Erbinol sprey 1% 20ml. №1

Preparatning savdo nomi

Erbinol
Ta'sir etuvchi modda (XPN) Terbinafin

Dori shakli

Sirtga qo‘llash uchun sprey

Tarkibi

1 g preparat quyidagilarni saqlaydi
faol modda terbinafin gidroxloridi 10 mg;
yordamchi moddalar propilenglikol, 96% li etanol, makrogolni setostearil efiri 1000, limon kislotasi monogidrati, tozalangan suv.
Ta'rifi tiniq yoki biroz xira rangsiz eritma.

Farmakoterapevtik guruhi

Sirtga qo‘llash uchun mo‘ljallangan zamburug‘larga qarshi preparat.
ATX kodi D01AE15
Farmakologik hususiyatlari

Farmakodinamika

Terbinafin allilamin hisoblanadi va Trichophyton (masalan, T. rubrum, T. mentagrophytes, T. verrucosum, T. violaceum), Microsporum canis va Epidermophyton floccosum kabi dermatofitlar chaqirgan terining zamburug‘li infektsiyalariga nisbatan zamburug‘larga qarshi keng ta'sir doirasiga ega. Past kontsentratsiyalarda terbinafin dermatofitlar va mog‘or zamburug‘lariga nisbatan fungitsid faollikka ega. Achitqi zamburug‘lariga nisbatan ta'siri zamburug‘ning turiga qarab fungitsid (masalan, Pityrosporum orbiculare yoki Malassezia furfur) yoki fungistatik bo‘lishi mumkin.
Ta'sir mexanizmi zamburug‘larning hujayra membranalarida sterinlar biosintezini erta bosqichida o‘ziga xos ravishda bostirishi bilan ifodalanadi. Bu holat ergosterinni tanqisligiga va skvalenni hujayralar ichida to‘planishiga olib keladi, bu o‘z navbatida zamburug‘ hujayrasini nobud bo‘lishiga olib keladi. Terbinafinning ta'siri zamburug‘larning hujayra membranalarida skvalenepoksidazani ingibitsiya bo‘lishi orqali amalga oshadi. Ushbu ferment sitoxrom R450 izofermentlar tizimiga mansub emas. Terbinafin gormonlar yoki boshqa dori preparatlarining metabolizmiga ta'sir qilmaydi.

Farmakokinetikasi

Preparat sirtga qo‘llanganida so‘rilishi 5% dan kamroq qiymatni tashkil etadi, shuning uchun terbinafin biroz tizimli ta'sir ko‘rsatadi.

Qo‘llanilishi

Trichophyton spp. (shu jumladan T. rubrum, T. mentagrophytes, T. Verrucosum, T. violaceum), va Epidermophyton floccosum dermatofitlari tomonidan chaqirilgan tovon epidermofitiyalari (“sportchining tovoni”), chov epidermofitiyalari (“chavandozni qichishishi”) ni davolash uchun qo‘llanadi.

Qo‘llash usuli va dozalari

Faqat sirtga qo‘llash uchun mo‘ljallangan.
Preparatni surtishdan avval terining shikastlangan sohalarini yaxshilab tozalash va quritish kerak. Preparat shikastlangan teriga va uning atrofidagi sohalarga ularni yaxshilab namlanishi uchun yetarli miqdorda sepiladi, va yengil ishqalanadi.
Kattalar
Erbinol 1% li sprey sutkada 1 marta bir hafta davomida qo‘llanadi.
Kasallikning klinik ko‘rinishlari yaqqolligini kamayishi odatda davolashning dastlabki kunlarida kuzatiladi. Preparat bilan nomuntazam ravishda davolanganda yoki muddatidan oldin to‘xtatilganida infektsiyani qaytalanish havfi mavjud. Agar davolash boshlanganidan so‘ng 2 hafta o‘tgach yaxshilanish belgilari kuzatilmasa, tashxisni tasdiqlash kerak.
Patsiyentlarning maxsus guruhlari
Bolalar
16 yoshgacha bo‘lgan bolalarda preparatni qo‘llash mumkin emas, chunki ushbu patsiyentlar guruhida 1% li terbinafin gidroxloridi spreyini qo‘llash tajribasi cheklangan.
Keksa yoshdagi patsiyentlar

Dozalash tartibi

ga o‘zgartirish kiritish talab etilmaydi.
Preparatni qo‘llash tajribasi
Erbinol spreyni birinchi marta qo‘llashdan oldin, purkagich uchligini tuman hosil bo‘lmagunicha bir necha marotaba bosish kerak, bu preparat qo‘llashga tayyor ekanligidan dalolat beradi.
Nojo‘ya ta'sirlari
Preparat sepilgan sohada terini qichishishi, qipiqlanishi, og‘riq va ta'sirlanishi, terini pigmentatsiyasi, achishish hissi, eritema, qatqaloq va qoraqo‘tirni paydo bo‘lishi kabi mahalliy simptomlar rivojlanishi mumkin.
Ushbu ahamiyatsiz simptomlarni terining yirik sohalarini qichishishi, toshmalar, bullyoz toshmalar va eshakemi kabi allergik reaktsiyalardan farqlash kerak, ular xaqida yagona holatlarda xabar beriladi va ularni rivojlanishi davolashni to‘xtatishni talab etadi.
Preparat bexosdan ko‘zlarga tushganida terbinafin gidroxloridi ko‘zlarni ta'sirlantirishi mumkin.
Kam hollarda asosiy zamburug‘li infektsiya og‘irlashishi mumkin.
Noxush reaktsiyalarni uchrash tezligini quyida foydalanilgan ko‘rsatkichlari quyidagi tarzda aniqlanadi tez-tez (≥ 1/100, ammo < 1/10); tez-tez emas (≥ 1/1000, ammo < 1/100); kam hollarda (≥ 1/10000, ammo < 1/1000); uchrash tezligi noma'lum (mavjud ma'lumotlar asosida baholash mumkin emas.
Immun tizimi tomonidan uchrash tezligi noma'lum – o‘ta yuqori sezuvchanlik.
Ko‘rish a'zolari tomonidan kam hollarda – ko‘zlarni ta'sirlanishi.
Teri va teri osti to‘qimalari tomonidan tez-tez – terini qipiqlanishi, qichishishi; tez-tez emas – terini shikastlanishi, qatqaloq va qoraqo‘tirni paydo bo‘lishi, teri kasalliklari, terini pigmentatsiyasi, eritema, achishish hissi; kam hollarda – terini qurishi, kontakt dermatit, ekzema; uchrash tezligi noma'lum – toshma.
Umumiy buzilishlar va yuborilgan joydagi buzilishlar tez-tez emas – og‘riq, preparat sepilgan joyda og‘riq va ta'sirlanish; kam hollarda – ahvolini yomonlashishi.
Shubha qilingan noxush reaktsiyalar bo‘yicha xabarlar
Dori vositasi ro‘yxatdan o‘tkazilgandan keyin shubha qilingan noxush reaktsiyalar bo‘yicha xabarlar muhim hisoblanadilar. Patsiyentda dori vositasiga nisbatan jiddiy noxush reaktsiya aniqlanganida yoki ushbu bo‘limda ta'riflanmagan yangi noxush reaktsiya paydo bo‘lganida, Milliy farmakologik nazorat tizimiga muvofiq xabar berishingizni so‘raymiz.

Qo‘llash mumkin bo‘lmagan holatlar

Terbinafinga yoki preparatning tarkibiga kiruvchi yordamchi moddalaridan birortasiga yuqori sezuvchanlikda preparatni qo‘llash mumkin emas.
Dorilarning o‘zaro ta'siri
Sprey dori shaklidagi terbinafinning dorilar bilan o‘zaro ta'siri ta'riflanmagan, biroq ehtiyotkorlik chorasi sifatida preparat surtilgan sohalarga boshqa dori vositalarini surtish tavsiya etilmaydi.

Maxsus ko‘rsatmalar

Erbinol spreyni terining shikastlangan sohalari bo‘lgan patsiyentlarda ehtiyotkorlik bilan qo‘llash kerak, chunki preparatning tarkibiga kiruvchi etanol ta'sirlantirishi mumkin.
Preparatni ko‘zlarga tushishidan saqlanish kerak. Preparatni yuzga surtish mumkin emas. Sprey bexosdan ko‘zlarga yoki yuzga sepilganida ularni oqar suv bilan yuvish kerak.
Spreyni nafas yo‘llariga tushishidan saqlaning. Bexosdan nafas yo‘llariga tushganida, agar biror-bir simptomlar rivojlansa yoki saqlanib qolsa, shifokor bilan maslahatlashish kerak.
Erbinol sprey tarkibida, terini ta'sirlantirishi mumkin bo‘lgan propilenglikol saqlaydi.
Homiladorlikda va laktatsiya davrida qo‘llanishi
Homiladorlik
Hayvonlarda o‘tkazilgan tadqiqotlarda terbinafinning teratogen yoki embriotoksik ta'siri aniqlanmagan.
Homilador ayollarda terbinafinni klinik qo‘llash tajribasi cheklanganligi tufayli, homiladorlik davrida preparatni ona uchun davolashdan kutiladigan foyda homila uchun potentsial havfdan ustun bo‘lgan holatlardagina buyurish kerak.
Laktatsiya
Terbinafin ko‘krak sutiga o‘tadi, shuning uchun emizish davrida preparatni qo‘llash mumkin emas.
Go‘dakni terining preparat sepilgan biror-bir sohasi bilan, shu jumladan sut bezlari bilan kontaktda bo‘lishidan saqlanish kerak.
Pediatriyada qo‘llanishi
Preparatni 16 yoshgacha bo‘lgan bolalarda qo‘llash mumkin emas, chunki ushbu patsiyentlar guruhida 1% li terbinafin gidroxloridi spreyini qo‘llash tajribasi cheklangan.
Avtotransportni haydash va mexanizmlarni boshqarish qobiliyatiga ta'siri
Preparat avtotransportni boshqarish, shuningdek diqqatni yuqori darajada jamlash bilan bog‘liq ishlarni bajarish qobiliyatiga ta'sir qilmaydi.

Dozani oshirib yuborilishi

Preparat sirtga qo‘llanganida terbinafinni tizimli so‘rilishi past, bu dozani oshirib yuborilish ehtimoli juda kamligini bildiradi.
Bitta flakonning ichidagi spreyni bexosdan yutib yuborilishi terbinafinning 250 mg dozadagi bitta tabletkasini (ichga qabul qilinganida kattalar uchun) qabul qilish bilan tengdir. Spreyning katta miqdori ixtiyorsiz ravishda yutib yuborilganida kuzatiladigan noxush reaktsiyalar, terbinafin tabletkalarini dozasi oshirib yuborilganida kuzatiladigan noxush reaktsiyalar bilan o‘xshash bo‘ladi. Ularga bosh og‘rig‘i, ko‘ngil aynishi, epigastral sohada og‘riq va bosh aylanishi kiradi. Bexosdan yutib yuborilganida dori preparatining tarkibida etanol (26,25%) borligini inobatga olish kerak.
Preparat bexosdan yutib yuborilganida kuzatiladigan dozini oshirib yuborilishini davolash, birinchi navbatda, faollashtirilgan ko‘mir qabul qilish yordamida organizmdan faol moddani chiqarib yuborish va zarurat bo‘lganida simptomatik qo‘llab quvvatlovchi davolash o‘tkazishdan iborat bo‘ladi.

Chiqarilish shakli

Sirtga qo‘llash uchun sprey 20 ml dan purkagich uchligi va himoya qalpoqchasi bo‘lgan polietilen flakonlarda.
1 flakon tibbiyotda qo‘llanilishiga doir yo‘riqnomasi bilan birga karton qutiga joylangan.
Forma vыpuska
Sprey dlya narujnogo primeneniya po 20 ml v polietilenovom flakone s raspыlitelnoy nasadkoy i zaщitnыm kolpachkom.
1 flakon vmeste s instruktsiyey po meditsinskomu primeneniyu v kartonnoy korobke.

Saqlash sharoiti

25ºC dan yuqori bo‘lmagan xaroratda saqlansin.
Bolalar ololmaydigan joyda saqlansin!
Flakon ochilganidan so‘ng preparat 3 oy davomida qabul qilinsin.

Yaroqlilik muddati

Ishlab chiqarilgan

sanadan boshlab 3 yil.

Yaroqlilik muddati

tugaganidan so‘ng qo‘llanilmasin.

Dorixonalardan berish tartibi

Retseptsiz.