Protekta efervesan tabletkalari № 20

Tavsif

Preparatning savdo nomi

Protekta

Dori shakli

Vishillovchi tabletkalar

Tarkibi

1 vishillovchi tabletka quyidagilarni saqlaydi:
faol moddalar:
glyukozamin sulfati (glyukozamin sul'fat kaliy xloridi shaklida) 750 mg;
xondroitin sul'fati (natriy xondroitin sul'fati shaklida) 600 mg;
metilsul'fonilmetan 750 mg;
marganets glyukonat digidrati 20 mg;
kaltsiy (kaltsiy karbonati shaklida) 500 mg;
D3 vitamini 400 XB;
yordamchi moddalar: suvsiz limon kislotasi, natriy gidrokarbonati, sorbitol, suvsiz dekstroza, aspartam, kaliy atsesulfami, «Apelsin» aromatizatori, polietilenglikol 6000.

Ta'rifi

dumaloq, yassi, oq yoki deyarli oq rangli, faskali, apelsin hidli tabletkalar, biroz marmarsimon bo‘lishi mumkin.

Farmakoterapevtik guruhi

Suyak-mushak tizimining kasalliklarini davolash uchun qo‘llanadigan boshqa preparatlar
ATX kodi: M09AX
Farmakologik hususiyatlari
Protekta – tog‘ay to‘qimasi regeneratsiyasini stimulyatori. Preparatning farmakologik ta'siri uning tarkibiga kiruvchi komponentlarning hususiyatlari bilan belgilanadi.
Glyukozamin sulfati odam organizmida fiziologik jihatdan mavjud bo‘lgan tabiiy glyukozamin aminomonosaxaridining suti hisoblanadi. Proteoglikanlar, glikozaminoglikanlar, gialuron hamda xondroitin sulьfat kislotasi va bo‘g‘im qobig‘i, bo‘g‘im ichi suyuqligi va tog‘ay to‘qimasining tarkibiga kiruvchi boshqa moddalarni sintezini faollashtiradi; kollagen sintezini rag‘batlantiradi. Tog‘ayning metabolizmiga ijobiy ta'sir qiladi – anabolik jarayonlarni kuchaytiradi, katabolik jarayonlarni susaytiradi, bo‘g‘im kapsulasining o‘tkazuvchanligini oshiradi, sinovial membrana va bo‘g‘im tog‘ayi hujayralarida fermentativ jarayonlarni tiklaydi. Xondroprotektor va osteotrop ta'sir ko‘rsatadi, suyak to‘qimasiga kalьtsiyni singishini normallashtiradi. Prostaglandinlar sintezini susayishi bilan bog‘liq bo‘lmagan, antioksidant faolligi (superoksid radikallarni hosil bo‘lishini bloklanishi yo‘li bilan) va lizosomal fermentlarning faolligini susayishi hisobiga realizatsiya bo‘ladigan o‘rtacha yallig‘lanishga qarshi ta'sir ko‘rsatadi. Nosteroid yallig‘lanishga qarshi preparatlar (NYaQP) va glyukokortikosteroidlar (GKS) ning ta'siridan tog‘ayni kuzatilishi mumkin bo‘lgan metabolik shikastlanishini oldini oladi.
Xondroitin sulьfat tog‘ay to‘qimasini qurilishida ishtirok etadigan yaqori molekulyar mukopolisaxarid hisoblanadi (tog‘ay matriksini hosil bo‘lishi uchun qo‘shimcha substrat bo‘lib xizmat qiladi). Xondroprotektor ta'sir ko‘rsatadi, tog‘ay to‘qimasini regeneratsiyasini rag‘batlantiradi, yallig‘lanishga qarshi va og‘riq qoldiruvchi ta'sir ko‘rsatadi. Gialin to‘qimasida moddalar almashinuvini normallashtiradi, gialuronni hosil bo‘lishini, proteoglikanlar va kollagenning II turini sintezini rag‘batlantiradi; gialuronni fermentativ parchalanishdan, shu jumladan biriktiruvchi to‘qimani parchalanishiga olib keladigan lizosomal fermentlar tomonidan parchalanishdan himoya qiladi. Tog‘ay to‘qimasida fosfor-kalьtsiy almashinuviga ta'sir qiladi, suyak to‘qimasini rezorbtsiyasini sekinlashtiradi va kalьtsiyni yo‘qotilishini pasaytiradi, tog‘ay to‘qimasini degeneratsiya jarayonlarini sekinlashtiradi. Biriktiruvchi to‘qimani zichlashishini oldini oladi, va bo‘g‘im yuzasi uchun moylovchi modda rolini o‘ynaydi, bo‘g‘im suyuqligini hosil bo‘lishini normallashtiradi.
Glyukozamin sulьfati va xondroitin sulьfat biriktiruvchi to‘qimani biosintezida ishtirok etib, tog‘ayni parchalanish jarayonini oldini oladi va tog‘ay to‘qimasining regeneratsiyasini rag‘batlantiradi, bu holat og‘riq sindromining yaqqolligini kamayishiga va bo‘g‘imlarning funktsional hususiyatlarini yaxshilanishiga yordam beradi.
Metilsulьfonilmetan – oltingugurtning tabiiy organik birikmasidir, yuqori biologik faollikni namoyon qiladi. Oltingugurt jigar tomonidan minerallarni so‘rilishiga yordam beradi, bosh miyani ishlashi, sochlar, tirnoqlar, biriktiruvchi to‘qimasi, tog‘ayni hosil bo‘lishi uchun ahamiyatga ega, yaqqol allergiyaga qarshi ta'sir ko‘rsatadi. Metilsulьfonilmetan to‘qimalardan laktatni, toksinlarni ajralib chiqishiga yordam beradi, bu holat ozuqa moddalarining o‘tkazuvchanligini oshiradi; shikastlangan teri hujayralari va biriktiruvchi to‘qimani tiklanishiga yordam beradi, ularning elastikligini oshiradi.
Marganets energiya hosil bo‘lishi, oqsillar va yog‘larni metabolizmi, suyaklar va biriktiruvchi to‘qimani sintezida ishtirok etadi.
Kalьtsiy suyak to‘qimasining asosini tashkil etadi, qator muhim fermentlarning faoliyatini faollashtiradi, organizmda ionlar muvozanatini tutib turishda ishtirok etadi, nerv-mushak va yurak-qon tomir tizimlarida yuz beradigan jarayonlarga ta'sir qiladi.
D3 vitamini ingichka ichakda kalьtsiyni so‘rilishini oshirib, kalьtsiyni bog‘lovchi oqsillar sintezini rag‘batlantiradi, buyrak naychalarida kalьtsiyni qayta so‘rilishini oshiradi. D3 vitamini osteoblastlar sintezini faollashtirishi orqali kollagenning I turi va matritsa oqsillari sintezini oshishi yo‘li bilan suyak to‘qimasini qayta modellanishi jarayonlarini faollashtiradi. Qalqonsimon bez, qalqonsimon oldi bezlari, jinsiy bezlarning funktsional holatiga ta'sir qilib, skelet suyaklarining kalьtsifikatsiyasini ta'minlaydi.

Qo‘llanilishi

— bo‘g‘imlar va umurtqa pog‘onasini degenerativ-distrofik kasalliklari (shu jumladan osteoxondroz);
— I-III darajadagi osteoxondroz;
— osteoporoz va uning asoratlarini (suyaklarni sinishi) oldini olish va kompleks davolash;
— organizmda kalьtsiy va D3 vitaminini tanqisligini to‘ldirish;
— bo‘g‘imlarni jarohatlaridan keyin reabilitatsion choralarni kompleksida qo‘llanadi.

Qo‘llash usuli va dozalari

Protekta preparati ichga ovqatlanishda qat'iy nazar qabul qilinadi. Bitta tabletkani xona xaroratidagi 200 ml ichimlik suvida butunlay eritish va tayyorlangan zahoti ichish kerak.
Osteoporozni oldini olish va kompleks davolash uchun, shuningdek kalьtsiy va D3 vitamini tanqisligida 1 tabletkadan sutkada 1-2 marta buyuriladi. Davolash kursining davomiyligi va dozalash tartibi shifokorning tavsiyalariga muvofiq ravishda belgilanadi.
Bo‘g‘imlar va umurtqa pog‘onasining degenerativ-distrofik kasalliklari (shu jumladan osteoxondrozni) va osteoxondrozning I-III darajasini davolash uchun Protekta preparati dastlabki uch hafta davomida 1 tabletkadan sutkada 2 marta, keyingi kunlarda – 1 tabletkadan sutkada 1 marta buyuriladi. Davolashning davomiyligi – 3-6 oyni tashkil etadi. Zarurat bo‘lganida, davomiyligi individual ravishda belgilanadigan takroriy davolash kurslarini o‘tkazish mumkin.
Nojo‘ya ta'sirlari
Markaziy nerv tizimi tomonidan: bosh aylanishi, bosh og‘rig‘i, uyquchanlik, uyqusizlik.
Moddalar almashinuvi tomonidan: giperkalьtsiyemiya, giperkalьtsiuriya.
Ovqat hazm qilish tizimi tomonidan: meteorizm, diareya, qabziyat, epigastral sohada og‘riq, ko‘ngil aynishi, qorinda og‘riq.
Boshqalar: taxikardiya, periferik shishlar, oyoqlarda og‘riq, allergik reaktsiyalar.

Qo‘llash mumkin bo‘lmagan holatlar

— preparatning komponentlariga yuqori sezuvchanlik;
— fenilketonuriya (aspartam saqlaydi);
— tromboflebit;
— qon oqishiga moyillik;
— D vitaminini gipervitaminozi;
— giperkalьtsiyemiya;
— giperkalьtsiuriya;
— nefrolitiaz;
— og‘ir darajadagi buyrak yetishmovchiligi;
— tuberkulyozning faol shakli;
— sarkoidoz;
— 15 yoshgacha bo‘lgan bolalar;
— homiladorlik va laktatsiya davrida qo‘llash mumkin emas.
Dorilarning o‘zaro ta'siri
Protekta yarimsintetik penitsillinlar va xloramfenikolning ta'sirini kamaytiradi, antikoagulyantlarning ta'sirini kuchaytiradi.
Fenitoin yoki barbituratlar bilan bir vaqtda qo‘llanganida D3 vitaminining faolligi pasayishi mumkin.
Yurak glikozidlari bilan birga qo‘llanganida ularning toksikligi oshadi (elektrokardiogrammani va patsiyentlarning klinik holatini nazorat qilish kerak), tiazid diuretiklar bilan birga qo‘llanganida kalьtsiyni buyrak naychalari orqali qayta so‘rilishini oshishi oqibatida giperkalьtsiyemiyani rivojlanish havfi oshadi, furosemid va boshqa “xalqali” diuretiklar bilan birga qo‘llanganida – kalьtsiyni buyraklar orqali chiqarilishi oshadi.
Kolestiramin, asosi mineral yoki o‘simlik moylari bo‘lgan surgi vositalar D3 vitaminining so‘rilishini pasaytiradilar.
Bisfosfonatlar yoki natriy ftoridi bilan bir vaqtda qo‘llanganida qabul qilishlar o‘rtasidagi interval kamida 2 soatni tashkil etishi kerak; tetratsiklinlarning peroral shakllari bilan – kamida 3 soatni tashkil etishi kerak.

Maxsus ko‘rsatmalar

Ovqat hazm qilish tizimi tomonidan nojo‘ya reaktsiyalar paydo bo‘lganida preparatning dozasini 2 marta kamaytirish, yaxshilanish bo‘lmaganida esa – preparatni bekor qilish kerak.
Protekta GKS va NYaQV bilan majmuaviy davolash tarkibida qo‘llanishi mumkin.
Dozani oshirib yuborilishidan saqlanish maqsadida D3 vitaminini boshqa manbalardan qo‘shimcha tushishini inobatga olish kerak.
Tarkibida oksalatlar (shovul, ismaloq) va fitin (yorma) saqlovchi mahsulotlarni qabul qilish kalьtsiyni so‘rilishini pasaytiradi, shuning uchun preparatni shovul, ismaloq, yormani qabul qilgandan so‘ng 2 soat davomida qabul qilish mumkin emas.
Protekta preparatini giperkalьtsiyemiyani rivojlanish havfi borligi tufayli osteoporoz bilan xastalangan immobilizatsiyadagi bemorlarda ehtiyotkorlik bilan ishlatish kerak.
Qandli diabet bilan xastalangan bemorlarni davolash uchun tavsiya etilmaydi.
Homiladorlikda va laktatsiya davrida qo‘llanishi
Homiladorlikdda va laktatsiya davrida preparatni qo‘llash mumkin emas.
Pediatriyada qo‘llanishi
15 yoshgacha bo‘lgan bolalarda Protekta preparatini qo‘llash havfsizligi yuzasidan ma'lumotlar yo‘q.
Avtotransportni haydash va mexanizmlarni boshqarish qobiliyatiga ta'siri
Protekta preparati avtotransportni boshqarish va diqqatni yuqori darajada jamlashni talab etuvchi potentsial havfli faoliyat turlarini bajarish qobiliyatiga ta'sir qilmaydi.

Dozani oshirib yuborilishi

Dozani oshirib yuborilish belgilari paydo bo‘lganida shifokorga murojaat qilish kerak.
Simptomlari: anoreksiya, chanqoqlik, poliuriya, ishtahani pasayishi, bosh aylanishi, xushdan ketish holatlari, holsizlik, ko‘ngil aynishi, qusish, giperkalьtsiuriya, giperkalьtsiyemiya, giperkreatininemiya; ortiqcha dozalarda uzoq muddat qo‘llanganida – qon-tomirlar va to‘qimalar kalьtsinozi bo‘lishi mumkin.
Davolash: preparatni zudlik bilan bekor qilish kerak. organizmga katta miqdorda suyuqlik yuborish, “xalqali” diuretiklarni (masalan, furosemid), GKS, kalьtsitonin, bisfosfonatlarni yuborish tavsiya etiladi.

Chiqarilish shakli

Vishillovchi tabletkalar. 20 vishillovchi tabletkalar polipropilen tubalarda, silikagelli polipropilen tiqin bilan berkitilgan. 1 tuba tibbiyotda qo‘llanilishiga doir yo‘riqnomasi bilan birga karton qutiga joylangan.

Saqlash sharoiti

Namlik va yorug‘likdan himoyalangan joyda 25°C dan yuqori bo‘lmagan xaroratda saqlansin.
Bolalar ololmaydigan joyda saqlansin!

Yaroqlilik muddati

Ishlab chiqarilgan sanadan boshlab 3 yil.
Yaroqlilik muddati tugaganidan so‘ng qo‘llanilmasin.

Dorixonalardan berish tartibi

Retseptsiz beriladi.