Bromgeksin sirop 40ml Radiks

Tavsif

Preparatning savdo nomi

Bromgeksin
Ta'sir etuvchi modda (XPN): bromgeksin

Dori shakli

sirop

Tarkibi

faol modda: bromgeksin gidroxloridi– 80 mg;
yordamchi modda: ozuqaviy sorbit yoki qand, nipagin (metilparaben), 96% etil spirti, mentol, qalampir yalpiz moyi, muskatli mavragi moyi, tozalangan suv.

Ta'rifi

rangsiz yoki biroz bo‘yalgan, o‘ziga xos ta'mli va hidli eritma.

Farmakoterapevtik guruhi

balg‘am ko‘chiruvchi vosita
ATX kodi: R05CB02

Farmakologik xususiyatlari

Mukolitik va balg‘am ko‘chiruvchi ta'sir ko‘rsatadi. Bronxial sekretining seroz komponentini ko‘paytiradi. Nordon mukopolisaxaridlar ko‘ndalang bog‘larini buzishi tufayli, balg‘amni yopishqoqligini kamaytiradi. Balg‘amni yopishqoqligini kamayganligi va tebranuvchi epiteliy faollashgani hisobiga balg‘am chiqishi yaxshilanadi. O‘pka surfaktanti sintezini rag‘batlantiradi.

Qo‘llanilishi

Nafas yo‘llarining o‘tkir va surunkali yallig‘lanish kasalliklari (jumladan infektsiya oqibatida kelib chiqqan), bronxial astmaning infektsion-allergik shakli, bronxoektatik kasalligi, o‘pka tuberkulyozi va boshqa hollarda bronxial sekret hosil bo‘lishining buzilishi va uning yopishqoqligining patologik ko‘payib ketishida qo‘llanadi. Bronxografiyadan keyin kontrast moddaning chiqishini tezlashtirish uchun ham buyuriladi.

Qo‘llash usuli va dozalari

Preparat ovqat qabulidan qat'iy nazar ichga qabul qilinadi. Kattalarga va 14 yoshdan katta o‘smirlarga 8-16 mg dan (2-4 choy qoshiq) bir kunda 3-4 marta buyuriladi. 2 yoshdan 6 yoshgacha bolalarga – 2-4 mg dan (0,5-1 choy qoshiq) bir kunda 3 marta; 6 yoshdan 14 yoshgacha – 4-8 mg dan (1-2 choy qoshiq) bir kunda 3 marta tavsiya etiladi. Tana vazni 50 kg dan kam bo‘lgan katta yoshdagi patsiyentlarga ham shunday dozada buyuriladi. Preparatning ta'siri odatda 24-48 soatdan keyin ba'zida davolash kursi boshlangandan 4-6 sutkadan keyin namoyon bo‘ladi. Davolash muddati 4 kundan 4 haftagacha davom etadi.
Buyrak funktsiyasining buzilishlari bo‘lgan patsiyentlarga preparatni kichik dozada yoki odatiy dozani, katta intervalda buyuriladi.
Nojo‘ya ta'sirlari
Kam hollarda: preparat uzoq muddat qo‘llanilganda-ko‘ngil aynishi, qusish, dispeptik holatlar, yara kasalligining zo‘rayishi. Allergik reaktsiyalar (teri toshmasi, rinit va boshqalar). Juda kam hollarda – angionevrotik shish, qon zardobida transaminazalar mikdorining ko‘payishi.

Qo‘llash mumkin bo‘lmagan holatlar

Homiladorlik, laktatsiya davri, preparatga yoki uning komponentlariga yuqori sezuvchanlik, yo‘talga qarshi yoki ayniqsa kodein saqlovchi preparatlarni qabul qilish (suyultirilgan balg‘amni yo‘tal bilan chiqishini qiyinlashishi tufayli), qo‘llash mumkin emas.
Dorilarning o‘zaro ta'siri
O‘pka to‘qimalariga antibiotiklarni (eritromitsin, sefaleksin, oksitetratsiklin) o‘tishiga yordam beradi. Ishqoriy eritmalar bilan nomutanosib.

Maxsus ko‘rsatmalar

Me'daning yara kasalligida, hamda anamnezda me'dadan qon ketishi to‘g‘risida ko‘rsatmalar bo‘lganida, preparatni shifokor nazorati ostida qo‘llanadi. Bolalarda davolashni bronxlardan sekret chiqib ketishiga yordam beruvchi ko‘krak qafasini vibratsion massaji bilan birga olib borish kerak. Homiladorlik davrida, faqat davolash samarasi homilaga salbiy ta'siri xavfidan ko‘proq bo‘lganda preparat qo‘llanadi.
Davolash jarayonida yetarli mikdorda suyuqlik iste'mol qilish tavsiya qilinadi, bu esa preparatni sekretolitik ta'sirini saqlab turadi.

Dozani oshirib yuborilishi

Simptomlari: ko‘ngil aynishi, qusish, dispepsiya.
Davolash: maxsus antidot yo‘q. Davolash simptomatik. Darhol qusishni chaqirish, so‘ng suyuqlik (sut yoki suv) berish lozim. Preparatni qabul qilgandan so‘ng 1-2 soat davomida me'dani yuvish tavsiya etiladi.

Chiqarilish shakli

4 mg/5 ml eritma flakonlarda 40 ml, 90 ml dan tibbiyotda qo‘llanilishiga doir yo‘riqnomasi bilan birga.

Saqlash sharoiti

Yorug‘likdan himoyalangan joyda, 25°C yuqori bo‘lmagan haroratda.
Bolalar ololmaydigan joyda saqlansin.

Yaroqlilik muddati

2 yil.
Yaroqlilik muddati o‘tgach ishlatilmasin.

Dorixonalardan berish tartibi

Retseptsiz.

Ishlab chiqaruvchi

“RADIKS” MChJ,
O‘zbekiston Respublikasi, 100054, Toshkent sh., Lutfiy ko‘ch, 50.
Tel.: (+99871) 273-92-31, faks: (+99871) 273-80-58.