Ulsepan tab. 40mg №14

Tavsif

Preparatning savdo nomi

Ulsepan
Ta'sir etuvchi modda (XPN): pantoprazol

Dori shakli

ichakda eruvchan qobiq bilan qoplangan tabletkalar.

Tarkibi

Ichakda eruvchan qobiq bilan qoplangan har bir tabletka quyidagilarni saqlaydi:
faol modda: 40 mg pantoprazol (pantoprazol seskvigidrati shaklida);
yordamchi moddalar: mannit, kaltsiy karbonati, krospovidon, kopovidon, saxaroza stearati, kaltsiy stearati. qobig‘ini tarkibi: oq Opadri® YS-1-7027 (gipromelloza, titan dioksidi, triatsetin), sariq Akril-IZ® 93O92157 (metakril kislotasi sopolimeri, talk, titan dioksidi, trietiltsitrat, kremniy dioksidi, natriy gidrokarbonati, temir (II) oksidi, natriy laurilsulfati).

Ta'rifi

oval, ikki tomonlama qavariq, sariq rangli ichakda eruvchan qobiq bilan qoplangan tabletkalar.

Farmakoterapevtik guruhi

Peptik yara va gastroezofageal reflyuks kasalligini davolashda qo‘llanadigan vositalar. Proton nasosi ingibitorlari. Pantoprazol.
ATX kodi: A02BC02
Farmakologik hususiyatlari

Farmakodinamikasi

Pantoprazol almashingan benzimidazol bo‘lib, me'dadagi pariyetal hujayralarning proton pompasini o‘ziga xos blokada qilish orqali xlorid kislotasini sekretsiyasini ingibitsiya qiladi.
Pantoprazol pariyetal hujayralarning kislotali muhitida faol shaklga aylanadi, u yerda u N+/K+-ATFaza fermentini ingibitsiya qiladi, ya'ni me'dada xlorid kislotasi ishlab chiqarilishining yakuniy bosqichini bloklaydi.
Ingibitsiya dozaga bog‘liq hisoblanadi va xlorid kislotasini ham bazal, ham rag‘batlantirilgan sekretsiyasiga ta'sir qiladi. Ko‘pchilik patsiyentlarda simptomlari ikki hafta davomida yo‘qoladi. Boshqa proton pompa ingibitorlari va N2-retseptorlarning ingibitorlari kabi, pantoprazol me'dada kislotalikni kamaytiradi va shu orqali kislotalikni pasayishiga proportsional ravishda gastrinning darajasini oshiradi. Gastrin sekretsiyasini oshishi qaytuvchan hisoblanadi. Garchi pantoprazol fermentni hujayra retseptoriga nisbatan distal bog‘lasa-da, u boshqa moddalar (atsetilxolin, gistamin, gastrin) tomonidan rag‘batlantirilishidan qat'iy nazar xlorid kislotasi sekretsiyasini ingibitsiya qilishi mumkin. Preparat peroral qabul qilinganida va vena ichiga yuborilganida uning samarasi bir xil bo‘ladi.
Pantoprazol och qoringa qabul qilinganida gastrinning darajasi oshadi. Qisqa muddat qo‘llanganida gastrinning darajasi ko‘rchilik hollarda normaning yuqori chegarasidan oshmaydi, uzoq muddat qo‘llanganida esa – ko‘pchilik hollarda ikki marta oshadi, biroq uni haddan tashqari oshishi juda kam hollarda yuz beradi. Buning oqibati sifatida, ba'zida uzoq muddat qo‘llanganida me'dada spetsifik endokrin hujayralar (ECL) ni yengil yoki o‘rtacha darajada oshishi (oddiy/adenomatoid giperplaziya) kuzatiladi. Biroq hozirgi vaqtgacha hayvonlarda o‘tkazilgan tadqiqotlarda aniqlangan, neyroendokrin o‘smalari (atipik giperplaziya) yoki me'daning neyroendokrin o‘smalarini o‘tmishdosh hujayralarini hosil bo‘lishi odamlarda aniqlanmagan.
Pantoprazol bilan uzoq muddat (bir yildan ortiq) davolashni qalqonsimon bezning endokrin ko‘rsatkichlariga ta'sirin butunlay istisno qilish mumkin emas.

Farmakokinetikasi

So‘rilishi
Pantoprazol tez so‘riladi va qon plazmasida maksimal kontsentratsiyasiga (Cmax) 40 mg dozasi og‘iz orqali bir marta qabul qilinganidan so‘ng erishiladi. O‘rtacha Cmax
(2,0-3,0 mkg/ml) taxminan 2,5 soatga erishiladi; bu qiymatlar ko‘p marta qabul qilingandan so‘ng doimiy bo‘lib qoladi. Bir marta yoki takroran qabul qilinganidan keyin farmakokinetikasi o‘zgarmaydi. 10-80 mg dozalar diapazonida pantoprazolning qon plazmasidagi farmakokinetikasi peroral qabul qilinganida ham, vena ichiga yuborilganida ham proportsional bo‘lib qoladi. Tabletkalarni mutloq biokiraolishligi taxminan 77% ni tashkil etishi aniqlangan. Ovqat bilan bir vaqtda qabul qilish AUC yoki Cmax ga, va demak biokiraolishligiga ta'sir qilmaydi. Ovqat bilan bir vaqtda qabul qilinganida faqat yashirin davrining o‘zgaruvchanligi oshadi.
Taqsimlanishi
Pantoprazolni plazma oqsillari bilan bog‘lanishi taxminan 98% ni tashkil etadi. Taqsimlanish hajmi – taxminan 0,15 l/kg.
Metabolizmi
Faol modda jigarda deyarli to‘liq metabolizmga uchraydi. Asosiy metabolizm yo‘li SUR2S19 ishtirokida demetillanish va keyinchalik sulfat guruhini kon'yugatsiyasi hisoblanadi; boshqa metabolizm yo‘llariga SUR 3A4 ishtirokida oksidlanish kiradi.
Chiqarilishi
Terminal yarim chiqarilish davri taxminan 1 soatni, klirensi esa – soatiga 0,1 l/kg ni tashkil etadi. Sekinlashgan eliminatsiyaning bir qancha holatlari ta'riflangan. Pantoprazolni pariyetal hujayralarning proton nasosi bilan o‘ziga xos bog‘lanishi sababli, yarim chiqarilish davri ahamiyatli darajada davomli ta'sir davri (xlorid kislotasi sekretsiyasini susayishi) bilan mos kelmaydi.
Pantoprazolning metabolitlarini asosiy qismi siydik bilan (taxminan 80%), qolgan qismi – axlat bilan chiqariladi. Qon plazmasi va siydikdagi asosiy metaboliti sulfat guruhi bilan kon'yugatsiya bo‘lgan desmetilpantoprazol hisoblanadi. Asosiy metabolitini yarim chiqarilish davri taxminan 1,5 soatni tashkil etadi.
Patsiyentlarning alohida guruhi
Yevropalik populyatsiyaning taxminan 3% funktsional CYP 2C19 fermentiga (sekin metabolizatorlar) ega emas. Ushbu patsiyentlarda pantoprazolning metabolizmi, ehtimol, SUR 3A4 fermenti tomonidan katalizga uchraydi. 40 mg pantoprazolning bitta dozasi qabul qilingandan so‘ng “plazmadagi kontsentratsiyasi - vaqt” cheklangan farmakokinetik egriligi ostidagi o‘rtacha maydoni sekin metabolizatorlarda, funktsional CYP 2C19 fermentiga (tez metabolizatorlar) ega bo‘lgan shaxslarga nisbatan taxminan 6 marta yuqori bo‘lgan. Qon plazmasidagi Cmax taxminan 60% ga oshgan. Ushbu ma'lumotlar pantoprazolning dozalash sxemasiga ta'sir qilmaydi.
Buyrak faoliyatini buzilishlari bo‘lgan patsiyentlar
Pantoprazol buyrak faoliyatini buzilishlari bo‘lgan patsiyentlarga (shu jumladan gemodializdagi patsiyentlarga) qo‘llanganida dozasini pasaytirish talab etilmaydi. Sog‘lom patsiyentlarda bo‘lgani kabi, pantoprazolning yarim chiqarilish davri ularda qisqa bo‘ladi. Pantoprazolning juda ham oz miqdorigina dializga uchraydi. Garchi asosiy metabolitining yarim chiqarilish davri o‘rtacha darajada (2-3 soat) oshsa-da, chiqarilishi tez yuz beradi va kumulyatsiyasi kuzatilmaydi.
Jigar faoliyatini buzilishlari bo‘lgan patsiyentlar
Garchi jigar sirrozi (Chayld-Pyu shkalasi bo‘yicha A va V sinflar) bo‘lgan patsiyentlarda preparatning yarim chiqarilish davri 7-9 soatgacha, AUC esa 5-7 marta oshsa-da, qon plazmasidagi Cmax ahamiyatsiz darajada oshadi - sog‘lom ko‘ngillilarga nisbatan 1,5 marta oshadi.
Keksa yoshdagi patsiyentlar
Keksa yoshdagi patsiyentlarda AUC i Smax larni biroz oshishi klinik jihatdan ahamiyatli hisoblanmaydi.

Qo‘llanilishi

Kattalar va 12 yosh va undan oshgan bolalar:
• reflyuks-ezofagit.
Kattalar:
• antibakterial vositalar bilan majmuaviy davolash tarkibida Helicobacter pylori eradikatsiyasi uchun;
• me'da yoki o‘n ikki barmoq ichak yarasida;
• Zollinger-Ellison sindromi va me'da shirasi sekretsiyasini oshishi bilan bog‘liq bo‘lgan boshqa patologik holatlarda qo‘llanadi.

Qo‘llash usuli va dozalari

Tabletkalarni butun holda, chaynamasdan va maydalamasdan, ovqatdan 1 soat oldin, ko‘p bo‘lmagan miqdordagi suv bilan qabul qilish kerak.
Kattalar va 12 yosh va undan oshgan bolalar
Reflyuks-ezofagit
Tavsiya etilgan dozasi sutkada 1 tableta Ulsepanni tashkil etadi. Ayrim hollarda, ayniqsa reflyuks-ezofagitni davolash uchun boshqa preparatlarni qo‘llash natijasida samara kuzatilmaganida, doza ikki marta oshirilishi (sutkada 2 tabletkaga oshirish) mumkin. Reflyuks-ezofagitni davolash uchun, odatda 4 hafta talab etiladi. Agar bu yetarli bo‘lmasa, davolash samarasiga odatda navbatdagi 4 hafta davolash davomida erishiladi.
Kattalar:
Antibakterial vositalar bilan majmuaviy davolash tarkibida Helicobacter pylori eradikatsiyasi uchun
Me'da va o‘n ikki barmoq ichak yarasi bo‘lgan va Helicobacter pylori ni aniqlash natijasi musbat bo‘lgan katta yoshdagi patsiyentlarda majmuaviy davolash yordamida mikroorganizmni eradikatsiyasiga erishish kerak. Mikroorganizmlarning sezgirligiga qarab quyidagi majmualar buyurilishi mumkin:
1) bir dona Ulsepan tabletkasi sutkada 2 marta
+ 1000 mg amoksitsillin sutkada 2 marta
+ 500 mg klaritromitsin sutkada 2 marta;
2) bir dona Ulsepan tabletkasi sutkada 2 marta
+ 400-500 mg metronidazol (yoki 500 mg tinidazol) sutkada 2 marta
+ 250-500 mg klaritromitsin sutkada 2 marta;
3) bir dona Ulsepan tabletkasi sutkada 2 marta
+ 1000 mg amoksitsillin sutkada 2 marta
+ 400-500 mg metronidazol (yoki 500 mg tinidazol) sutkada 2 marta.
Helicobacter pylori eradikatsiyasi uchun majmuaviy davolash qo‘llanganida Ulsepanning ikkinchi tabletkasini kechqurun ovqatdan 1 soat oldin qabul qilish kerak. Davolash davomiyligi odatda 7 kunni tashkil etadi va yana 7 kunga uzaytirilishi mumkin, bunda umumiy davolash davomiyligi 2 haftadan oshmasligi lozim. So‘ngra yarani bitishini ta'minlash uchun keyinchalik pantoprazol bilan me'da va o‘n ikki barmoq ichak yarasini davolash uchun tavsiya etilgan dozalar yordamida davolash ko‘rsatilgan.
Agar majmuaviy davolash mumkin bo‘lmasa (masalan, Helicobacter pylori ni aniqlash natijasi manfiy bo‘lgan patsiyentlar), monoterapiya uchun Ulsepan quyidagi dozalash tartiblarida buyuriladi:
Me'da yarasini davolash
Ulsepan sutkada 1 tabletka buyuriladi. Ayrim hollarda preparatning dozasi, ayniqsa boshqa preparatlar qo‘llanganida samara kuzatilmasa, ikki marta oshirilishi (sutkada 2 tabletkaga oshirish) mumkin. Me'da yarasini davolash uchun odatda 4 hafta talab etiladi. Agar bu yetarli bo‘lmasa, yarani bitishiga odatda navbatdagi 4 hafta davomida davolash orqali erishiladi.
O‘n ikki barmoq ichak yarasini davolash
Ulsepan sutkada 1 tabletka buyuriladi. Ayrim hollarda preparatning dozasi, ayniqsa boshqa preparatlar qo‘llanganida samara kuzatilmasa, ikki marta oshirilishi (sutkada 2 tabletkaga oshirish) mumkin. Duodenal yarani bitishi odatda 2 hafta davomida kuzatiladi. Agar bu yetarli bo‘lmasa, deyarli barcha holatlarda yarani bitishiga navbatdagi 2 hafta davomida davolash orqali erishiladi.
Zollinger-Ellison sindromi va me'da shirasi sekretsiyasini oshishi bilan bog‘liq bo‘lgan boshqa patologik holatlarni davolash
Zollinger-Ellison sindromi va boshqa patologik gipersekretor holatlarni uzoq muddat davolashni 80 mg sutkalik doza (2 tabletka Ulsepan) bilan boshlash kerak. So‘ngra zarurat bo‘lganida preparatning dozasini titrlash mumkin, ya'ni me'da shirasi sekretsiyasining ko‘rsatkichlariga qarab oshirish yoki pasaytirish mumkin. 80 mg dan ortiq sutkalik dozalarini 2 marta qabul qilishga bo‘lish kerak. Dozani vaqtinchalik 160 mg gacha oshirish mumkin, ammo davolash davomiyligi kislota sekretsiyasini adekvat nazorat qilish uchun zarur bo‘ladigan davr bilan cheklanishi kerak. Zollinger-Ellison sindromi va boshqa patologik gipersekretor holatlarni uzoq muddat davolash cheklanmagan va klinik zaruriyatga bog‘liq.
Patsiyentlarning alohida guruhi
Jigar faoliyatini buzilishlari bo‘lgan patsiyentlar
Jigar faoliyatini og‘ir darajadagi buzilishlari bo‘lgan patsiyentlarda pantoprazolning dozasi sutkada 40 mg dan oshmasligi kerak. Pantoprazol bilan ayniqsa uzoq muddat davolanganda jigar fermentlarining faolligini muntazam ravishda nazorat qilish tavsiya etiladi. Jigar fermentlarining faolligi oshganida preparatni bekor qilish tavsiya etiladi.
Buyrak faoliyatini buzilishlari bo‘lgan patsiyentlar
Buyrak faoliyatini buzilishlari bo‘lgan patsiyentlarda dozaga tuzatish kiritish talab etilmaydi. Buyrak faoliyatini buzilishlari bo‘lgan patsiyentlarni Helicobacter pylori eradikatsiyasi uchun preparatni majmuaviy davolash tarkibida qo‘llash mumkin emas, chunki hozirgi vaqtda bunday patsiyentlarni majmuaviy davolash tarkibila pantoprazol preparatining samaradorligi va havfsizligi bo‘yicha ma'lumotlar yo‘q.
Keksa yoshdagi patsiyentlar
Preparatning dozasiga tuzatish kiritish talab etilmaydi.
Nojo‘ya ta'sirlari
Nojo‘ya samaralarning uchrash tezligini ko‘rsatkichlari quyidiga tarzda aniqlanadi: juda tez-tez (≥ 1/10); tez-tez (≥ 1/100, < 1/10); tez-tez emas (≥ 1/1000, < 1/100); kam hollarda (≥ 1/10000, < 1/1000); juda kam hollarda (< 1/10000); uchrash tezligi noma'lum (mavjud bo‘lgan ma'lumotlar asosida baholash mumkin emas).
Qon va limfa tizimlari tomonidan: kam hollarda – agranulotsitoz; juda kam hollarda – trombotsitopeniya, leykopeniya, pantsitopeniya.
Immun tizimi tomonidan: kam hollarda – o‘ta yuqori sezuvchanlik (shu jumladan anafilaktik reaktsiyalar va anafilaktik shok).
Moddalar almashinuvi va ovqatlanish tomonidan: kam hollarda – giperlipidemiya va lipidlar (triglitseridlar, xolesterin) ning darajasini oshishi, tana vaznini o‘zgarishi; uchrash tezligi noma'lum – giponatriyemiya, gipomagniyemiya.
Ruhiyat tomonidan: tez-tez emas – uyquni buzilishi; kam hollarda – depressiya; uchrash tezligi noma'lum – gallyutsinatsiyalar, ongni chalkashishi (ayniqsa moyilligi bo‘lgan patsiyentlarda), shuningdek ushbu simptomlar bo‘lsa, ularni zo‘rayishi.
Nerv tizimi tomonidan: tez-tez emas – bosh og‘rig‘i, bosh aylanishi; kam hollarda – ta'm bilishni buzilishi.
Ko‘rish a'zolari tomonidan: kam hollarda – ko‘rishni buzilishi/ko‘rishni xiralashishi.
Me'da-ichak yo‘llari tomonidan: tez-tez emas – diareya, ko‘ngil aynishi/qusish, meteorizm va qorinni dam bo‘lishi, qabziyat, og‘izni qurishi, qorinda og‘riq va diskomfort.
Jigar va o‘t chiqarish yo‘llari tomonidan: tez-tez emas – jigar fermentlari (transaminazalar, gamma-glutamiltransferaza) ning darajasini oshishi; kam hollarda – bilirubinning darajasini oshishi; uchrash tezligi noma'lum – gepatotsitlarni shikastlanishi, sariqlik, gepatotsellyulyar yetishmovchilik.
Teri va teri osti to‘qimalari tomonidan: tez-tez emas – toshma/ekzantema, qichishish; kam hollarda – eshakemi, angionevrotik shish; uchrash tezligi noma'lum – Stivens-Djonson sindromi, Layell sindromi, ko‘p shaklli eritema, yorug‘likka sezuvchanlik.
Skelet-mushak va biriktiruvchi to‘qimalar tomonidan: tez-tez emas – son suyagi, bilak suyaklari yoki umurtqa pog‘onasini sinishi, kam hollarda – artralgiya, mialgiya.
Buyrak va siydik chiqarishi yo‘llari tomonidan: uchrash tezligi noma'lum – interstitsial nefrit.
Jinsiy a'zolar va sut bezlari tomonidan kuzatiladigan buzilishlar: kam hollarda – ginekomastiya.
Umumiy buzilishlar: tez-tez emas – asteniya, toliqish va lohaslik; kam hollarda – tana haroratini oshishi, periferik shish bo‘lishi mumkin.

Qo‘llash mumkin bo‘lmagan holatlar

Preparatning faol moddasi, benzimidazol hosilalari yoki biror-bir komponentiga yuqori sezuvchanlikda qo‘llash mumkin emas.
Dorilarning o‘zaro ta'siri
Boshqa dori vositalarini so‘rilishiga pantoprazolni ta'siri
Me'da shirasining sekretsiyasini yaqqol va uzoq muddat susaytirishi tufayli, pantoprazol, biokiraolishligi me'daning rN darajasiga bog‘liq bo‘lgan dori vositalar (masalan, ketokonazol, itrakonazol, pozakonazol kabi zamburug‘larga qarshi ayrim azol vositalar, shuningdek erlotinib kabi boshqa preparatlar) ning so‘rilishini pasaytirishi mumkin.
Antiretrovirus vositalar (atazanavir)
Proton pompa ingibitorlarini atazanavir va OITV-infektsiyasini davolash uchun qo‘llanadigan boshqa preparatlar bilan birga qo‘llash, ushbu antiretrovirus vositalarning biokiraolishligini ahamiyatli darajada pasayishiga olib kelishi mumkin va ularning samaradorligiga ta'sir qilishi mumkin. Shuning uchun proton pompa ingibitorlarini atazanavir bilan birga qo‘llash tavsiya etilmaydi.
Kumarin antikoagulyantlari (fenprokumon yoki varfarin)
Kumarin antikoagulyantlari (masalan, fenprokumon va varfarin) ni qabul qilayotgan patsiyentlarda, pantoprazol preparatini qabul qilish boshlanganidan keyin, to‘xtatilganida yoki nomuntazam qabul qilinganida protrombin vaqti/XNN ni monitoring o‘tkazish tavsiya etiladi.
O‘zaro ta'sirning boshqa tadqiqotlari
Pantoprazol jigarda sitoxrom R450 fermentlar tizimi ishtirokida (CYP2C19 ishtirokida demetillanadi, CYP3A4 ishtirokida oksidlanadi) ahamiyatli darajada metabolizmga uchraydi.
Metabolizmi, ko‘rsatilgan fermentlar ishtirokida amalga oshadigan, dori vositalari (masalan, karbamazepin, diazepam, glibenklamid, nifedipin, tarkibida levonorgestrel va etinilestradiol saqlovchi peroral kontratseptivlar) bilan o‘zaro ta'sirini o‘rganish yuzasidan o‘tkazilgan tadqiqotlarda klinik ahamiyatli o‘zaro ta'sirlar aniqlanmagan. Pantoprazol CYP1A2 (kofein, teofillin kabilar), CYP2C9 (piroksikam, diklofenak, naproksen kabilar), CYP2D6 (metoprolol kabilar), CYP2E1 (etanol kabilar) ishtirokida metabolizmga uchraydigan faol moddalarning metabolizmiga ta'sir qilmaydi va digoksinning r-glikoproteinga bog‘liq so‘rilishini o‘zgartirmaydi.
Bir vaqtda buyuriladigan antatsidlar bilan o‘zaro ta'siri aniqlanmagan.
Pantoprazol bilan birga buyuriladigan antibiotiklar (klaritromitsin, metronidazol, amoksitsillin) bilan klinik ahamiyatli o‘zaro ta'siri aniqlanmagan.

Maxsus ko‘rsatmalar

Jigar faoliyatini buzilishi
Jigar faoliyatini og‘ir darajadagi buzilishlari bo‘lgan patsiyentlarda pantoprazol bilan davolanish vaqtida, ayniqsa preparat uzoq muddat davomida qo‘llanganida, jigar fermentlarining darajasini muntazam ravishda nazorat qilish kerak. Jigar fermentlarining darajasi oshganida davolash to‘xtatilishi kerak.
Majmuaviy davolash
Majmuaviy davolash o‘tkazilganida muvofiq dori vositalarining tibbiyotda qo‘llash bo‘yicha yo‘riqnomalarini inobatga olish kerak.
Xavfli simptomlarni paydo bo‘lishi
Xavfli simptomlar (masalan, tana vaznini ahamiyatli darajada pasayishi, vaqti vaqti bilan kuzatiladigan qusishlar, disfagiya, qon aralash qusish, melena) yuzaga kelganida va me'da yarasiga shubha qilinganida yoki bo‘lganida xavfli o‘smani istisno qilish kerak, chunki pantoprazol bilan davolash kasallikning simptomlarni susaytirishi va tashxis qo‘yishni kechiktirishi mumkin. Adekvat davolash o‘tkazilishiga qaramasdan, kasallikning simptomlari saqlanib tursa, qo‘shimcha tekshirish o‘tkazish zaruriyatini ko‘rib chiqish kerak.
Atazanavir bilan birga qo‘llash
Atazanavirni proton pompa ingibitorlari bilan birga buyurish tavsiya etilmaydi.
V12 vitaminini so‘rilishiga ta'siri
Zollinger-Ellison sindromi va uzoq vaqt davomida davolashni talab etuvchi boshqa patologik gipersekretor holatlari bo‘lgan patsiyentlarda, pantoprazol, barcha antisekretor vositalar ham gipo- yoki axlorgidriya tufayli V12 vitamini (tsianokobalamin) ning so‘rilishini pasaytirishi mumkin. Ushbu vitaminning zahirasi kam bo‘lgan patsiyentlarda, uning so‘rilishini pasayishi xavf omillari bo‘lganida, uzoq muddat davolanishda yoki muvofiq klinik simptomlari bo‘lganida yuqoridagini inobatga olish kerak.
Uzoq muddat davolash
Uzoq muddat, ayniqsa bir yildan ortiq davolanganda, patsiyentlar shifokorning doimiy nazorati ostida bo‘lishlari kerak.
Bakterial tabiatli me'da-ichak infektsiyalari
Pantoprazol, barcha proton pompa ingibitorlari kabi, odatda me'da-ichak yo‘llarining yuqori bo‘limlarida mavjud bo‘ladigan bakteriyalarning miqdorini oshirishlari mumkin. Pantoprazol bilan davolanish Salmonella va Campylobacter kabi bakteriyalar tomonidan chaqirilgan me'da-ichak infektsiyalarining rivojlanish havfini biroz oshirishi mumkin.
Gipomagniyemiya
Proton pompa ingibitorlarini kamida uch oy davomida (ko‘pchilik hollarda – bir yil davomida) qabul qilgan patsiyentlarda yaqqol gipomagniyemiyani rivojlanganligi haqida xabar berilgan. Gipomagniyemiyaning, holsizlik, tetaniya, deliriy, tirishishlar, bosh aylanishi va qorinchalar aritmiyasi kabi jiddiy ko‘rinishlari paydo bo‘lishi va sezdirmay rivojlanishi mumkin. Ko‘pchilik patsiyentlarda gipomagniyemiya proton pompa ingibitorini bekor qilish fonida magniy preparatini yuborish orqali bartaraf qilingan. Preparat bilan uzoq muddat davolash talab etilgan patsiyentlarda, yoki proton pompa ingibitorlarini digoksin yoki gipomagniyemiyani chaqirishi mumkin bo‘lgan preparatlar (masalan, diuretiklar) bilan majmuada qabul qilayotgan patsiyentlarda, proton pompa ingibitorlari bilan davolashni boshlashdan oldin va davolanish vaqtida vaqti-vaqti bilan magniyning darajasini aniqlash kerak.
Suyaklarni sinishi
Proton pompa ingibitorlari, ayniqsa yuqori dozalarda va uzoq vaqt (bir yildan ortiq) davomida qo‘llanganida, asosan keksa yoshdagi shaxslarda yoki boshqa havf omillari bo‘lganida son, bilak suyaklari va umurtqa pog‘onasini sinish havfini biroz oshirishi mumkin. Proton pompa ingibitorlari umumiy sinishlar havfini 10-40% ga oshirishi mumkin. Osteoporozni rivojlanish havfi bo‘lgan patsiyentlar amaldagi klinik tavsiyalarga muvofiq ravishda tibbiy yordam olishlari va D vitamini va kaltsiyni yetarli miqdorda iste'mol qilishlari kerak.
Homiladorlik va laktatsiya davrida qo‘llanishi
Homilador ayollarda pantoprazolni qo‘llash tajribasi cheklangan. Hayvonlarda o‘tkazilgan tadqiqotlar vaqtida reproduktiv toksiklik aniqlangan. Odam uchun potentsial havfi noma'lum. Homiladorlik vaqtida, juda zarur bo‘lgan holatlardan tashqari, pantoprazol preparatini qo‘llash mumkin emas.
Pantoprazolni ko‘krak suti bilan ajralib chiqishi yuzasidan ma'lumotlar bor. Shuning uchun emizishni davom ettirish/to‘xtatish yoki pantoprazol bilan davolashni davom ettirish/to‘xtatish masalasini, bola uchun emizishdan kutiladigan foyda va ayol uchun Ulsepan preparati bilan davolashdan kutiladigan foydani inobatga olgan holda, hal qilish kerak.
Pediatriyada qo‘llanishi
12 yoshgacha bo‘lgan bolalarda preparatni qo‘llash havfsizligi va samaradorligi bo‘yicha ma'lumotlar cheklangan, shuning uchun Ulsepan preparatini ushbu yoshdagi patsiyentlar guruhida qo‘llash tavsiya etilmaydi.
Avtotransportni haydash va mexanizmlarni boshqarish qobiliyatiga ta'siri
Bosh aylanishi yoki ko‘rishni buzilishi kabi nojo‘ya reaktsiyalar rivojlanishi mumkinligini e'tiborga olish kerak. Bunday holatlarda transport vositalarini boshqarish yoki biror-bir mexanizmlar bilan ishlash mumkin emas.
Preparat bolalar ololmaydigan joyda saqlansin va yarqlilik muddati tugaganidan so‘ng ishlatilmasin.

Dozani oshirib yuborilishi

Dozani oshirib yuborilish simptomlari ma'lum emas.
Intoksikatsiya belgilari bilan kechuvchi dozasi oshirib yuborilganida simptomatik va tutib turuvchi davolash o‘tkaziladi. Pantoprazol gemodializda organizmda chiqarilmaydi.

Chiqarilish shakli

Ichakda eruvchan qobiq bilan qoplangan tabletkalar. 7 tabletka blisterda. 2 yoki 4 blister qo‘llash bo‘yicha yo‘riqnomasi bilan birga karton qutiga joylangan.
Saqlash shiroiti
25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Uorld Meditsin Ilach San. ve Tidj. A.Sh.», Turkiya
(Bagdjilar Ilchesi, Gyuneshli, Evren Maxallesi,
Djami Yolu Djad. №50 K. 1V Zemin 4-5-6, Istambul)
"World Medicine İlaç San. ve Tic. A.Ş.", Turkey
(Bağcılar İlçesi, Güneşli, Evren Mahallesi,
Cami Yolu Cad. No:50 K. 1B Zemin 4-5-6, İstanbul).