Vezikar tab 5 mg №30

Tavsif

Preparatning savdo nomi

Vezikar®
Ta'sir qiluvchi modda (XPN): solifenatsin

Dori shakli

qobiq bilan qoplangan tabletkalar

Tarkibi

5 mg li bir tabletka saqlaydi:
Yadro – faol modda - 5 mg solifenatsin suktsinati, yordamchi moddalar – 107,5 mg laktoza monogidrati, 30,0 mg makkajo‘xori kraxmali, 6,0 mg gipromelloza 3 mPa·s, 1,5 mg magniy stearati, plyonka qobiqning tarkibi: 4,0 mg opadray sariq 03F12967 (61,83% gipromelloza 6 mPa·s, 18,54% talk, 11,60% makrogol 8000, 7,88% titan dioksidi, 0,15% temir (II) oksidi).
10 mg li bir tabletka saqlaydi:
Yadro – faol modda - 10 mg solifenatsin suktsinati, yordamchi moddalar – 102,5 mg laktoza monogidrati, 30,0 mg makkajo‘xori kraxmali, 6,0 mg gipromelloza 3 mPa·s, 1,5 mg magniy stearati, plyonka qobiqning tarkibi: 4,0 mg opadray pushti 03F14895 (62,00% gipromelloza 6 mPa·s, 18,59% talk, 11,63% makrogol 8000, 7,75% titan dioksidi, 0,03% temir (III) oksidi).

Ta'rifi

Tabletka 5 mg – dumaloq, ikkiyoqlama qabariq, bir tomonida “150” markirovkasi va kompaniyaning logotipi bo‘lgan, och sariq rangli qobiq bilan qoplangan tabletkalar.
Tabletka 10 mg – dumaloq, ikkiyoqlama qabariq, bir tomonida “151” markirovkasi va kompaniyaning logotipi bo‘lgan, och pushti rangli qobiq bilan qoplangan tabletkalar.

Farmakoterapevtik guruhi

spazmolitik vosita
ATX kodi: G04BD08

Farmakologik xususiyatlari

Solifenatsin muskarin retseptorlarining, asosan M3-kichik turining spetsifik raqobatli ingibitoridir. Shuningdek solifenatsinning turli boshqa retseptorlarga va ion kanallariga kam yaqinlikka egaligi yoki yaqinlikni umuman yo‘qligi aniqlangan.
Giperreaktiv qovuq sindromida Vezikar preparatining 5 mg va 10 mg dozalardagi samaradorligi, davolashning birinchi haftasidayoq kuzatiladi va davolashning keyingi 12 haftasi davomida barqarorlashadi. Vezikarning maksimal samarasi 4 haftadan keyin aniqlanishi mumkin. Samaradorligi uzoq vaqt (hech bo‘lmaganda – 12 oy) qo‘llanganida saqlanib turadi.

Farmakokinetikasi

Umumiy xarakteristikasi
So‘rilishi: Plazmadagi maksimal kontsentratsiyasi (Smax) ga 3-8 soatdan keyin erishiladi. Maksimal kontsentratsiyasiga erishish vaqti (tmax) dozaga bog‘liq emas. Smax va kontsentratsiyani vaqtga bog‘liq «kontsentratsiya-vaqt» egri chizig‘i ostidagi maydoni (EChOM) dozani 5 dan 40 mg gacha oshishiga proportsional ravishda oshadi. Mutloq biokiraolishligi - 90%. Ovqat qabul qilish solifenatsinning Smax va EChOM ga ta'sir qilmaydi.
Taqsimlanishi: Solifenatsinning taqsimlanish hajmi vena ichiga yuborilganidan keyin taxmian 600 l ni tashkil qiladi. Solifenatsin plazma proteinlari, asosan α1-nordon glikoprotein bilan sezilarli darajada (taxminan 98%) bog‘langan.
Metabolizmi: Solifenatsin jigarda, asosan sitoxrom R450 3A4 (CYP3A4) yordamida faol metabolizmga uchraydi. Biroq muqobil metabolik yo‘llari mavjud bo‘lib, ularning yordamida solifenatsinning metabolizmi amalga oshishi mumkin. Solifenatsinning tizimli klirensi taxminan 9,5 l/soat ni tashkil qiladi, yakuniy yarim chiqarilishi davri esa 45-68 soatlarga teng. Preparat ichga qabul qilinganidan keyin plazmada solifenatsindan tashqari quyidagi metabolitlar: bitta farmakologik jihatdan faol (4R-gidroksisolifenatsin) va uchta nofaol (solifenatsin N-glyukuronidi, N-oksidi va 4R-gidroksi-N-oksidi) metabolitlari aniqlangan.
Chiqarilishi: 14S-bilan nishonlangan 10 mg solifenatsin bir marta yuborilganidan keyin 26 kun o‘tgach, taxminan 70% radioaktivlik siydikda va 23% ahlatda aniqlangan. Siydikda taxminan 11% radioaktivlik o‘zgarmagan faol modda ko‘rinishida, taxminan 18% N-oksidli metaboliti ko‘rinishida, taxminan 9% 4R-gidroksi-N-oksid metaboliti va 8% 4R-gidroksi metaboliti (faol metabolit) ko‘rinishida aniqlangan.
Solifenatsinning farmakokinetikasi dozalarning terapevtik diapozonida to‘g‘ri chiziqli xarakterga ega bo‘ladi.
Alohida guruh patsiyentlardagi farmakokinetikasining o‘ziga xos xususiyatlari
Yosh: Bemorlarning yoshiga qarab, dozani to‘g‘rilashning zarurati yo‘q. Tadqiqotlar solifenatsinning (5 va 10 mg) EChOM ko‘rinishida ifodalangan ekspozitsiyasi, sog‘lom keksa (65 yoshdan 80 yoshgacha) shaxslarda va sog‘lom yosh (55 yoshdan kichik) shaxslarda bir xil ekanligini ko‘rsatadi. Keksa odamlarda tmax ko‘rinishida ifodalangan so‘rilishning o‘rtacha tezligi biroz pastroq, yakuniy yarim chiqarilish davri esa taxminan 20% ga uzoqroq bo‘lgan. Bu ahamiyatsiz farqlar klinik ahamiyatli emas.
Solifenatsinning farmakokinetikasi bolalar va o‘smirlarda aniqlanmagan.
Jins: Solifenatsinning farmakokinetikasi patsiyentning jinsiga bog‘liq emas.
Irq: Irqqa mansublik solifenatsinning farmakokinetikasiga ta'sir qilmaydi.
Buyrak yetishmovchiligi: Yengil va o‘rtacha buyrak yetishmovchiligi bo‘lgan patsiyentlarda solifenatsinning EChOM va Smax ko‘rsatkichlari sog‘lom ko‘ngillilardagi muvofiq ko‘rsatkichlardan biroz farq qiladi. Og‘ir buyrak yetishmovchiligi (kreatinin klirensi minutiga ≤30 ml) bo‘lgan patsiyentlarda solifenatsinning ekspozitsiyasi sezilarli yuqoriroq - Smax ni oshishi taxminan 30% ni, EChOM ko‘rsatkichi esa – 100% dan ortiqni va t1/2 – 60% dan ortiqni tashkil qiladi. Kreatinin klirensi va solifenatsin klirensi orasida statistik ahamiyatli o‘zaro bog‘liqlik aniqlangan. Gemodializga jalb qilingan patsiyentlarda farmakokinetikasi o‘rganilmagan.
Jigar yetishmovchiligi: O‘rtacha jigar yetishmovchiligi (Shild-Pugh ko‘rsatkichi 7 dan 9 gacha) bo‘lgan patsiyentlarda Cmax kattaligi o‘zgarmaydi, EChOM 60% ga oshadi, t1/2 ikki barobar oshadi. Og‘ir jigar yetishmovchiligi bo‘lgan patsiyentlarda farmakokinetikasi aniqlanmagan.

Qo‘llanilishi

Qovuqning giperreaktivlik sindromi bo‘lgan patsiyentlar uchun xarakterli siydikni urgent (imperativ) tutib turaolmaslik, tez-tez siyish va siyishga urgent (imperativ) qistovlarni davolash.

Qo‘llash usuli va dozalari

Kattalar (≥ 18 yoshdan katta), shu jumladan keksalar
5 mg dan kuniga bir marta, ovqat qabul qilish vaqtidan qat'iy nazar ichga, suyuqlik bilan ichiladi. Zarurati bo‘lganida doza kuniga bir marta 10 mg gacha oshirilishi mumkin.
Nojo‘ya ta'sirlari
Vezikar solifenatsinning antixolinergik ta'siri bilan bog‘liq bo‘lgan, ko‘pincha kuchsiz yoki o‘rtacha ifodalangan nojo‘ya samaralarni chaqirishi mumkin. Bu noxush samaralarning tez-tezligi dozaga bog‘liq. Vezikarning eng ko‘p aniqlanadigan nojo‘ya samarasi – og‘izni qurishi. U kuniga 5 mg doza olgan 11% patsiyentda, kuniga 10 mg doza qabul qilgan 22% patsiyentda va platsebo olgan 4% patsiyentda kuzatilgan. Og‘iz qurishini yaqqolligi odatda kuchsiz bo‘lib, kam hollardagina davolashni to‘xtatishga olib kelgan. Umuman olganda davolashga moyillik juda yuqori bo‘lgan.
Quyidagi jadvalda Vezikarning klinik tadqiqotlarida qayd qilingan qolgan nojo‘ya samaralari keltiriladi:
Tez-tez
(>1/100, <1/10) Tez-tez emas
(>1/1000, <1/100) Kam
(>1/10000, <1/1000) Juda kam
(< 1/10000) va keltirilgan ma'lumotlar bo‘yicha baholashni mumkin emas
Me'da-ichak yo‘llari tomonidan buzilishlar qabziyat, ko‘ngil aynishi, dispepsiya, qorin og‘rig‘i gastroezofagal reflyuks kasalligi, tomoqning quruqligi yo‘g‘on ichakni tutilishi, koprostaz qusish*, ishtahani pasayishi
Infektsiyalar va invaziyalar siydik chiqarish yo‘llarining infektsiyalari
Nerv tizimi tomonidan buzilishilar uyquchanlik, disgevziya (ta'mni buzilishi) bosh aylanishi* bosh og‘rig‘i*
Ko‘rish a'zolari tomonidan buzilishlar ko‘rishning noaniqligi (akkomodatsiyani buzilishi) ko‘zlarning quruqligi
Umumiy holatni buzilishi charchoqlik, qo‘l-oyoqlarni shishi
Nafas, ko‘krak qafasi va ko‘ks a'zolari tomonidan buzilishlar burun bo‘shlig‘ini quruqligi
Teri va teri osti kletchatkasi tomonidan buzilishlar terini quruqligi ko‘p shaklli eritema*
Buyrak va siydik chiqarish yo‘llari tomonidan buzilishlar siyishni qiyinlashishi siydikni o‘tkir tutilishi
Ruhiy buzilishlar
* - preparat qayd qilinganidan keyin kuzatilgan.
Solifenatsinni turli mamlakatlarda ro‘yhatga olingandan keyin ishlatilganida, QT intervalini uzayishi va «piruet» turidagi taxikardiya to‘g‘risida xabar berilgan. Shuningdek jigar fermentlari (ALT, AST, γ-glutamiltransferaza) darajasini oshishi bilan xarakterlanuvchi jigar faoliyatini buzilishlari, giperkaliyemiya holatlari to‘g‘risida xabar berilgan. Bu ma'lumotlar preparat ro‘yhatga olingandan keyingi davrda spontan xabarlar usulida olinganligi uchun, ularning tez-tezligi va sabab-oqibat bog‘liqligini aniqlash qiyinchilik tug‘diradi.
Klinik tadqiqotlar vaqtida allergik reaktsiyalar aniqlanmagan. Biroq allergik reaktsiyalarni yuz berishi mumkinligini inkor etish mumkin emas. Solifenatsin bilan davolangan ayrim patsiyentlarda, preparat ro‘yhatga olingandan keyin anafilaktik reaktsiya aniqlangan. Anafilaktik reaktsiyalar rivojlanganda solifenatsin bilan davolash to‘xtatilishi va tegishli davolash o‘tkazilishi lozim.

Qo‘llash mumkin bo‘lmagan holatlar

- siyishni tutilishi
- og‘ir me'da-ichak kasalliklari (shu jumladan toksik megakolon)
- miasteniya gravis
- yopiq burchakli glaukoma
- preparatning komponentlariga yuqori sezuvchanlik
- gemodializani o‘tkazilishi
- og‘ir jigar yetishmovchiligi
- og‘ir buyrak yetishmovchiligi yoki CYP3A4 ning kuchli ingibitorlari, masalan ketokonazol bilan bir vaqtda davolashdagi o‘rtacha jigar yetishmovchiligi,
- bolalar (samaradorlik va xavfsizlik bo‘yicha ma'lumotlar yo‘q)
Galaktozani o‘zlashtirishni kam uchraydigan nasliy buzilishlari, laktaza yetishmovchiligi, glyukoza-galaktozani kam so‘rilishi bo‘lgan patsiyentlar preparatni qabul qilmasliklari kerak.
Ehtiyotkorlik bilan
Vezikarni quyidagi patsiyentlarga ehtiyotkorlik bilan buyurish kerak:
- siydik tutilishini rivojlanish xavfiga olib boruvchi qovuqning chiqish teshigini klinik ahamiyatli obstruktsiyasi.
- me'da-ichakning obstruktiv kasalliklari (shu jumladan me'dada ovqat dimlanib qolgan) bo‘lgan patsiyentlar.
- me'da-ichak yo‘llarining motorikasini pasayish xavfi bo‘lgan patsiyentlar.
- og‘ir buyrak (kreatinin klirensi minutiga ≤30 ml) va o‘rtacha jigar yetishmovchiligi (Shild-Pugh ko‘rsatkichi 7 dan 9 gacha) bo‘lgan patsiyentlar; bunday patsiyentlar uchun doza 5 mg dan oshmasligi kerak.
- CYP3A4 ning kuchli ingibitori, masalan, ketokonazolni bir vaqtda qabul qilayotgan patsiyentlar.
- diafragmaning qizilo‘ngach teshigini churrasi, gastroezofagal reflyuksi bo‘lgan va ezofagitni chaqiruvchi yoki kuchaytiruvchi dori preparatlarini (masalan, bisfosfonatlar) bir vaqtda qabul qilayotgan patsiyentlar.
- avtonom neyropatiyasi bo‘lgan patsiyentlar.
- QT intervalini uzayish sindromi va gipokaliyemiya kabi xavf omillari bo‘lgan patsiyentlarda, QT intervalini uzayishi va «piruet» turidagi taxikardiya kuzatilgan.
Dorilarning o‘zaro ta'siri
Farmakologik o‘zaro ta'siri
Antixolinergik xususiyatlarga ega dori vositalari bilan yo‘ldosh davolash yanada yaqqol terapevtik va nohush samaralarga olib kelishi mumkin. Solifenatsinni qabul qilish to‘xtatilganidan keyin, boshqa antixolinergik preparat bilan davolashni boshlashdan oldin taxminan bir haftalik tanaffus qilish lozim. Terapevtik samarasi xolinergik retseptorlarning agonistlari bir vaqtda qabul qilinganida pasayishi mumkin.
Solifenatsin me'da-ichak yo‘llarining motorikasini rag‘batlantiruvchi dori preparatlar, masalan - metoklopramid va sizapridning samarasini pasaytirishi mumkin.
Farmakokinetik o‘zaro ta'siri
In vitro tadqiqotlar, solifenatsin terapevtik kontsentratsiyalarda odam jigari mikrosomalaridan ajratib olingan CYP1A 1/2, 2C9, 2C19, 2D6 yoki 3A4 ni ingibirlamasligini ko‘rsatadi. Shuning uchun solifenatsin bu CYP-fermentlar tomonidan metabolizmga uchraydigan dorilarning klirensini o‘zgartirish ehtimoli kam.
Solifenatsinning farmakokinetikasiga boshqa dori vositalarning ta'siri
Solifenatsin CYP3A4 izofermenti tomonidan metabolizimga uchraydi. CYP3A4 ning kuchli ingibitori ketokonazolni (kuniga 200 mg) bir vaqtda yuborish, solifenatsinning vaqtga bog‘liq kontsentratsiyasining EChOM ko‘rsatkichini ikki marta oshishini, kuniga 400 mg dozada esa – uch marta oshishini chaqirgan. Shuning uchun, agarda bemor bir vaqtda ketokonazol yoki CYP3A4 ning (ritonavir, nelfinavir, itrakonazol kabi) kuchli ingibitorlarining terapevtik dozalarini qabul qilayotgan bo‘lsa, Vezikarning maksimal dozasi 5 mg dan oshmasligi kerak. Og‘ir buyrak yetishmovchiligi yoki o‘rtacha jigar yetishmovchiligi bo‘lgan patsiyentlar solifenatsin va CYP3A4 ning kuchli ingibitorlari bilan bir vaqtda davolanishlari mumkin emas. Solifenatsinning CYP3A4 izofermenti tomonidan metabolizimga uchrashi tufayli, CYP3A4 ga yuqori yaqinlikka ega boshqa substratlar (verapamil, diltiazem) va CYP3A4 izofermentining induktorlari (rifampitsin, fenitoin, karbamazepin) bilan farmakokinetik o‘zaro ta'siri bo‘lishi mumkin.
Boshqa dori vositalarning farmakokinetikasiga solifenatsinning ta'siri
Peroral kontratseptivlar: Solifenatsin va majmuaviy peroral kontratseptivlarning (etinilestradiol / levonorgestrel) farmakokinetik o‘zaro ta'siri aniqlanmagan.
Varfarin: Vezikarni qabul qilish R-varfarin yoki S-varfarinning farmakokinetikasini yoki ularning protrombin vaqtiga ta'sirini o‘zgarishlarini chaqirmagan.
Digoksin: Vezikarni qabul qilish digoksinning farmakokinetikasiga ta'sir ko‘rsatmagan.

Maxsus ko‘rsatmalar

Vezikar bilan davolashni boshlashdan oldin siyishni buzilishini boshqa sabablari yo‘qligini (yurak yetishmovchiligi yoki buyrak kasalliklari) aniqlash kerak. Agarda siydik yo‘llarining infektsiyasi aniqlansa, tegishli mikroblarga qarshi davolashni boshlash kerak.
Homiladorlik va laktatsiya davrida qo‘llanishi
Solifenatsinni qabul qilish vaqtida homilador bo‘lgan ayollar to‘g‘risida klinik ma'lumotlar yo‘q. Hayvonlarda o‘tkazilgan tadqiqotlar fertillikka, embrion/homilani rivojlanishiga yoki tug‘ruqqa bevosita noxush ta'sirini aniqlamagan. Ushbu preparatni homilador ayollarga buyurishda ehtiyotkorlikka rioya qilish kerak.
Odamlarda solifenatsinni sut bilan chiqarilishi to‘g‘risida ma'lumotlar yo‘q. Emizish davrida Vezikarni qo‘llash tavsiya qilinmaydi.
Avtomobilni haydash va mexanizmlarni boshqarish qobiliyatiga ta'siri
Solifenatsin boshqa m-xolinoblokatorlar kabi, ko‘rishni noaniqligini, shuningdek (kam hollarda) uyquchanlik va chorchoqlik hissini chaqirishi mumkin, bu avtomobilni boshqarish va mexanizmlar bilan ishlash qobiliyatiga salbiy ta'sir qilishi mumkin. Transport vositalarini boshqarishda va diqqatni yuqori jamlanishi xamda psixomotor reaktsiyalar tezligini talab etuvchi boshqa potentsial xavfli faoliyat turlari bilan shug‘ullanishda ehtiyotkorlik choralariga amal qilish lozim.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Solifenatsinning dozasini oshirib yuborilishi m-xolinoretseptorlarni blokadasi oqibatidagi og‘ir buzilishlar bilan kechishi mumkin va tegishli davolashni talab etadi. Solifenatsinni 280 mg dozada 5 soatlik vaqt oralig‘ida xato qabul qilish oqibatidagi bir holat ta'riflangan bo‘lib, buning natijasida patsiyentda gospitalizatsiyaga olib kelmagan ruhiy holatni o‘zgarishi rivojlangan.
Ko‘ngillilar tomonidan ishlatilgan solifenatsinning eng yuqori dozasi, bir maratalik doza ko‘rinishida 100 mg ni tashkil qiladi. Bu dozada eng ko‘p quyidagi nojo‘ya samaralari aniqlangan: bosh og‘rig‘i (engil), og‘izni qurishi (o‘rtacha), bosh aylanishi (o‘rtacha), uyquchanlik (engil) va ko‘rishni noaniqligi (o‘rtacha). Dozani o‘tkir oshirib yuborilishi to‘g‘risida xabar berilmagan. Doza oshirib yuborilgan hollarda faollashtirilgan ko‘mirni buyurish, me'dani yuvishni o‘tkazish, lekin qusishni chaqirmaslik kerak. Boshqa antixolinergik vositalarning dozasi oshirib yuborilganida bo‘lgani kabi, simptomlarni quyidagicha davolash kerak:
- markaziy ta'sirga ega og‘ir antixolinergik samaralarda (gallyutsinatsiyalar, yaqqol qo‘zg‘aluvchanlik) - fizostigmin yoki karbaxol.
- tirishishlarda yoki yaqqol qo‘zg‘aluvchanlikda – benzodiazepinlar.
- respirator yetishmovchilikda – sun'iy nafas.
- taxikardiyada - beta-blokatorlar.
- siyishni tutilishida - kateterizatsiya.
- midriazda - ko‘zga pilokarpin tomizish va/yoki bemorni qorong‘i xonaga kiritish kerak.
Boshqa antixolinergik vositalarning dozasi oshirib yuborilganida bo‘lgani kabi, alohida e'tibor QT-intervalini uzayish xavfi aniqlangan patsiyentlarga (ya'ni gipokaliyemiyada, bradikardiyada va QT-intervalini uzayishini chaqiruvchi preparatlar bir vaqtda qabul qilinganida) va yurak kasalliklari (miokard ishemiyasi, aritmiyalar, dimlangan yurak yetishmovchiligi) bo‘lgan patsiyentlarga qaratilishi kerak.

Chiqarilish shakli

5 va 10 mg li poyonka qobiq bilan qoplangan tabletkalar. 10 tabletkadan blisterda, 1 yoki 3 blisterdan qo‘llash bo‘yicha yo‘riqnomasi bilan karton qutida.

Saqlash sharoiti

25oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Shifokor retsepti bo‘yicha.

Ishlab chiqaruvchi

Astellas Farma Yurop B.V., Niderlandiya
Yelizabetxof 19, Layderdorp
Qadoqlangan
Astellas Farma Yurop B.V., Niderlandiya
Sifati bo‘yicha e'tirozlarni Moskvadagi vakolatxona qabul qiladi
Moskva vakolatxonasi:
109147 Moskva, Marksistskaya ko‘ch. 16 «Mosalarko Plaza-1» biznes-tsentr, 3 etaj.
Telefon: (495) 737-07-55; 737-07-56
Faks: (495) 737-07-57