Nimesil®
Ichga qabul qilinadigan suspenziya tayyorlash uchun granulalar, 100 mg
Ta'sir etuvchi modda nimesulid

Ushbu dori preparatini qabul qilishni boshlashdan oldin preparat uchun bu ilova-varaqani to‘liq va diqqat bilan o‘qib chiqing, chunki unda Siz uchun muhim bo‘lgan ma'lumot saqlanadi.
-Ushbu ilova-varaqani saqlab qo‘ying. Ehtimol, Sizga uni yana o‘qib chiqishga zarur bo‘lib qolishi mumkin.
-Agar Sizda qo‘shimcha savollar tug‘ilsa, shifokoringizga yoki dorixona xodimiga murojat qiling.
-Ushbu preparat shaxsan Sizga buyurilgan va boshqa shaxslarga berish uchun mo‘ljallanmagan. Hatto ulardagi simptomlar Siznikiga o‘xshash bo‘lsa ham, ushbu preparat insonlarning sog‘lig‘iga zarar keltirishi mumkin.
-Qandaydir nojo‘ya ta'sirlar paydo bo‘lganida, o‘z shifokoringiz yoki dorixona xodimiga murojaat qiling. Bu har qanday nojo‘ya ta'sirlarga, shu jumladan, ushbu ilova–varaqada ta'riflanmaganlariga ham taalluqlidir. 4-bo‘limga qarang.

Ilova-varaqaning mazmuni
1.Nimesil® nima va u nima uchun qo‘llanadi?
2.Nimesil® preparatni qabul qilishni boshlashdan oldin nimalarni bilish kerak?
3.Nimesil® qanday qabul qilinadi?
4.Bo‘lishi mumkin bo‘lgan nojo‘ya ta'sirlari
5.Nimesil®ni saqlash sharoiti
6.Boshqa ma'lumotlar.

1. NIMESIL® NIMA VA U NIMA UCHUN QO‘LLANADI?
Nimesil® - og‘riq qoldiruvchi xususiyatlarga ega nosteroid yallig‘lanishga qarshi preparat («NYaQP»). O‘tkir og‘riqni, osteoartritdagi og‘riq xurujlarida va hayz ko‘rish vaqtidagi og‘riqlarni davolash uchun qo‘llanadi.
Nimesil® preparatini buyurishdan oldin davolovchi shifokoringiz bu preparat qo‘llanganida foyda va nojo‘ya ta'sirlarini paydo bo‘lish xavfini baholaydi.
Agar ahvolni yaxshilanishi kuzatilmasa yoki ahvol yomonlashsa, shifokorga murojaat qiling.

2. NIMESIL® PREPARATINI QABUL QILISHDAN OLDIN NIMALARNI BILISH KERAK?
Nimesil®ni quyidagi holatlarda qo‘llash mumkin emas
-nimesulidga yoki Nimesil® preparatining yordamchi moddalaridan biriga yuqori sezuvchanlikda (allergiya);
-ilgari atsetilsalitsil kislotasi yoki boshqa nosteroid yallig‘lanishga qarshi preparatlarni qabul qilish bilan bog‘liq bo‘lgan allergik reaktsiyalarda (bronxospazm, rinit, eshakemi kabi);
-ilgari nimesulid qabul qilganda jigarga zaharli ta'sirlarida;
-jigarga zaharli ta'sir etuvchi boshqa preparatlarni, masalan paratsetamol yoki boshqa og‘riqni qoldiruvchi yoki NYaQP ni qabul qilishda;
-o‘rganib qolishni chaqiruvchi preparatlarni qabul qilish yoki o‘rganib qolishni bo‘lishida, Sizni preparatlarga yoki boshqa vositalarga qaram qilib qo‘yadi;
-muntazam ravishda miqdorda spirtli ichimliklarni qabul qilishda;
-ilgari NYaQP bilan davolash bilan bog‘liq bo‘lgan me'da-ichakdan qon ketishlari yoki perforatsiyada;
-jigar kasalliklarida yoki jigar fermentlarining darajasini oshishida;
-hozirgi vaqtda yoki o‘tmishda peptik (me'da yoki o‘n ikki barmoq ichak) yaralarning mavjudligida;
-aniqlangan me'da yoki ichakdan qon ketishlarda;
-aniqlangan bosh miyaga qon quyilishida (insult);
-boshqa qon ketishlar yoki qon ivishini buzilishi chaqirgan muammolar mavjudligida;
-yurak yetishmovchiligida yoki buyraklar faoliyatini buzilishida (buyrak yetishmovchiligi) yoki jigarning har qanday patologiyasida;
-shamollash yoki grippda (umumiy holsizlik, xastalik, etni uvishishi yoki qaltirashni his etish yoki yuqori haroratning mavjudligida);
-homiladorlikning so‘nggi uch oyi davomida;
-emizish davrida.
Nimesil® preparatini 12 yoshdan kichik bolalarga buyurish tavsiya etilmaydi.

Nimesil®ni alohida ehtiyotkorlik bilan qabul qilish kerak
Nimesil® preparatini qabul qilishni boshlashdan oldin davolovchi shifokoringiz yoki dorixona xodimi bilan maslahatlashing.
Kasallikning simptomlarini nazorat qilish uchun kerak bo‘lgan eng kam samarali dozani, eng kam qo‘llash davomiyligida ishlatib, nojo‘ya ta'sirlarni minimumga yetkazish mumkin.
-Ayrim qandlarni o‘zlashtiraolmaslik mavjudligida, Siz ushbu preparatni qabul qilishni boshlashdan oldin shifokorga murojaat qilishingiz lozim.
-Agar Siz quyida qayd etilgan, Nimesil® preparati bilan o‘zaro ta'sir qilishi mumkin bo‘lgan har qanday preparatlardan birini qabul qilayotgan bo‘lsangiz
-qonning qovushqoqligini kamaytiruvchi preparatlar (antikoagulyantlar, atsetilsalitsil kislotasi yoki boshqa salitsilatlar);
-boshqa NYaQP, shu jumladan SOG-2 ingibitorlari (tsiklooksigenaza-2 ingibitorlari);
-yurak yetishmovchiligi yoki yuqori AB ishlatiladigan siydik haydovchi preparatlar, shuningdek boshqa antigipertenziv preparatlar;
-depressiya va shunga o‘xshash holatlarni davolash uchun qo‘llanadigan litiy preparatlari;
-metotreksat;
-siklosporin.
Nimesil® preparatini qabul qilishdan oldin, Siz shunday preparatlarni qabul qilayotganingizni shifokoringiz yoki dorixona xodimi bilishi to‘g‘risida ishonch hosil qiling.
-Mumkin bo‘lgan jigar shikastlanishini ko‘rsatuvchi simptomlar kuzatilganida, Nimesil® bilan davolashni to‘xtatish va darhol davolovchi shifokorga murojaat qilish lozim. Jigar shikastlanishini taxmin qilish mumkin bo‘lgan simptomlarga ishtahani buzilishi, ko‘ngil aynishi, qusish, me'dada og‘riq, charchoqlik, siydikni to‘qqa bo‘yalishi kiradi. Agar Sizda peptik yara, me'da yoki ichakdan qon ketishi, nospetsifik yarali kolit yoki Kron kasalligi bo‘lsa, Nimesil® preparatini qabul qilishni boshlashdan oldin bu haqida davolovchi shifokorga xabar berishingiz kerak.
-Agar Nimesil® preparati bilan davolanish vaqtida Sizda shamollash yoki grippga o‘xshash simptomlar (umumiy holsizlik, xastalik, et uvishishi yoki qaltirashni his etish) boshlansa, preparat qabul qilishni to‘xtatish va paydo bo‘lgan simptomlar to‘g‘risida davolovchi shifokorga xabar berish kerak.
-Agar Sizda yurak yoki buyraklarning kasalliklari bo‘lsa, Nimesil® preparatini qabul qilishni boshlashdan oldin bu haqida davolovchi shifokoringizga xabar berishingiz kerak; chunki bu preparatni qabul qilganda buyraklarning faoliyatini yomonlashishi mumkin.
-Agar Siz homiladorlikni rejalashtirayotgan bo‘lsangiz, bu haqida davolovchi shifokoringizga xabar berishingiz kerak, chunki Nimesil® preparati fertillikni pasaytirishi mumkin.
Keksa patsiyentlar
Nimesil® preparati me'da, buyraklar, yurak yoki jigar faoliyatiga salbiy ta'sir qilmayotganligiga ishonch hosil qilish uchun shifokor keksa patsiyentlar uchun takroriy tashriflarni ko‘proq buyurishi mumkin.
Keksa patsiyentlarda NYaQP larni qabul qilishda nojo‘ya ta'sirlarni, ayniqsa hayot uchun xavfli bo‘lgan me'da-ichakdan qon ketishlar yoki perforatsiyani paydo bo‘lish tez-tezligi yuqori.
Yurak-qon tomir tizimiga ta'siri
Nimesil® kabi preparatlarni qabul qilish yurak xuruji (miokard infarkti) yoki insult xavfini biroz oshishiga olib kelishi mumkin. Bu kasalliklarni paydo bo‘lish xavfi yuqori dozalar qo‘llanilganida va preparat bilan uzoq vaqt davolanganda yuqoridir. Shifokor tomonidan tavsiya etilgan doza yoki davolash davomiyligini oshirmang.
Yurak kasalligi, avval o‘tkazilgan infarkt mavjudligida, yoki Siz bu kasalliklarni (masalan yuqori qon bosimi, diabet yoki qonda xolesterinning miqdori yuqoriligida, chekishda) Sizda paydo bo‘lishining xavfi bor deb hisoblasangiz, davolovchi shifokor yoki dorixona xodimi bilan mumkin bo‘lgan davolashni muhokama qilish kerak.
Shuningdek, anamnezida yuqori qon bosimi va/yoki yurak yetishmovchiligi bo‘lgan patsiyentlar ehtiyotkorlikka rioya qilishlari lozim, chunki NYaQP ni qabul qilishda suyuqlikni tutilib qolishi va shishlar to‘g‘risida xabar berilgan.
Nimesulid trombotsitlarning faoliyatini yomonlashtirishi mumkin; shuning uchun qon ketishlariga moyilligi bo‘lgan patsiyentlar, Nimesil® ni ehtiyotkorlik bilan qabul qilishlari kerak. Nimesil® yurak va qon tomirlarning kasalliklarini oldini olish uchun atsetilsalitsil kislotasining o‘rnini bosmaydi.
Me'da-ichak yo‘llari uchun xavfsizligi
Me'da-ichakdan qon ketishlar, yara va perforatsiya
Har qanday NYaQV qabul qilinganda, butun davolash davri mobaynida darakchi simptomlar yoki ularsiz, shuningdek o‘tmishda me'da-ichak yo‘llari tomonidan og‘ir patologiyalar bo‘lgan yoki bo‘lmaganligidan qat'iy nazar, hayot uchun xavf soluvchi me'da-ichakdan qon ketishlar, yaralar yoki perforatsiyalar kelib chiqishi haqida xabar berilgan.
Me'da-ichakdan qon ketishi, yara yoki yarani perforatsiyasi ro‘y berish xavfi, anamnezida yarasi bo‘lgan, ayniqsa qon quyilishi yoki perforatsiya bilan asoratlangan patsiyentlarda, shuningdek keksa patsiyentlarda nosteroid yallig‘lanishga qarshi preparatning dozasini oshirish bilan oshadi («Nimesil® preparatini qabul qilish mumkin bo‘lmagan holatlar» bo‘limiga qaralsin). Bunday patsiyentlar uchun davolashni mumkin qadar eng kichik dozadan boshlash kerak.
Bu patsiyentlar uchun, shuningdek atsetilsalitsil kislotasi yoki me'da-ichak kasalliklarini paydo bo‘lish xavfini oshiruvchi boshqa preparatlarning kichik dozalari bilan yondosh davolash zarur bo‘lgan patsiyentlar uchun, himoya qiluvchi vositalarni (masalan, mizoprostolni yoki proton pompa ingibitorlarini) qo‘llash bilan majmuaviy davolashni o‘tkazish imkoniyatini ko‘rib chiqish kerak.
Anamnezida me'da-ichak yo‘llari tomonidan nojo‘ya ta'sirlar bo‘lgan patsiyentlar, ayniqsa keksalar qorin sohasida paydo bo‘ladigan har qanday odatdagi bo‘lmagan simptomlar (ayniqsa, me'da-ichak qon ketishlari) to‘g‘risida shifokorga xabar berishlari kerak. Bu davolashning boshlang‘ich bosqichlarida o‘ta muhimdir.
Yara yoki qon ketishini paydo bo‘lish xavfini oshirishi mumkin bo‘lgan peroral kortikosteroidlar (yallig‘lanish holatlarida qabul qilinadigan preparatlar) kabi dori preparatlari, varfarin kabi antikoagulyantlar, depressiyani davolash uchun qo‘llanadigan serotoninning qayta qamrab olinishining selektiv ingibitorlari yoki atsetilsalitsil kislotasi kabi antikoagulyantlarni birga qabul qilish hollarida alohida ehtiyotkorlikka rioya qilish lozim («Boshqa dori preparatlarini qabul qilish» bo‘limiga qaralsin).
Nimesil® preparatini qabul qilish vaqtida me'da-ichakdan qon ketishi yoki yara paydo bo‘lganida, preparat bilan davolashni bekor qilish kerak.
Anamnezida me'da-ichak kasalliklari (nospetsifik yarali kolit, Kron kasalligi) bo‘lgan patsiyentlarga nosteroid yallig‘lanishga qarshi preparatlarni ehtiyotkorlik bilan buyurish lozim, chunki bu kasalliklar zo‘rayishi mumkin («Nimesil®ni alohida ehtiyotkorlik bilan qabul qilish kerak» bo‘limiga qaralsin).
Teri reaktsiyalari
Nosteroid yallig‘lanishga qarshi preparatlar qo‘llanilganida juda kam hollarda uchraydigan terini qizarishi va pufakchalar hosil bo‘lishi bilan kechuvchi jiddiy teri reaktsiyalari, shu jumladan hayotga xavf soluvchi reaktsiyalarning (eksfoliativ dermatit, Stivens-Djonson sindromi va zaharli epidermal nekrolizi/Layell sindromi) rivojlanishi haqida ma'lumotlar mavjud («Bo‘lishi mumkin bo‘lgan nojo‘ya ta'sirlar» bo‘limiga qaralsin). Bemorlarda bu reaktsiyalarning rivojlanish ehtimoli davolashning boshida yuqori, chunki bunday reaktsiyalarning ko‘pchiligi davolashning birinchi oyida kuzatilgan. Teri toshmalarini, shilliq qavatlarini shikastlanishining birinchi belgilari yoki yuqori sezuvchanlikning boshqa belgilari paydo bo‘lganida, Nimesil® preparatini qo‘llashni to‘xtatish va shifokorga murojaat qilish kerak.

Boshqa dori preparatlarini qabul qilish
Kortikosteroidlarni va Nimesil® ni birga qabul qilish me'da-ichakdan qon ketishi yoki yara xavfini oshirishi mumkin («Nimesil®ni alohida ehtiyotkorlik bilan qabul qilish kerak» bo‘limiga qaralsin).
NYaQP varfarin kabi antikoagulyantlarning ta'sirini kuchaytirishi mumkin («Nimesil®ni alohida ehtiyotkorlik bilan qabul qilish kerak» bo‘limiga qaralsin).
Shuning uchun bu preparatlarning birga qo‘llash qon koagulyatsiyasini kuchli buzilishlari bo‘lgan patsiyentlar uchun tavsiya etilmaydi va buyurilmasligi kerak. Agar preparat bilan majmuaviy davolashdan saqlanishning iloji bo‘lmasa, unda koagulyatsiyaga qarshi faollikni sinchkovlik bilan nazorat qilish kerak.
Nimesil® va antitrombotsitar preparatlarini yoki serotoninni qayta qamrab olinishining selektiv ingibitorlarini (SQQOSI) birga qo‘llangan hollarda me'da-ichakdan qon ketishining xavfi yuqori bo‘ladi («Nimesil®ni alohida ehtiyotkorlik bilan qabul qilish kerak» bo‘limiga qaralsin).
Nimesil® furosemidning (yuqori qon bosimi va yurak yetishmovchiligini davolash uchun ishlatiladigan diuretik) va boshqa antigipertenziv preparatlarning ta'sirini susaytiradi.
Nimesil® va litiy preparatlarini (ruxiy kasalliklarni davolash uchun vosita) birga qo‘llash qonda litiy miqdorini oshishiga olib kelishi mumkin. Qon zardobida litiy miqdorini tekshirish lozim.
Metatreksatni (revmatizm va rakni davolash uchun preparat) qo‘llashdan 24 soat oldin yoki 24 soatdan keyin Nimesil®ni buyurish, qonda metatreksatning kontsentratsiyasini oshishiga va bu preparatning nojo‘ya ta'sirlarini kuchayishiga olib kelishi mumkin.
Nosteroid yallig‘lanishga qarshi preparatlar (nimesulid kabi) siklosporinning (immun javobni bostirish uchun qo‘llanadigan preparat, masalan, a'zo ko‘chirib o‘tkazilganidan keyin) buyraklarga noxush ta'sirlarini kuchaytirishi mumkin.
Agar Siz boshqa dori preparatlarini, shu jumladan retseptsiz beriladigan dori preparatlarini qabul qilayotgan bo‘lsangiz yoki yaqinda qabul qilgan bo‘lsangiz, iltimos, davolovchi shifokorga yoki dorixona xodimiga murojaat qiling.


Homiladorlik va emizish davri
Bunday hollarda har qanday dori preparatini qo‘llashdan oldin davolovchi shifokor yoki dorixona xodimiga maslahat uchun murojaat qilish lozim.
Homiladorlik vaqtida yoki emizish holatida, shuningdek homiladorlik ehtimoli bo‘lsa yoki rejalashtirilsa, ushbu dori preparatini qabul qilishdan oldin shifokorga yoki dorixona xodimiga maslahat uchun murojaat qiling.
Nimesil® ni homiladorlikning birinchi olti oyi davomida shifokorning maslahatidan so‘ng qabul qilish mumkin. Ona va bola uchun yuqori xavfi tufayli, Nimesil® ni homiladorlikning so‘nggi uch oyi davomida qo‘llash mumkin emas («Nimesil® preparatini qo‘llash mumkin bo‘lmagan holatlar» bo‘limiga qaralsin).
Nimesulid homiladorlik yuz berishini qiyinlashtirishi mumkin. Agar Siz homiladorlikni rejalashtirayotgan bo‘lsangiz yoki Sizda homiladorlikni boshlanishi bilan bog‘liq muammolar bo‘lsa, bu haqida shifokorni xabardor qilish kerak.
Nimesil®ni emizish davrida qo‘llash mumkin emas.

Transport vositalarini boshqarish va mexanizmlarga xizmat ko‘rsatish qobiliyatiga ta'siri
Agar Siz Nimesil® preparati qabul qilgandan so‘ng bosh aylanishini, atrofdagi oriyentatsiyani yo‘qolishini yoki uyquchanlikni xis etsangiz, avtomobilni boshqarish yoki mexanizmlarga xizmat ko‘rsatish mumkin emas.

3. NIMESIL® PREPARATI QANDAY QABUL QILINADI?
Nimesil® ni doimo shifokorning qat'iy ko‘rsatmasi bo‘yicha qabul qilish kerak. Agar Sizda shubhalar bo‘lsa, davolovchi shifokor yoki dorixona xodimi bilan maslahatlashing. Odatdagi doza - 100 mg li 1 paketchadan (ichidagisi 1 stakan suvda eritiladi) ovqat qabul qilgandan so‘ng sutkada ikki marta. Nimesil® ni iloji boricha qisqaroq vaqt davomida qo‘llash kerak, bir martalik davolash kursi 15 kundan oshmasligi kerak.

Agar Siz keragidan ortiq Nimesil® preparatini ko‘p miqdorda qabul qilgan bo‘lsangiz
NYAQP dozasini o‘tkir oshirib yuborilishining simptomlari odatda quyidagilar bilan cheklanadi apatiya, uyquchanlik, ko‘ngil aynishi, qusish va epigastral sohada og‘riq. Me'da-ichakdan qon ketishi paydo bo‘lishi mumkin.
Kam hollarda
arterial bosimni oshishi, o‘tkir buyrak yetishmovchiligi, nafasni susayishi va koma paydo bo‘lishi mumkin. NYAQP ning odatdagi dozalari qabul qilinganida va bunday preparatlarning dozasi oshirib yuborilganida og‘ir allergik reaktsiyalarni paydo bo‘lishi to‘g‘risida xabar berilgan.

Nimesil® preparatining navbatdagi qabuli o‘tkazib yuborilganidagi choralar
Agar Siz Nimesil® preparatining dozasini qabul qilishni unutgan bo‘lsangiz, unda keyingi galda preparatning navbatdagi dozasini qabul qiling.
O‘tkazib yuborilgan dozani o‘rnini to‘ldirish uchun ikki martalik dozani qabul qilmang.

Agar Siz Nimesil® preparatini qabul qilishni to‘xtatgan bo‘lsangiz
Davolovchi shifokorning maslahatisiz Nimesil® preparatini qabul qilishni to‘xtatganingizda Sizning holatingiz yomonlashishi mumkin.

4. BO‘LISHI MUMKIN BO‘LGAN NOJO‘YA TA'SIRLARI
Nimesil®, har qanday boshqa dori preparati kabi nojo‘ya ta'sirlar chaqirishi mumkin, garchi hamma patsiyentlarda bo‘lmasa ham.
NYaQP larga eng ko‘p kuzatiladigan nojo‘ya ta'sirlarga me'da-ichak yo‘llari tomonidan reaktsiyalar kiradi. Peptik yaralar, perforatsiya yoki ba'zida hayotga xavf soluvchi, ayniqsa keksa patsiyentlarda me'da-ichak yo‘llaridan qon ketishi rivojlanishi mumkin («Nimesil®ni alohida ehtiyotkorlik bilan qabul qilish kerak» bo‘limiga qaralsin). Kamroq hollarda gastritlar kuzatilgan.
Nosteroid yallig‘lanishga qarshi preparatlar bilan davolash bilan bog‘liq reaktsiya sifatida shishlarni paydo bo‘lishi (organizmda suyuqlikni to‘planishi), arterial bosimni oshishi va yurak yetishmovchiligi to‘g‘risida xabar berilgan.
NYaQP ga juda kam hollarda rivojlangan terini qizarishi va pufakchalarni hosil bo‘lishi, shu jumladan Stivens-Djonson sindromi va toksik epidermal nekroliz bilan kechuvchi jiddiy teri reaktsiyalarini to‘g‘risida ma'lumotlar mavjud.
Nimesil® kabi preparatlarni qabul qilish yurak xuruji (miokard infarti) yoki insultning xavfini biroz oshishi bilan bog‘liq bo‘lishi mumkin.
Quyida keltirilgan qiymatlar nojo‘ya ta'sirlarining paydo bo‘lishi tez-tezligini baholashga asos sifatida qabul qilingan


Juda tez-tez
10 davolangan patsiyentlardan 1 nafaridan ko‘pida

Tez-tez
10 patsiyentlardan 1 dan kam holat, ammo 100 davolangan
patsiyentlardan 1 nafaridan ko‘pida

Ba'zida
100 patsiyentlardan 1 dan kam holat, ammo 1000 davolangan
patsiyentlardan 1 nafaridan ko‘pida

Kam hollarda
1000 patsiyentlardan 1 dan kam holat, ammo 10000 davolangan
patsiyentlardan 1 nafaridan ko‘pida

Juda kam
10000 davolangan patsiyentlardan 1 dan kam holat, ma'lum emas
(mavjud ma'lumotlar asosida baholashning imkoniyati yo‘q)

Nojo‘ya ta'sirlari
Qon tomir va limfatik tizim tomonidan buzilishlar
Kam hollarda
Eritrotsitlar miqdorini kamayishi (anemiya)
Ayrim oq qon xujayralarining miqdorini oshishi (eozinofiliya)

Juda kam
hollardaTrombotsitopeniya (qonda trombotsitlar miqdorini kamayishi)
Barcha turdagi qon xujayralarining miqdorini kamayishi (pantsitopeniya)
Lokalizatsiyalangan teridan qon ketishlari (purpura)
Immun tizimi tomonidan buzilishlar
Kam hollarda
Allergik reaktsiyalar

Juda kam
hollardaOg‘ir allergik reaktsiyalar (anafilaksiya)
Metabolizm va ovqatla-nishning buzilishlari
Kam hollarda
Qonda kaliy miqdorini oshishi (giperkaliyemiya)
Ruxiy buzilishlar
Kam hollarda
Xavotirlik hissi
Asabiylik
Tungi dahshatli tush ko‘rishlar
Nerv tizimi tomonidan buzilishlarBa'zi hollardaBosh aylanishi

Juda kam
hollardaBosh og‘rig‘i
Uyquchanlik
Bosh miya kasalligining ayrim shakli
(entsefalopatiya, shu jumladan, Reye sindromi)
Ko‘rish a'zolari tomonidan buzilishlar
Kam hollarda

Noaniq ko‘rish

Juda kam
hollardaKo‘rishni buzilishi
Eshitish va labirint apparati a'zolari tomonidan buzilishlar
Juda kam
hollardaBosh aylanishi
Yurak tomonidan buzilishlar
Kam hollarda
Pulsni tezlashishi (taxikardiya)
Qon-tomirli buzilishlariBa'zi hollardaQon bosimini oshishi

Kam hollarda
Qon quyilishlari
Qon bosimini o‘zgaruvchanligi
«Qizish» hissi
Nafas yo‘llari,ko‘krak qafasi a'zolari va ko‘ks oralig‘i a'zolari tomonidan buzilishlarBa'zi hollardaNafasni qiyinlashishi

Juda kam
hollardaAstma
Bronxospazm
Ovqat hazm qilish tizimi tomonidan buzilishlar
Tez-tez
Diareya
Ko‘ngil aynishi
Qusish
Ba'zi hollardaQabziyat
Meteorizm
Me'da-ichakdan qon ketishi
O‘n ikki barmoqli ichak yoki me'daning yarasi va uning perforatsiyasi

Juda kam
hollardaMe'daning shilliq qavatini yallig‘lanishi (gastrit)
Qorinda og‘riq
Ovqat hazm bo‘lishini buzilishi
Og‘iz shilliq qavatini yallig‘lanishi, shu jumladan yaralarni hosil bo‘lishi
Qatronsimon ich kelishi
Jigar va o‘t chiqarish yo‘llari tomonidan buzilishlar («Nimesil® preparatini alohida ehtiyotkorlik bilan qabul qilish kerak» bo‘limiga qaralsin)
Juda kam
hollardaJigarni yallig‘lanishi (gepatit)
Yashin tezligidagi va og‘ir gepatit (shu jumladan o‘lim bilan tugovchi)
Sariqlik
Safro chiqarilishini buzilishi (xolestaz)
Teri va teri osti kletchatkasi tomonidan buzilishlarBa'zi hollardaQichishish
Toshma
Kuchli terlash

Kam hollarda
Eritema
Dermatit

Juda kam
hollardaEshakemi
To‘qimalarni shishi (angionevrotik shish)
Yuzni shishi
Og‘ir teri reaktsiyalari (polimorf shaklli eritema, Stivens-Djonson sindromi, toksik epidermal nekroliz)
Buyrak va siydik chiqarish tizimi tomonidan buzilishlari
Kam hollarda
Siyishni qiyinlashishi
Siydikda qon

Juda kam
hollardaSiyishni tutilishi
Buyrak yetishmovchiligi
Oliguriya
Buyrak to‘qimasini yallig‘lanishi (interstitsial nefrit)
Umumiy buzilishlar va preparatga mahalliy reaktsiyalarBa'zi hollardaTo‘qimalarda suyuqlikni to‘planishi (shish)

Kam hollarda
Kuchsizlanish
Holsizlik

Juda kam
hollardaTananing anomal past harorati (gipotermiya)

Nojo‘ya ta'sirlar kuchayganida yoki ushbu ilova varaqada ko‘rsatilmagan har qanday nojo‘ya ta'sirlar paydo bo‘lganida, bu haqda davolovchi shifokoringizga yoki dorixona xodimiga xabar bering.

5. NIMESIL® PREPARATINI SAQLASH SHAROITI
Ushbu dori vositasini 30o S dan yuqori bo‘lmagan haroratda saqlash lozim!
Bolalar ololmaydigan joyda saqlansin.
Nimesil® ni paketcha va karton qutida ko‘rsatilgan “goden do” so‘zlaridan keyin ko‘rsatilgan yaroqlilik muddati o‘tganidan so‘ng ishlatmang.
Yaroqlilik muddati
ning o‘tish sanasi ko‘rsatilgan oyning so‘nggi kuniga to‘g‘ri keladi.

6. BOSHQA MA'LUMOTLAR
Nimesil® preparatining tarkibi
-Ta'sir etuvchi modda nimesulid
-Boshqa ingrediyentlari saxaroza, apelsin hushbo‘yi, limon kislotasi, maltodekstrin va makrogolning setostearil efiri.

Nimesil® preparatining tashqi ko‘rinishi va o‘ram ichidagisi
Granulalar qog‘oz, alyumin va polietilendan iborat portsion paketchalarga joylangan; portsion paketchalar va ilova-varaqa karton qutiga o‘ramlangan. Bir karton qutida 9, 15 yoki 30 portsion paketchalar saqlanadi; bir portsion paketchada 2 g granula (100 mg nimesulid)mavjud.
Sotuvda o‘ramlarning barcha o‘lchamlari bo‘lmasligi mumkin.


Dorixonalardan berish tartibi

Dori vositasi shifokor retsepti bo‘yicha beriladi.

Qayd etish guvohnomasining egasi
Laboratori Gidotti S.P.A.
Via Livorneze, 897
56010 Piza
La Vettola, Italiya













Ishlab chiqaruvchi

Laboratorios Menarini S.A. yokiFayn Fuds N.T.M. S.P.A.
Alfonso ko‘ch., XII,587Via del Artidjianato 8/10
08918 Badalona24041 Brembate (Bergamo)
IspaniyaItaliya

Distribyutor
Berlin-Xemi AG (Menarini Grupp)
Gliniker Veg 125
12489 Berlin
Germaniya