Preparatning savdo nomi
Urostim

Dori shakli
tabletkalar

Tarkibi

Preparatning bir tabletkasi quyidagi mikrob turlarini
Eshcerichia coli 29 (3x10⁹ bakterial hujayralari),
Eshcerichia coli 75 (3x10⁹ bakterial hujayralari),
Proteus mirabilis, Klebsiella pneumonia, Enterococcus faecalis har bir mikroorganizmlarini hujayralarini - 0,4x10⁹ miqdoridagi 50 mg liofilizirlangan o‘lik bakterial hujayralarini va stabilizator ko‘rinishida dekstran 40 ni saqlaydi.
Yordamchi moddalar mikrokristallik sellyuloza (101 turi), bug‘doy kraxmali, kremniy dioksidi, povidon K25, magniy stearati.

Farmakoterapevtik guruhi
Immunitetni rag‘batlantiruvchi vosita
ATX kodi LOZAX.


Farmakologik xususiyatlari

Immunitetni rag‘batlantiruvchi preparat.
Urostim polibakterial immunitetni rag‘batlantiruvchi vosita bo‘lib, u organizmning tabiiy rezistentligini va urogenital yo‘llarining turli infektsiyalariga nisbatan spetsifik immunitetini oshiradi. Urostim hujayra va gumoral darajalarda ta'sir ko‘rsatib, immun tizimini rag‘batlantiradi, tizimli va lokal immunitetni faollashuviga yordam beradi, immunitetni rag‘batlantiradi.


Qo‘llanilishi

Urostim peroral qo‘llash uchun mo‘ljallangan.
Kattalarda urogenital yo‘llarining o‘tkir, qaytalanuvchi va surunkali nospetsifik infektsiyalarini, ularni chaqiruvchi mikroorganizmlarning turlaridan qat'iy nazar qaramay immunterapiya va profilaktikasi uchun qo‘llanadi.
Preparatni ayniqsa pistitlarda, piyelonefritlarda, prostatitlarda, simptomsiz bakteriuriyalarda va boshqalarda qo‘llash tavsiya qilinadi.
Zarurat bo‘lganida Urostimni antibiotiklar bilan majmuada buyuriladi. Urostimni uzoq muddatli antibiotikoterapiya fonida immun faolligi pasaygan patsiyentlarga buyurish ayniqsa muhim va foydalidir.


Qo‘llash usuli va dozalari

Odatda preparat 1 tabletkadan sutkada 1 marta, ertalab och qoringa buyuriladi.
Kattalarga o‘tkir urogenital infektsiyalarda Urostimning 1 tabletkasini, antibiotiklar bilan birga ertalab, och qoringa buyuriladi. Davolash simptomlar yo‘qolgunicha, ammo kamida 10 kun davomida davom ettiriladi.
Surunkali va qaytalanuvchi urogenital infektsiyalarda — 1 tabletkani ertalab, och
qoringa 2-3 oy davomida buyuriladi. Zarurati bo‘lganida Urostim bilan davolashni 3 oydan keyin qayta boshlash mumkin.
Urostimni operatsiyadan keyingi asoratlarini oldini olish uchun qo‘llash mumkin. Bunday holatlarda preparatni qabul qilish operatsiyadan bir oy oldin boshlanadi va operatsiyadan keyin yana bir oy davomida davom ettiriladi - 1 tabletkani sutkada 1 marta buyuriladi. O‘tkazib yuborilgan dozalarni to‘ldirish uchun preparatni ikki barobar dozalarini qabul qilishga hojat yo‘q. Bunday holatlarda o‘tkazib yuborilgan dozalarga e'tibor qilmaslik va davolashni odatdagi tartibda davom ettirish kerak.

Nojo‘ya ta'sirlari
Klinik tadqiqotlarda Urostimning nojo‘ya samaralari aniqlanmagan.


Qo‘llash mumkin bo‘lmagan holatlar

-antitelolar sintezini oshishi bilan kechuvchi autoimmun buzilishlar.
-preparatning komponentlariga yuqori sezuvchanlik.

Dorilarning o‘zaro ta'siri
Urostimni boshqa dori vositalari bilan o‘zaro ta'sirlari aniqlanmagan.
Uni boshqa dori vositalari bilan, shu jumladan antibiotiklar bilan majmuada buyurish mumkin.


Maxsus ko‘rsatmalar

Urostim yordamchi modda sifatida bug‘doy kraxmalini saqlaydi, buni seliakiya bilan xastalangan patsiyentlar albatta hisobga olishlari kerak.

Avtotransportni haydash va mexanizmlarni boshqarish qobiliyatiga ta'siri
Preparatni qo‘llash avtotransportni yoki potentsial xavfli mexanizmlarni boshqarish qobiliyatiga ta'sir ko‘rsatmaydi.

Homiladorlik va laktatsiya davri
Urostimni homiladorlikning 1 uch oyligida qo‘llash tavsiya qilinmaydi.
Preparat bolalar olaolmaydigan joyda saqlansin va yaroqlilik muddati o‘tganidan so‘ng ishlatilmasin.


Dozani oshirib yuborilishi

Dozani oshirib yuborilish holatlari aniqlanmagan.


Chiqarilish shakli

50 mg dan tabletkalar, o‘ramda 10 yoki 30 tabletka.


Saqlash sharoiti

Quruq, yorug‘likdan himoyalangan joyda, 25°C dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz


Ishlab chiqaruvchi
va qayd etuvchi egasi
"GM Pharmaceuticals Ltd."
Gruziya, Tbilisi sh., Ponichala 65, tel. +99532 2404801/02, Faks 99532 2404803

Mahsulot litsenziyasining egasi
REFARMED Chemmicals Ltd (Shveytsariya).