emas.
DOZALAR VA QO‘LLANISH USULI
Agar boshqacha qayd qilinmagan bo‘lsa, kattalarga dori vositasi quyidagi dozalarda qo‘llanishi tavsiya etiladi:
Kuniga 1 marta 1 paketcha (kuniga 600 mg atsetiltsisteinga teng).
Qo‘llanish usuli
Ichga qabul qilish uchun mo‘ljallangan.
Bitta paketcha tarkibi bir marta ishlatish uchun mo‘ljallangan.
Bitta paketcha tarkibi bevosita til ustiga sepiladi va yutib yuboriladi.
Ichga qabul qilish uchun kukun so‘lak ajralib chiqishini kuchaytiradi, shu tufayli u oson yutiladi va u ustidan suv ichilmagan holda qabul qilinishi mumkin.
Kukun yutishdan oldin chaynalmasligi kerak.
Ichga qabul qilish uchun kukun yo‘talish refleksi pasaygan bemorlar (keksa yoshdagi va zaiflashgan bemorlar) uchun mo‘ljallangan.
Keksa yoshdagi va zaiflashgan bemorlar
Yo‘talish refleksi pasaygan bemorlar (keksa yoshdagi va zaiflashgan bemorlar) dori vositasini ertalab qabul qilishlari maqsadga muvofiqdir.
Qo‘shimcha suyuqlik ichish ACC AKTIV dori vositasining mukolitik ta'sirini kuchaytiradi.
Qo‘llanish davomiyligi
Qo‘llanish davomiyligi kasallik turi va og‘irligiga bog‘liq bo‘ladi.
Agar 4-5 kundan keyin simptomlar yengillashmasa yoki hatto yomonlashsa, shifokorga murojaat qilish kerak.
Shifokor maslahatisiz 14 kundan ortiq qabul qilinmasligi kerak.
Surunkali bronxit va mukovistsidozda davolash uzoqroq vaqtli kurslar bilan o‘tkaziladi. Davolashning maksimal davomiyligi – 3-6 oy.
Qabul qilish o‘tkazib yuborilganda
Agar Siz dori vositasining bitta qabul qilish navbatini o‘tkazib yuborgan bo‘lsangiz yoki haddan tashqari kam doza qabul qilgan bo‘lsangiz, navbatdagi dozani qabul qilish vaqtini kuting va dozalash bo‘yicha tavsiyalarda qayd etilganidek dori vositasi qabul qilinishini davom ettiring.
NOJO‘YA TA'SIRI
Nojo‘ya reaktsiyalarni baholash ularning paydo bo‘lish chastotasiga asoslanadi: juda tez-tez (≥ 1/10), tez-tez (≥ 1/100 va < 1/10), unchalik tez-tez emas (≥ 1/1 000 va < 1/100), kamdan-kam (≥ 1/10 000 va < 1/1 000), juda kamdan-kam (< 1/10 000), chastotasi noma'lum (mavjud ma'lumotlarga asoslanib aniqlash imkoniyati yo‘q).
Immun tizim tomonidan buzilishlar
Unchalik tez-tez emas: yuqori sezuvchanlik reaktsiyalari.
Juda kamdan-kam: anafilaktik shok, anafilaktik/ anafilaktoid reaktsiyalar.
Asab tizimi tomonidan buzilishlar
Unchalik tez-tez emas: bosh og‘rishi.
Eshitish organi tomonidan buzilishlar va labirint kasalliklari
Unchalik tez-tez emas: quloq shang‘illashi.
Yurak tomonidan buzilishlar
Unchalik tez-tez emas: taxikardiya.
Tomirlar tomonidan buzilishlar
Unchalik tez-tez emas: arterial gipotenziya.
Juda kamdan-kam: qon ketish.
Nafas olish tizimi, ko‘krak qafasi va umurtqa bilan ko‘krak qafasi oralig‘i organlari tomonidan buzilishlar
Kamdan-kam: nafas siqilishi, bronxospazm.
Oshqozon-ichak yo‘li tomonidan buzilishlar
Unchalik tez-tez emas: ko‘ngil aynishi, qayt qilish, diareya, qorindagi og‘riq, stomatit.
Kamdan-kam: dispepsiya.
Teri va teriosti to‘qimalari tomonidan buzilishlar
Unchalik tez-tez emas: eshak yemi kasalligi, toshma, angionevrotik shish, qichima, ekzantema.
Juda kamdan-kam: Stivens-Jonson sindromi va toksinli epidermal nekroliz.
Umumiy kasalliklar va dori vositasi yuborilgan joydagi buzilishlar
Unchalik tez-tez emas: isitmalash.
Chastotasi noma'lum: yuz solqishi.
Atsetiltsistein qabul qilinganda qonda trombotsitlar agregatsiyasi pasayadi. Hozirgi vaqtda ushbu holatning klinik ahamiyati aniqlanmagan.
ORTIQCHA DOZALASH
Hozirgi vaqtgacha peroral tarzda atsetiltsistein qabul qilinishi bilan bog‘liq toksinli ortiqcha dozalash holatlari kuzatilmagan. Atsetiltsistein uch oy mobaynida sutkasiga 11,6 g dozada qabul qilinganda hech qanday og‘ir nojo‘ya reaktsiyalar qayd etilmagan. Atsetiltsisteinning 500 mg/kg tana vazni dozasida ichga qabul qilinishi biror-bir intoksikatsiya simptomlarisiz kechgan.
Ortiqcha dozalanganda oshqozon-ichak yo‘li tomonidan ko‘ngil aynishi, qayt qilish va diareya kabi simptomlar paydo bo‘lishi mumkin. Hayotining birinchi yilidagi bolalarda gipersekretsiya xavfi mavjud.
Zarur hollarda, simptomatik davolash o‘tkaziladi.
BOSHQA DORI VOSITALARI BILAN O‘ZARO TA'SIRI VA BOSHQA TURDAGI O‘ZARO TA’SIRLAR
ACC AKTIV va yo‘talga qarshi dori vositalari kombinatsiyalangan holda qo‘llanilganda yo‘talish refleksi bosilishi oqibatida sekret xavfli turg‘un holati paydo bo‘lishi mumkin. Shu tufayli bunday kombinatsiyalangan terapiya tayinlanishida ayniqsa puxta tashxislash talab etiladi.
Hozirgi vaqtgacha atsetiltsistein tomonidan antibiotiklar inaktivatsiyasi to‘g‘risida olingan ma'lumotlar faqat in vitro tajribalariga asoslanib, ularda taalluqli moddalar bevosita bir-biriga aralashtirilgan. Shunga qaramay, xavfsizlik maqsadida peroral antibiotiklar ACC AKTIV dori vositasidan alohida qo‘llanishi, bunda eng kamida ikki soatlik oraliq vaqtga rioya etilishi kerak. Bu sefiksim va lorakarbefga taalluqli emas.
Atsetiltsistein nitroglitserinning tomirni kengaytiruvchi ta'sirini kuchaytirishi mumkin.
Ehtiyotkorlikka rioya qilish tavsiya etiladi.
Atsetiltsistein kolorimetrik usul bilan salitsilatlarni aniqlashga ta'sir ko‘rsatishi hamda peshob tahlilida atsetiltsistein keton tanalarini aniqlash natijalariga ta'sir ko‘rsatishi mumkin.
JOYLASH
Alyuminiy folSSga, laminatsiyalangan qog‘ozdan tayyorlangan germetik paketchalar.
Karton qutichada qo‘llanish bo‘yicha yo‘riqnoma bilan birga 10 yoki 20 tadan paketchalar.

SAQLASH SHAROITI

Bolalar ololmaydigan joyda 25°C dan yuqori bo‘lmagan harorat ostida saqlansin.

YAROQLILIK MUDDATI

2 yil. Idishida qayd etilgan yaroqlilik muddati tugagandan so‘ng foydalanilmasin.
DORIXONALARDAN BERILISH TARTIBI
Retseptsiz beriladi.