BENZONAL
BENZONALUM

Bu dorini qabul qilishdan oldin ushbu yo‘riqnomani diqqat bilan o‘qib chiqing.
• Yo‘riqnomani saqlang, u yana kerak bo‘lishi mumkin.
• Agarda Sizda savollar tug‘ilsa, shifokorga murojaat qiling.
• Ushbu dori shaxsan Sizga buyurilgan va uni boshqa shaxslarga berish mumkin emas, chunki Sizdagi simptomlar mavjud bo‘lsa ham, u ularga zarar yetkazishi mumkin.


Preparatning savdo nomi
Benzonal
Ta'sir qiluvchi modda (XPN) benzobarbital (benzobarbitalum)

Dori shakli
tabletkalar

Tarkibi

1 tabletka quyidagilarni saqlaydi
Faol modda
benzobarbital (benzonal) – 100 mg;
Yordamchi moddalar
kartoshka kraxmali – 14,12 mg,
povidon – 1,2 mg,
(quyi molekulyar tibbiy
polivinilpirrolidon)
metiltsellyuloza – 1,74 mg,
stearin kislotasi – 0,94 mg
Ta'rifi oq rangli, dumaloq, yassitsilindrik shaklli faska va riskali tabletkalar.

Farmakoterapevtik guruhi
tutqanoqqa qarshi vosita.
Kuchli ta'sir qiluvchi vositalar ro‘yxatiga kiradi.
ATX kodi N03AA.


Farmakologik xususiyatlari


Farmakodinamika
si
Benzobarbital ko‘pchilik uxlatuvchi, narkotik va tirishishga qarshi vositalarning asosi hisoblangan barbiturat kislotasining hosilalariga kiradi. Bu guruhning preparatlari anestetik, uxlatuvchi, sedativ va tirishishga qarshi samara ko‘rsatadi. Barbituratlar barbiturat retseptorlari bilan bog‘lanadi. Bu o‘z navbatida GAMK (gamma-aminomoy kislotasi) ning samarasini potentsiyalaydi va neyron membranasi orqali xlor ionlarini o‘tishini kuchaytiradi, bu neyronning qisman giperpolyarizatsiyasi va o‘tkazuvchanligini pasayishiga olib keladi. Barbiturat retseptorlari benzodiazepin va GAMK retseptorlariga yaqin joylashganligi sababli, barbituratlar ushbu birikmalarni ularning retseptorlari bilan o‘zaro ta'sirini kuchaytiradi. Barbituratlar markaziy nerv tizimining faoliyatini umumiy susayishini chaqiradi.
Benzobarbital – tutqanoqqa qarshi vosita, amalda uxlatuvchi ta'sir ko‘rsatmaydi. Farmakologik ta'siri markaziy nerv tizimida, ayniqsa talamusda, qo‘shimcha neyronlar darajasida miya o‘zagining ko‘tariluvchi faollashtiruvchi retikulyar formatsiyasida GAMK-ergik ta'sirini tormozlovchi metaboliti – fenobarbital bilan bog‘liq. Na+ (natriy ioni) uchun nerv tolalari membranalarining o‘tkazuvchanligini pasaytirib tutqanoq faolligi o‘chog‘idan impulьslarni tarqalishini kamaytiradi. Samarasi peroral qabul qilinganidan keyin 20-60 minut o‘tgach kuzatiladi. Benzobarbital jigarning mikrosomal fermentlarining induktori bo‘lib, qon zardobida bilirubinning kontsentratsiyasini kamaytiradi.


Farmakokinetikasi

- so‘rilishi benzobarbital me'dada tez so‘riladi. Qabul qilinganidan keyin 1-3 soat o‘tgach qonda maksimal kontsentratsiyasiga erishiladi. Qonda turg‘un kontsentratsiyasiga 3 kuni erishiladi. Qon plazmasida terapevtik kontsentratsiyasi 15-45 mg/l.
- taqsimlanishi plazma oqsillari bilan bog‘lanishi – kuchsiz. Turli a'zo va to‘qimalarda bir tekis taqsimlanadi. Bosh miya, jigar va buyraklarda yuqori kontsentratsiyalarni hosil qiladi. Gistogematik to‘siqlar orqali va ona sutiga kiradi.
- metabolizmi benzobarbital organizmda tutqanoqqa karshi samara ko‘rsatuvchi fenobarbital hosil qilib jigarning mikrosomal fermentlari tomonidan metabolizmga uchraydi.
- chiqarilishi yarim chiqarilish davri (T1/2) – 3-4 kun. Buyraklar orqali ham o‘zgarmagan, ham metabolitlari shaklida chiqariladi.


Qo‘llanilishi

Tirishish sindromi, turli genezli tutqanoq, xurujlarning barcha turlari.
• Partsial xurujlar
• Ikkilamchi tarqalgan xurujlar
• Tonik-klonik xurujlar
• Mioklonik xurujlar
• Lennoksa-Gasto sindromidagi xurujlar
• Infantil spazmlar


Qo‘llash usuli va dozalari

Ovqatdan keyin, sutkada 3 marta ichga qabul qilinadi.
Dozalash tartibi
shaxsiy va shifokor tomonidan buyuriladi. Davolash bir martalik dozani bir marta qabul qilishdan boshlanadi. 2-3 kundan keyin doza klinik samaraga erishguncha (xurujlarning tez-tezligini kamayishi yoki to‘liq to‘xtashi) bosqichma-bosqich oshiriladi. Davolash kursi uzluksiz va uzoq muddatli, kamida 2 yil.
Bir martalik doza – 100-150-200 mg; eng yuqori bir martalik doza 300 mg, eng yuqori sutkalik doza – 800 mg.
7-10 yoshli bolalar uchun bir martalik doza – 50-100 mg, sutkalik doza – 150-300mg; 11-14 yoshda bir martlik doza – 100 mg, sutkalik doza – 300-400 mg; katta yoshli bolalar uchun eng yuqori bir martalik doza – 150 mg; eng yuqori sutkalik doza – 450 mg.
7 yoshdan kichik bolalar uchun 100 mg dozali tabletkalar qo‘llanmaydi.

Nojo‘ya ta'sirlari
Markaziy nerv tizimi tomonidan uyquchanlik, holsizlik, ruhiy reaktsiyalarni susayishi, tormozlanish, bosh og‘rig‘i, ataksiya, nistagm, nutqni qiyinlashishi (ushbu hollarda dozani muvofiqlashtirish yoki kofeinni buyurish talab qilinadi).
Qon yaratish tizimi tomonidan trombotsitopeniya, kamqonlik.
Yurak-qon tomir tizimi tomonidan arterial bosimni pasayishi, tromboflebit.
Boshqalar o‘rganib qolish, doriga qaramlik, “bekor qilish” sindromi, ishtahani yomonlashishi, allergik reaktsiyalar, bronxospazm.
Agarda yo‘riqnomada ko‘rsatilgan har qanday nojo‘ya samaralari og‘irlashsa yoki Siz yo‘riqnomada ko‘rsatilmagan har qanday nojo‘ya samaralarni sezsangiz, bu haqida shifokorga xabar bering.



Qo‘llash mumkin bo‘lmagan holatlar

Buyraklar va/yoki jigar faoliyatini og‘ir buzilishlari, NYHA bo‘yicha II-IV sinf surunkali yurak yetishmovchiligi, porfiriya, kamqonlik, bronxial astma, nafas yetishmovchiligi, qandli diabet, tireotoksikoz, buyrak usti bezlarining yetishmovchiligi, giperkinezlar, depressiv holatlar (suitsidal urinishlar), benzobarbitalga yuqori sezuvchanlik.
7 yoshgacha bo‘lgan bolalar.

Dorilarning o‘zaro ta'siri
Narkotik analgetiklar, umumiy anesteziya uchun dori vositalari, trankvilizatorlar, tritsiklik antidepressantlar, etanol, uxlatuvchi vositalarning samarasini kuchaytiradi, paratsetamol, antikoagulyantlar, tetratsiklinlar, grizeofulvin, glyukokortikosteroid-lar, mineralokortikoidlar, yurak glikozidlari, xinidin, D vitamini, ksantinlarning samarasini susaytiradi.


Maxsus ko‘rsatmalar

Barbituratlar uchun bekor qilish sindromi – preparatni qabul qilish to‘xtatilganida xurujlarni qaytalanishi va og‘irlashishi xarakterli. Ilgari boshqa barbituratlarni qabul qilgan bemorlarda Benzonal bilan davolashga o‘tishda, kechasiga fenobarbitalni (50-100 mg) yoki boshqa uxlatuvchi dori vositalarini buyurish bilan bartaraf qilinadigan uyquni buzilishi mumkin. Hozirgi vaqtda tutqanog‘i bo‘lgan bemorlarni davolash kamroq yaqqollikdagi nojo‘ya samaralarga ega bo‘lgan boshqa tutqanoqqa qarshi vositalardan (valproat kislotasi, karbamazepin) boshlanadi. Agarda ushbu vositalar samarasiz bo‘lsa, asosan majmuaviy davolash tarkibida benzobarbital buyuriladi.
Dori vositalarini suiste'mol qiluvchi yoki anamnezida doriga qaramligi bo‘lgan patsiyentlarda; jigar faoliyatini buzilishlarida, o‘tkir yoki doimiy og‘riqlarda, buyraklar faoliyatini buzilishlarida, xansirash yoki nafas yo‘llarining obstruktsiyasi, ayniqsa astmatik xuruj bilan kechuvchi nafas a'zolarining kasalliklarida ehtiyotkorlik bilan qo‘llash kerak.
Uzoq muddat qo‘llanganida jigar shikastlanishi mumkin.
Barbituratlardan biriga yuqori sezuvchanlikka ega patsiyentlar boshqa barbituratlarga ham yuqori sezuvchanlikka ega bo‘lishlari mumkin.
Benzobarbitalni grizeofulvin bilan bir vaqtda qo‘llash mumkin emas. Bir vaqtda qo‘llanganida qon plazmasida gidantoin hosilalarining kontsentratsiyasini monitorlash kerak.
Doriga qaramlik rivojlanishi mumkin. Barbituratlar bilan o‘tkir yoki surunkali kuchsiz zaharlanish alkogolli mastlikni eslatadi. Simptomlari o‘z ichiga tormozlanish, diskoordinatsiya, fikrlashda qiyinchilik, yomon xotira, nutqni va tushunishni sekinlashishi, tanqidni buzilishi, tajavvuzkor jinsiy impulьslarni tutib turaolmaslik, diqqat diapazonini torayishi, emotsional labillik va asosiy shaxsiy qirralarni kuchayishi, bu keyinchalik suitsidal hatti-harakatlarni rivojlanishiga olib kelishi mumkin. Davolash davrida alkogolni iste'mol qilishga yo‘l qo‘ymaslik kerak.
Davolash davrida psixomotor reaktsiyalarning tezligini sekinlashishi kuzatiladi. Diqqatni yuqori jamlash va psixomotor reaktsiyalarning tezligini talab qiluvchi potentsial xavfli faoliyat turlaridan saqlanish kerak.
Homiladorlik va emizish davrida qo‘llanishi
Yo‘ldosh to‘sig‘i orqali va ona sutiga kirishi sababli, preparatni homiladorlik va emizish davrida qo‘llash mumkin emas. Emizish davrida emizishni to‘xtatish kerak.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.



Dozani oshirib yuborilishi

Simptomlari markaziy nerv tizimining faoliyatini komagacha susayishi (uyquchanlik, ko‘rishni yomonlashishi, ataksiya, dizartriya, nistagm), nafas markazini susayishi, arterial bosimni pasayishi, buyraklar faoliyatini buzilishi, bosh og‘rig‘i, yaqqol holsizlik, tana haroratini oshishi yoki pasayishi, qo‘zg‘alish, qorachiqlarni torayishi, taxi- yoki bradikardiya, sianoz, bosilgan joylarda gemorragiyalar, o‘pkalarni shishi. Surunkali intoksikatsiyalarda – ta'sirchanlik, tanqidiy baholash qobiliyatini susayishi, uyquni buzilishi, ongni chalkashishi.
Davolash me'dani yuvish, faollashtirilgan ko‘mirni qabul qilish, nafas va yurak-tomir, markaziy nerv tizimi, jigar, buyraklar faoliyatini tiklashga va tutib turishga qaratilgan simptomatik va reanimatsion davolash.


Chiqarilish shakli

Tabletkalar 100 mg. 10 tabletkadan polivinilxlorid parda va alyumin folga yoki alyumin folga asosidagi bukiluvchan o‘ramli kontur uyali o‘ramda. 1, 2 yoki va 5 kontur uyali o‘ramdan qo‘llash bo‘yicha yo‘riqnomasi bilan karton qutida.


Saqlash sharoiti

Kuchli ta'sir qiluvchi moddalarni saqlash qoidalariga muvofiq.
Yorug‘likdan himoyalangan joyda, 25oS dan yuqori bo‘lmagan haroratda saqlansin.


Yaroqlilik muddati

4 yil.


Dorixonalardan berish tartibi

Retsept bo‘yicha.


Ishlab chiqaruvchi

“Moskovskiy endokrinniy zavod” Federal davlat unitar korxonasi

Qayd qilish guvohnomasining egasi/e'tirozlarni qabul qiluvchi tashkilot
“Moskovskiy endokrinnыy zavod” Federal davlat unitar korxonasi
109052, Moskva sh., Novoxoxlovskaya ko‘ch., 25.
Tel/faks (495) 678-00-50/911-42-10