Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Bonkur eritma tayyorlash uchun konsentrat 4mg/5ml 5ml
Bonkur eritma tayyorlash uchun konsentrat 4mg/5ml 5ml
'Ushbu mahsulot stokda yo'q, lekin biz siz uchun analoglarni tanladik
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Золедроновая кислота
Страна производитель
Армения
Дозировка
4мг/5мл 5мл
Производитель
Ликвор,ЗАО,Армения
Рецептурный препарат
Да
Форма выпуска
Концентрата для приготовления инфузионного раствора
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Dorixonalardan berish tartibi
Preparatning savdo nomi
BONKUR
Ta'sir etuvchi modda (MNN) zolendron kislotasi
Dori shakli
infuziya uchun eritma tayyorlash uchun kontsentrat.
Tarkibi
faol modda zolendron kislotasi – 4,0 mg;
yordamchi moddalar mannitol – 220 mg, natriy sitrati – 24 mg; in'ektsiya uchun suv – 5 ml gacha.
Ta'rifi rangsiz yoki biroz sarg‘ish tiniq suyuqlik.
Farmakoterapevtik guruhi
suyak rezorbtsiyasining ingibitori, bisfosfonat.
ATX kodi M05VA08.
Farmakologik ta'siri
Farmakodinamika
si
Zoledron kislotasi suyak to‘qimasiga tanlab ta'sir qilish xususiyatiga ega, yuqori samarali bisfosfonatlar sinfiga mansub, suyak rezorbtsiyasining ingibitoridir. Bisfosfonatlarning suyakka tanlab ta'sir ko‘rsatishi ularning minerallashgan suyak to‘qimasiga yuqori yaqinligi bilan bog‘liq, biroq osteoklastlarning faolligini ingibitsiya qilinishini ta'minlovchi aniq molekulyar mexanizmi hozirgacha aniqlanmaganlicha qolmoqda. Hayvonlarda o‘tkazilgan tadqiqotlar zoledron kislotasini suyaklarni shakllanishi, mineralizatsiyasi va mexanik xususiyatlariga nojo‘ya ta'sir ko‘rsatmasdan, suyakning rezorbtsiyasini ingibitsiya qilinishini ko‘rsatdi.
Suyak rezorbtsiyasini ingibitsiya qiluvchi ta'siridan tashqari, zolendron kislotasi suyaklarning metastatik shikastlanishini davolash samaradorligini oshirish bilan, ma'lum o‘smalarga qarshi xususiyatlarga ham ega.
Klinik oldi tadqiqotlarida quyidagilar ko‘rsatilgan
In vivo – suyak to‘qimasining mikromuhitini o‘zgartiruvchi, o‘sma hujayralarini o‘sishiga olib keluvchi suyak to‘qimasining osteoklast rezorbtsiyasini ingibitsiya qilinishi; antiangiogen va og‘riqqa qarshi faollik.
In vitro – osteoblastlarning proliferatsiyani ingibitsiya qilinishi, bevosita sitostatik va proapoptostatik faollik, o‘smalarga qarshi preparatlar bilan sinergik sitostatik samara; antiadgeziv/invaziv faollik.
Zoledron kislotasi proliferatsiyani bostirib va apoptozni induktsiya qilib, odam miyelomasining hujayralariga nisbatan va sut bezining rakiga bevosita o‘smalarga qarshi ta'sir ko‘rsatadi, shuningdek odam sut bezining rak hujayralarini ekstratsellyulyar matriks orqali kirishini kamaytiradi, bu unda antimetastatik xususiyatlarni borligidan dalolat beradi.
Farmakokinetikasi
Suyaklarida metastazlari bo‘lgan 64 nafar patsiyentlarda 2, 4, 8 va 16 mg dozalarda 5 va 15 minut davomida bir martalik va takroriy infuziyalar ko‘rinishida yuborilgan zoledron kislotasining farmakokinetik ko‘rsatkichlari dozaga bog‘liq bo‘lmagan.
Zoledron kislotasining infuziyasi boshlanganidan keyin, preparatning plazmadagi kontsentratsiyalari tez oshib, infuziyaning oxirida cho‘qqiga erishgan, so‘ngra 4 soatdan keyin cho‘qqining <10% gacha va 24 soatdan keyin cho‘qqining <1% gacha tez pasaygan, o‘z navbatida uzoq muddat, 28 kuniga preparatning ikkinchi infuziyasigacha cho‘qqining0,1% dan oshmaydigan juda past kontsentratsiyalargacha pasaygan.
Vena ichiga yuborilgan zoledron kislotasi uch fazada chiqariladi yarim chiqarilish davri 0,24 soat va 1,87 soat bo‘lgan qon aylanish tizimidan ikki fazali tez chiqarilishi va yakuniy yarim chiqarilish davri 146 soatni tashkil qilgan davomli fazasi kuzatiladi. Har 28 kunda takroran qo‘llanganida preparatni plazmada to‘planishi kuzatilmagan. Zoledron kislotasi metabolizmga uchramaydi va buyraklar orqali o‘zgarmagan ko‘rinishda chiqariladi. Birinchi 24 soat davomida yuborilgan dozaning 39±16% siydik bilan chiqariladi. Preparatning qolgan miqdori esa asosan suyak to‘qimasi bilan bog‘lanadi. So‘ngra zoledron kislotasini asta-sekin tizimli qon oqimiga qaytadan ajralib chiqishi va uni buyraklar orqali chiqarilishi yuz beradi. Preparatning plazmadan umumiy klirensi 5,04±2,5 l/soatni tashkil qiladi va u preparatning dozasiga, patsiyentning jinsi, yoshi, irqiy mansubligi va tana vazniga bog‘liq emas. Infuziyaning davomiyligini 5 minutdan 15 minutgacha oshishi infuziyaning oxirida qonda zoledron kislotasining kontsentratsiyasini 30% ga pasayishiga olib keladi, ammo AUC ko‘rsatkichiga ta'sir qilmaydi.
Giperkaltsiyemiyasi, buyrak yetishmovchiligi bo‘lgan patsiyentlarda zoledron kislotasining farmakokinetikasi bo‘yicha ma'lumotlar yo‘q. In vitro sharoitda olingan ma'lumotlarga ko‘ra, zoledron kislotasi odamning R450 fermentini ingibitsiya qilmaydi va biotransformatsiyaga uchramaydi, bu, jigarning funktsional holati zoledron kislotasining farmakokinetikasiga jiddiy ta'sir qilmasligini taxmin qilishga imkon beradi. Hayvonlarda o‘tkazilgan tadqiqotlarning ma'lumotlariga ko‘ra, preparatning dozasini 3% dan kamrog‘i axlat bilan chiqariladi.
Zoledron kislotasining buyrak klirensi kreatinin klirensi bilan ijobiy korrelyatsiyalanadi va tadqiqotga kiritilgan 64 nafar patsiyentdagi 84±29 ml/min ni (diapazon 22-143 ml/min) tashkil qiluvchi kreatinin klirensining 75±33% ni tashkil qiladi. Populyatsiyalarni tahlil qilish, kreatinin klirensi 20 ml/min (o‘tkir buyrak yetishmovchiligi) yoki 50 ml/min (o‘rtacha buyrak yetishmovchiligi) bo‘lgan bemorlarda zoledron kislotasining hisoblab chiqilgan klirensi, kreatinin klirensi 84 ml/min bo‘lgan patsiyentlarda mos ravishda 37% yoki 72% bo‘lishini ko‘rsatdi. Og‘ir buyrak yetishmovchiligi (kreatinin klirensi minutiga 30 ml dan kam) bo‘lgan bemorlar to‘g‘risida ma'lumotlar yo‘q.
Qo‘llanilishi
-Xavfli o‘sma oqibatida yuz bergan giperkaltsiyemiya;
-Solid o‘smalarning osteolitik, osteoblastik va aralash suyak metastazlari va ko‘p sonli miyelomadagi osteolitik o‘choqlarda majmuaviy davolash tarkibida qo‘llanadi.
Qo‘llash usuli va dozalari
Preparat dastlab 9% li natriy xlorid eritmasi yoki 5% li glyukoza eritmasining100 ml da suyultirib, vena ichiga tomchilab yuboriladi. Infuziya davomiyligi – kamida 15 minut.
Xavfli o‘sma oqibatida yuz bergan giperkaltsiyemiyada
Kattalar va keksa yoshdagi patsiyentlar
Giperkaltsiyemiyada (albuminning darajasi bo‘yicha tuzatish bilan qon zardobida kaltsiyning kontsentratsiyasi ≥12 mg/dl yoki 3 mmol/l) zoledron kislotasining tavsiya qilingan dozasi 4 mg ni tashkil qiladi. Preparatni yuborishdan oldin patsiyentning gidratatsiya darajasini baholash lozim. Zoledron kislotasining infuziyasi patsiyentda suvsizlanish belgilari bo‘lmagan sharoitlarda o‘tkaziladi.
Takroriy yuborish
Zoledron kislotasini takroriy yuborish yaqqol klinik samaradan keyin holatni yomonlashishi yuz bergan hollarda (ya'ni zardobda kaltsiyning kontsentratsiyasini2,7 mmol/l va undan past ko‘rsatkichlarga erishilganda) yoki birinchi yuborishga refrakterlik holida o‘tkaziladi. Zoledron kislotasini birinchi va takroriy yuborish orasidagi interval kamida bir hafta bo‘lishi kerak, chunki bu vaqt to‘liq klinik samarani rivojlanishi uchun zarur davr hisoblanadi. Takroran preparat 8 mg dozada15 minut davomida yuboriladi.
Odatda qonda kaltsiyning darajasini pasayishiga erishilgan samara 4 mg zoledron kislotasi yuborilganidan keyin 30 kun davomida va 8 mg yuborilganidan keyin esa – 40 kun davomida saqlanib qoladi.
Solid o‘smalarning osteolitik, osteoblastik va aralash suyak metastazlari va ko‘p sonli miyelomadagi osteolitik o‘choqlarda majmuaviy davolash tarkibida
Kattalar va keksa yoshdagi patsiyentlar
Zoledron kislotasining tavsiya qilingan dozasi 4 mg ni tashkil qiladi. Yuborishlar soni - har 3-4 haftada 1 marta.
Patsiyentlarga shuningdek kaltsiy preparatlarini og‘iz orqali sutkada 500 mg dozada vaD vitamini 400 XB dozada har kuni buyurish kerak.
Buyrak funktsiyasini buzilishi bo‘lgan patsiyentlar.
Xavfli o‘sma oqibatida yuz bergan giperkaltsiyemiyada
Buyrak funktsiyasini og‘ir buzilishlari bo‘lgan patsiyentlarga preparatni faqat davolashning xavfi va foydasi baholanganidan keyingina buyurish mumkin. Klinik tadqiqotlarda qon zardobida kreatinin darajasi > 400 mkmol/l yoki >4,5 mg/dl bo‘lgan patsiyentlar sinovdan chiqarib yuborilgan. Buyrak funktsiyasini kuchsiz yoki o‘rtacha darajali buzilishlari (zardob kreatininining darajasi <400 mkmol/l yoki <4,5 mg/dl) bo‘lgan patsiyentlarda dozalash tartibiga tuzatish kiritish talab qilinmaydi.
Solid o‘smalarning suyak metastazlari va ko‘p sonli miyelomada osteolitik o‘choqlar
Davolashni boshida zardobdagi kreatinin darajasi va kreatinin klirensi aniqlanishi kerak. Buyrak funktsiyasini og‘ir buzilishlari (kreatinin klirensi <30 ml/min) bo‘lgan patsiyentlarga preparatni buyurish tavsiya qilinmaydi.
Klinik tadqiqotlarda qon zardobida kreatinin darajasi > 265 mkmol/l yoki >3,0 mg/dl bo‘lgan patsiyentlar sinovdan chiqarib yuborilgan.
Ushbu toifa patsiyentlarga buyraklar faoliyatini og‘irlik darajasi yengil yoki o‘rtacha (kreatinin klirensi 30 dan 60 ml/min gacha) bo‘lgan buzilishlarida davolashning boshida preparatning quyidagi dozalari tavsiya qilinadi
Kreatinin klirensining dastlabki darajasi (ml/min)Zoledron kislotasining tavsiya qilingan dozasi (mg)
> 604,0
50-603,5*
40-493,3*
30-393,0*
*Preparatning dozalari berilgan AUC = 0,66 mg ∙ soat/l (kreatinin klirensi 75 ml/min) kelib chiqib hisoblangan. Buyrak funktsiyasini buzilishi bo‘lgan patsiyentlar uchun AUC, kreatinin klirensi 75 ml/min bo‘lgan patsiyentlarda erishilgan darajagacha dozani pasaytirish ko‘zda tutiladi.
Davolash boshlanganidan keyin zoledron kislotasining har bir dozasini qabul qilishdan oldin qon zardobida kreatinin darajasini o‘lchash kerak, va buyrak funktsiyasini og‘irlashgan hollarda davolashni bekor qilish kerak.
Klinik sinovlarda buyrak funktsiyasini buzilishi quyidagi tarzda aniqlanadi
-zardobda kreatinning dastlabki darajasi normal bo‘lgan patsiyentlar uchun (<1,4 mg/dl yoki <124 mkmol/l) – ko‘rsatkichni 0,5 mg/dl yoki 44 mkmol/l ga oshishi;
-zardobda kreatinning dastlabki darajasi o‘zgargan patsiyentlar uchun (<1,4 mg/dl yoki <124 mkmol/l) – ko‘rsatkichni 1 mg/dl yoki 88 mkmol/l ga oshishi;
Preparat bilan davolashni, davolash qanday dozada to‘xtatilgan bo‘lsa, shunday dozada qaytadan boshlash kerak.
Zoledron kislotasining pasaytirilgan dozalarini tayyorlash bo‘yicha yo‘riqnoma.
Zarur bo‘lgan suyuq kontsentratning tegishli hajmini olish kerak
3,5 mg doza uchun - 4,4 ml;
3,3 mg doza uchun - 4,1 ml;
3,0 mg doza uchun - 3,8 ml.
Nojo‘ya ta'sirlari
Tez-tezligini aniqlash juda tez-tez (>1/10), tez-tez (>1/100 dan <1/10 gacha), ba'zida (>1/1000 dan <1/100 gacha), kam hollarda (>1/10000 dan <1/1000 gacha), juda kam hollarda (<1/10000).
Qon va limfatik tizimi tomonidan tez-tez – anemiya; ba'zida – trombotsitopeniya, leykopeniya; kam hollarda – pantsitopeniya.
Yurak-qon tomir tizimi tomonidan ba'zida – gipertenziya, gipotenziya; kam hollarda – bradikardiya.
Nerv tizimi tomonidan tez-tez – bosh og‘rig‘i; ba'zida – bosh aylanishi, paresteziyalar, ta'mni buzilishi, giposteziya, gipersteziya, tremor.
Ruhiyat tomonidan ba'zida – qo‘zg‘alish, uyquni buzilishi; kam hollarda – ongni chalkashishi.
Me'da-ichak yo‘llari tomonidan tez-tez – ko‘ngil aynishi, qusish, anoreksiya; ba'zida – diareya, qabziyat, qorin og‘rig‘i, dispepsiya, stomatit, og‘izni qurishi.
Nafas tizimi tomonidan ba'zida – dispnoe, yo‘tal.
Teri va teri osti to‘qimalari tomnidan ba'zida – qichishish, teri toshmasi (shu jumladan eritematoz va makulyar toshma), ko‘p terlash.
Suyak-mushak tizimi, biriktiruvchi to‘qima tomonidan tez-tez – suyaklarda og‘riq, mialgiya, artralgiya, yoyilgan og‘riq; ba'zida – mushaklarni tirishishlari.
Buyraklar va siydik-jinsiy tizimi tomonidan tez-tez – buyrak funktsiyasini buzilishi, ba'zida – o‘tkir buyrak yetishmovchiligi, gematuriya, proteinuriya.
Umuman organizm tomonidan tez-tez – isitma, grippga o‘xshash holat (shu jumladan charchoqlik, etni uvishishi, lohaslik va yuzga qonni oqib kelishi); kam hollarda – asteniya, periferik shish, ko‘krakda og‘riq, tana vaznini oshishi.
Mahalliy reaktsiyalar ba'zida - in'ektsiya qilingan joyda og‘riq, ta'sirlanish, shish, qattiqlashish.
Laboratoriya ko‘rsatkichlari tomonidan juda tez-tez – gipofosfatemiya; tez-tez – qonda kreatinin va mochevinaning darajasini oshishi, gipokaltsiyemiya; ba'zida – gipomagniyemiya, gipokaliyemiya; kam hollarda – giperkaliyemiya, gipernatriyemiya.
Ko‘rish a'zolari tomonidan tez-tez – kon'yunktivitlar; ba'zida – ko‘rishni xiralashishi; juda kam hollarda – uveit, episklerit.
Qo‘llash mumkin bo‘lmagan holatlar
-Bisfosfonatlarga, zoledron kislotasiga va preparatning har qanday boshqa komponentlariga yuqori sezuvchanlik;
-Homiladorlik va emizish davrida qo‘llash mumkin emas.
Dorilarning o‘zaro ta'siri
Bisfosfonatlar quyidagi vositalar bilan birga qo‘llanganida ehtiyotkorlikka rioya qilish kreak
-aminoglikozidlar bilan, chunki ikkala prepapart xam zardobdagi kaltsiyning kontsentratsiyasiga additiv ta'sir qilishi mumkin, buning natijasida qon zardobida kaltsiyning darajasi, keragidan ko‘proq pastligicha qolishi mumkin;
-xalqali diuretiklar bilan, chunki gipokaltsiyemiyani rivojlanish xavfi oshadi;
-boshqa potentsial nefrotoksik preparatlar bilan.
Gipomagniyemiya rivojlanishi mumkinligini ko‘zda tutish kerak.
Bisfosfonatlar talidomid bilan bir vaqtda buyurilganida buyrak funktsiyasini buzilishini rivojlanish xavfi oshadi.
Farmatsevtik nomutanosiblik
Zoledron kislotasini kaltsiy saqlovchi eritmalar (Ringer eritmasi va boshqalar) bilan aralashtirish mumkin emas.
Zoledron kislotasining eritmasini har qanday boshqa dori preparatlari bilan aralashtirish mumkin emas. Zoledron kislotasining eritmasini yuborish uchun alohida infuziya tizimini ishlatish kerak.
Shisha flakonlar, shuningdek polivinilxlorid, polietilen va polipropilendan tayyorlangan (oldindan 0,9% li natriy xloridi yoki 5% li glyukoza eritmasi bilan to‘ldirilgan) infuzion paketlar va tizimlarning har xil turlari bilan o‘tkazilgan tadqiqotlarda, yuqorida ko‘rsatilgan materiallar bilan nomutanosiblikning yo‘qligi ko‘rsatilgan.
Maxsus ko‘rsatmalar
Zolendron kislotasini buyurishdan oldin patsiyentlarda gidratatsiya o‘tkazilishi kerak. Yurak-qon tomir tizimi tomonidan asoratlarni paydo bo‘lish xavfi tufayli, patsiyentning gipergidratatsiyasiga yo‘l qo‘ymaslik lozim.
Preparat yuborilgandan keyin qon zardobida kaltsiy, fosfor, magniy va kreatininning kontsentratsiyalarini doimiy nazorat qilish kerak. Gipokaltsiyemiya, gipofosfatemiya yoki gipomagniyemiya rivojlangan hollarda, qisqa muddatli tutib turuvchi davolash o‘tkazilishi kerak. Chunki davolanmagan giperkaltsiyemiyali patsiyentlarda buyrak funktsiyasi ma'lum darajada buzilishi mumkin, shuning uchun buyrak funktsiyasini sinchkov nazoratini o‘tkazish kerak.
Buyrak yetishmovchiligi
O‘sma oqibatidagi giperkaltsiyemiyasi va buyrak funktsiyasini yomonlashishining belgilari bo‘lgan patsiyentlarga preparatni, faqat preparat bilan uzoq muddatli davolashdan kutilgan potentsial foyda, bo‘lishi mumkin bo‘lgan xavfdan ustun bo‘lgandagina buyurish mumkin.
Suyak to‘qimasi bilan bog‘liq bo‘lgan simptomlarni oldini olish maqsadida suyakda metastazlari bo‘lgan patsiyentlarni davolash to‘g‘risidagi qarorni qabul qilishda, samarani boshlanishi 2-3 oydan keyin kuzatilishini hisobga olish kerak.
Bisfosfonatlarni qo‘llash fonida buyrak funktsiyasini buzilishi haqida alohida xabarlar bor. Bunday asoratlarni paydo bo‘lish xavf omillariga degidratatsiya, buyrak funktsiyasining ilgari mavjud bo‘lgan buzilishi, zoledron kislotasini yoki boshqa bisfosfonatlarni ko‘p marta qabul qilishlar, shuningdek nefrotoksik vositalarni qo‘llanishi kiradi.
Zoledron kislotasining har bir dozasini qabul qilishdan oldin patsiyentlarda qon zardobidagi kreatinin darajasini aniqlash kerak.
Davolanish vaqtida buyrak funktsiyasini yomonlashganida preparatni qabul qilishni to‘xtatish kerak. Preparatni qabul qilishni, faqat kreatinin darajasi dastlabki ko‘rsatkichidan 10% chegaralaridagi dastlabki ko‘rsatkichiga qaytganidagina qaytadan boshlash kerak.
Klinik tadqiqotlarda zardobda kreatinin darajasi ≥ 400 mkmol/l yoki ≥4,5 mg/dl bo‘lgan patsiyentlar chiqarib yuborilgan.
O‘tkir buyrak yetishmovchiligi bor bo‘lsa, suyaklarda metastazlari bo‘lgan patsiyentlarga preparatni buyurish tavsiya qilinmaydi. Klinik tadqiqotlarda zardobda kreatinin darajasi ≥265 mkmol/l yoki ≥3 mg/dl bo‘lgan patsiyentlar chiqarib yuborilgan.
Jigar yetishmovchiligi
Klinik ma'lumotlar cheklanganligi tufayli, og‘ir jigar yetishmovchiligi bo‘lgan patsiyentlar uchun aniq bir tavsiyalar yo‘q.
Jag‘ osteonekrozi
Bisfosfonatlarni o‘z ichiga olgan davolash sxemasini olayotgan onkologik profildagi patsiyentlarda jag‘ osteonekrozini rivojlanish hollari ma'lum. Bu patsiyentlarning ko‘pchiligi ximioterapiya va kortikosteroidlar qabul qilishgan. Qayd qilingan aksariyat holatlar stomatologik muolajalar (tishni olib tashlash) bilan bog‘liq bo‘lgan. Ko‘pchilik bemorlarda mahalliy infektsiya belgilari, shu jumladan osteomiyelit bo‘lgan. Yondosh xavf omillari (xavfli o‘sma, ximioterapiya, kortikosteroidlar bimlan davolash, og‘iz bo‘shlig‘ining yetarli bo‘lmagan gigiyenasi) bo‘lgan patsiyentlarda bisfosfonatlar bilan davolashni boshlashdan oldin, og‘iz bo‘shlig‘ining ko‘rigi tegishli profilaktik stomatologik muolajalar bilan birga o‘tkaziladi. Bisfosfonatlar bilan davolanish vaqtida bu patsiyentlar iloji boricha invaziv stomatologik muolajalardan saqlanishlari kerak. Bisfosfonatlar bilan davolanish vaqtida jag‘ oseonekrozi rivojlangan patsiyentlarda, stomatologik operatsiya bemorning holatini yomonlashtirishi mumkin.
Stomatologik muolajalarga muxtoj patsiyentlarga nisbatan bisfosfonatlar bilan davolashni to‘xtatish, jag‘ osteonekrozini rivojlanish xavfini kamaytirishiga taxmin qilish uchun ma'lumotlar yo‘q.
Suyak-mushak og‘rig‘i
Postmarketing tadqiqotlarda bisfosfonatlarni qabul qilgan patsiyentlarda suyaklarda, bo‘g‘imlarda yoki mushaklarda o‘tkir, ba'zan nogironlikka olib keluvchi og‘riqlar haqida yakka xabarlar bo‘lgan. Simptomlarni boshlanish vaqti davolash boshlanganidan keyin bir kundan to bir necha oygacha o‘zgarib turgan. Ko‘pchilik patsiyentlarda davolash to‘xtatilganidan so‘ng simptomlarning yaqqolligini kamayishi aniqlangan.
Son suyagining atipik sinishlari.
Postmarketing tadqiqotlarda bifosfonatlar bilan davolaganda, ayniqsa osteoporoz tufayli uzoq vaqt davolanayotgan patsiyentlarda son suyagini atipik sinishlarining kam holatlari qayd etilgan.
Pediatriyada qo‘llanishi
Bolalar va 18 yoshgacha bo‘lgan bolalarda preparatni qo‘llashning samaradorligi va xavfsizligi aniqlanmagan.
Homiladorlik va emizish davrida qo‘llanishi.
Preparatni homiladorlik va emizish davrida qo‘llash mumkin emas.
Mashinalarni haydash va ishlatish qobiliyatiga ta'siri.
Transport vositalarini boshqarish yoki murakkab mexanizmlar bilan ishlash qobiliyatiga preparatning ta'sirini o‘rganish yuzasidan tadqiqotlar o‘tkazilmagan.
Preparat bolalar ololmaydigan joyda saqlansin va yaroqlilik muddati o‘tgach ishlatilmasin.
Dozani oshirib yuborilishi
Zoledron kislotasining dozasini o‘tkir oshirib yuborilish hollari kuzatilmagan. Doza oshirib yuborilganida klinik ahamiyatli gipokaltsiyemiya, gipofosfatemiya, gipomagniyemiya, shuningdek buyraklar faoliyatini buzilishi (shu jumladan buyrak yetishmovchiligi) rivojlanishi mumkin. Patsiyentlarning holatini sinchiklab nazorat qilish lozim.
Klinik ahamiyatli gipokaltsiyemiya yuz bergan hollarda kaltsiy glyukonatining infuziyasi ko‘rsatilgan.
Chiqarilish shakli
Infuziya uchun eritma tayyorlash uchun kontsentrat 4 mg/5 ml shisha flakonlarda. Har bir flakon qo‘llash bo‘yicha yo‘riqnomasi bilan birga karton qutida.
Saqlash sharoiti
Preparat 15-30°S haroratda saqlansin. Flakon ochilganidan keyin va uning ichidagisi 100 ml 0,9% li natriy xloridi eritmasida yoki 5% li glyukoza eritmasida suyultirilganidan keyin tayyor preparat sovutgichda (2-8°S haroratda) saqlanganida24 soat davomida barqarordir. Agar eritma sovutilgan holda bo‘lsa, yuborishdan oldin uni xona harorati yetgunicha xonada tutib turish kerak.
Yaroqlilik muddati
3 yil.
Dorixonalardan berish tartibi
Retsept bo‘yicha.
Ishlab chiqaruvchi
“Likvor” YoAJ, Armaniston, Yerevan, Kochinyana 7/9
Tel. 37460 37 88 00
E-mail info@liqvor.com
www.liqvor.com
O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
O‘zbekiston Respublikasi
100041, Toshkent sh., Mo‘minov ko‘ch., 6/7, 13 uy.
Tel. +99890 996 74 40
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.