Аlzepil tab. 10mg №28

Tavsif

QO‘LLASH BO‘YICHA YO‘RIQNOMA
(patsiyentlar uchun ma'lumot)
Alzepil® qobiq bilan qoplangan tabletkalar 5 mg
Alzepil® qobiq bilan qoplangan tabletkalar 10 mg
(doperezil gidroxloridi)
Ushbu dori vositasini qabul qilishni boshlashdan oldin, ushbu yo‘riqnomani to‘liq va diqqat bilan o‘qib chiqing, chunki u Siz uchun muxim ma'lumot saqlaydi.
• Bu varaqani saqlab qo‘ying. Ehtimol, Sizga uni yana bir marta o‘qib chiqish kerak bo‘ladi.
• Agar Sizda qo‘shimcha savollar paydo bo‘lsa, shifokorga yoki farmatsevtga murojaat qiling.
• Bu dori vositasi shaxsan Sizga buyurilgan. Uni boshqa shaxslarga bermang. Hatto agar ularda kasallikning xuddi shu simptomlari bo‘lsa xam, u ularga zarar yetkazishi mumkin.
• Agar Sizda har qanday nojo‘ya samara paydo bo‘lsa yoki Siz bu yo‘riqnomada ko‘rsatilmagan nojo‘ya samaralarini sezsangiz, bu xaqida davolovchi shifokorga yoki farmatsevtga xabar bering (4 bo‘limga qarang).
Ushbu ilova-varaqa quyidagi ma'lumotni saqlaydi:
1. Alzepil® qobiq bilan qoplangan tabletkalari preparati o‘zi nima va u nima uchun qo‘llanadi
2. Alzepil® qobiq bilan qoplangan tabletkalari preparatini qo‘llashni boshlashgacha nimani bilish kerak.
3. Alzepil® qobiq bilan qoplangan tabletkalari preparatini qanday qo‘llash kerak
4. Bo‘lishi mumkin bo‘lgan nojo‘ya reaktsiyalari
5. Alzepil® qobiq bilan qoplangan tabletkalari preparatini qanday saqlash kerak
6. Yaroqlilik muddati
7. Dorixonalardan berish tartibi
8. O‘ram ichidagisi va boshqa ma'lumotlar
1. Alzepil® qobiq bilan qoplangan tabletkalari preparati o‘zi nima va u nima uchun qo‘llanadi
Alzepil® preparatining faol komponenti donepezil gidroxloridi, antixolinesteraza ingibitorlari deb nomlanuvchi vositalar guruhiga kiradi. U yengil yoki og‘irligi o‘rtacha Al’tsgeymer kasalligi tashxisi qo‘yilgan shaxslarda dementsiya simptomlarini davolash uchun qo‘llanadi.
2. Alzepil® qobiq bilan qoplangan tabletkalari preparatini qo‘llashni boshlashgacha nimani bilish kerak.
Alzepil® preparatini quyidagi hollarda qabul qilmang:
• agar Sizda donepezil gidroxloridiga, piperidinning xosilalari sifatida ma'lum bo‘lgan vositalarga o‘xshash vositalarga, yoki 6.1 bo‘limda keltirilgan har qanday yordamchi vositalarga allergiya bo‘lsa qo‘llash mumkin emas.
Tibbiy qo‘llashdagi ehtiyotkorlik choralari
Agar Sizda quyida sanab o‘tilgan holatlardan biron-bir bo‘lsa, bu preparatini qabul qilishni boshlashdan oldin Siz bu haqida shifokorga xabar berishingiz kerak.
• agar Sizda yurak faoliyatini buzilishi (yurak qisqarishlarining muntazam bo‘lmagan ritmi yoki blokadasi) bo‘lsa (donepezil gidroxloridi yurak qisqarishlari ritmini sekinlashtirishi mumkin);
• agar Sizda avval me'da yoki o‘n ikki barmoq ichak yarasi bo‘lgan bo‘lsa, yoki Siz yondosh yallig‘lanishga qarshi vositalar (NYaQV) qabul qilayotgan bo‘lsangiz ;
• agar siyish qiyinlashgan bo‘lsa;
• agar Sizda avval tirishish xurujlari (donepezil xurujlarni qaytadan boshlanishiga olib kelishi mumkin) yoki hushdan ketishlar bo‘lgan bo‘lsa:
• agar Sizda astma yoki uzoq davom etuvchi o‘pka kasalligi bo‘lsa;
• agar Sizda jigar faoliyatini og‘ir buzilishi bo‘lsa;
• agar Sizda biron-bir ekstrapiramid simptomlar (tana yoki yuzning ixtiyorsiz harakatlari) bo‘lgan bo‘lsa.
Agar Sizda yaqin orada umumiy anesteziyani talab qiluvchi jarrohlik operatsiya qilinadigan bo‘lsa, Siz shifokorga va anesteziologga Alzepil® qabul qilayotganingizni aytishingiz kerak.
Bolalar va o‘smirlar
Alzepil® preparati faqat kattalar uchun mo‘ljallangan.
Boshqa dori vositalari va Alzepil® qobiq bilan qoplangan tabletkalari preparati
Davolovchi shifokorga Siz qabul qilayotgan, yaqinda qabul qilgan yoki qabul qilishni rejalashtirgan har qanday dori vositalari haqida xabar bering.
Agar Siz boshqa dori vositalarni, ayniqsa quyidagilarni qabul qilayotgan bo‘lsangiz, shifokorga xabar bering:
• og‘riq va yallig‘lanishni bartaraf etish uchun vositalar (NYaQV);
• artritni davolash uchun vositalar;
• antibiotiklar, masalan, eritromitsin yoki rifampitsin;
• zamburug‘larga qarshi preparatlar (zamburug‘larni yo‘qotuvchi yoki ularning o‘sishini bostiruvchi vositalar), masalan, ketokonazol, itrakonazol;
• mushaklarni bo‘shashtiruvchi vositalar;
• antidepressantlar, masalan, fluoksetin;
• tirishishga qarshi preparatlar, masalan, fenitoin yoki karbamazepin;
• yurak kasalliklarini davolash uchun preparatlar;
• qon bosimini pasaytiruvchi ayrim preparatlar (beta-blokarorlar);
• doperezil kabi ta'sir mexanizmiga ega bo‘lgan boshqa preparatlar (masalan, galantamin yoki rivastigmin), shuningdek diareya, Parkinson kasalligi yoki astmaga qarshi ayrim vositalar.
Alzepil® tabletkalari preparatini ovqat, ichimliklar bilan qabul qilish
Tabletkalarni suv bilan birga, kechqurun uyquga ketish oldidan qabul qiling. Alzepil®ni ovqat qabul qilishdan qatiy nazar qabul qilish mumkin, chunki ovqat uning samarasiga ta'sir qilmaydi.
Doperezil bilan davolash kursi vaqtida alkogolli ichimliklarni iste'mol qilmang, chunki alkogol uning samaradorligini pasaytirishi mumkin.
Reproduktiv qobiliyat, homiladorlik va emizish
Agar Siz homilador bo‘lsangiz, emizsangiz, homiladorman deb o‘ylasangiz, homilador bo‘lishni rejalashtirgan bo‘lsangiz, bu haqida shifokoringizga xabar bering.
Har qanday dori vositalarini qabul qilishdan oldin shifokor yoki farmatsevt bilan maslahatlashing.
Homiladorlik
Agar bunga aniq zarurat bo‘lmasa (shifokor ko‘rsatmasi bo‘yicha), Alzepil®ni homiladorlik vaqtida qabul qilish mumkin emas, chunki bu guruh patsiyentlarda yetarli bo‘lmagan miqdorda ma'lumotlar olingan.
Emizish
Doperezil qabul qilayotgan ayollar, bola emizmasliklari kerak.
Transport vositalarini boshqarish va mexanizmlar bilan ishlash qobiliyatiga ta'siri
Sizning kasalligingiz, Sizni transport vositalari yoki mexanizmlarni boshqarish qobiliyatingizni buzishi mumkin. Dori asosan kursni boshida yoki doza oshirilganida charchoqlik, bosh aylanishi va mushak spazmlarini chaqirishi mumkin. Shuning uchun davolovchi shifokoringiz doimo Sizni transport vositalarini boshqarish yoki murakkab mexanizmlar bilan ishlash qobiliyatingizni baholashi kerak
Shifokoringiz shuningdek, har bir alohida holda, Alzepil® preparatining har bir dozasida Sizni transport vositalarini yoki mexanizmlarni boshqarishingiz mumkinligi haqida qaror qabul qiladi.
3. Alzepil® qobiq bilan qoplangan tabletkalari preparatini qanday qabul qilish kerak.
Alzepil® ni doimo qatiy shifokorning buyurishi bo‘yicha qabul qiling. Agar Sizda ishonch bo‘lmasa, albatta shifokor yoki farmatsevt bilan maslahatlashing.
Shifokorga yoki farmatsevtga Sizga parvarish qilayotgan shaxsning to‘liq nomini ayting. Sizga parvarish qilayotgan shaxs, Sizga bu preparatni buyurilishiga muvofiq qabul qilishga yordam beradi.

Dozalash tartibi

Tavsiya etilgan boshlang‘ich doza: 5 mg dan kuniga bir marta. Bir oy o‘tgach shifokor Sizga har kuni kechqurun 10 mg dan qabul qilishni buyurishi mumkin.
Qo‘llash usuli
Alzepil® tabletkalarini ichga, suv bilan birga, kechqurun uyquga ketish oldidan qabul qiling. Alzepil® ni ovqat qabul qilishdan qat'iy nazar qabul qilish mumkin, chunki ovqat uning samarasiga ta'sir qilmaydi.
Doimo dorini qabul qilish vaqti va usuli bo‘yicha shifokorning buyurganini bajaring. Shifokorning buyurishisiz mustaqil dozani o‘zgartirmang va shifokor Sizga qabul qilishni to‘xtatishni taklif qilmagunicha, tabletkalarni qabul qilishni to‘xtatmang.
Shifokor Sizga bu tabletkalarni Siz qancha vaqt davomida qabul qilishingiz kerakligini xabarini beradi. Siz vaqti-vaqti bilan davolashni nazorati va kasallikning simptomlarini baxolash uchun shifokorga borishingiz kerak bo‘ladi.
Bolalar va o‘smirlar
Bu preparat bolalar va 18 yoshgacha bo‘lgan o‘smirlar uchun tavsiya etilmaydi.
Agar Siz Alzepil® qobiq bilan qoplangan tabletkalar preparatini xaddan ziyod ko‘p qabul qilgan bo‘lsangiz
Hech qachon sutkada bir tabletka 10 mg dan ortiq qabul qilmang. Agar Siz buyurilgandan ortiq dozada preparat qabul qilgan bo‘lsangiz, darhol shifokoringizga murojaat qiling. Agar Siz shifokor bilan bog‘lanaolmasangiz, darhol mahalliy kasalxonaning shoshilinch yoki tez yordam bo‘limiga murojaat qiling.
Siz nima qabul qilganingizni shifokor bilishi uchun, kasalxonaga o‘zingiz bilan tabletkalarni va qutigi olib boring.
Agar Siz Alzepil® qobiq bilan qoplangan tabletkalar preparatini qabul qilishni unutgan bo‘lsangiz
Unutilgan tabletkaning o‘rnini to‘ldirish uchun ikkilangan dozani qabul qilmang, chunki bu o‘tkazib yuborilgan dozaning o‘rnini qoplay olmaydi, lekin dozani oshirib yuborilishiga olib kelishi mumkin. Preparatni qabul qilishni shifokorning buyurishi bo‘yicha davom ettiring.
Agar Siz preparatni qabul qilishni bir xaftadan ortiq unutgan bo‘lsangiz, preparatni qabul qilishni qayta boshlashdan oldin davolovchi shifokoringiz bilan bog‘laning.
Agar Siz Alzepil® qobiq bilan qoplangan tabletkalari preparatini qabul qilishni to‘xtatgan bo‘lsangiz
Davolash kursi to‘xtatilganidan keyin asta-sekin Alzepil® preparatining ijobiy samarasini pasayishi kuzatiladi. Preparat keskin bekor qilinganidan keyin, bekor qilish samarasi kuzatilmaydi.
Hatto agar Siz o‘zingizni yaxshi sezsangiz ham, shifokor bilan maslahatlashmasdan, preparatni qabul qilishni to‘xtatmang.
Agarda Sizda bu preparatni qo‘llash bo‘yicha qo‘shimcha savollar paydo bo‘lsa, davolovchi shifokoringizga murojaat eting.
4. Bo‘lishi mumkin bo‘lgan nojo‘ya reaktsiyalari
Barcha dori vositalari kabi, ushbu preparat nojo‘ya reaktsiyalar chaqirishi mumkin, lekin ular hamma patsiyentlarda ham paydo bo‘lavermaydi.
Agar Sizda quyidagi jiddiy nojo‘ya samaralardan biri paydo bo‘lsa, davolovchi shifokoringizga xabar bering.
• Mushak spazmi bilan xaroratni oshishi, yuqori ko‘p terlash yoki ongni o‘zgargan xolati (“xavfli neyroleptik sindrom, XNS” deb nomlanuvchi buzilish). Sizga ehtimol shoshilinch yordam kerak bo‘lib qolishi mumkin.
Agar Sizda quyida sanab o‘tilgan nojo‘ya samaralaridan biron-bir paydo bo‘lsa va agar ular Siz uchun juda nohush bo‘lsa, davolovchi shifokoringizga xabar bering.
Juda tez-tez (10 patsiyentlarda 1-10 da):
Diareya, ko‘ngil aynishi, bosh og‘rig‘i.
Tez-tez (100 patsiyentlardan 1-10 da):
Shamollash, anoreksiya (ishtahani yo‘qolishi), gallyutsinatsiyalar, qo‘zg‘alish, tajovvuzkor xulq (gallyutsinatsiyalar, qo‘zg‘alish va tajovvuzkor xulq doza pasaytirilganidan yoki preparat bekor qilinganidan keyin yo‘qoladi), hushdan ketishlar, bosh aylanishi, uyqusizlik (uyquga ketishning qiyinligi), qusish, me'dani buzilishi, teri toshmasi, qichishish, mushak spazmlari, siydikni tutaolmaslik, charchoqlik, og‘riq, baxtsiz xodisa.
Tez-tez emas (100 patsiyentlarda 1 dan kamroq):
Tirishish xurujlari, bradikardiya (yurak ritmini sekinlashishi), me'da-ichakdan qon ketishi, me'da yoki o‘n ikki barmoq ichak yarasi, laboratoriya ko‘rsatkichlarini o‘zgarishlari (qon zardobida mushak kreatinkinazasining miqdorini biroz oshishi).
Kam (1000 patsiyentlardan 1 dan kamroq):
Ekstrapiramid simptomlar (titrash, tanglik yoki yuz, til yoki qo‘l-oyoqlarning ixtiyorsiz harakatlari), sino-atrial blokada, yurak aritmiyasi (yurak blokadasi), jigar faoliyatini buzilishi, shu jumladan gepatit (jigarni infektsion shikastlanishi).
Agar Siz biron-bir boshqa nohush samaralar, shuningdek ushbu ilova-varaqada ko‘rsatilmagan samaralar paydo bo‘lsa, bu haqida davolovchi shifokorga yoki farmatsevtga xabar bering. Nojo‘ya samaralari xaqida xabar berib, Siz bu preparatning xavfsizligi bo‘yicha qo‘shimcha ma'lumot olishga yordam berasiz.
5. Alzepil® qobiq bilan qoplangan tabletkalar preparatini qanday saqlash kerak.
30oS dan yuqori bo‘lmagan haroratda saqlansin.
Bolalar olaolmaydigan joyda saqlansin.
Sifatining yomonlashishini aniq belgilari paydo bo‘lganida, Alzepil® preparatini qabul qilish mumkin emas.
6. Yaroqlilik muddati
Yaroqlilik muddati o‘ramida ko‘rsatilgan.
O‘ramida ko‘rsatilgan yaroqlilik muddati o‘tganidan keyin Alzepil® qabul qilinmasin.
Dori vositalarini maishiy chiqindilar yoki oqava suvlarga tashlash mumkin emas. Agar kerak bo‘lmagan preparatni yo‘qotish kerak bo‘lsa, farmatsevt bilan maslahatlashing. Bu choralar atrof-muhitni ifloslanishini oldini olishga yordam berishi mumkin.
7. Dorixonalardan berish tartibi
Shifokor retsepti bo‘yicha beriladi.
8. O‘ram ichidagisi va boshqa ma'lumot
Alzepil® qobiq bilan qoplangan tabletkalari preparati nima saqlaydi
Ta'sir etuvchi modda:
Har bir qobiq bilan qoplangan tabletkada muvofiq 5 mg yoki 10 mg dan doperezil gidroxloridi.
Yordamchi moddalar:
Mikrokristallik sellyuloza, almashinish darajasi past bo‘lgan gidroksipropiltsellyuloza (L-HPC B1), magniy stearati, gipromelloza, titan dioksida, makrogol 400.
Alzepil® qobiq bilan qoplangan tabletkalari preparatining tashqi ko‘rinishi va o‘ram ichidagisi
Tashqi ko‘rinishi
Tabletkalar 5 mg: oq yoki deyarli oq, dumaloq, ikki tomoni qavariq bir tomonida “E 381” gravirovkali, hidsiz yoki deyarli hidsiz, qobiq bilan qoplangan tabletkalar.
Tabletkalar 10 mg: oq yoki deyarli oq, dumaloq, ikki tomoni qavariq bir tomonida “E 382” gravirovkali, hidsiz yoki deyarli hidsiz, qobiq bilan qoplangan tabletkalar.

O‘rami

14 qobiq bilan qoplangan tabletkalardan blisterga joylangan. 2 yoki 4 blister tibbiyotda qo‘llash bo‘yicha yo‘riqnomasi bilan birga karton qutiga joylangan.
MARKETING LITSENZIYaSI EGASI VA IShLAB ChIQARUVChI
“Farmatsevtik zavod Egis” YOAJ
1106 Budapesht, Keresturi ko‘ch., 30-38
VENGRIYA
Ishlab chiqarish maydoni
“Farmatsevticheskiy zavod Egis” YOAJ
1165 Budapesht, Byokenfyoldi ko‘ch., 118-120
VENGRIYA