Rapitus sirop 120ml

Tavsif

Preparatning savdo nomi

Rapitus
Ta'sir etuvchi modda (XPN): levodropropazin (levodropropizine)

Dori shakli

sirop

Tarkibi

Har 5 ml saqlaydi:
faol modda: levodropropizin B.F - 30 mg;
yordamchi moddalar: 5,0 mg natriy saxarinati, 2500,0 mg suyuq sorbitol, 25,0 mg natriy karmelloza, 6,5 mg natriy metilgidroksibenzoati, 1,0 mg natriy propilgidroksibenzoati, 20,0 mg limon kislotasi monogidrati, 0,5 mg "Ponceau 4R supra" bo‘yovchisi, 0,005 ml «Orange sweet №1» aromatizatori, 0,005 ml «Mixed Fruit RSV» aromatizatori, tozalangan suv q.s. 5 ml gacha.

Ta'rifi

qizg‘ish rangli, xushbo‘y siropsimon suyuqlik.

Farmakoterapevtik guruhi

yo‘talga qarshi vosita.

Farmakologik xususiyatlari

Levodropropizin (S(-)3-(4-phenyl-piperazin-1-yl)-propane-1,2-diol, DF 526), dropropizin-ning izomeri hisoblanadi. Levodropropizin beta-adrenergik, muskarin va opiat retseptorlar bilan bog‘lanmaydi, N1-gistamin va alfa-adrenergik retseptorlarga affinlikka ega emas. Levodropropizin markaziy nerv tizimiga kamroq namoyon bo‘luvchi samara ko‘rsatadi, yurak-tomir va nafas faoliyatiga ta'sir ko‘rsatmaydi va qaramlik chaqirmaydi. Sedativ ta'siri juda kuchsiz. Levodropropizin sezuvchi nervlarning periferik oxirlarini rag‘batlantirilishini tormozlash va yo‘tal refleksiga jalb qilingan neyropeptidlarni modullash yo‘li bilan yo‘talni bostiradi. Bunda spirometrik parametrlarni, bronxial sekretning reologik xususiyatlarini va siliar faollikni o‘zgartirmaydi.

Farmakokinetikasi

Levodropropizin me'da-ichak yo‘llaridan tez so‘riladi. Plazmadagi maksimal kontsentratsiyasiga 40-60 minut o‘tgach erishiladi. Modda organizmda yaxshi taqsimlanadi. Yarim chiqarilish davri 1-2 soatni tashkil qiladi. Asosan siydik bilan o‘zgarmagan holda va gidroksi-metaboliti ko‘rinishida chiqariladi. 48 soatdan keyin metabolitining miqdori yuborilgan dozaning taxminan 35% ni tashkil qiladi.

Qo‘llanilishi

Faringit, laringit, o‘tkir traxeit va traxeobronxit, gripp, bronxopnevmoniya, surunkali obstruktiv bronxit, bronxial astma, o‘pka emfizemasi, o‘pka o‘smasi, nafas yo‘llarining allergik va infektsion-yallig‘lanish kasalliklaridagi quruq balg‘amsiz yo‘tal (simptomatik davolash) da qo‘llaniladi.

Qo‘llash usuli va dozalari

Kattalar va 12 yoshdan oshgan bolalar: 10 ml sirop (bir to‘la o‘lchov qalpoqcha) kuniga uch marta, dozalar orasidagi kamida 6 soatli interval bilan qabul qilinadi.
12 yoshgacha bo‘lgan bolalarga pediatrik doza 1 mg/kg kuniga uch martagacha, maksimal kunduzgi doza 3 mg/kg.
Yosh Tana vazni (kg) Doza (mg/ml) Bir marta qabul qilinadigan siropning miqdori
1 yosh 9-10 kg 9-10 mg/1,5-1,6 ml ⅓ choy qoshiq
2-3 yosh 11-15 kg 11-15 mg/2-2,5 ml ½ choy qoshiq
4-6 yosh 16-20 kg 16-20 mg/2,5-3,0 ml ½ choy qoshiq
7-12 yosh 21-32 kg 21-32 mg/3,5-5,0 ml 1 choy qoshiq
Davolash davomiyligi: davolash yo‘tal yo‘qolgunicha davom ettiriladi, maksimum 7 kun. Lekin, agar 4-5 kundan keyin yo‘tal to‘xtamasa, sababini aniqlash va muvofiq davolashni davom ettirish uchun shifokorga murojaat qilish kerak.
Nojo‘ya ta'sirlari
Ko‘ngil aynishi, qusish, jig‘ildon qaynashi, me'dada diskomfort his qilish, diareya, charchoqlik, uyquchanlik, bosh aylanishi, bosh og‘rig‘i, yurakni tez urishi kuzatilishi mumkin. Allergik reaktsiyalar: teri toshmalari yakka hollarda kuzatilgan.

Qo‘llash mumkin bo‘lmagan holatlar

patsiyentda ushbu vositaga ma'lum bo‘lgan yoki mumkin bo‘lgan yuqori sezuvchanlik;
balg‘amni haddan ziyod ajralishi;
mukotsiliar faoliyatni pasayishi (Kartagener sindromi, siliar diskineziya);
jigar faoliyatini yaqqol buzilishi;
homiladorlik va laktatsiya davrida qo‘llash mumkin emas.
Dorilarning o‘zaro ta'siri
Klinik sinovlar vaqtida benzodiazepinlar bilan o‘zaro ta'siri kuzatilmagan, lekin bir vaqtda sedativ preparatlar qabul qilinganida, levodropropizinga yuqori sezuvchanligi bo‘lgan patsiyentlarda markaziy nerv tizimiga susaytiruvchi ta'sirini kuchayishi mumkinligi tufayli, ehtiyotkorlikka rioya qilish kerak.

Maxsus ko‘rsatmalar

Jiddiy buyrak yetishmovchiligi (kreatinin klirensi minutiga 35 ml dan kam) bo‘lgan patsiyentlarda xavf/foyda nisbati aniqlanganidan keyin ehtiyotkorlik bilan qo‘llanadi.
Avtomobilni va murakkab mexanizmlarni boshqarish qobiliyatiga ta'siri
Transport vositalarini haydovchilarida ishlash vaqtida ehtiyotkorlik bilan qo‘llanadi (uyquchanlik paydo bo‘lishi mumkin).
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Simptomlari: taxikardiya paydo bo‘lishi mumkin.
Davolash: me'dani yuvish, faollashtirilgan ko‘mirni qo‘llash, suyuqlikni parenteral yuborish va boshqa simptomatik choralar.

Chiqarilish shakli

Sirop 120 ml tilla rangli buraluvchi qopqoq va polietilen tiqinli, zichligi yuqori jigarrang rangli polietilen flakonda, 2,5; 5; 10 ml belgili tiniq plastik o‘lchov qalpoqcha va qo‘llash bo‘yicha yo‘riqnomasi bilan birga karton qutida.

Saqlash sharoiti

25oS dan past haroratda saqlansin.

Yaroqlilik muddati

3 yil.

Dorixonalardan berish tartibi

Retseptsiz.

Ishlab chiqaruvchi

Makleods Farmasyutikals Ltd
304-310, Atlanta Arkad,
Marol road, cherch, Andxeri (Vest), Mumbay - 400 059, Hindiston