Preparatning savdo nomi
Bal'zam Zvyozdochka
Ta'sir etuvchi moddalar (XPN) chinnigul moyi+kamfora+Xitoy dolchini moyi+qalampir yalpiz moyi+evkalipt moyi+levomentol

Dori shakli
sirtga qo‘llash uchun eritma

Tarkibi

100 ml preparat quyidagilarni saqlaydi
faol moddalar
levomentol 28,000 g;
ratsemik kamfora 8,880 g;
qalampir yalpiz moyi 22,900 r;
evkalipt moyi 0,100 g;
chinnigul moyi 0,460 g;
Xitoy dolchini moyi 0,380 g;
yordamchi moddalar
Green mediol aromatizatori 0,700 g;
poliztilenglikol' 400 (makrogol) 12,500 g;
propilenglikol' 3,400 g;
sandal daraxti moyi 0,020 g;
jigarrang Solvent Red 3 bo‘yovchisi 0,035 r;
suyuq parafin 100 ml gacha.
Ta'rifi tiniq, jigarrang-qizil rangli, o‘ziga xos hidli moysimon suyuklik.

Farmakoterapevtik guruhi
tabiiy kelib chiqishga ega mahalliy ta'sirlovchi vosita.
ATX kodi R05X


Farmakologik xususiyatlari

Mahalliy ta'sirlovchi, chalg‘ituvchi va antiseptik ta'sirlarga ega.


Qo‘llanilishi

O‘tkir respirator kasallik (O‘RK), gripp, bosh og‘rig‘i, bosh aylanishi, rinit (tumov), hasharotlarni chaqishini majmuaviy davolaganda simptomatik vosita sifatida qo‘llanadi.


Qo‘llash usuli va dozalari

Sirtga ko‘llanadi. Preparat og‘riqli soha terisiga yupqa qavat qilib surtiladi va ishqalanadi bosh og‘rig‘ida — chakka yoki ensa sohasiga; rinit (tumovda) — buruk kanotlariga; shamollash kasalliklarida — bel va ko‘krak sohasiga ishqalanadi. Hasharotlar chaqqanida suyuq bal'zam chaqqan joyga surtiladi.
Agar davolagandan keyin yaxshilanish kuzatilmasa yoki simptomlar chuqurlashsa yoki yangi simptomlar paydo bo‘lsa shifokor bilan maslahatlashish kerak. Preparatni qo‘llanilishiga doir yo‘riknomasidagi ko‘rsatmalar, qo‘llash usuliga muvofiq qo‘llang.

Nojo‘ya ta'sirlari
Allergik reaktsiyalar kuzatilishi mumkin, ular paydo bo‘lganida preparatni qo‘llash to‘xtatilishi kerak. Bal'zam qoldiqlarini nam salfetkalar yordamida olib tashlash va ko‘p miqdordagi suv bilan yuvish kerak. Agar Sizda yo‘riqnomada ko‘rsatilgan nojo‘ya samaralar kuzatilsa yoki Siz yo‘riqnomada ko‘rsatilmagan har qanday boshqa nojo‘ya samaralarni sezsangiz, bu haqida shifokorga xabar bering.

Dorilarning o‘zaro ta'siri
Urganilmagan.


Maxsus ko‘rsatmalar

Preparatni ko‘zlar, burun va og‘iz bo‘shlig‘i shilliq qavati, shuningdek terining shikastlangan sohalariga tushishidan saqlanish kerak.
Bal'zam surtilgandan keyin fotosensibilizatsiya xavfi tufayli quyosh ostida bo‘lishdan saqlanish kerak.
Bal'zam shilliq qavatlarga tushganida preparatni nam salfetkalar yordamida olib tashlash va ko‘p miqdordagi suv bilan yuvish kerak.
Preparatni shifokor maslahatisiz bolalarda qo‘llash tavsiya etilmaydi.
Homiladorlik va emizish davrida qo‘llanishi
Homilador va emizikli ayollarda qo‘llash tajribasi yo‘qligi tufayli, homiladorlik va emizish davrida preparatni qo‘llash tavsiya etilmaydi.
Transport vositalari, mexanizmlarni boshqarish kobiliyatiga ta'siri
Preparat transport vositalarini boshqarish va diqqatni yuqori jamlash va psixomotor reaktsiyalarning tezligini talab etuvchi potentsial xavfli faoliyat turlarini bajarish qobiliyatiga ta'sir ko‘rsatmaydi.


Dozani oshirib yuborilishi

Hozirgi vaqtgacha dozani oshirib yuborilishi holatlari kuzatilmagan.
Preparatni to‘satdan ichga qabul qilganda dozani oshirib yuborilishi simptomlari me'da-ichak (ko‘ngil aynishi, qusish, diareya, qorinda og‘riq) va nevrologik buzilishlar (bosh og‘rig‘i, bosh aylanishi, qizib ketish "quyilish" hissi, tirishishlar, nafasni susayishi va koma)ni o‘z ichiga oladi.
Davolash simptomatik. Kichik yoshdagi bolalarda o‘limga olib kelishi mumkin bo‘lgan kamforani keyinchalik ingalyatsiyasi va laringospazm rivojlanishi bilan bog‘liq bo‘lgan xavf tufayli qusishni chaqirish mumkin emas, Bal'zam ichga qabul qilinganda darhol shifokorga xabar berish kerak.


Chiqarilish shakli

Sirtga qo‘llash uchun eritma. 5 ml dan buraladigan plastik qopqoqchali tiniq shisha flakonlarda. Har bir flakon tibbiyotda qo‘llanilishiga doir yo‘riqnomasi bilan karton qutiga joylanadi.


Saqlash sharoiti

30°C dan yuqori bo‘lmagan haroratda, original o‘ramida (flakon karton qutida) saqlansin.
Bolalar ololmaydigan joyda saqlansin.


Yaroqlilik muddati

5 yil.

Yaroqlilik muddati
o‘tgach qo‘llanilmasin.


Dorixonalardan berish tartibi

Retseptsiz.


Ishlab chiqaruvchi
firma nomi va manzili
DANAFA FARMAS'YUTIKAL DJOINT STOK KOMPANI,
253 uy, Zung Si Txan' Txe ko‘ch., Txak' Txe tum., Danang sh., V'etnam.

Buyurtmachi va ro‘yxatdan o‘tkazilganlik guvohnomasining egasi
DANSON-BG MChJ,
2400, Bolgariya Respublikasi, Radomir sh., Otets Paisiy ko‘ch., 4226
Tel. +359245 19300.