Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
EPO 10000XB in'ektsiya uchun eritma 1ml №1
EPO 10000XB in'ektsiya uchun eritma 1ml №1
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Эритропоэтин
Страна производитель
Китай
Дозировка
3000 МЕ
Производитель
Shenzhen Sinobioway Xinpeng Biomedicine Co., Ltd
Рецептурный препарат
Да
Форма выпуска
Раствор для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
EPO®
Ta'sir etuvchi modda (XPN) epoetin alfa (rekombinant odam eritropoetini)
Dori shakli
in'ektsiya uchun eritma
Tarkibi
Har bir flakon quyidagilarni saqlaydi
faol modda rekombinant odam eritropoetini (SNO-hujayralar) (rhEPO) – 2000 XB, 3000 XB, 4000 XB, 10000 XB;
yordamchi moddalar odam zardob albumini, limon kislotasi, natriy sitrati, natriy xloridi.
Ta'rifi tiniq, rangsiz, hidsiz suyuqlik.
Farmakoterapevtik guruhi
eritropoezni rag‘batlantiruvchi vosita.
ATX kodi B03XA01
Farmakologik hususiyatlari
Ta'sir mexanizmi
Eritropoetin (EPO) suyak ko‘migida muvofiq o‘tmishdosh-hujayralarni bo‘linishini rag‘batlanishi va differentsiatsiyasi orqali qizil qon hujayralari hosil bo‘lishini boshqaruvchi glikoprotein hisoblanadi. Eritropoetinning taxminiy molekulyar massasi 32,000–40,000 daltonni tashkil etadi. Molekulaning protein qismi 58% ni tashkil etadi va 165 aminokislotadan tarkib topgan. To‘rtta uglerod zanjiri uchta N-glikozid bog‘i hamda bitta O-glikozid bog‘i orqali proteinga bog‘lanadi.
Gen texnologiyasi yordamida olingan eritropoetin alfa glikolizga uchraydi va tarkibi bo‘yicha endogen odam eritropoetinining uglevodli qismi va aminokislotalari bilan bir xil bo‘ladi.
Rekombinant odam eritropoetini xuddi tabiiy EPO ning biologik faolligiga o‘xshash faollikka ega.
Kattalarda deyarli 90% EPO buyraklarda ishlab chiqariladi, qolgan qismi – jigarda ishlab chiqariladi. Normal sharoitlarda endogen eritropoetinni hosil bo‘lishi to‘qimalarni oksigenatsiya darajasiga qarab boshqariladi. Gipoksiya va anemiya asosan eritropoetinni hosil bo‘lishini oshiradi, u o‘z navbatida eritropoezni rag‘batlantiradi. Sog‘lom organizmda plazmada eritropoetinning darajasi 0,01 dan 0,03 TB/ml gacha qiymatlarda tebranadi va gipoksiya hamda anemiyada 100-1000 martagacha oshadi.
Surunkali buyrak yetishmovchiligi bo‘lgan patsiyentlarda eritropoetinni hosil bo‘lishi izdan chiqqan bo‘ladi, shuning uchun eritropoetinni tanqisligi bunday patsiyentlarda anemiyani birinchi sababi hisoblanadi. Surunkali buyrak yetishmovchiligi – buyrak faoliyatini zo‘rayib boruvchi va odatda qaytmas buzilishi kuzatiladigan klinik holatdir. Bunday patsiyentlarda buyrak faoliyatini buzilishini qator belgilari, jumladan anemiya namoyon bo‘lishi mumkin, ammo bunday patsiyentlarga muntazam ravishda dializ o‘tkazish talab etilmaydi. Buyrak kasalligini oxirgi bosqichi bo‘lgan patsiyentlar dializ seanslarini muntazam ravishda oladilar yoki ularga buyraklarni ko‘chirib o‘tkazish talab etiladi. Eritropoetin yetuk o‘tmishdosh hujayralarni, eritroid koloniya-rag‘batlantiruvchi birliklarni (CFU-E) proeritroblastlarga aylantirish uchun kerak bo‘ladi. EPO mavjud bo‘lmasa, ushbu transformatsiya amalga oshmaydi va o‘tmishdosh hujayralar nobud bo‘ladi. EPO gemoglobin va normal eritroblastlarda joylashgan boshqa proteinlarni faollashtiradi. EPO shuningdek bosh miyada, keyinchalik qon havzasiga o‘tishi mumkin bo‘lgan retikulotsitlarning siljishini chaqiradi. Rekombinant odam eritropoetini surunkali buyrak yetishmovchiligi bilan xastalangan anemiya bo‘lgan patsiyentlarda, shu jumladan dializdagi patsiyentlarda, shuningdek muntazam dializga muhtoj bo‘lmagan patsiyentlarda eritropoezni rag‘batlantiradi.
Rekombinant odam eritropoetinini har haftada uch marta yuborishga nisbatan birinchi daliliy klinik javob reaktsiyasi bo‘lib 10 kun davomida retikulotsitlarning miqdorini oshishi hisoblanadi, bu jarayon odatda 2-6 hafta davomida eritrotsitlar, gemoglobin va gematokritning miqdorini oshishi bilan kechadi. Eritropoez uchun kerak bo‘ladigan vaqt oralig‘i davomida – eritroidlarni o‘tmishdoshlari, yetilishi va qon havzasiga tushishi uchun bir necha kun – gematokritni klinik ahamiyatli oshishi odatda 2 hafta davolash davomida kuzatilmaydi, ba'zi patsiyentlarda javob reaktsiyasini kuzatish uchun 6 haftagacha bo‘lgan muddat talab etilishi mumkin.
Gematokritning darajasi kutilgan maqsabli diapazonga (30% - 36%) yetishi bilan, uning darajasi, temir tanqisligi va yondosh kasalliklar bo‘lmagan sharoitlarda, rekombinant odam eritropoetini bilan davolash orqali bir maromda tutib turilishi mumkin.
Gematokritni oshib borish tempi patsiyentlar o‘rtasida o‘zgarib turadi va rekombinant odam eritropoetinining dozasiga bog‘liq, taxminan 50-300 birlik/kg haftada uch marta yuboriladigan terapevtik diapazonlar chegarasida bo‘ladi. Ahamiyatli darajadagi klinik javob reaktsiyasi 300 birlik/kg dozadan oshganida kuzatilmaydi. Klinik javob reaktsiyasining darajasiga ta'sir ko‘rsatuvchi boshqa omillar temirning zahirasi, gematokritning boshlang‘ich darajasi, shuningdek yondosh kasalliklar hisoblanadi.
Farmakokinetikasi
Teri ostiga yuborilganidan so‘ng eritropoetin (EPO) yuborilgan joydan sekin so‘riladi. Zardobda eritropoetinning kontsentratsiyasini oshishi yuborilgandan so‘ng 2 soatdan keyin kuzatiladi. Qonda maksimal kontsentratsiyasiga 18 soatdan keyin erishiladi. Suyak ko‘migi o‘ziga xos absorbtsiya qiluvchi a'zo hisoblanadi. EPO asosan jigar va buyraklarda so‘riladi. Hayvonlarda (kalamushlarda) o‘tkazilgan tajriba, EPO asosan jigarda metabolizmga uchrashini ko‘rsatdi, EPO ning faqat ozgina qismigina buyraklar, suyak ko‘migi va taloqqa taqsimlanadi. Buyraklar – EPOni organizmdan chiqaradigan asosiy a'zo hisoblanadi. Anemiya bilan xastalangan, EPO olayotgan patsiyentlarda buyraklar orqali o‘zgarmagan holda chiqariladigan preparatning miqdori 10% dan kamroq qiymatni tashkil etadi.
Qo‘llanilishi
Buyrak yetishmovchiligi sabab bo‘lgan anemiya, shu jumladan surunkali buyrak yetishmovchiligi bo‘lgan va gemodializ seansini oladigan va dializsiz davolanadigan bemorlarga qo‘llanadi.
Qo‘llash usuli va dozalari
Buyrak anemiyasi
Rekombinant odam eritropoetini (RoEPO) shifokorning ko‘rsatmasi bo‘yicha qo‘llanadi. RoEPOni teri ostiga va vena ichiga haftada 2-3 marta yuborish mumkin. Anemiyani darajasi, patsiyentning yoshi va boshqa omillarga qarab, preparatning dozasiga tuzatish kiritilishi kerak. Quyidagi davolash tartibi tavsiya etiladi
Boshlang‘ich dozasi gemodializdagi patsiyentlar uchun tavsiya etiladigan boshlang‘ich doza haftada tana vazniga 100-150 XB/kg, dializ muolajasini olmaydigan patsiyentlar uchun – haftada tana vazniga 75-100 XB/kg ni tashkil etadi. Agar gematokritni oshishi hafta davomida 0,5 hajm% ni tashkil etsa, 4 haftadan keyin preparatning dozasini tana vazniga 15-30 XB ga oshirish mumkin. Biroq dozani maksimal darajada haftada 30 XB/kg dan oshirmaslik kerak. Gematokrit 30-33 hajm% gacha oshirilishi kerak (ammo 34 hajm% dan oshmasligi kerak).
Samarasini tutib turuvchi doza Gematokritning qiymati 30-33% hajm% ga yetgan zahoti yoki gemoglobinning darajasi 100-110 g/l gacha oshgan zahoti, davolashni samarani tutib turuvchi bosqichiga o‘tkazish kerak, bunda dozani terapevtik bosqichidagi dozaning 2/3 qismigacha tuzatish kiritish tavsiya etiladi. Bu davrda dozaga o‘z vaqtida tuzatish kiritish, haddan tashqari eritropoezni oldini olish va gematokrit va gemoglobinning darajalarini kerakli qiymatlarda tutib turish uchun gematokritni har 2-4 haftada tekshirish kerak.
RoEPO ni uzoq vaqt davomida olish kerak. Biroq ayrim hollarda davolashni istalgan vaqt to‘xtatish mumkin.
Rakni kimyoterapiyasi bilan bog‘liq bo‘lgan anemiya
Zardobda eritropoetinning darajalari > 200 mu/ml bo‘lgan patsiyentlarga preparatni qo‘llash tavsiya etilmagan. Klinik ma'lumotlar, zardobdagi eritropoetinning dastlabki darajalari past bo‘lgan patsiyentlarda davolash samaradorligi, zardobda eritropoetinning dastlabki darajalari yuqori bo‘lgan patsiyentlarga nisbatan yuqori ekanligini ko‘rsatdi. Boshlang‘ich dozasi tana vazniga 150 XB/kg ni tashkil etadi, teri ostiga bir vaqtda haftada 3 marta yuboriladi. Agar 8 hafta davolash davomida transfuziya sonini kamayishi yoki gematokritni oshishi kuzatilmasa, doza tana vazniga 200 XB/kg gacha oshiriladi, teri ostiga bir vaqtda, haftada 3 marta yuboriladi. Agar gematokrit >40% tashkil etsa, gematokrit 36% ga pasaygunicha, kamaytirilgan dozani qo‘llash kerak. Gematokritni kerakli darajada tutib turish uchun, davolash qaytadan boshlanganida yoki dozaga tuzatish kiritilganida, dozasi 25% ga kamaytiriladi. Agar boshlang‘ich dozasi gematokritni juda tez oshishiga (masalan, 2 hafta davomida 4% ga oshishiga) olib kelsa, dozani kamaytirish kerak.
Nojo‘ya ta'sirlari
Preparat yaxshi o‘zlashtiriladi. Noxush reaktsiyalar yengil xarakterga ega.
Umumiy reaktsiyalar davolash boshlanishida ayrim patsiyentlarda bosh og‘rig‘i, yengil isitma va gipodinamiya kuzatilishi mumkin. Ko‘p bo‘lmagan patsiyentlarda mialgiya va artralgiya yuz berishi mumkin. Ushbu simptomlarning ko‘pchiligi muvofiq davolanganida kamayadi va shuning uchun ular RoEPO qo‘llash davomiyligiga ta'sir qilmaydi. Kam hollarda, yuqorida ko‘rsatilgan simptomlar saqlanib tursa, preparatni qo‘llashni to‘xtatish kerak.
Allergik reaktsiyalar ayrim patsiyentlarda toshma yoki eshakemi, shu jumladan allergik shok kabi allergik reaktsiyalar kuzatilishi mumkin. To‘liq doza bilan davolashdan oldin, EPO preparatini birinchi marta olayotgan yoki davolash qaytadan boshlanayotgan patsiyentlarga preparatning kichik dozalarini qo‘llash tavsiya etilgan. Anomal reaktsiyalar paydo bo‘lganida preparatni qo‘llashni to‘xtatish va muvofiq davolash o‘tkazish kerak.
Yurak-qon tomir tizimi AB oshishi, gipertenziyani kechishini yomonlashishi, bosh og‘rig‘i, ongni buzilishi, spazm, hatto gipertenziv entsefalopatiya oqibatida bosh miyaga qon quyilishi mumkin. Shu sababli, RoEPO qo‘llanayotgan vaqtda qon bosimini sinchiklab kuzatish va zarurat bo‘lganida RoEPO ning dozasiga tuzatish kiritish / davolashni to‘xtatish va muvofiq gipotenziv preparatlar bilan davolash kerak.
Qon-tomirlar tizimi RoEPO preparati qo‘llanganida gematokrit oshishi bilan qonning qovushqoqligi ahamiyatli darajada oshishi mumkin, shuning uchun trombozni bartaraf qilish choralarini ko‘rish kerak.
Jigar kam hollarda ALT va AST larning darajasini oshishi kuzatilishi mumkin.
Me'da va ichak ba'zida ko‘ngil aynishi, qusish, ishtahani yo‘qolishi, diareya kuzatilishi mumkin.
Qo‘llash mumkin bo‘lmagan holatlar
-Nazorat qilib bo‘lmaydigan og‘ir gipertenziya.
-Ushbu preparatga yoki sut emizuvchilarning hujayralaridan olinadigan mahsulotlarga va odam zardobi albuminiga ma'lum o‘ta yuqori sezuvchanlik.
-Yondosh nazorat qilish bo‘lmaydigan infektsiyada qo‘llash mumkin emas muvofiq davolash o‘tkazilganidan keyin preparatni qo‘llash mumkin.
Dorilarning o‘zaro ta'siri
EPO preparatini boshqa preparatlar bilan bir shpritsda aralashtirish mumkin emas! Original sig‘imdan boshqa sig‘imga quyilgandan keyin EPO preparatini suyultirish va yuborishga yo‘l qo‘yilmasin.
Maxsus ko‘rsatmalar
Adabiyot ma'lumotlariga ko‘ra, surunkali buyrak yetishmovchiligi bilan xastalangan patsiyentlar ishtirok etgan klinik tadqiqotda, eritropoezni yaxshilash uchun preparatlar qo‘llanganida gemoglobinning darajasini ≥ 3 g/dl dan oshganida o‘lim holati, yurak-qon tomirlar tomonidan og‘ir darajadagi buzilishlari va apopleksiyani rivojlanish havfi oshganligi aniqlangan. Gemoglobinning darajasini 10-12 g/dl diapazoniga yetkazish va ushlab turish uchun preparatni shaxsiy dozalash tartibini kuzatish tavsiya etiladi. Surunkali buyrak yetishmovchiligi bilan xastalangan, erotropoezni yaxshilash uchun preparatlar bilan davolashga nisbatan to‘liq javob reaktsiyasi kuzatilmagan patsiyentlarda, o‘lim holati va yurak-qon tomirlari buzilishlarini rivojlanish havfi boshqa patsiyentlarga nisbatan yuqori. Rak bilan xastalangan patsiyentlar ishtirokida o‘tkazilgan klinik tadqiqotda erotropoezni yaxshilash uchun qo‘llanadigan preparatlar o‘lim holati va yurak-qon tomirlari tomonidan og‘ir darajadagi buzilishlar rivojlanish havfini oshirishi mumkin. Ular miokard infarkti, shok, dimlangan yurak yetishmovchiligi, gemodializ vaqtida qon-tomirlar trombozidan iborat bo‘ladi. Xavf gemoglobinning darajasini 2 hafta davomida 1 g/dl dan ortiq qiymatga oshishi bilan bog‘liq bo‘lishi mumkin.
Klinik tadqiqotlarning natijalariga ko‘ra, sut bezi raki, o‘pka, bosh va bo‘yin raki, limfoma, bachadon bo‘yni raki bilan xastalangan patsiyentlarga eritropoezni yaxshilash uchun qo‘llanadigan preparatlarni qo‘llash hayotni qisqarish xavfi va/yoki o‘smani o‘sishi va qaytalanishlarni rivojlanish xavfiga olib kelishi mumkinligi yuzasidan ma'lumotlar bor.
Bunday xavflar, shu jumladan yurak-qon tomir tomonidan tromboemboliyani kamaytirish uchun qizil qon tanachalarini transfuziyasidan saqlanish maqsadida preparatning minimal dozalarini ishlatish tavsiya etiladi.
Eritropoezni yaxshilash uchun qo‘llanadigan preparatlarni faqat suyak ko‘migi faoliyatini susaytiruvchi kimyoterapiya oqibatida yuzaga kelgan, anemiyada ishlatish mumkin. Bunday anemiyaning simptomlari yo‘qolgan holatlarda ularni qo‘llash yaroqli emas. Kimyoterapiya tugaganidan so‘ng ushbu preparatlarni qo‘llash to‘xtatiladi.
Antikoagulyantlar bilan perioperatsion profilaktik davolangan patsiyentlarda EPO preparatini qo‘llash chuqur venalar trombozini rivojlanish havfini oshirishi mumkinligi xabar qilinadi. Bunday vaziyatlarni inobatga olish kerak.
Chin eritrotsitar anemiya va og‘ir darajadagi anemiya bilan xastalangan, boshqa sitopeniya bo‘lmagan yoki bo‘lmagan patsiyentlarda, eritropoetin antitelolarni neytrallashi mumkinligi xabar qilinadi. Ma'lumot surunkali buyrak yetishmovchiligi bilan xastalangan, eritropoezni yaxshilaydigan preparatlar teri ostiga yuborilgan patsiyentlarga tegishli.
Shuningdek, chin eritrotsitar anemiya interferonni ribavirin bilan majmuada qabul qilgan patsiyentlarga shunday preparatlar yuborilganida kuzatilganligi xabar qilinadi. Preparat bilan davolashga nisbatan javob reaktsiyasi to‘satdan yo‘qolganida, og‘ir darajadagi anemiya rivojlanganida va retikulotsitlarning miqdori kamayganida preparatni qo‘llashni to‘xtatish va buydan ko‘rinishlarning sababini o‘rganish, jumladan antitelolarni eritropoetin bilan neytralizatsiya bo‘lish ehtimolini o‘rganish kerak. Agar anemiya eritropoetinni antitelolarga nisbatan salbiy ta'siri bilan bog‘liqligiga shubhalar bo‘lsa, bunday preparatlarni ishlatishni to‘xtatish kerak. Bunday patsiyentlarga eritropoezga ta'sir qiluvchi preparatlarni qo‘llash mumkin emas. Kesishgan infektsiyalarda ham bunday preparatlar guruhini ishlatish tavsiya etilmaydi.
Umumiy ehtiyotkorlik choralari
Parenteral usul bilan yuborilganida allergik va boshqa noxush reaktsiyalarga e'tibor berish kerak.
Ortiqcha eritropoezdan saqlanish maqsadida gematokritni vaqti-vaqti bilan o‘lchash (davolash boshlanishida haftada bir marta, samarani tutib turuvchi bosqichida ikki haftada bir marta) kerak. Gematokrit 36 hajm% dan oshmasligi kerak. Ortiqcha eritropoez rivojlanganida eng yaxshi chora davolashni to‘xtatish hisoblanadi.
Surunkali buyrak yetishmovchiligi bilan xastalangan, preparat bilan davolanayotgan patsiyentlarda, kam hollarda patsiyentning ahvolini, gematoporfirinni hosil bo‘lishi bilan bog‘liq bo‘lgan yomonlashishi kuzatiladi. Bunday patsiyentlarga EPOni ehtiyotkorlik bilan ishlatish tavsiya etilgan. Davolanish vaqtida temirni funktsional yoki mutloq tanqisligi ahamiyatga ega bo‘lishi mumkin. Temirni funktsional tanqisligida ferritinning darajasi normada qoladi, ammo transferrin bilan to‘yinishi pasayadi, chunki u suyak ko‘migini, eritropoetin bilan rag‘batlantirilgan ehtiyojini qondirish uchun temir zahirasini tez to‘ldirish va bo‘shatish imkoni bo‘lmaydi. Transferrin bilan to‘yinishi kamida 20% ni tashkil etishi kerak, ferritinning darajasi kamida 100mkg/ml bo‘lishi kerak. Davolanishdan oldin va davolanish vaqtida temirning holatini kuzatib borish kerak. Ko‘rsatkichlar quyidagilardan transferrin bilan to‘yinishi va zardob ferritinidan iborat bo‘ladi. Aslida barcha patsiyentlar preparat bilan rag‘batlantirilgan eritrotsitlarni ishlab chiqarish ehtiyojini qondirish uchun transferrinni oshirish/tutib turish/to‘yintirish uchun temirning miqdorini oshirishga muhtoj bo‘ladilar. Operatsiyadan keyin preparatni olayotgan patsiyentlar, butun davolash kursi davomida eritrotsitlar ishlab chiqarilishini tutib turish va temirning zahirasini kamayishidan saqlanish maqsadida temirni yetarli miqdorda olishlari kerak.
Davolanish vaqtida qon bosimi oshishi mumkin, shuning uchun davolash boshlanishidan oldin qon bosimini kerakli tarzda nazorat qilinishi kerak. Davolanish vaqtida patsiyentlarda qon bosimini qat'iy nazorat qilish va sinchiklab kuzatish kerak. Antigipertenziv preparatlar bilan davolanish va parhezga rioya qilish muhimligi to‘g‘risida patsiyentlarni ogohlantirish kerak. Agar qon bosimi nazoratdan chiqib ketsa, gemoglobinni pasaytirishi mumkin bo‘lgan mahsulotni ishlatishni kamaytirish yoki to‘xtatish kerak. Agar gemoglobinning darajasi 2 hafta davomida 1 g/dl dan yuqori qiymatga oshsa, preparatning dozasini kamaytirish kerak, chunki gemoglobinning darajasini haddan tashqari tez oshishi oqibatida gipertenziya zo‘rayishi mumkin. Surunkali buyrak yetishmovchiligi bilan xastalangan, gemodializdagi patsiyentlarda, yurak ishemik kasalligi yoki dimlangan yurak yetishmovchiligining yaqqol ifodalangan klinik belgilari bo‘lganida, gemoglobinning darajasini 10-12 g/dl diapazonga yetkazish va ushlab turish uchun dozalash tartibiga tuzatish kiritish kerak.
Anamnezida hurujlari va qon kasalligi (o‘roqsimon hujayrali anemiya, miyelodisplaziya sindromi, giperkoagulyatsiya) bo‘lgan patsiyentlar uchun preparatning havfsizligi va samaradorligi aniqlanmagan.
Gemodializ vaqtida buyraklarni sun'iy koagulyatsion emboliyasini oldini olish uchun geparin bilan qo‘shimcha davolash o‘tkazish kerak. Yurak ishemik kasalligi yoki dimlangan yurak yetishmovchiligi bilan assotsiatsiyalangan, surunkali buyrak yetishmovchiligi bilan xastalangan, katta yoshdagi patsiyentlarda, gematokrit 42% bo‘lganida tromboz holatlarini rivojlanish havfi gematokrit 30% bo‘lgan patsiyentlarga nisbatan yuqori bo‘ladi. Ilgari yurak-qon tomir kasalliklarini o‘tkazgan patsiyentlarni qat'iy nazorat qilish kerak.
Anamnezida miokard infarkti, o‘pka emboliyasi, dori vositalariga allergiyasi yoki allergiyaga moyillig bo‘lgan patsiyentlarga preparatni ehtiyotkorlik bilan qo‘llash kerak.
Folat kislotasi va V12 vitamini tanqisligi ushbu preparatning samaradorligini pasaytirishi mumkin. Uning samaradorligiga shuningdek alyuminiyning haddan tashqari katta miqdori ham ta'sir qilishi mumkin.
Ushbu preparat zardobda kaliyning darajasini o‘rtacha darajada oshirishi mumkin. Bunday holatlarda ovqatlanishni to‘g‘rilash (muvofiq parhez tutish) tavsiya etilgan, zardobdagi kaliyning darajasi esa shifokorning ko‘rsatmalari muvofiq va dozalash tartibiga tuzatish kiritish orqali ushlab turilishi kerak.
Flakonda tirqishlar va shikastlanishlari bo‘lgan, eritma xiralashgan va cho‘kma hosil bo‘lgan preparatni ishlatish mumkin emas. O‘ram ochilganidan keyin preparatni darhol ishlatish kerak. Flakonni ko‘p marta ishlatishga yo‘l qo‘yilmasin.
Sportchilarga preparatni ehtiyotkorlik bilan qo‘llash kerak.
Homiladorlikda va emizish davrida qo‘llanishi
Homilador va emizadigan ayollarga EPO preparatini qo‘llash havfsizligi o‘rganilmagan.
Pediatriyada qo‘llanishi
Chala tug‘ilgan chaqaloqlar, yangi tug‘ilgan chaqaloqlar va go‘daklar uchun preparatning havfsizligi o‘rganimagan.
Keksa yoshdagi patsiyentlarda qo‘llanishi
Keksa yoshdagi patsiyentlarda qon bosimi va gematokritni sinchiklab kuzatish, va muvofiq ravishda preparatni qabul qilishlar soni va dozasiga tuzatish kiritish kerak.
Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.
Dozani oshirib yuborilishi
EPO ning dozasini oshirib yuborilishi yurak-qon tomir tizimi tomonidan o‘limga olib keluvchi asoratlarni chaqiradigan politsitemiyaga olib kelishi mumkin. Dozasi oshirib yuborilganida yurak-qon tomir tizimi va gematologiya tomonidan noxush reaktsiyalarni aniqlash maqsadida patsiyentlarni sinchiklab kuzatish tavsiya etilgan. Zarurat bo‘lganida, klinik ko‘rsatmalar bo‘yicha, politsitemiyani nazorat qilish uchun qonni chiqarib yuborish kerak.
Dozani oshirib yuborilishi
tomonidan chaqirilgan noxush reaktsiyalarni nazorat ostida ushlab, ushbu preparat bilan davolashni qayta boshlash mumkin, bunda gemoglobinning kontsentratsiyasini haddan tashqari tez oshmasligi uchun kuzatish kerak. Agar kontsentratsiyasini oshishi 1 g/dl dan ortiq qiymatni tashkil etsa, dozani kamaytirish tavsiya etilgan.
Chiqarilish shakli
Eritma 1,0 ml dan sig‘imi 2 ml bo‘lgan tiniq, rangsiz, shisha flakonda.
1 flakon qo‘llash bo‘yicha yo‘riqnomasi bilan birga karton qutiga joylangan.
Saqlash sharoiti
2-8oS haroratda yorug‘likdan himoyalangan joyda saqlansin. Muzlatilmasin.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
Shenzhen Sinobioway Xinpeng Biomedicine Co., Ltd.
Adres Xinpeng Bio-tech Garden, 2nd Road Langshan, Hi-tech industrial North Park, Nanshan District, Shenzhen, Guangdong, Xitoy.
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
“PHARM CAPITAL TRADE” MChJ
O‘zbekiston Respublikasi, Toshkent sh., Quloqtepa ko‘ch., 40A,
tel. +998909100191
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.