Mahsulotning tashqi ko'rinishi fotosuratda ko'rsatilganidan farq qilishi mumkin
Yetkazib berish faqat retseptsiz dori-darmonlar uchun amalga oshiriladi
Artrokol in'ektsiya uchun eritma amp. 100mg/2ml №5
Artrokol in'ektsiya uchun eritma amp. 100mg/2ml №5
Nomi | Narx | |||||
Артрокол р-р д/и амп.100мг/2мл №5 (301002851##1767) |
UZS 54 600
Stokda yetarli (1)
|
-
+
|
Sotib oling
|
Yetkazib berish
Yetkazib berish punktidan olib ketish
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
Toshkent
2 soat bepul
O'zbekiston
18 000 UZS
Yetkazib beruvchidan uyingizgacha
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
20 000 UZS
Ekspress yetkazib berish
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
Toshkent
Yandex Go ta'rifi bo'yicha
Yetkazib berish | Toshkent | O'zbekiston | |
Yetkazib berish punktidan olib ketish | 2 soat bepul | 18 000 UZS |
Yetkazib berish Toshkentdagi yetkazib berish punktigaсha bepul. Hududlarga yetkazib berish yakshanba va bayram kunlaridan tashqari 24 soat ichida amalga oshiriladi, agar buyurtma soat 16:00 gacha amalga oshirilgan bo'lsa.Yetkazib berish xizmati har kuni dam olish kunlarisiz 9-00 dan 21-00 gacha ishlaydi.
|
Yetkazib beruvchidan uyingizgacha | 20 000 UZS | yo'q |
Yetkazib berish jadvaliga muvofiq 2 soat ichida eshikingiz gacha yetkazib berish. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Ekspress yetkazib berish | Yandex Go ta'rifi bo'yicha | yo'q |
Ekspress yetkazib berish-20 daqiqa ichida, yetkazib berish narxini aniqlash uchun siz Call-markaz operatori bilan bog'lanasiz. Yetkazib berish xizmati ish vaqti dam olish kunlarisiz har kuni 9-00 dan 21-00 gacha.
|
Xususiyatlari
Faol modda
Кетопрофен
Страна производитель
Турция
Дозировка
100 мг/2 мл 2 мл
Производитель
World Medicine Ilac San. ve Tic. A.S., Турция произведено: Pharma Vision Sanayi ve Ticaret A.S.
Рецептурный препарат
Да
Форма выпуска
Раствор для инъекций
Ko'rsatmalar
- Preparatning savdo nomi
- Dori shakli
- Tarkibi
- Farmakoterapevtik guruhi
- Farmakologik xususiyatlari
- Farmakodinamika
- Farmakokinetikasi
- Qo‘llash usuli va dozalari
- Qo‘llanilishi
- Maxsus ko‘rsatmalar
- Qo‘llash mumkin bo‘lmagan holatlar
- Dozani oshirib yuborilishi
- Chiqarilish shakli
- Saqlash sharoiti
- Yaroqlilik muddati
- Ishlab chiqaruvchi
- Ishlab chiqarilgan
- Dorixonalardan berish tartibi
Preparatning savdo nomi
Artrokol, Artrocol
Ta'sir etuvchi modda (HPN) Ketoprofen, Ketoprofen
Dori shakli
in'ektsiya uchun eritma.
Ta'rifi tiniq, rangsiz eritma.
Tarkibi
Preparatning 1 ampulasi quyidagilarni saqlaydi
faol modda 100 mg ketoprofen;
yordamchi moddalar arginin, limon kislotasi monogidrati, benzil spirti, natriy gidroksidi yoki xlorid kislotasi, in'ektsiya uchun suv.
Farmakoterapevtik guruhi
Nosteroid yallig‘lanishga qarshi va revmatizmga qarshi vositalar. Propion kislotasi hosilalari.
ATX kodi M01AE03
Farmakologik xususiyatlari
Farmakodinamika
si
Ketoprofen aril almashingan karbon kislotalari sinfiga mansub propion kislotasi hosilasi bo‘lib hisoblangan nosteroid yallig‘lanishga qarshi vosita (NYaQV) bo‘lib hisoblanadi. Ketoprofen periferik va markaziy og‘riq qoldiruvchi ta'sir ko‘rsatadi, isitmani tushiruvchi va yallig‘lanishga qarshi xususiyatlarga ega, trombotsitlar agragatsiyasi jarayonlariga qisqa muddatli ta'sir ko‘rsatadi; yuqorida ko‘rsatilgan barcha samaralar prostaglandinlar sintezini ingibitsiya qilinishi bilan bog‘liq. Boshqa NYaQV ga ham xos bo‘lgan ketoprofenning markaziy og‘riq qoldiruvchi ta'siri eksperimental tadqiqot natijalari bilan isbotlangan.
Farmakokinetikasi
So‘rilishi
Qon zardobida ketoprofenning kontsentratsiyasini ketma-ket aniqlaganda olingan ma'lumotlariga ko‘ra, terapevtik dozada mushak ichiga yuborilgandan keyin dori vositasi tizimli qon oqimiga tez kiradi, qon zardobidagi maksimal kontsentratsiyasiga in'ektsiyadan keyin taxminan 20-30 minut o‘tgach erishiladi.
Taqsimlanishi
Ketoprofenni qon plazmasidagi oqsillar bilan bog‘lanishi darajasi 99% ni tashkil qiladi.
Dori vositasi sinovial suyuqlikda aniqlanadi, shuningdek gematoentsefalik va yo‘ldosh to‘siqlaridan o‘tadi.
Ketoprofenning taqsimlanish xajmi taxminan 7,0 l ni tashkil qiladi.
Metabolizmi
Ketoprofenning metabolizmi jarayoni glyukuron kislotasi bilan kon'yugatsiya va gidroksilizatsiyani (ikkinchi darajali yo‘l) o‘z ichiga oladi.
Dori vositasining yuborilgan dozasining 1% dan kamrog‘i o‘zgarmagan ko‘rinishda, dori vositasining yuborilgan dozasining taxminan 65-75% glyukuronid ko‘rinishida siydik bilan chiqariladi.
Chiqarilishi
Yuborish usulidan qat'iy nazar ketoprofen organizmdan asosan siydik bilan chiqariladi (dori vositasining yuborilgan dozasining taxminan 50% birinchi 6 soat davomida chiqariladi).
Patsiyentlarning alohida guruhlari
Keksa yoshdagi patsiyentlar
Keksa yoshdagi patsiyentlarda ketoprofenni tizimli qon oqimiga kirishi tezligi o‘zgarmaydi, ammo dori vositasining yarim chiqarilish davri uzayadi.
Buyrak yetishmovchiligi bo‘lgan patsiyentlar
Buyrak yetishmovchiligi bo‘lgan patsiyentlarda ketoprofenning umumiy klirensi buyrak funktsiyasini pasayishi darajasiga proportsional ravishda pasayadi.
Qo‘llanilishi
Ketoprofenning og‘riq qoldiruvchi va yallig‘lanishga qarshi ta'sirlarini, uni qo‘llaganda rivojlanadigan noxush reaktsiyalarning yaqqollik darajasini, shuningdek hozirgi vaqtda mavjud bo‘lgan yallig‘lanishga qarshi dori vositalari qatorida uning ahamiyatini e'tiborga olib, preparat 15 yoshdan oshgan o‘smirlar va kattalarda quyidagi ko‘rsatmalar bo‘yicha qo‘llanadi
- og‘riq sindromini qisqa muddatli simptomatik davolash
• bo‘g‘im revmatizmi (revmatoid artrit);
• belda o‘tkir og‘riq;
• radikulalgiya;
- neoplastik jarayonlar bilan bog‘liq bo‘lgan og‘riq sindromini davolash;
- buyrak sanchig‘ida og‘riq sindromini davolashda qo‘llanadi.
Qo‘llash usuli va dozalari
Dozalash
Preparatni simptomlarni yengillashtirish uchun zarur bo‘lgan minimal samarali dozada minimal qisqa vaqt davomida qo‘llash kerak.
200 mg sutkalik dozada ketoprofen bilan davolashni boshlashdan oldin foyda/xavf nisbatini sinchkovlik bilan baholash kerak. Dori vositasi yuqoriroq sutkalik dozalarda davolashning maksimal davomiyligini e'tiborga olib, faqat buyrak sanchig‘idagi og‘riq sindromini (tegishli ravishda tasdiqlangan diagnoz) davolaganda qo‘llash kerak. Yuqorida ko‘rsatilgan holatlarda dori vositasining sutkalik dozasini 2-3 in'ektsiyaga bo‘lish kerak.
Og‘riq sindromini qisqa muddatli simptomatik davolash, shuningdek neoplastik jarayonlar bilan bog‘liq og‘riq sindromini davolash
Sutkada 1-2 ampulalar (100-200 mg ketoprofen); davolash davomiyligi 2-3 kunni tashkil qiladi (shundan keyin zarurati bo‘lganida dori vositasini peroral yoki rektal dori shakllarida qo‘llab davolash davom ettiriladi).
Buyrak sanchig‘ida og‘riq sindromini davolash
Sutkada 1-3 ampula (100-300 mg ketoprofen); davolashning maksimal davomiyligi 48 soatdan oshmasligi kerak.
Patsiyentlarning alohida guruhlari
Buyrak yetishmovchiligi bo‘lgan patsiyentlar va keksa yoshdagi patsiyentlar
Buyrak yetishmovchiligi bo‘lgan patsiyentlarda va keksa yoshdagi patsiyentlarda davolashni ketoprofenning minimal dozasidan boshlash kerak, keyinchalik zarurati bo‘lganida buyrak funktsiyasini e'tiborga olib dori vositasining boshlang‘ich dozasiga tuzatish kiritish kerak.
Gipovolemiyasi bo‘lgan patsiyentlar
“
Maxsus ko‘rsatmalar
” bo‘limiga qarang.
Qo‘llash usuli
Preparat faqat mushak ichiga yuborish uchun mo‘ljallangan.
In'ektsiyani qat'iy aseptik sharoitlarda amalga oshirish kerak; eritmani dumba mushagining yuqori tashqi kvadrantiga chuqur, sekin yuborish kerak. Preparatni ko‘p marta yuborganda chap yoki o‘ng dumba mushagiga navbatma-navbat in'ektsiya qilish kerak. Eritmani yuborishdan oldin igna qon-tomirga tushmaganligiga ishonch hosil qilish uchun aspiratsion sinama o‘tkazish kerak.
Agar in'ektsiyani amalga oshirish vaqtida kuchli og‘riq yuzaga kelsa, muolajani darhol to‘xtatish kerak.
Chanoq-son bo‘g‘imi endoprotezi bo‘lgan patsiyentlarda in'ektsiyani qarama-qarshi tomonda amalga oshirish kerak.
Nojo‘ya ta'sirlari
Ham klinik, ham epidemiologik tadqiqot natijalari ayrim NYaQV (ayniqsa yuqori dozalar va uzoq vaqt davomida) qo‘llaganda arterial trombozlar (masalan miokard infarkti yoki insult) yuzaga kelishi xavfi oshishi mumkin.
Ko‘pincha me'da-ichak yo‘llari (MIY) tomonidan noxush reaktsiyalar qayd etiladi. Me'da yarasi, perforatsiya yoki me'da-ichak yo‘llaridan qon ketishi, ayrim holatlarda o‘limga olib keluvchi, ayniqsa keksa yoshdagi odamlarda kuzatilishi mumkin.
NYaQV qo‘llanilganda ko‘ngil aynishi, qusish, diareya, meteorizm, qabziyat, dispepsiya, yarali stomatit, qorinda og‘riq, melena, gematemezis (qonli qusish), yarali kolit yoki Kron kasalligini zo‘rayishi, kabi noxush reaktsiyalar rivojlanishi haqida xabar berilgan; kamroq holatlarda gastrit kuzatilgan.
NYaQV bilan davolash fonida shish, arterial gipertenziya va yurak yetishmovchiligi holatlari kuzatilganligi haqida ma'lumotlar mavjud. Juda kam xollarda bullyoz reaktsiyalar (Stivens-Djonson sindromi, Layell sindromi) qayd etilgan.
Noxush reaktsiyalar quyida MedDRA bo‘yicha a'zolar tizimi sinfiga muvofiq sanab o‘tilgan. Noxush reaktsiyalarning tez-tezlik ko‘rsatkichlari quyidagicha belgilanadi juda tez-tez (≥1/10); tez-tez (≥1/100, ammo <1/10); tez-tez emas (≥1/1000, ammo <1/100); kam xollarda (≥1/10000, ammo <1/1000); juda kam xollarda (<1/10000); tez-tezligi noma'lum (mavjud ma'lumotlar asosida baholab bo‘lmaydi).
Me'da-ichak yo‘llari tomonidan tez-tez - dispepsiya, ko‘ngil aynishi, qorinda og‘riq, me'dada og‘riq, qusish; tez-tez emas - diareya, qabziyat, meteorizm, gastrit; kam xollarda - stomatit, peptik yara, kolit; tez-tezligi noma'lum - kolit va Kron kasalligini zo‘rayishi, me'da-ichakdan qon ketishi va perforatsiya, pankreatit.
Immun tizimi tomonidan tez-tezligi noma'lum – angionevrotik shish (Kvinke shishi), anafilaktik reaktsiyalar (shu jumladan anafilaktik shok).
Teri va teri osti to‘qimalari tomonidan tez-tez emas - toshma, qichishish; tez-tezligi noma'lum - eshakemi, surunkali eshakemini zo‘rayishi, fotosensibilizatsiya reaktsiyalari, alopetsiya va bullyoz dermatoz (Stivens-Djonson sindromi va Layell sindromi).
Nafas tizimi, ko‘krak qafasi va ko‘ks oralig‘i a'zolari tomonidan kam xollarda – bronxial astma xuruji; tez-tezligi noma'lum - bronxospazm (ayniqsa ASK va boshqa NYaQV ga ma'lum o‘ta yuqori sezuvchanligi bo‘lgan patsiyentlarda), rinit.
Nerv tizimi tomonidan tez-tez emas – bosh og‘rig‘i, bosh aylanishi, uyquchanlik; kam xollarda - paresteziya; tez-tezligi noma'lum - aseptik meningit, tirishishlar, vertigo, ta'm bilishni buzilishi.
Ruhiyatni buzilishi tez-tezligi noma'lum – ongni chalkashishi, kayfiyatni buzilishlari.
Ko‘rish a'zosi tomonidan kam xollarda – ko‘rish o‘tkirligini buzilishi.
Eshitish a'zosi tomonidan labirint buzilishlari kam xollarda – quloqlarda shovqin.
Buyrak va siydik chiqarish yo‘llari tomonidan tez-tezligi noma'lum – organizmda suyuqlik va natriyni tutilishi, giperkaliyemiya, xavf omillari bo‘lgan patsiyentlarda funktsional o‘tkir buyrak yetishmovchiligi, o‘tkir buyrak yetishmovchiligi rivojlanishi bilan kechishi mumkin bo‘lgan buyrakning organik shikastlanishi (interstitsial nevrit, o‘tkir tubulyar nekroz, nefrotik sindrom va papillyar nekroz yuzaga kelishining yakka holatlari haqida xabar berilgan), buyrak funktsiyasini buzilishi.
Qon va limfatik tizim tomonidan kam xollarda - gemorragik anemiya; tez-tezligi noma'lum - agranulotsitoz, trombotsitopeniya, suyak ko‘migini faoliyatini susayishi, gemolitik anemiya, leykopeniya.
Jigar va o‘t chiqarish yo‘llari tomonidan kam xollarda – qonda transaminazalar darajasini oshishi, gepatit, qonda bilirubin kontsentratsiyasini oshishi (jigar kasalligi bilan bog‘liq bo‘lgan).
Yurak tomonidan tez-tez emas - shishlar; tez-tezligi noma'lum – yurak yetishmovchiligi.
Qon-tomirlar tomonidan tez-tezligi noma'lum - arterial gipertenziya, vazodilatatsiya, vaskulit (shu jumladan leykotsitoklastik vaskulit).
Umumiy buzilishlar va yuborish joyidagi buzilishlar tez-tez emas - toliqish; kam xollarda – tana vaznini oshiish; tez-tezligi noma'lum – in'ektsiya joyida reaktsiyalar, shu jumladan Nikolau sindromi (teri qon-tomirlarining dori emboliyasi), in'ektsiya joyida og‘riq va achishish hissi (yakka holatlar).
Gumon qilinayotgan noxush reaktsiyalar haqida xabar berish
Dori vositasini ro‘yxatdan o‘tkazgandan keyin gumon qilinayotgan noxush reaktsiyalar haqida xabar berish muhim bo‘lib hisoblanadi. Patsiyentda dori vositasiga jiddiy noxush reaktsiya aniqlanganda yoki ushbu bo‘limda ta'riflanmagan yangi noxush reaktsiyalar paydo bo‘lganida farmnazoratning Milliy tizimiga muvofiq xabar berishingizni so‘raymiz.
Qo‘llash mumkin bo‘lmagan holatlar
- ketoprofen yoki preparatning har qanday yordamchi moddalaridan birontasiga o‘ta yuqori sezuvchanlik;
- anamnezida ketoprofen, atsetilsalitsil kislotasi (ASK) yoki boshqa NYaQV ga bronxospazm, bronxial astma, rinit, eshakemi kabi o‘ta yuqori sezuvchanlik reaktsiyalari yoki allergik reaktsiyalarning boshqa tiplari (bunday patsiyentlarda kam xollarda o‘limga olib keluvchi og‘ir darajadagi anafilaktik reaktsiyalar qayd etilgan);
- homiladorlik davri (homiladorlikning 6-chi oyidan yoki homiladorlikning 24-chi xaftasidan boshlab);
- o‘tkir peptik yara yoki me'da-ichakdan qon ketishi, anamnezida yara yoki perforatsiya;
- me'da-ichakdan, serebrovaskulyar yoki boshqa faol qon ketishi;
- og‘ir darajadagi jigar yetishmovchiligi;
- og‘ir darajadagi buyrak yetishmovchiligi;
- og‘ir darajadagi yurak yetishmovchiligi;
- qon ivishini buzilishi yoki antikoagulyantlar bilan bir vaqtda qo‘llash mumkin emas (qarshi ko‘rsatma preparatni yuborish usuli (mushak ichiga in'ektsiya) bilan bog‘liq).
Dorilarning o‘zaro ta'siri
Preparatni quyida sanab o‘tilgan dori vositalari bilan majmuaviy qo‘llaganda patsiyentlarda klinik status va laborator ko‘rsatkichlarni sinchkovlik bilan monitoring qilish kerak.
Preparat bilan majmuada qo‘llash tavsiya etilmaydigan dori vositalari
Boshqa NYaQV, shu jumladan yuqori dozalarda ASK (1,0 g va undan yuqori bir martalik doza va/yoki 3,0 g va undan yuqori sutkalik doza – yallig‘lanishga qarshi ta'sir; 500 mg va undan yuqori bir martalik doza va/yoki 3,0 g dan kamroq sutkalik doza – og‘riq qoldiruvchi yoki isitmani tushiruvchi ta'sir)
Me'da-ichakdan qon ketishi yuzaga kelishi va yara rivojlanishining xavfi oshadi (sinergik ta'sir).
Antikoagulyantlar (K vitamini antagonistlari, masalan varfarin; trombin ingibitorlari, masalan dabigatran; Xa faktorining bevosita ingibitorlari, masalan apiksaban, rivaroksaban, edoksaban)
Qon ketishini yuzaga kelishi xavfi oshadi.
Preparatni yuqorida sanab o‘tilgan dori vositalari bilan majmuada qo‘llash zarurati bo‘lganida klinik status va laborator ko‘rsatkichlarni sinchkovlik bilan monitoring qilish kerak.
Fraktsiyalanmagan geparinlar, quyimolekulyar geparinlar va unga yaqin birikmalar (terapevtik dozalar va/yoki keksa yoshdagi patsiyentlarda)
Qon ketishi yuzaga kelishini xavfi oshadi (NYaQV ni qo‘llash bilan bog‘liq bo‘lgan me'da va o‘n ikki barmoq ichak shilliq qavatini shikastlanishi).
Preparatni yuqorida sanab o‘tilgan dori vositalari bilan majmuada qo‘llash zarurati bo‘lganida patsiyentlarda klinik statusni sinchkovlik bilan monitoring qilish kerak.
Litiy preparatlari
Qonda litiy kontsentratsiyasini oshishi xavfi mavjud, buning natijasida uning toksik samaralari rivojlanishi mumkin (litiyni buyraklar orqali chiqarilishini kamayishi).
Preparatni litiy preparatlari bilan majmuada qo‘llash zarurati bo‘lganida qonda litiy darajasini sinchkovlik bilan nazorat qilish, shuningdek NYaQV bilan majmuaviy davolash vaqtida va davolagandan keyin litiy preparatlarining dozasiga tegishli ravishda tuzatish kiritish kerak.
Metotreksat (xaftada 20 mg dan yuqori doza)
Metotreksatning gematotoksik ta'siri (NYaQV ni qabul qilish fonida metotreksatning buyrak klirensi pasayadi) rivojlanishi xavfi oshadi.
Ketoprofen bilan davolashni to‘xtatish yoki boshlash va metotreksatni qabul qilish orasidagi o‘n ikki soatlik intervalga rioya qilish kerak.
Pemetreksed (buyrak funktsiyasini ahamiyatsiz yoki o‘rtacha yaqqollikdagi buzilishlari bo‘lgan patsiyentlar, kreatinin klirensi minutiga 45-80 ml)
Pemetreksedning toksik ta'siri (NYaQV ni qabul qilish fonida metotreksatning buyrak klirensi pasayadi) rivojlanishi xavfi oshadi.
Preparat bilan majmuada ehtiyotkorlik bilan qo‘llash kerak bo‘lgan dori vositalari
AAF ingibitorlari, ARB
Xavf guruhiga mansub patsiyentlarda (keksalar, suvsizlanish, diuretiklarni bir vaqtda qo‘llash, buyrak funktsiyasini buzilishlari) kalavalar filtratsiyasi tezligini o‘zgarishi oqibatida (NYaQV qon-tomirlarni kengaytiruvchi ta'sir ko‘rsatuvchi prostaglandinlar sintezini ingibitsiya qiladi) o‘tkir buyrak yetishmovchiligi rivojlanishi mumkin, u odatda qaytuvchan xarakterga ega.
Ketoprofen bilan birga qo‘llanilganda AAF ingibitorlari va ARB ning gipotenziv ta'siri pasayishi mumkin.
Majmuaviy davolaganda patsiyentlar suyuqlikni yetarli darajada iste'mol qilishlari kerak; bundan tashqari, boshlang‘ich davrda va majmuaviy davolashning butun davri davomida patsiyentlarda buyrak funktsiyasini monitoring qilish tavsiya etiladi.
Diuretiklar
Xavf guruhidagi patsiyentlarda (keksalar va/yoki suvsizlanish) kalavalar filtratsiyasi tezligini pasayishi oqibatida (NYaQV qon-tomirlarni kengaytiruvchi ta'sir ko‘rsatuvchi prostaglandinlar sintezini ingibitsiya qiladi) o‘tkir buyrak yetishmovchiligi rivojlanishi mumkin.
Ketoprofen bilan birga qo‘llanilganda diuretiklarning gipotenziv ta'siri pasayishi mumkin.
Majmuaviy davolaganda patsiyentlar suyuqlikni yetarli darajada iste'mol qilishlari kerak; bundan tashqari, majmuaviy davolashning boshlang‘ich bosqichida buyrak funktsiyasi monitoringini amalga oshirish tavsiya etiladi.
Metotreksat (xaftada 20 mg gacha bo‘lgan doza)
Metotreksatning gematotoksik ta'siri rivojlanishi xavfi oshadi (NYaQV ni qabul qilish fonida metotreksatning buyrak klirensi pasayadi).
Majmuaviy davolashning birinchi xaftalari davomida patsiyentlarda qon tahlilini har xafta nazorat qilish kerak. Keksa yoshdagi patsiyentlarda, shuningdek majmuaviy davolash davrida patsiyentlarda buyrak funktsiyasini buzilishlari, shu jumladan ahamiyatsiz buzilishlari yuzaga keluvchi holatlarda qon tahlilini monitoring qilish kerak.
Pemetreksed (buyrak funktsiyasi normal bo‘lgan patsiyentlar)
Pemetreksedning toksik ta'siri rivojlanishi xavfi oshadi (NYaQV ni qo‘llash fonida pemetreksedning buyrak klirensi pasayadi).
Majmuaviy davolaganda buyrak funktsiyasining laborator ko‘rsatkichlarini nazorat qilish kerak.
Siklosporin, takrolimus
Ayniqsa keksa yoshdagi patsiyentlarda additiv nefrotoksik ta'sir xavfi mavjud.
NYaQV bilan majmuaviy davolashni boshida buyrak funktsiyasini nazorat qilish tavsiya etiladi.
Tenofovir dizoproksili
Ayniqsa yuqori dozalarda NYaQV ni qo‘llaganda yoki buyrak yetishmovchiligi rivojlanishi xavfi bo‘lgan patsiyentlarda qo‘llaganda tenofovirning toksik ta'siri rivojlanishi xavfi oshadi.
Majmuaviy davolaganda buyrak funktsiyasini nazorat qilish tavsiya etiladi.
Yurak glikozidlari
Ketoprofen va digoksin orasida farmakokinetik o‘zaro ta'sirlar aniqlanmagan. Shunga qaramasdan, majmuaviy davolaganda, ayniqsa buyrak yetishmovchiligi bo‘lgan patsiyentlarda ehtiyotkorlikka rioya qilish tavsiya etiladi, chunki NYaQV ni qo‘llash fonida buyrak funktsiyasi pasayishi mumkin, buning natijasida yurak glikozidlarining buyrak klirensi kamayishi mumkin.
Preparat bilan birga qo‘llash masalasi diqqat bilan ko‘rib chiqishni talab etuvchi dori vositalari
Past dozalarda ASK (50-375 mg sutkalik doza, bir marta yoki bir necha marta qabul qilishga – antiagregant ta'sir)
Me'da-ichak yo‘llarida qon ketishini yuzaga kelishi va yara rivojlanishi xavfi oshadi.
GKS (o‘rinbosar davolash sifatida gidrokortizonni qo‘llashdan tashqari)
Antiagregantlar
Me'da-ichakdan qon ketishini yuzaga kelishi xavfi oshadi.
SQQOSI
Qon ketishlar yuzaga kelishi xavfi oshadi.
Fraktsiyalanmagan geparinlar, quyimolekulyar geparinlar (profilaktik dozalar)
Qon ketishlarni yuzaga kelishi xavfi oshadi.
Deferaziroks
Me'da-ichak yo‘llarida qon ketishini yuzaga kelishi va yara rivojlanishi xavfi oshadi.
β-blokatorlari (esmololdan tashqari)
Ketoprofen bilan birga qo‘llaganda β-blokatorlarning gipotenziv ta'siri pasayishi mumkin (NYaQV qon-tomirlarni kengaytiruvchi ta'sir ko‘rsatuvchi prostaglandinlar sintezini ingibitsiya qiladi; fenilbutazonni qo‘llaganda organizmda suyuqlik va natriyni tutilishi).
Pentoksifillin
Qon ketishini yuzaga kelishi xavfi oshadi.
Majmuaviy davolaganda patsiyentlarda klinik status va qon ivishi vaqtini monitoring qilish kerak.
Nikorandil
Me'da-ichak yo‘llaridan qon ketishi, yara va perforatsiya kabi og‘ir darajadagi noxush reaktsiyalar rivojlanishi xavfi oshadi.
Qonda kaliy kontsentratsiyasini oshiruvchi dori vositalari
Giperkaliyemiyaning og‘irlik darajasini oshishi xavfi mavjud (ayrim holatlarda o‘limga olib kelishi bilan).
Giperkaliyemiya rivojlanishi bilan bog‘liq xavflar
Kaliy tuzlarini saqlovchi preparatlar, kaliy tejovchi diuretiklar, AAF ingibitorlari, ARB, NYaQV, geparinlar (quyimolekulyar yoki fraktsiyalanmagan), immunosupressantlar, masalan siklosporin yoki takrolimus va trimetoprim kabi alohida dori vositalarini (shu jumladan ayrim dori vositalari sinfini) qo‘llaganda giperkaliyemiya rivojlanishi mumkin.
Yuqorida ko‘rsatilgan dori vositalarini majmuaviy qo‘llaganda giperkaliyemiya rivojlanishi xavfi oshadi. Kaliy tejovchi diuretiklarni, ayniqsa ularni bir-biri bilan yoki kaliy tuzlarini saqlovchi preparatlar bilan majmuaviy qo‘llaganda giperkaliyemiyani yuzaga kelishi xavfi ahamiyatli ravishda oshadi; AAF ingibitori va NYaQV majmuasi bilan davolaganda kamroq xavf xarakterli (tavsiya etilgan ehtiyotkorlik choralariga rioya qilgan sharoitda).
Kaliy tejovchi preparatlarni qo‘llash bilan bog‘liq giperkaliyemiya rivojlanishi xavfi va og‘irlik darajasini baholaganda ularning har biri uchun xarakterli bo‘lgan spetsifik dorilarning o‘zaro ta'sirini e'tiborga olish kerak.
Ayrim dori vositalari, masalan trimetoprim bunday xavf yuzaga keluvchi boshqa preparatlar bilan spetsifik o‘zaro ta'sirga kirishmaydi. Shunga qaramasdan, ularni yuqorida ko‘rsatilgan dori vositalari bilan birga qo‘llash giperkaliyemiya rivojlanishiga olib kelishi mumkin.
Maxsus ko‘rsatmalar
Ketoprofenni boshqa NYaQV, shu jumladan siklooksigenaza-2 (TSOG-2) selektiv ingibitorlari bilan birga qo‘llash mumkin emas.
Noxush reaktsiyalarni yuzaga kelishi xavfini minimallashtirish uchun dori vositasini simptomlarni yengillashtirish uchun zarur bo‘lgan minimal samarali dozada maksimal qisqa vaqt davri davomida qo‘llash kerak.
Surunkali rinit, surunkadi sinusit va/yoki burun poliplari bilan birga bronxial astmasi bo‘lgan patsiyentlar boshqa guruhdagi patsiyentlarga nisbatan ASK va/yoki NYaQVni qo‘llaganda allergik reaktsiya yuzaga kelishining yuqoriroq xavfiga duchordirlar.
Ketoprofenni qo‘llash bronxial astmani xurujini yoki bronxospazm rivojlanishi bilan kechishi mumkin, ayniqsa ASK yoki NYaQV ga o‘ta yuqori sezuvchanligi bo‘lgan patsiyentlarda.
Keksa yoshdagi patsiyentlar
Keksa yoshdagi patsiyentlarda NYaQV ni qo‘llash bilan bog‘liq bo‘lgan noxush reaktsiyalar, ayniqsa o‘limga olib kelishi mumkin bo‘lgan me'da-ichak yo‘llaridan qon ketishi va perforatsiyasini yuzaga kelishi xavfi oshadi.
MIY tomonidan buzilishlar
Avvalgi simptomlar yoki anamnezida MIY tomonidan og‘ir darajada kasalliklari bo‘lishidan qat'iy nazar NYaQV guruhiga mansub dori vositalari bilan davolashning turli bosqichlarida me'da-ichak yo‘llaridan qon ketishi, ayrim holatlarda o‘limga olib keluvchi yara hosil bo‘lishi va perforatsiyani yuzaga kelishi holatlari kuzatilgan.
Ayrim epidemiologik tadqiqotlar ma'lumotlari ketoprofenni ayniqsa yuqori dozalarda qo‘llash ayrim boshqa NYaQV ni qo‘llaganga nisbatan MIY tomonidan og‘ir darajadagi noxush reaktsiyalarning yuqori xavfi bilan bog‘liq bo‘lishi mumkin.
Ayniqsa anamnezida qon ketishi yoki perforatsiya bilan asoratlangan yara kasalligi bo‘lgan patsiyentlarda, shuningdek keksa yoshdagi patsiyentlarda NYaQV dozasi oshgan sari me'da-ichak yo‘llaridan qon ketishini paydo bo‘lishi, yara rivojlanishi yoki perforatsiya xavfi oshadi; bunday holatlarda davolashni ketoprofenning imkoni boricha minimal dozasini qo‘llab davolashni boshlash kerak. Bunday patsiyentlarda, shuningdek past dozalarda ASK yoki MIY tomonidan noxush reaktsiyalar rivojlanishi xavfini oshirishi mumkin bo‘lgan boshqa dori vositalarini qabul qilayotgan patsiyentlarda gastroprotektor davolashni, masalan mizoprostol yoki proton pompa ingibitorlari (PPI) qo‘llash masalasini ko‘rib chiqish kerak.
Anamnezida MIY kasalliklari, ayniqsa keksa yoshdagi patsiyentlar, ayniqsa preparat bilan davolashni boshida har qanday odatdagi bo‘lmagan abdominal simptomlar (xususan me'da-ichakdan qon ketishi) haqida shifokorga xabar berishlari kerak.
Glyukokortikosteroidlar (GKS), peroral antikoagulyantlar, masalan varfarin, serotoninni qayta qamrab olishning selektiv ingibitorlari (SQQOSI), antiagregantlar, masalan ASK va nikorandil kabi yara hosil bo‘lishi yoki qon ketishi rivojlanishi xavfini oshirishi mumkin bo‘lgan dori vositalari bilan bir vaqtda davolanayotgan patsiyentlarda preparatni qo‘llaganda alohida ehtiyotkorlikka rioya qilish kerak.
Agar preparat bilan davolash fonida patsiyentda me'da-ichakdan qon ketishi yuzaga kelsa yoki yara rivojlansa, preparatni qo‘llashni to‘xtatish kerak.
Anamnezida MIY kasalliklari (xususan yarali kolit, Kron kasalligi) bo‘lgan patsiyentlarda NYaQV ni ehtiyotkorlik bilan qo‘llash kerak, chunki ular yuqorida ko‘rsatilgan kasalliklarni zo‘rayishini chaqirishi mumkin, bundan tashqari bunday patsiyentlarni sinchkovlik bilan kuzatishni ta'minlash kerak.
Yurak-qon tomir va serebrovaskulyar samaralar
NYaQVni qo‘llash organizmda suyuqlikni to‘planishi va shish rivojlanishi bilan bog‘liqligi tufayli, preparatni qo‘llaganda tegishli monitoringni amalga oshirish va arterial gipertenziya va/yoki yengil va o‘rtacha og‘irlik darajasidagi dimlangan yurak yetishmovchiligi bo‘lgan patsiyentlarga zarur tavsiyalarni berish kerak.
Klinik va epidemiologik tadqiqot natijalari ayrim NYaQV bilan davolaganda (ayniqsa yuqori dozalarda va uzoq vaqt davomida) arterial trombozlar (masalan miokard infarkti yoki insult) rivojlanishi xavfi ahamiyatsiz oshishi mumkinligidan dalolat beradi. Hozirgi vaqtda ketoprofen uchun bunday xavfni inkor etish imkonini beruvchi ma'lumotlar miqdori yetardi emas.
Anamnezida nazoratlanmagan arterial gipertenziya, dimlangan yurak yetishmovchiligi, yurak ishemik kasalligi, periferik arteriyalar kasalliklari va/yoki insult (shu jumladan tranzitor ishemik ataka) bo‘lgan patsiyentlarda boshqa NYaQV kabi ketoprofenni faqat foyda/xavf nisbatini sinchkovlik bilan baholagandan keyingina qo‘llash kerak.
Shuningdek yurak-qon tomir kasalliklari xavf omillari (masalan arterial gipertenziya, giperlipidemiya, qandli diabet yoki chekish) bo‘lgan patsiyentlarda dori vositasi bilan uzoq vaqt davolashni boshlashdan oldin foyda/xavf nisbatini sinchkovlik bilan baholash kerak.
Koronar arteriyalar shuntlashda perioperatsion og‘riq sindromini davolash sifatida NYaQV (ASK dan tashqari) qabul qilgan patsiyentlarda arterial trombozlar yuzaga kelishi xavfi oshganligi haqida xabar berilgan.
Teri reaktsiyalari
Juda kam xollarda NYaQV qo‘llanilganda eksfoliativ dermatit, Stivens-Djonson sindrom iva Layell sindromi kabi og‘ir teri reaktsiyalari, shu jumladan o‘limga olib keluvchi reaktsiyalar rivojlangan.
Davolashning boshlang‘ich bosqichi uchun bunday reaktsiyalarni yuzaga kelishining yuqori xavfi xarakterli – ular asosan NYaQV bilan davolashning birinchi oyida qayd etilgan. Teri toshmasi birinchi paydo bo‘lishi, shilliq qavatlarni shikastlanishi belgilari yoki o‘ta yuqori sezuvchanlik reaktsiyalari bilan bog‘liq bo‘lgan boshqa simptomlar rivojlanganda preparatni qo‘llashni to‘xtatish kerak.
Funktsional buyrak yetishmovchiligi
NYaQV buyraklarda qon-tomirlarni kengaytiruvchi prostaglandinlan sintezini ingibitsiya qiladi, natijada kalavalar filtratsiyasi tezligini pasayishi tufayli funktsional buyrak yetishmovchiligi (dozaga bog‘liq samara) rivojlanishi mumkin.
Quyida sanab o‘tilgan xavf omillari bo‘lgan patsiyentlarda davolashni boshida yoki preparatning dozasi oshirilgandan keyin diurez va buyrak funktsiyasini nazorat qilish kerak
- keksalar;
- antigiotenzinga aylantiruvchi ferment ingibitorlari (AAF ingibitorlari), angiotenzin II retseptorlari blokatorlari (ARB, sartanlar), diuretiklarni bir vaqtda qo‘llash;
- gipovolemiya (uni yuzaga kelishi sababidan qat'iy nazar);
- yurak yetishmovchiligi;
- surunkali buyrak yetishmovchiligi;
- nefrotik sindrom;
- yuguriksimon nefropatiya;
- jigar sirrozi.
Organizmda suyuqlik/natriyni tutilishi
Ketoprofen bilan davolash fonida organizmda suyuqlik va natriyni tutilishi kuzatilishi mumkin, buning natijasida shishlar, arterial gipertenziya yuzaga kelishi yoki arterial gipertenziya va yurak yetishmovchiligining og‘irlik darajasi oshishi mumkin.Dori vositasini qo‘llaganda (davolashning boshlang‘ich bosqichidan) arterial gipertenziya va yurak yetishmovchiligi bo‘lgan patsiyentlarning holatini klinik monitoring qilish kerak. Ketoprofenni gipotenziv vositalar bilan birga qo‘llaganda ularning samaradorligi pasayishi mumkin.
Giperkaliyemiya
Qandli diabeti bo‘lgan patsiyentlarda yoki kaliy tejovchi preparatlar bilan davolanayotgan patsiyentlarda ketoprofenni qo‘llaganda giperkaliyemiya rivojlanishi mumkin, bunday patsiyentlarda qon zardobida kaliyning kontsentratsiyasini muntazam nazorat qilish kerak.
Infektsion kasalliklar simptomlarini niqoblash
Preparat infektsiya simptomlarini niqoblashi mumkin, bu tegishli davolashni buyurishni kechikishiga olib kelishi va shu orqali infektsion kasallik yakunini yomonlashtirishi mumkin. Bu bakterial kasalxonadan tashqari pnevmoniya va suvchechakning bakterial asoratlarida kuzatilgan. Infektsion kasalliklarda isitmani tushiruvchi vosita sifatida yoki og‘riq sindromini yengillashtirish uchun Artrokol preparati qo‘llanilganda asosiy infektsion kasallikni sinchkovlik bilan monitoring qilish tavsiya etiladi. Infektsion kasallikni statsionardan tashqarida davolaganda, agar patsiyentning holati yaxshilanmasa yoki kasallikni kechishini yomonlashishi kuzatilsa, u shifokorga murojaat etishlari kerak.
NYaQV ayollarda fertillikka salbiy ta'sir ko‘rsatishi mumkin, shuning uchun homiladorlikni rejalashtirgan ayollarda ularni qo‘llash tavsiya etilmaydi. Homilador bo‘lolmayotgan yoki bepushtlik bo‘yicha tekshiruvdan o‘tayotgan ayollarda preparatni qo‘llashni to‘xtatish haqidagi masalani ko‘rib chiqish kerak.
Anamnezida fotosensibilizatsiya yoki fototoksiklik reaktsiyalari kuzatilgan patsiyentlarda preparatni qo‘llaganda sinchkovlik bilan kuzatuvni ta'minlash kerak.
Jigar funktsiyasini buzilishlari yoki anamnezida jigar kasalliklari bo‘lgan patsiyentlarda, ayniqsa preparat bilan uzoq vaqt davolaganda qonda transaminazalar darajasini muntazam nazorat qilish kerak (ketoprofen bilan davolash fonida kam hollarda sariqlik va gepatit yuzaga kelgan).
Patsiyentlarda preparatni davomli qo‘llaganda qon tahlili va jigar va buyrak funktsiyasini nazorat qilish kerak.
Patsiyentda ko‘rishni buzilishi (masalan ko‘rish o‘tkirligini buzilishi) yuzaga kelganida preparatni qo‘llashni to‘xtatish kerak.
Buyrak funktsiyasini ahamiyatsiz yoki o‘rtacha yaqqollikda buzilishi bo‘lgan patsiyentlarda ketoprofenni boshqa NYaQV, peroral antikoangulyantlar, litiy preparatlari, ASK (og‘riq qoldiruvchi, isitmani tushiruvchi yoki yallig‘lanishga qarshi ta'sir ko‘rsatuvchi dozalar), metotreksat (xaftada 20 mg dan yuqori dozalar), quyimolekulyar geparinlar va unga yaqin birikmalar va fraktsiyalanmagan geparinlar (terapevtik dozalar va/yoki keksa yoshdagi patsiyentlarda), shuningdek pemetreksed bilan majmuada qo‘llash mumkin emas.
Yordamchi moddalar
Preparat bitta ampulada (2 ml) 40 mg benzil spirti saqlaydi, bu allergik reaktsiya chaqirishi mumkin bo‘lgan 20 mg/ml ga mos keladi.
Benzil spirtini vena ichiga yuborish jiddiy noxush ko‘rinishlar va yangi tug‘ilgan chaqaloqni o‘limi bilan kechgan (yangi tug‘ilgan chaqaloqda fatal asfiksiya sindromi). Toksiklik namoyon bo‘lishi mumkin bo‘lgan benzil spirtining minimal miqdori noma'lum.
Benzil spirtining katta miqdorini ehtiyotkorlik bilan va faqat zarurati bo‘lganida, ayniqsa homiladorlik va emizish davridagi ayollarda va jigar yoki buyrak funktsiyasini buzilishi bo‘lgan patsiyentlarda qo‘llash kerak, chunki uni to‘planishi va toksikligi (metabolik atsidoz) xavfi mavjud.
Preparat bitta ampulada 1 mmol dan kamroq natriy (23 mg) saqlaydi, ya'ni deyarli “natriy saqlamaydi”.
Nomutanosiblik
Preparatni boshqa dori vositalari bilan aralashtirish mumkin emas (nomutanosiblik tadqiqotlari o‘tkazilmagan).
Fertillik, homiladorlik va laktatsiya davrida qo‘llanishi
Homiladorlik va emizish davrida benzil spirtining katta miqdorini qo‘llashni ehtiyotkorlik bilan va faqat zarurati bo‘lganida amalga oshirish kerak, chunki to‘planish va toksiklik (metabolik atsidoz) xavfi mavjud.
Homiladorlik
Prostaglandin sintezini ingibitsiya qilinishi homiladorlik va/yoki embrion yoki homilani rivojlanishiga salbiy ta'sir ko‘rsatishi mumkin.
Preparatni homiladorlikning I uch oyligida qo‘llash bilan bog‘liq bo‘lgan xavflar
Epidemiologik tadqiqot natijalari homiladorlikning erta muddatlarida prostaglandinlar sintezini ingibitorlarini qo‘llash bola tashlash, yurak nuqsonlarini rivojlanishi va gastroshizisning yuqori xavfi bilan bog‘liqligidan dalolat beradi. Yurak-qon tomir tizimining tug‘ma nuqsonlari rivojlanishining mutloq xavfi 1% dan kamroqdan (umumiy populyatsiya) 1,5% gacha (ona qornida NYaQV ta'siriga uchragan bolalar) oshadi; doza va davolash davomiyligi oshgan sari xavfi ortib boradi.
Hayvonlardagi tadqiqotlarda prostaglandinlar sintezi ingibitorlarini qo‘llaganda pre- va postimplantatsion davrda embriofetal o‘li oshishi aniqlangan. Bundan tashqari, prostaglandinlar sintezi ingibitorlarini hayvonlarga gestatsiya davrida (homilani organogenezi davrida) yuborganda ayrim rivojlanish nuqsonlarini, shu jumladan yurak-qon tomir tizimi nuqsonlarini yuzaga kelishi tez-tezligini oshishi kuzatilgan.
Preparatni homiladorlikning II va III uch oyliklarida (bola tug‘ilguncha) qo‘llash bilan bog‘liq xavflar
- homiladorlikning 12-chi xaftasidan tug‘ilguncha bo‘lgan davrda NYaQV qo‘llanilganda homilada prostaglandinlar sintezini ingibitsiya qilinishi oqibatida buyrak yetishmovchiligi rivojlanishi mumkin
• ona qornida (in utero), homiladorlikning 12-chi xaftasidan boshlab (homilada siydik hosil bo‘lishi jarayonini boshlanishi) oligogidramnion (odatda davolash to‘xtatilgandan keyin qaytuvchan xarakterga ega) yoki homila atrofidagi suvlarni yo‘qligi (ayniqsa NYaQV uzoq vaqt ta'sir qilganda);
• bola tug‘ilganda uzoq vaqt davomida og‘ir darajadagi giperkaliyemiya rivojlanishi xavfi bilan kechuvchi qaytuvchan yoki qaytmas o‘tkir buyrak yetishmovchiligi (ayniqsa homiladorlikning kechki davrlarida NYaQV uzoq vaqt ta'sir qilganda).
- homiladorlikning 24-xaftasidan homila tug‘ilguncha bo‘lgan davrda NYaQV qo‘llanilganda yurak-o‘pka toksikligi belgilari (arterial teshikni muddatidan oldin berkilishi va o‘pka gipertenziyasini rivojlanishi) kuzatilishi mumkin
• homilada arterial teshikni torayishi homiladorlikning 6-chi oyidan (homiladorlikning 24-xaftasidan keyin) kuzatilishi mumkin, bu o‘ng qorincha yetishmovchiligi rivojlanishi yoki homilani ona qorni nobud bo‘lishi sababi bo‘lishi mumkin (homiladorlikning kechki muddatlarida NYaQV ta'sir qilganda xavf ortadi (o‘zgarishlarning qaytmasligini katta ehtimoli)) – bunday o‘zgarishlar NYaQV ni bir marta qo‘llaganda kuzatilishi mumkin.
- homiladorlikning kechki muddatlarida NYaQV qo‘llanilganda onada va yangi tug‘ilgan chaqaloqda quyidagi noxush reaktsiyalar kuzatilishi mumkin
• qon ketishi davomiyligini oshishi (hatto juda past dozalarda qo‘llaganda ham antiagregant samara namoyon bo‘lishi mumkin);
• bachadonning qisqaruvchanlik qobiliyatini pasayishi (tug‘ruqni kechikishi va davomiyligini uzayishiga olib kelishi mumkin).
Shuning uchun, homiladorlikni rejalashtirgan, shuningdek homiladorlikning I yoki II uch oyligidagi (homiladorlikning birinchi 5 oyi yoki birinchi 24 xaftasi) ayollarda preparatni faqat juda zarur holatlarda qo‘llash kerak, bunda uni minimal dozalarda maksimal qisqa davr davomida qo‘llash kerak; preparat bilan uzoq vaqt davolash tavsiya etilmaydi.
48 soatdan ortiq NYaQV bilan davolash fonida homila atrofidagi suvlarni ultratovush tekshiruvini o‘tkazish kerak.
Homiladorlikning III oyligida (homiladorlikning 6-chi oyidan boshlab yoki homiladorlikning 24-xaftasidan) ayollarda preparatni, shu jumladan bir marta qo‘llash mumkin emas. Ushbu davrda preparatni beixtiyor (to‘satdan) qo‘llanilganda preparatni yuborgan vaqtga qarab homila va/yoki yangi tug‘ilgan chaqaloqning umumiy holati va yurak va buyrak funktsiyasini monitoring qilish maqsadga muvofiq (monitoring davomiyligi ketoprofenning yarim chiqarilish davriga bog‘liq).
Laktatsiya davri
NYaQV ko‘krak sutiga kirganligi tufayli, emizish davrida ayollarda preparatni qo‘llash tavsiya etilmaydi.
Fertillik
Boshqa NYaQV kabi ketoprofen ayollarda fertillikka vaqtincha ta'sir ko‘rsatishi mumkin (ovulyatsiya jarayoniga ta'siri), shuning uchun homiladorlikni rejalashtirgan ayollarda preparatni qo‘llash tavsiya etilmaydi. Homilador bo‘lolmayotgan yoki bepushtlik bo‘yicha tekshiruvdan o‘tayotgan ayollarda preparatni qo‘llashni to‘xtatish masalasini ko‘rib chiqish kerak.
Avtotransportni haydash va mexanizmlarni boshqarish qobiliyatiga ta'siri
Preparatni qo‘llaganda bosh aylanishi, uyquchanlik, tirishishlar yoki ko‘rishni buzilishi rivojlanishi mumkinligi haqida patsiyentlarni ogohlantirish kerak, bunday simptomlar paydo bo‘lganida avtotransportni haydash va mexanizmlarni boshqarishdan saqlanish kerak.
Dozani oshirib yuborilishi
Simptomlari
Ketoprofen 2,5 g gacha dozalarda qo‘llanilganda dozani oshirib yuborilishi holatlari haqida xabar berilgan.
Kattalarda dozani oshirib yuborilishining asosiy simptomlari bo‘lib quyidagilar hisoblanadi bosh og‘rig‘i, bosh aylanishi, uyquchanlik, xolsizlik, ko‘ngil aynishi, qusish, diareya va qorinda yoki epigastral sohada og‘riq; og‘ir darajadagi intoksikatsiyalarda arterial gipotenziya, nafasni susayishi va me'da-ichakdan qon ketishi kuzatilgan.
Davolash
Spetsifik antidoti noma'lum. Doza oshirib yuborilganda statsionar sharoitda ixtisoslashtirilgan bo‘limlarda simptomatik davolash o‘tkazish, shu jumladan gipovolemiyani va kuzatilishi mumkin bo‘lgan atsidozni muvofiqlashtirish va buyrak funktsiyasini monitoring qilish kerak. Buyrak yetishmovchiligida organizmdan dori vositasini chaqirish uchun gemodializ muolajasini o‘tkazish maqsadga muvofiq bo‘lishi mumkin.
Chiqarilish shakli
In'ektsiya uchun eritma 2 ml dan sariq rangli shisha ampulalarda.
5 ampulalar kontur uyali o‘ramlarda.
1 yoki 2 kontur uyali o‘ramlar tibbiyotda qo‘llanilishiga doir yo‘riqnomasi bilan karton qutiga joylanadi.
Saqlash sharoiti
Yorug‘likdan himoyalangan joyda, 25°S dan yuqori bo‘lmagan haroratda saqlansin.
Bolalar ololmaydigan joyda saqlansin!
Yaroqlilik muddati
Ishlab chiqarilgan
sanadan boshlab 3 yil.
Yaroqlilik muddati
o‘tgach qo‘llanilmasin.
Dorixonalardan berish tartibi
Retsept bo‘yicha beriladi.
Ishlab chiqaruvchi
Savdo belgisi va ro‘yxatdan o‘tkazilganlik guvohnomasining egasi
«UORLD MEDITSIN ILACh SAN. VE TIDJ. A.Sh.», TURKIYa
("WORLD MEDICINE İLAҪ SAN. VE TİC. A.Ş.", TURKEY).
Ishlab chiqaruvchi
«FarmaVijn Sanayi ve Tidjaret A.Sh.», Turkiya
(Davutpasha Djaddesi № 145, Topkap/Stambul)
"PharmaVision Sanayi ve Ticaret A.Ş.", Turkey
(Davutpaşa Caddesi No. 145, Topkapı/İstanbul).
O‘zbekiston Respublikasi hududida dori vositalarining sifati bo‘yicha e'tiroz (taklif)larni qabul qiluvchi tashkilotning nomi va manzili
«Evro Farm Biznes» MChJ ChEK
O‘zbekiston Respublikasi, Toshkent sh., Yakkasaroy tumani, Sh. Rustaveli ko‘ch., 120 uy.
Telefon (+99871) 212-18-41, (+99871) 212-20-58
Diqqat!
Ma'lumotlar faqat ma'lumot olish uchun berilgan va o'z-o'zidan davolanish uchun qo'llanma sifatida foydalanilmasligi kerak. Faqat shifokor preparatni buyurishga qaror qilishi mumkin, shuningdek uni qo'llash dozasi va usullarini aniqlaydi.
Pharmalick.uz veb-sayti Pharmalick.uz veb-saytida joylashtirilgan ma'lumotlardan foydalanish natijasida yuzaga kelishi mumkin bo'lgan salbiy oqibatlar uchun javobgar emas.