Samprost eritma tayyorlash uchun liofilizat 5mg №10

Tavsif

Preparatning savdo nomi

Samprost
Ta'sir etuvchi modda (XPN): prostata ekstrakti

Dori shakli

mushak ichiga yuborish uchun eritma tayyorlash uchun liofilizat

Tarkibi

faol modda: jinsiy yetuklikka erishgan, buqa va buzoq prostata bezi polipeptidlari (prostatasi) – 5 mg$ yordamchi moddalar: glitsin – 10 mg/

Ta'rifi

oq yoki sarg‘ish tusli oq rangli, tabletkalar, qumoqlar yoki kukun ko‘rinishida liofilizatsiya qilingan massa.

Farmakoterapevtik guruhi

surunkali prostatitni davolash uchun vosita
ATX kodi: G04BX

Farmakologik xususiyatlari

Shishni, leykotsitar infiltratsiyani va prostata bezi venalari trombozini kichrayishiga olib keladi, epitelial xujayralar sekretor faoliyatini normallashtiradi, atsinus sekretida letsitin donachalarini miqdorini oshiradi, qovuqning mushak tonusini rag‘batlantiradi.
Tromb hosil bo‘lishini kamaytiradi, antiagregant faollikka ega.

Farmakokinetikasi

Ma'lumotlar yo‘q.

Qo‘llanilishi

Samprostni kattalarda surunkali prostatitni va prostata bezidagi operatsiyadan keyingi asoratlarni davolash uchun qo‘llanadi.

Qo‘llash usuli va dozalari

Preparatni mushak ichiga 5-10 mg dan sutkada bir marta 5-10 kun davomida yuboriladi.
Preparatni yuborishdan oldin 1 ml 0,25-0,5% li prokain, 0,9% li natriy xlorid eritmasida yoki in'ektsiya uchun suvda eritiladi. Zarurat bo‘lganida qayta davolash kursi o‘tkaziladi (1-6 oydan keyin).
Nojo‘ya ta'sirlari
Allergik reaktsiyalar kuzatilishi mumkin.
Qo‘llash mumkin bo‘lmagan xolatlar
Preparatga yuqori sezuvchanlikda qo‘llanmaydi.
Dorilarning o‘zaro ta'siri
Prostata ekstrakti birga qo‘llanganda nosteroid yallig‘lanishga qarshi vositalarni toksikligini oshiradi. Prostata ekstrakti birga qo‘llanganda peroral antikoagulyantlarni faolligini oshiradi.

Maxsus ko‘rsatmalar

Transport vositalarini, mexanizmlarni boshqarish qobiliyatiga dori preparatini ta'sirini mumkinligi haqida ma'lumot
Transport vositalarini, mexanizmlarni boshqarish qobiliyatiga biron-bir salbiy ta'siri kuzatilmagan.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Chiqarilish shakli

Mushak ichiga yuborish uchun eritma tayyorlash uchun liofilizat, 5 mg.
5 mg dan ta'sir etuvchi modda alyumin qalpoqcha bilan o‘ralgan tibbiy rezina tiqin bilan berkitilgan 5 ml hajmli shisha flakonlarda.
10 flakondan PVX plyonkali ilovasi va qo‘llash bo‘yicha yo‘riqnomasi bilan karton qutida.

Saqlash sharoiti

Yorug‘likdan himoyalangan joyda, 20°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Retsept bo‘yicha.

Ishlab chiqaruvchi

«Samson-Med» MChJ, Rossiya, 196158, Sankt-Peterburg, Moskovskoye shosse, 13
Tel.: (812) 326-36-44, faks (812) 702-45-91