Preparatning savdo nomi
Pentalgin®-N

Dori shakli
tabletkalar

Tarkibi

Bir tabletka quyidagilarni saqlaydi
faol moddalar metamizol natriy monogidrati – 300 mg, naproksen – 100 mg, kofein –
50 mg, kodeinga qayta hisoblaganda kodein monogidrati yoki kodein fosfati gemigidrati - 8 mg, fenobarbital – 10 mg;
yordamchi moddalar kartoshka kraxmali – 242 mg, povidon (tibbiy quyimolekulyar polivinilpirrolidon, povidon K-17) - 9 mg, natriy sitrati– 4 mg, magniy stearati –
7 mg.
Ta'rifi oq yoki sarg‘ish yoki och-sariq tusli oq rangli, yassitsilindrik tabletkalar.Tabletkaning bir tomoniga siqish usuli bilan preparatning qisqartirilgan «PENT-N» nomi tushirilgan.

Farmakoterapevtik guruhi
og‘riq qoldiruvchi vosita (og‘riqni qoldiruvchi opioid vosita + nosteroid yallig‘lanishga qarshi vosita + psixostimulyatsiyalovchi vosita + barbiturat)
ATX kodi N02BB72.


Farmakologik xususiyatlari

Og‘riqni qoldiruvchi, yallig‘lanishga qarshi va isitmani tushiruvchi majmuaviy preparat.
Naproksen va metamizol natriy – og‘riqni qoldiruvchi va yallig‘lanishga qarshi samaralarga ega.
Kodein markaziy nerv tizimining turli bo‘limlaridagi opiat retseptorlarni rag‘batlantiradi, bu antinotsitseptiv tizimini faollashishiga va og‘riqni emotsional baholanishini o‘zgarishiga olib keladi.
Fenobarbital va kodein metamizol natriy va naproksenning og‘riqni qoldiruvchi samarasini oshiradi.
Kofein skelet mushaklari, bosh miya, yurak, buyraklarning qon tomirlarini kengayishini chaqiradi; aqliy va jismoniy ish qobiliyatini oshiradi, charchoqlik va uyquchanlikni bartaraf etishga yordam beradi; nonarkotik analgetiklarning gistogematik to‘siqlardan o‘tishini va biokiraolishligini oshiradi, shu bilan ularning terapevtik samarasini kuchayishiga yordam beradi.

Farmakokinetikasi

Preparatning komponentlari me'da-ichak yo‘llaridan yaxshi so‘riladi.
Metamizol natriy ichak devorida faol metaboliti 4-metil-amino-antipirin hosil bo‘lishi bilan gidrolizga uchraydi, u o‘z navbatida 4-formil-amino-antipirin va boshqa metabolitlariga metabolizmga uchraydi. Faol metabolitining oqsillar bilan bog‘lanish darajasi 50-60% ni tashkil qiladi. Metabolitlarini chiqarilishi buyraklar orqali yuz beradi. Bundan tashqari metabolitlari ko‘krak suti bilan chiqariladi.
Naproksen Biokiraolishligi 95% ni tashkil qiladi. Qon oqsillari bilan bog‘lanadi. Yarim chiqarilish davri – 12-15 soat. Siydik bilan asosan metabolitlari (dimetilnaproksen) ko‘rinishida, katta bo‘lmagan miqdorlarda – safro bilan chiqariladi.
Kofein ichakda yaxshi so‘riladi, yarim chiqarilish davri – 5 soat (ba'zida – 10 soatgacha). Asosan buyraklar orqali metabolitlari ko‘rinishida, taxminan 10% o‘zgarmagan holda chiqariladi.
Kodein plazma oqsillari bilan ahamiyatsiz darajada bog‘lanadi. Jigarda biotransformatsiyaga uchraydi (demetilizatsiya yo‘li bilan 10% morfinga o‘tadi). Buyraklar orqali chiqariladi (5-15% - o‘zgarmagan holda).
Fenobarbital biokiraolishligi 80% ni tashkil qiladi. Plazma oqsillari bilan 50% ga bog‘lanadi, yo‘ldosh orqali yaxshi o‘tadi. Jigarda biotransformatsiyaga uchraydi. Asosiy metaboliti farmakologik faollikka ega emas. Buyraklar orqali, shu jumladan 20-25% - o‘zgarmagan xolda chiqariladi.


Qo‘llanilishi

Turli genezli kuchsiz va o‘rtacha ifodalangan og‘riq sindormida (shu jumladan bo‘g‘imlar, mushaklardagi og‘riqlarda, radikulitda, hayz ko‘rish og‘riqlarida, nevralgiyalarda, shuningdek bosh og‘rig‘i, migren, tish og‘riqlarida) qo‘llanadi. Isitma holatlari, og‘riq sindromi va yallig‘lanish ko‘rinishlari bilan birga kechuvchi shamollash va boshqa kasalliklarda qo‘llanishi mumkin.


Qo‘llash usuli va dozalari

Preparat odatda 1 tabletkadan kuniga 1-3 marta qabul qilinadi. Maksimal sutkalik doza – 4 tabletka. Preparatni shifokorning buyurishi va kuzatuvisiz, og‘riqni qoldiruvchi vosita sifatida 5 kundan ortiq va isitmani tushiruvchi vosita sifatida 3 kundan ortiq qabul qilish mumkin emas.

Nojo‘ya ta'sirlari
Dispepsik buzilishlar (ko‘ngil aynishi, qusish, qabziyat), teri allergik reaktsiyalari (toshma, qichishish, eshakemi), epigastriyda og‘riqlar, bosh aylanishi, uyquchanlik, yurak urishi bo‘lishi mumkin. Kam – qon yaratilishini susayishi (leykopeniya, granulotsitopeniya, agranulotsitoz). Uzoq muddat yuqori dozalarda qabul qilinganida jigar va buyraklar funktsiyasini buzilishi kuzatilishi mumkin.


Qo‘llash mumkin bo‘lmagan holatlar

O‘ta yuqori sezuvchanlik, og‘ir darajali jigar va/yoki buyrak yetishmovchiligi, zo‘rayish bosqichidagi me'da va o‘n ikki barmoq ichak yara kasalligi, bronxial astma, bronxospazm, bronxial astma, qaytalanuvchi burun va burun oldi bo‘shliqlarining polipozlari va atsetilsalitsil kislotasi yoki boshqa nosteroid yallig‘lanishga qarshi preparatlarni o‘zlashtiraolmaslikni to‘liq yoki noto‘liq birga kechishi. Nafasni susayishi bilan birga kechuvchi holatlar. Glyukozo-6-fosfatdegidrogenazaning tanqisligi; anemiya, leykopeniya, agranulotsitoz, gemorragik diatez; nafasni susayishi bilan kechuvchi holatlar; bosh miya jarohati, bosh miya ichki bosimini oshishi; o‘tkir miokard infarkti; aritmiyalar, og‘ir darajali arterial gipertenziya, alkogolli mastlik, anamnezida opioidlarni, trankvilizatorlarni, sedativ vositalarni suiiste'mol qilish; glaukoma, 12 yoshgacha bo‘lgan bolalar.
Nafas a'zolari patologiyalari (masalan bronxial astma va nafas yo‘llarining surunkali kasalliklari), tonzillektomiya va/yoki adenoidektomiyadan keyingi holat, respirator funktsiyani buzilishlari, shu jumladan neyro-mushak buzilishlari, yurakning og‘ir kasalliklari, ko‘p sonli jarohatlari bo‘lgan yoki katta jarroxlik operatsiyalari o‘tkazgan bolalar va 12 yoshdan 18 yoshgacha bo‘lgan o‘smirlarda preparatni qo‘llash mumkin emas.
Sitoxrom R450 (CYP2D6) fermentining faolligi yuqori bo‘lgan patsiyentlarda qo‘llash tavsiya etilmaydi.


Ehtiyotkorlik bilan
Me'da va o‘n ikki barmoq ichak yara kasalligi (remissiya bosqichidagi), jigar va buyrak funktsiyasini buzilishlari, keksalik yoshi, og‘irlik darajasi yengil va o‘rtacha arterial gipertenziyada ehtiyotkorlik bilan qo‘llanadi.

Dorilarning o‘zaro ta'siri
Preparatni boshqa nonarkotik analgetiklar bilan bir vaqtda qo‘llash, toksik samaralarini kuchayishiga olib kelishi mumkin. Tritsiklik antidepressantlar, ichga qabul qilish uchun homiladorlikka qarshi vositalar, allopurinol preparatning tarkibiga kiruvchi metamizol natriyning (analginning) toksikligini oshiradilar. Barbituratlar, fenibutazon va jigar mikrosomal fermentlarining boshqa induktorlari, metamizol natriyning (analginning) ta'sirini susaytiradilar. Metamizol natriyni (analginni) siklosporin bilan bir vaqtda qo‘llash, siklosporinning qondagi miqdorini pasaytiradi. Sedativ vositalar va trankvilizatorlar preparatning og‘riqni qoldiruvchi ta'sirini kuchaytiradilar.


Maxsus ko‘rsatmalar

5 kundan ortiq qo‘llanganida qonning periferik manzarasini va jigarning funktsional holatini nazorat qilish kerak.
Preparatning tarkibida kodein va fenobarbital bo‘lganligi tufayli, test-sistemalar ishlatilganida, shu jumladan doping-nazorat o‘tkazilganida ijobiy natijalar olinishi mumkin.
O‘tkir abdominal og‘riq sindromida tashhis qo‘yishni qiyinlashtiradi. Atopik bronxial astmasi, pollinozlari bo‘lgan bemorlarda, o‘ta yuqori sezuvchanlik reaktsiyalarini rivojlanishini yuqori xavfi bor.
Homiladorlik va emizish davrida qo‘llanishi
Preparatni homiladorlik davrida qo‘llash mumkin emas.
Preparatni laktatsiya davrida qo‘llashning zarurati bo‘lganida, emizishni to‘xtatish masalasini hal qilish kerak.
Transport vositalarini, mexanizmlarni boshqarish qobiliyatiga ta'siri
Sedativ ta'sirining rivojlanishi mumkinligi tufayli, davolanish vaqtida avtotransportni boshqarish va diqqatni yuqori jamlashni va psixomotor va harakat reaktsiyalar tezligini talab qiluvchi boshqa potentsial xavfli faoliyat turlari bilan shug‘ullanish tavsiya qilinmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari ko‘ngil aynishi, qusish, me'dada og‘riqlar, taxikardiya, yurak aritmiyalari, holsizlik, uyquchanlik, alahsirash, nafasni susayishi.
Davolash qusishni chaqirish, zond bilan me'dani yuvish, adsorbentlarini buyurish (faollashtirilgan ko‘mir), hayotiy muhim faoliyatlarni tutib turishga qaratilgan simptomatik davolash.


Chiqarilish shakli

10 tabletkadan kontur uyali o‘ramda.
1 yoki 2 kontur uyali o‘ram davlat va rus tillaridagi qo‘llash bo‘yicha yo‘riqnomasi bilan birga karton qutida.


Saqlash sharoiti

25ºS yuqori bo‘lmagan haroratda saqlansin.


Yaroqlilik muddati

3 yil.

Berish tartibi
Retsept bo‘yicha.

Qayd etish guvohnomasining egasi/iste'molchilardan e'tirozlarni qabul qiluvchi tashkilot
“Otisifarm” JAJ, Rossiya,
123317, Moskva sh., Testovskaya ko‘ch., 10 uy
Tel. +7 (800) 775-98-19
Faks +7 (495) 221-18-02
www.otcpharm.ru





Ishlab chiqaruvchi

«Farmstandart-Leksredstva» OAJ, 305022, Rossiya, Kursk sh., 2-nchi Agregatnaya ko‘ch., 1a/18, tel./faks (4712) 34-03-13, www.pharmstd.ru