Dentashan gel 25g

Tavsif

Preparatning savdo nomi

Dentashan
Ta'sir etuvchi moddalar (XPN): metronidazol, xlorgeksidin.

Dori shakli

gel.

Tarkibi

1 g preparat quyidagilarni saqlaydi:
faol moddalar: metronidazol – 16 mg, xlorgeksidin – 2,50 mg;
yordamchi moddalar: karbopol, propilenglikol, PEG–400, glitserin, natriy saxarini, mentol, chinnigul moyi, natriy metilparaben, natriy propilparaben, tozalangan suv.

Ta'rifi

oq yumshoq massa bosma yig‘ma alyumin tubada.

Farmakoterapevtik guruhi

asosan stomatologiyada qo‘llanadigan vosita.
ATX kodi: V03AV.

Farmakologik xususiyatlari

Preparatning samaradorligi uning tarkibiga kiruvchi ikki antibakterial komponentning xususiyatlari bilan bog‘liq:
Metronidazol asosan bakteriyalar va sodda hayvonlar kabi obligat anaerob mikroorganizmlarga qarshi faol, antimikrob preparati hisoblanadi. 5-nitroguruhi qaytarilish transformatsiyasiga uchraydi, bunda DNK sintezini ingibitsiya qilinishi hisobiga o‘limga olib keladigan samara namoyon ko‘rsatuvchi faol intermediatlar hosil bo‘ladi. DNK sintezini ingibitsiya qilishdan tashqari qaytarilgan metabolitlari DNK spiralizatsiyasini buzilishini chaqiradi. Anaerob organizmlarda kechuvchi boshqa oksidlanish-qaytarilish reaktsiyalari (masalan, klostridiylardagi fosforoliza reaktsiyasi) ingibitsiya qilinishi ham mumkin. Bu hujayralarning o‘limiga ham olib kelishi mumkin. In vitro metronidazol taxminan minimal ingibitsiyalovchi kontsentratsiyaga teng minimal bakteritsid kontsentratsiyada tez bakteritsid samara ko‘rsatgan.
Metronidazol odam normal hujayralarida DNK sintezini ingibitsiya qilmaydi, chunki kislorod 5-nitroguruhni tiklanishini oldini oladi. Ammo, uning elektronlarga yuqori yaqinligi tufayli gipoksik o‘sma xujayralari uchun kimyoviy radiosensibilizator sifatida ishtirok etishi mumkin. Bundan tashqari, etil spirti bilan bir vaqtda qabul qilinganida disulfuramga o‘xshash samara (ko‘ngil aynishi, qusish, terini qizarishi, bosh og‘rig‘i) ko‘rsatishi mumkin.
Xlorgeksidin – antiseptik va mikroblarga qarshi vositadir, grammanfiy va grammusbat aerob va anaerob bakteriyalar (Treponema spp., Neisseria gonorrhoeae, Trichomonas spp., Chlamydia spp., Ureaplasma spp., Bacteroides fragilis) nisbatan faol.
Preparatga Pseudomonas spp., Proteus spp. ayrim shtammlarga sezuvchanligi past va shuningdek kislotaga turg‘un bakteriyalarga, bakteriyalar sporalariga turg‘un. Laktobatsillalar fnktsional faolligini buzmaydi.

Farmakokinetikasi

Rozatseyasi bo‘lgan 10 patsiyentda mahalliy qo‘llash uchun 1 g Dentashan geli (7,5mg metronidazol) mahalliy qo‘llanganidagi biokiraolishligi bo‘yicha tadqiqotlarda bir patsiyentda qon zardobidagi maksimal kontsentratsiya 66 ng/ml ga yetgan. Bu kontsentratsiya 250 mg metronidazol tabletkasini peroral bir marta qo‘llashda erishiladigan kontsentratsiyadan taxminan 100 marta past. Metronidazolning zardobdagi kontsentratsiyasi ko‘pchilik patsiyentlarda hamma vaqt diapazonlarida test sezgirligi darajasidan past bo‘lgan. Uch patsiyentning qon zardobida metronidazol aniqlanmagan. Gelning klinik tadqiqotlarda qo‘llanilgan o‘rtacha dozasi 600 mg ni tashkil qilgan, bu bir qo‘llashga 4,5 mg metronidazolga to‘g‘ri keladi. Shunday qilib, qo‘llashning normal darajada metronidazolning zardobdagi kontsentratsiyasi minimal. Rozatseyani davolashda mahalliy qo‘llash uchun Dentashan gelning (mahalliy qo‘llash uchun metronidazol va xlorgeksidin geli) ta'sirining mexanizmlari noma'lum, ammo ehtimol u yallig‘lanishga qarshi ta'sir ko‘rsatishi mumkin.

Qo‘llanilishi

Parodont va og‘iz bo‘shlig‘i shilliq qavatining quyidagi infektsion-yallig‘lanish kasalliklarida:
- o‘tkir va surunkali gingivit;
- o‘tkir va surunkali parodontit;
- o‘smirlar parodontiti;
- gingivit bilan asoratlargan parodontoz;
- stomatit;
- protezlarni taqib yurishidagi og‘iz bo‘shlig‘i shilliq qavatini yallig‘lanishi;
- postekstraktsion alveolit;
- periodontit, periodontal abstsess (majmuaviy davolash tarkibida);
- infektsion xarakterli tish og‘rig‘ida qo‘llanadi.

Qo‘llash usuli va dozalari

Standart davomiylikdagi davolash bilan (kursga 5-7 kun) kuniga 2-3 marta qo‘yiladi.
Nojo‘ya ta'sirlari
Mahalliy qo‘llash uchun metronidazol saqlovchi preparatlar odatda yaxshi o‘zlashtiriladi. Ammo ayrim holatlarda fotosensibilizatsiya reaktsiyalari kuzatilishi mumkin. Bunda toshmalar, qichishish, achishish va eritema kuzatilishi mumkin. Mahalliy qo‘llash uchun metronidazol preparatlarini katta yuzalarda va uzoq vaqt davomida qo‘llash hollarida tizimli nojo‘ya samaralarini inkor qilib bo‘lmaydi.

Qo‘llash mumkin bo‘lmagan holatlar

Gelni anamnezida preparatning har qanday ingrediyentlariga o‘ta yuqori sezuvchanligi bo‘lgan shaxslarda qo‘llash mumkin emas.
Dorilarning o‘zaro ta'siri
Alkogol bilan disulfiramsimon reaktsiya. Kumarin antikoagulyantlarining ta'sirini kuchaytiradi. Simetidin ta'sirida qondagi daraja oshadi. Fenobarbitalning ta'sirini pasaytiradi. Disulfiram bilan o‘tkir psixozlar. Boshqa antimikrob preparatlari bilan additiv/sinergik samara.

Maxsus ko‘rsatmalar

Gelni kesilgan yoki ochiq jarohatlar yoki terini shikastlanishlari bo‘lgan har qanday joyiga qo‘yish mumkin emas. Gel quyilganidan keyin yuzasini bog‘lov yoki plastir bilan yopish mumkin emas. Gelni yutib yuborish mumkin emas, gel ko‘zga tushmasligi uchun ehtiyot bo‘ling. Agar 2 hafta davomida simptomlar yaxshilanmasa yoki ular yomonlashsa darhol shifokorga murojaat qiling.
Ogohlantirish:
Ko‘z, shilliq qavatlar va terining shikastlangan sohalariga tushishidan saqlanish kerak.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Mahalliy qo‘llanganida dozani oshirib yuborish hollari qayd qilinmagan.

Chiqarilish shakli

25 g dan alyumin yig‘ma tubalarda.

Saqlash sharoiti

15oS dan 30oS gacha bo‘lgan xona haroratida saqlansin.
Issiqdan himoyalansin. Muzlashdan saqlansin.

Yaroqlilik muddati

3 yil

Dorixonalardan berish tartibi

Retseptsiz.

Ishlab chiqarilgan

ISSHAAN HEALTHCARE PVT. LTD.
S-22, 23, Sector-3, NOIDA-201301
Gautam Budh Nagar, UP (Hindiston)