Piretikol og'iz suspenziyasi 120 mg/5ml 100ml №1

Preparatning savdo nomi

Piretikol
Ta'sir etuvchi modda (XPN) Paratsetamol

Dori shakli

Ichga qabul qilish uchun suspenziya.
Tarkib
5 ml Piretikol 120 mg/5 ml suspenziyasi quyidagilarni saqlaydi
faol modda paratsetamol – 120 mg.
yordamchi moddalar ksantan kamedi, kristallanmaydigan sorbitol eritmasi, kaliy sorbati, saxaroza, ponso 4R, sukraloza, “Qulupnay” aromatizatori, natriy karmelloza, mikrokristall sellyuloza, tozalangan suv.
5 ml Piretikol 250 mg/5 ml suspenziyasi quyidagilarni saqlaydi
faol modda paratsetamol – 250 mg.
yordamchi moddalar ksantan kamedi, kristallanmaydigan sorbitol eritmasi, kaliy sorbati, saxaroza, sariq sanset, sukraloza, “Apelьsin” aromatizatori, natriy karmelloza, mikrokristall sellyuloza, tozalangan suv.
Ta'rifi
Piretikol 120 mg/5 ml pushti rangli bir xil suspenziya.
Piretikol 250 mg/5 ml zarg‘aldoq rangli bir xil suspenziya.

Farmakoterapevtik guruhi

Boshqa analьgetiklar va antipiretiklar. Anilidlar.
ATX kodi N02BE01
Farmakologik hususiyatlari

Farmakodinamika

Paratsetamol aspirinning samaralariga o‘xshash bo‘lgan og‘riq qoldiruvchi va isitmani tushiruvchi ta'sir ko‘rsatadi. Yallig‘lanishga qarshi ta'siri kuchsiz ifodalangan. Paratsetamol prostaglandinlar biosintezini kuchsiz ingibitori hisoblanadi, garchi uni periferiyaga nisbatan markaziy nerv tizimidagi fermentlarga qarshi samaradorligi yanada yuqoriligini ko‘rsatuvchi ma'lumotlar mavjud, bu holat uning faollik profilini qisman tushuntirishi mumkin.

Farmakokinetikasi

So‘rilishi. Paratsetamol me'da-ichak yo‘llaridan tez va deyarli to‘liq so‘riladi, va qon plazmasida maksimal kontsentratsiyasiga dozasi qabul qilinganidan so‘ng 0,5-2 soatdan keyin erishadi. Qon plazmasidan yarim chiqarilish davri kattalarda terapevtik dozalari qabul qilinganidan so‘ng taxminan 2 soatni tashkil etadi, ammo yangi tug‘ilgan chaqaloqlarda taxminan 5 soatgacha uzayadi.
Taqsimlanishi. Organizmning to‘qimalariga keng taqsimlanadi.
Biotransformatsiyasi. Metabolizmi asosan jigarning mikrosomal fermentlari orqali amalga oshadi, buyraklar orqali chiqarilishi esa 1 kun davomida dozaning 90% dan ko‘proq qismini tashkil etadi. Paratsetamol o‘zgarmagan shaklda deyarli chiqarilmaydi; asosiy qismi glyukuron kislotasi (60%), sulьfat kislotasi (35%) yoki sistein (3%) bilan kon'yugatsiyaga uchraydi. Shuningdek gidroksillangan va deatsetillangan metabolitlari ahamiyatsiz miqdorlarda aniqlanadi. Bolalarda preparatni glyukuronizatsiya hususiyati kattalardagiga nisbatan past bo‘ladi. Dozasi oshirib yuborilganida keyinchalik glutationni kon'yugatsiyasi bilan kuchli N-gidroksillanishi kuzatiladi. Oxirgisi tugaganida, jigar oqsillari bilan reaktsiyasi kuchayadi, bu holat nekrozga olib keladi.
Chiqarilishi. Terapevtik dozalarda qabul qilinganidan so‘ng preparatning 90-100% siydik 24 soat davomida chiqariladi.

Qo‘llanilishi

Preparat yengil va o‘rtacha darajadagi og‘riqni davolash uchun mo‘ljallangan, shuningdek isitmani tushiruvchi vosita sifatida qo‘llanadi. Turli holatlarda, jumladan bosh og‘rig‘i, tish og‘rig‘i, quloq og‘rig‘i, tishlar yorib chiqayotgandagi og‘riq, tomoqdagi og‘riq, shamollash va gripp, kasallanish va og‘riqli hislar, emlashdan keyingi isitmada qo‘llanishi mumkin.

Qo‘llash usuli va dozalari

Ichga qabul qilish uchun suspenziya.
Preparatni qabul qilishdan avval suspenziyali flakonni kamida 10 sekund davomida chayqatish lozim.
Suspenziyani dozalash uchun o‘ramida mavjud bo‘lgan o‘lchov stakanidan foydalaniladi.
Piretikol 120 mg/5 ml 2 oylikdan 6 yoshgacha bo‘lgan bolalarga buyuriladi, Piretikol
250 mg/5 ml esa kattalarga va 6 yoshdan oshgan bolalarga buyuriladi.
Piretikol 120 mg/5 ml suspenziyani bolalar uchun dozalash tartibi
2, 3 va 4 oylikda emlashdan keyingi isitmani yengillashtirish uchun
Preparatning dozasi 2,5 ml ni tashkil etadi. Ushbu dozani emlangan vaqtdan boshlab sutkada 4 martagacha qabul qilish mumkin. 24 soat davomida 4 dozadan ortiq qabul qilish mumkin emas. Dozalarni qabul qilishlar o‘rtasidagi oraliq kamida 4 soatni tashkil etishi kerak. Agar emlangandan so‘ng ikki kun o‘tgach bolaga preparatni qabul qilish talab etilsa, shifokorga murojaat qilish lozim.
Yosh 2-3 oylikSuspenziyaning dozasi
Og‘riq va ichitmaning boshqa sabablari – agar bolaning tana vazni 4 kg dan ortiq bo‘lsa va bola homiladorlikning 37-haftalik muddatidan keyin tug‘ilgan bo‘lsa. 2,5 ml
Zarurat bo‘lganida 2,5 ml ga teng bo‘lgan dozani takrorlash mumkin, ammo kamida 4-6 soatdan keyin.
Preparat 2 oylikkacha bo‘lgan go‘daklarga buyurilmaydi.
Qabul qilishlar o‘rtasidagi oraliq kamida 4 soatni tashkil etishi lozim.
Preparat 2 dozadan ortiq buyurilmaydi. Bu holat jiddiy infektsiya tomonidan chaqirilgan bo‘lishi mumkin bo‘lgan isitmaga tez tashxis qo‘yish imkonini beradi. Agar ikkita dozadan keyin bolada isitma saqlanib tursa, shifokorga murojaat qilish kerak.
Yosh 3 oylikdan - 6 yoshgacha
Yosh Suspenziyaning dozasiQabul qilishlar soni (sutka davomida)
3-6 oylik2,5 ml4 marta
6-24 oylik5 ml4 marta
2-4 yosh7,5 ml (5 ml + 2,5 ml)4 marta
4-6 yosh10 ml (5 ml + 5 ml)4 marta
Qabul qilishlar soni – sutkada 4 martadan ko‘p emas kamida 4 soatlik oraliq bilan.
Davolash davomiyligi ko‘pi bilan 3 kunni tashkil etadi. Preparat bilan davolashni faqat shifokorning maslahatidan keyin davom ettirish mumkin.
Piretikol 250 mg/5 ml suspenziyani bolalar va kattalar uchun dozalash tartibi
Yosh Suspenziyaning dozasiQabul qilishlar soni (sutka davomida)
6 yoshdan kichikTavsiya etilmaydi-
6-8 yosh5 ml4 marta
8-10 yosh7,5 ml (5 ml + 2,5 ml)4 marta
10-12 yosh10 ml (5 ml + 5 ml)4 marta
12-16 yosh10-15 ml (2×5 ml/3×5 ml)4 marta
Kattalar va 16 yoshdan oshgan bolalar10-20 ml (2×5 ml/4×5 ml)4 marta
Qabul qilishlar soni – sutkada 4 martadan ko‘p emas kamida 4 soatlik oraliq bilan.
Davolash davomiyligi ko‘pi bilan 3 kunni tashkil etadi. Preparat bilan davolashni faqat shifokorning maslahatidan keyin davom ettirish mumkin.
Keksa yoshdagi patsiyentlarda qo‘llanishi
Keksa yoshdagi patsiyentlarda paratsetamolning so‘rilish tezligi va darajasi normal hisoblanadi, ammo plazmadan yarim chiqarilish davri yanada uzoqroq hisoblanadi, paratsetamolning klirensi – yoshroq kattalarga nisbatan yanada pastroq hisoblanadi.
Nojo‘ya ta'sirlari
Klinik tadqiqotlar vaqtida va paratsetamol ro‘yxatdan o‘tkazilgandan keyin qo‘llanganida aniqlangan nojo‘ya reaktsiyalar quyida a'zolar tizimi-a'zolar sinflariga muvofiq ravishda sanab o‘tilgan.
Nojo‘ya reaktsiyalarni uchrash tezligini ko‘rsatkichlari quyidagi tarzda belgilanadi juda tez-tez (≥ 1/10); tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); juda kam hollarda (< 1/10000); uchrash tezligi noma'lum (mavjud ma'lumotlar asosida baholash mumkin emas).
Nojo‘ya reaktsiyalar quyidagilarga asoslanib uchrash tezligini mezonlari bo‘yicha taqdim etilgan 1) klinik tadqiqotlar yoki epidemiologik tadqiqotlarda muvofiq tarzda ishlab chiqilgan uchrash tezligi, ular mavjud bo‘lganida, yoki 2) agar uchrash tezligi xaqida ma'lumotlar mavjud bo‘lmasa, uchrash tezligini mezoni “uchrash tezligi noma'lum” sifatida belgilanadi.
Qon va limfa tizimi tomonidan uchrash tezligi noma'lum – qon tomonidan buzilishlar (jumladan trombotsitopeniya va agranulotsitoz)1.
Immun tizimi tomonidan juda kam hollarda – anafilaktik reaktsiya, o‘ta yuqori sezuvchanlik.
Jigar va o‘t chiqarish yo‘llari tomonidan uchrash tezligi noma'lum – jigarni shikastlanishi2.
Teri va teri osti to‘qimalari tomonidan juda kam hollarda – toshma; uchrash tezligi noma'lum – barqaror toshmalar, qichishish bilan kechuvchi toshma, eshakemi.
Buyraklar va siydik chiqarish yo‘llari tomonidan tez-tez emas – toksik nefropatiya; uchrash tezligi noma'lum – buyrak papillyar nekrozi3.
Laborator va instrumental tekshiruvlarning natijalariga ta'siri uchrash tezligi noma'lum – transaminazalarning darajasini oshishi4.
1 Paratsetamol qabul qilinganidan so‘ng rivojlanganligi xaqida xabar berilgan, ammo preparatni qabul qilish bilan sabab-oqibat bog‘liqligi shart emas.
2 Paratsetamolning terapevtik dozasini har kuni taxminan bir yil davomida qabul qilgan patsiyentda surunkali jigar sirrozi rivojlanganligi xaqida xabar berilgan.
3 Uzoq muddat qo‘llanganidan so‘ng rivojlanganligi xaqida xabar berilgan.
4 Transaminazalarning darajalarini biroz oshishi paratsetamolning terapevtik dozalarini qabul qilayotgan ayrim patsiyentlarda rivojlanishi mumkin; bunday oshish jigar yetishmovchiligi bilan kechmagan va odatda davolash davom ettirilganida yoki paratsetamol bekor qilinganidan so‘ng yo‘qolgan.
Terida kuzatiladigan og‘ir reaktsiyalar xaqida juda kam holatlarda xabar berilgan.
Paratsetamolning terapevtik dozalarini har kuni taxminan bir yil davomida qabul qilgan patsiyentda surunkali jigar nekrozi rivojlanganligi xaqida, va haddan tashqari katta miqdorlari qisqaroq vaqt davomida har kuni qabul qilinganidan so‘ng jigarni shikastlanganligi xaqida xabar berilgan. Surunkali faol gepatit bilan xastalangan patsiyentlar guruhini kuzatish davomida paratsetamolni uzoq muddat qabul qilgan shaxslarda jigar anomaliyalarida farqlar, yoki paratsetamol bekor qilinganidan so‘ng kasallikni nazoratini yaxshilanishi aniqlanmagan.
Shubha qilingan noxush reaktsiyalar xaqida xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar haqida xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida Milliy farmakoogohlik tizimiga muvofiq ravishda xabar berishingizni so‘raymiz.

Qo‘llash mumkin bo‘lmagan holatlar

Paratsetamolga yoki preparatning yordamchi moddalaridan birortasiga o‘ta yuqori sezuvchanlikda preparatni qo‘llash mumkin emas.
Dorilarning o‘zaro ta'siri
Jigarning mikrosomal fermentlarini induktsiya qiluvchi preparatlar
Paratsetamolning metabolizmi karbamazepin, fosfenitoin, fenitoin, fenobarbital, primidon ta'sirida tezlashishi mumkin (gepatotoksiklik kuzatilganligi xaqida alohida xabarlar mavjud).
Paratsetamolning so‘rilish tezligi metoklopramid yoki domperidon ta'sirida oshishi mumkin, kolestiramin ta'sirida esa pasayishi mumkin.
Varfarin va boshqa kumarinlarning antikoagulyant samarasi paratsetamol uzoq muddat muntazam qo‘llanganida kuchayib, qon ketishi havfini oshishi bilan kechishi mumkin; dozani bir martalik qabul qilish ahamiyatli ta'sir ko‘rsatmaydi.
Alkogolni surunkali iste'mol qilish paratsetamolning dozasi oshirib yuborilganida uning gepatotoksikligini kuchaytirishi mumkin va o‘tkir pankreatitni rivojlanishiga sabab bo‘lishi mumkin, u paratsetamolning haddan tashqari dozasini qabul qilgan bitta patsiyentda kuzatilganligi xaqida xabar berilgan. Alkogolning katta miqdorini qisqa vaqt ichida iste'mol qilish individni paratsetamolning katta dozalarini metabolizmga uchrash hususiyatini pasaytirishi mumkin, qon plazmasidan yarim chiqarilish davri uzayishi mumkin.

Maxsus ko‘rsatmalar

Tavsiya etilgan dozani oshirish mumkin emas. Tavsiya etilgan dozaga nisbatan katta dozani qabul qilish (dozani oshirib yuborilishi) jigarni shikastlantirishi mumkin. Dozasi oshirib yuborilganida zudlik bilan tibbiy yordamga murojaat qilish kerak. Tez tibbiy yordam ko‘rsatish kattalar uchun ham, bolalar uchun ham, hatto biror-bir belgilar va simptomlar bo‘lmaganida ham ancha muhim hisoblanadi.
Preparatni tarkibida paratsetamol saqlovchi boshqa dori vositalari bilan birga qabul qilishdan saqlanish kerak, chunki bu dozani oshirib yuborilishiga olib kelishi mumkin.
Paratsetamol buyrak yoki jigar funktsiyasini og‘ir buzilishlari bo‘lgan patsiyentlarda qo‘llanganida ehtiyotkorlikka rioya qilish tavsiya etiladi.
Dozasi oshirib yuborilganida kuzatiladigan havf jigarni sirroz bo‘lmagan alkogolli kasalligi bo‘lgan shaxslarda yuqori bo‘ladi. Alkogolni surunkali ravishda iste'mol qiluvchi shaxslar preparatni qabul qilishdan avval shifokor bilan maslahatlashishlari kerak.
Piretikol 250 mg/5 ml ni suyultirish mumkin emas. Piretikol 250 mg/5 ml suspenziyani suyultirish zarurati tug‘ilganida Piretikol 120 mg/5 ml suspenziyani qabul qilish tavsiya etiladi.
Terida og‘ir darajadagi reaktsiyalarning belgilari xaqida va teri toshmasini dastlabki belgilari yoki o‘ta yuqori sezuvchanlikning har qanday boshqa belgilari paydo bo‘lganida preparatni qabul qilishni to‘xtatish kerakligi xaqida patsiyentlarni xabardor qilish lozim.
Yordamchi moddalar
Preparat 5 ml suspenziyada 1333,3 mg sorbitol saqlaydi. Sorbitol me'da-ichak yo‘llarida diskomfort chaqirishi va yengil surgi ta'siri ko‘rsatishi mumkin.
Preparatning tarkibida saxaroza va sorbitol mavjudligi tufayli, fruktozani o‘zlashtira olmaslik, glyukoza-galaktoza malьabsorbtsiyasi yoki saxaraza-izomalьtaza yetishmovchiligi bilan xarakterlanuvchi, kam uchraydigan nasliy kasalliklari bo‘lgan patsiyentlar ushbu dori preparatini qabul qilishlari mumkin emas.
Preparat tarkibida allergik reaktsiyalarni chaqirishi mumkin bo‘lgan ponso 4R va sariq sanset bo‘yovchilarini saqlaydi.
Preparat 5 ml suspenziyada 1 mmolь (23 mg) dan kam natriy saqlaydi, ya'ni deyarli “natriy saqlamaydi”.
Fertillik, homiladorlikda va laktatsiya davrida qo‘llanishi
Homiladorlik. Homilador ayollardan olingan ma'lumotlarning katta miqdori, paratsetamolning malьformatsion samarasi yoki feto-/neonatal toksiklik yo‘qligini ko‘rsatadi. Qorin ichida rivojlanishi davrida paratsetamol ta'sir qilgan bolalarni nevrologik rivojlanishini o‘rganish yuzasidan o‘tkazilgan epidemiologik tadqiqotlarda bir xil bo‘lmagan natijalar ko‘rinadi. Klinik qo‘llash zaruriyati tug‘ilganida paratsetamolni homiladorlik davrida qo‘llash mumkin, ammo minimal samarali dozalarini qo‘llash mumkin bo‘lgan eng qisqa vaqt davomida va eng kam qo‘llash tezligida qabul qilish kerak.
Paratsetamol terapevtik dozalarda (bir martalik doza 1 g) ona tomonidan qabul qilinganida, dozasi qabul qilinganidan so‘ng 30 minut o‘tgan zahoti u yo‘ldosh orqali homilaning qon aylanish tizimiga o‘tadi va homila organizmida sulьfat bilan kon'yugatsiya yo‘li orqali va, o‘sib boruvchi darajada glutation bilan kon'yugatsiya yo‘li orqali metabolizmga uchraydi.
Laktatsiya. Paratsetamol ko‘krak sutiga ajralib chiqadi, ammo klinik ahamiyatli miqdorlarda emas. Mavjud chop etilgan ma'lumotlar ko‘krak orqali o‘tishi mumkinligini inkor etmaydi.
Fertillik. Paratsetamolni fertillikka ta'siri xaqida ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Avtotransportni haydash va mexanizmlarni boshqarish qobiliyatiga preparatning ta'siri noma'lum.

Dozani oshirib yuborilishi

Kattalarda va o‘smirlarda (≥ 12 yosh) 7,5 mg yoki undan ortiq paratsetamol qabul qilganidan so‘ng jigar shikastlanishi mumkin. Toksik metabolitining haddan tashqari katta miqdori (odatda paratsetamol normal dozalarda qabul qilinganida glutation bilan muvofiq ravishda detoksikatsiya bo‘ladi) jigar to‘qimasi bilan qaytmas bog‘lanadi deb hisoblanadi. 5 g va undan ortiq paratsetamolni ichga qabul qilish patsiyentda havfi omillari (quyiga qarang) bo‘lganida jigarni shikastlantirishi mumkin.
Havf omillari
Agar patsiyent
a)karbamazepin, fenobarbital, fenitoin, primidon, rifampitsin, dalachoy yoki jigar fermentlarini induktsiya qiluvchi boshqa preparatlar bilan uzoq muddat davolashda bo‘lganida;
b)etanolni tavsiya etilgan miqdordan ortiq moqdorlarda muntazam iste'mol qilganida;
c)ehtimol glutation ko‘p yo‘qotilganida, masalan, ovqatlanishni buzilishi, kistozli fibroz bo‘lishi, OITV-infektsiya, och qolish, umumiy holsizlanish oqibatida.
Simptomlari
Paratsetamolning dozasini oshirib yuborilishini dastlabki 24 soat davomidagi simptomlari terini oqarishi, ko‘ngil aynishi, gipergidroz, lohaslik, qusish, anoreksiya va qorinda og‘riq. Jigarni shikastlanishi preparat qabul qilinganidan so‘ng
12-48 soatdan keyin namoyon bo‘lishi mumkin. U gepatomegaliya, jigar sohasida og‘riq, sariqlik, o‘tkir jigar yetishmovchiligi va jigar nekrozidan iborat bo‘lishi mumkin. Glyukozani metabolizmi izdan chiqishi va metabolik atsidoz rivojlanishi mumkin. Qonda bilirubin va jigar fermentlarining darajasi oshishi, xalqaro normallashtirilgan nisbat, protrombin vaqti uzayishi, qonda fosfat va laktatning darajasi oshishi mumkin. Og‘ir zaharlanganda jigar yetishmovchiligi entsefalopatiya, qon ketishi, gipoglikemiya, bosh miya shishigacha zo‘rayishi va o‘limga olib kelishi mumkin. Belda og‘riq, gematuriya va proteinuriya kabi belgilar dalolat beruvchi, o‘tkir buyrak naychalari nekrozi bilan kechuvchi o‘tkir buyrak yetishmovchiligi hatto jigarni og‘ir shikastlanishi bo‘lmasa ham rivojlanishi mumkin. Yurak aritmiyalari va pankreatitni rivojlanish holatlari xaqida xabar berilgan.
Gemolitik anemiya (glyukoza-6-fosfat degidrogenaza (G6FD) tanqisligi bo‘lgan patsiyentlarda) paratsetamol haddan tashqari katta dozalarda qo‘llanganida G6FD tanqisligi bo‘lgan patsiyentlarda gemodializ xaqida xabar berilgan.
Davolash
Paratsetamolning dozasi oshirib yuborilganida zudlik bilan davolashni boshlash muhim. Ahamiyatli erta simptomlar bo‘lmasligiga qaramay, shoshilinch tibbiy yordam ko‘rsatish uchun patsiyentlarni zudlik bilan kasalxonaga yotkazish lozim. Simptomlar ko‘ngil aynishi yoki qusish bilan cheklanishi mumkin va dozani oshirib yuborilish darajasini yoki a'zolarni shikastlanish havfini aks etmasligi mumkin. Davolash davolash bo‘yicha belgilangan qo‘llanmalarga muvofiq ravishda o‘tkazilishi kerak.
Agar haddan tashqari katta dozalari qabul qilinganidan so‘ng 1 soatgacha muddat o‘tgan bo‘lsa, faollashtirilgan ko‘mir qabul qilishni ko‘rib chiqish kerak. Paratsetamolning plazmadagi kontsentratsiyasini dozasi oshirib yuborilganidan so‘ng 4 soat va undan keyin (undan erta aniqlash ishonarli natija bermaydi) aniqlash lozim. N-atsetiltsistein bilan davolashni paratsetamol ichga qabul qilinganidan so‘ng 24 soatgacha vaqt davomida qo‘llanishi mumkin, biroq maksimal himoya samarasiga dozasi oshirib yuborilganidan so‘ng 8 soatgacha vaqt davomida qo‘llanganida erishiladi. Zarurat bo‘lganida N-atsetiltsisteinni vena ichiga belgilangan dozalash tartibiga muvofiq ravishda yuborish mumkin. Kasalxonadan uzoqda joylashgan hududlarda qusish kuzatilmaganida metioninni peroral qabul qilish muqobil variant bo‘lishi mumkin. Paratsetamolning dozasi oshirib yuborilganidan so‘ng 24 soatdan ortiq vaqt o‘tganida jigarning jiddiy disfunktsiyasi kuzatilgan patsiyentlarni davolashni toksikolog va gepatolog mutaxassislari bilan muhokama qilish kerak.

Chiqarilish shakli

Ichga qabul qilish uchun suspenziya 100 ml yoki 150 ml dan sariq rangli shisha flakonlarda buraladigan himoya qopqoqchasi yopilgan.
1 flakon tibbiyotda qo‘llanilishiga doir yo‘riqnomasi va o‘lchov qoshig‘i bilan birga karton qutiga joylangan.

Saqlash sharoiti

25ºC dan yuqori bo‘lmagan haroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retsept bo‘yicha.