Preparatning savdo nomi
Flebodia 600
Ta'sir etuvchi modda (XPN) diosmin (diosmine)

Dori shakli
plyonka qobiq bilan qoplangan tabletkalar

Tarkibi

1 tabletka quyidagilarni saqlaydi
faol modda
diosmin quruq moddaga qayta hisoblaganda600 mg;
yordamchi moddalar
tal'k10,24 mg;
kolloid kremniy dioksidi3,5 mg;
stearin kislotasi50,05 mg;
mikrokristall sellyuloza910 mg gacha.
Plyonka qobiq tarkibi
Sepifilm® 002 (gipromelloza (E 464) – 9,832 mg, mikrokristallik sellyuloza – 7,866 mg, makrogol 8 stearati 1 tipi – 1,967 mg), pushti Sepispers® AR 5523 (propilenglikol izlari, gipromelloza (E 464) – 0,458 mg, titan dioksidi (E 171) – 4,026 mg, punts bo‘yovchi [Ponso 4R] (E 124) – 0,401 mg, temir (II, III) oksidi (E 172) - 0,130 mg, temir (III) oksidi (E 172) – 0,020 mg), Opaglos® 6000 (karnaub mumi (E 903) - 0,075 mg, asalari mumi (E 901) – 0,075 mg, shellak (E 904) – 0,150 mg, etanol 95° - izlari).
Ta'rifi dumaloq, ikkiyoqlama qavariq, pushti rangli qobiq bilan qoplangan tabletkalar.

Farmakoterapevtik guruhi
angioprotektor vosita
ATX kodi S05SA03.


Farmakologik xususiyatlari


Farmakodinamika
si
Preparat venalarning tonusini oshiruvchi xususiyatga ega (venalarning cho‘ziluvchanligini kamaytiradi, venalarning tonusini oshiradi (dozaga bog‘liq samara), venoz dimlanishni kamaytiradi), limfa drenajni yaxshilaydi (limfa kapillyarlarning tonusini va qisqarishlari sonini oshiradi, ularning funktsional zichligini oshiradi, limfatik bosimni pasaytiradi), mikrotsirkulyatsiyani yaxshilaydi (kapillyarlar rezistentligini oshiradi (dozaga bog‘liq samara), ularning o‘tkazuvchanligini kamaytiradi), leykotsitlarning vena tomiri devoriga adgeziyasini va ularni paravenoz to‘qimalarga migratsiyasini kamaytiradi, kislorod diffuziyasini va teri to‘qimasiga perfuziyasini yaxshilaydi, yallig‘lanishga qarshi ta'sirga ega. Adrenalinning, noradrenalinning qon tomirlarni toraytiruvchi ta'sirini kuchaytiradi, erkin radikallarning ajralib chiqishini, prostaglandinlar va tromboksanning sintezini bloklaydi.

Farmakokinetikasi

Me'da-ichak yo‘llaridan tez so‘riladi, qabul qilinganidan so‘ng 2 soatdan keyin plazmada aniqlanadi. Qon plazmasida maksimal kontsentratsiyaga qabul qilinganidan so‘ng 5 soatdan keyin erishiladi. Bir tekis taqsimlanadi va kavak venalarning va oyoq-qo‘llarning teri osti venalarining hamma qavatlarida, kam darajada – buyraklarda, jigar va o‘pkalarda va boshqa to‘qimalarda to‘planadi. Diosmin va/yoki uning metabolitlarining vena tomirlarida tanlab to‘planishi qabul qilingandan so‘ng 9 soatdan keyin maksimal darajaga erishadi va 96 soat davomida saqlanadi. 79% - siydik, 11% - ahlat, 2,4% - safro bilan chiqariladi.


Qo‘llanilishi

Majmuaviy davolash tarkibiga kiruvchi
oyoqlarning limfa-venoz yetishmovchiligi alomatlarini (oyoqlarda og‘irlik va charchoqni xis qilish, og‘riq) bartaraf qilish uchun;
-mikrotsirkulyatsiyaning buzilishida qo‘shimcha davolanish;
-o‘tkir gemorroyni simptomatik davolashda qo‘llanadi.


Qo‘llash usuli va dozalari

Preparatni qabul qilishdan oldin shifokor bilan maslahatlashing.
Preparat ichga qabul qilish uchun mo‘ljallangan.
Oyoq venalarini varikoz kengayishida va surunkali limfa-venoz yetishmovchiligida (shishlar, og‘riq, tirishishi) sutkada 1 tabletkadan ertalabki nonushtagacha, 2 oy davomida buyuriladi. Gemorroyni zo‘rayishida sutkada 2-3 tabletkadan ovqatlanish vaqtida 7 kun davomida buyuriladi. Agar siz bir yoki bir necha qabulni o‘tkazib yuborgan bo‘lsangiz, preparat qo‘llashni odatdagi dozalarda davom ettiring.

Nojo‘ya ta'sirlari
Kam hollarda davolashda tanaffus qilishni talab qiluvchi preparatningkomponentlariga yuqori sezuvchanlik me'da-ichak yo‘llari tomonidan – dispeptik buzilishlar (jig‘ildon qaynashi, ko‘ngil aynishi, qorinda og‘riq), markaziy nerv tizimi tomonidan - bosh og‘rig‘i.
Agar yo‘riqnomada ko‘rsatilgan nojo‘ya ta'sirlarni kuchayishi yoki yo‘riqnomada ko‘rsatilmagan boshqa nojo‘ya ta'sirlarni aniqlasangiz darhol shifokorga murojaat qiling.





Qo‘llash mumkin bo‘lmagan holatlar

Preparatning komponentlariga yuqori sezuvchanlik, emizish davri, 18 yoshgacha bo‘lgan bolalar, homiladorlik (I uchoyligi) (qo‘llash tajribasi cheklangan) qo‘llash mumkin emas.

Dorilarning o‘zaro ta'siri
Boshqa dori vositalari bilan klinik ahamiyatga ega bo‘lgan o‘zaro ta'sirlari ta'riflanmagan.


Maxsus ko‘rsatmalar

Gemorroyning o‘tkir xurujini davolash boshqa preparatlar bilan majmuada o‘tkaziladi, klinik samara bo‘lmaganida darhol qo‘shimcha tekshirishni o‘tkazish va o‘tkazilayotgan davolashni to‘g‘rilash kerak.
Homiladorlik va emizish
Hozirgi vaqtgacha klinika amaliyotida preparat homiladorlarda qo‘llanganida har qanday nojo‘ya samaralari hakida xabarlar bo‘lmagan. Homiladorlikning II va III uchoyligi davrida faqatgina quyidagi holda, ya'ni homilaga potentsial xavf ona salomatligiga foydasidan ustun bo‘lsagina shifokor preparatni buyurishi mumkin.
Eksperimental tekshirishlarda homilaga teratogen ta'siri aniqlanmagan. Emizish vaqtida preparatni qabul qilish tavsiya qilinmaydi, chunki preparatni ko‘krak sutiga o‘tishi to‘g‘risida ma'lumotlar yo‘q.
Transport vositalarini boshqarish qobiliyatiga ta'siri
Preparatni transport vositalarini va boshqa mexanizmlarni boshqarish qobiliyatiga salbiy ta'sirihaqida ma'lumotlar yo‘q.
Preparat bolalar ololmaydigan joyda saqlansin va o‘ramida ko‘rsatilgan yaroqlilik muddati o‘tgach ishlatilmasin!


Dozani oshirib yuborilishi

Dozani oshirib yuborilish simptomlari ta'riflanmagan.


Chiqarilish shakli

Plyonka qobiq bilan qoplangan tabletkalar.
15 tabletkadan PVX/alyumin blisterda.
1 yoki 2 blister qo‘llash bo‘yicha yo‘riqnomasi bilankarton qutida.


Yaroqlilik muddati

3 yil.


Saqlash sharoiti

30oS dan yuqori bo‘lmagan haroratda saqlansin.


Dorixonalardan berish tartibi

Retseptsiz.

Laboratoriya Innotera
22 avenyu Aristid Brian, 94110 Arkey, Fransiya
Innotera Shuzi da ishlab chiqarilgan.
Ryu Rene Shantero, L’Isl Ver, 41150 Shuzi-Syur-Sis, Fransiya