Preparatning savdo nomi
Zifort
Ta'sir etuvchi moddalar (XPN) Tiamin mononitrati, piridoksin gidroxloridi va sianokobalamin.

Dori shakli
Plyonka qobiq bilan qoplangan tabletkalar.

Tarkibi

faol moddalar
Tiamin mononitrati 100 mg;
Piridoksin gidroxloridi 200 mg;
Sianokobalamin 200 mkg.
yordamchi moddalar dixlormetan, etanol, laktoza, primogel, povidon, magniy stearati, tal'k, tozalangan suv, jelatin, ak-di-sol, FDC-qizil 3 al-lake bo‘yovchisi, mikrokristallik sellyuloza, Opaglos plyonka qobig‘i, FDC- qizil 40 al-lake bo‘yovchisi.
Ta'rifi Dumaloq, ikki yoqlama qavariq, to‘q pushti rangli, ikki tomonlama silliq, hidsiz, plyonka qobiq bilan qoplangan tabletkalar.

Farmakoterapevtik guruhi
Vitaminlar.


Farmakologik xususiyatlari

Majmuaviy preparat, farmakologik ta'siri tarkibiga kiruvchi vitaminlarning xususiyatlari bilan belgilanadi.
Tiamin - kokarboksilazaning (karbonsuvlar almashinuvini boshqarilishida ishtirok etuvchi koferment) tarkibiy qismi bo‘lib, bosh miya po‘stlog‘ining faoliyatida, nerv impulsini o‘tkazilishini kimyoviy mexanizmida va nerv tizimining trofik faoliyatini amalga oshirilishida muhim rol o‘ynaydi. Tiamin nerv qo‘zg‘alishining kimyoviy o‘tkazuvchilari - mediatorlar (atsetilxolin, adrenalinsimon moddalar va gistamin) almashinuvida faol ishtirok etadi. Tiaminning yetishmovchiligi karbonsuvlar almashinuvini buzilishiga va to‘qimalarda sut va pirouzum kislotasini to‘planishiga olib keladi, bu o‘z navbatida yurak faoliyatini buzilishiga, nevritlar va nerv tizimining boshqa kasalliklarini rivojlanishiga olib kelishi mumkin.
Piridoksin - organizmga tushib aminokislotalarning (triptofan, metionin, sistein, glyutamin kislotasi va boshqalar) almashinuvini amalga oshiruvchi ko‘pchilik fermentlarning tarkibiga kiradi, nerv to‘qimalarida ta'sir etuvchi o‘ta muhim fermentlarning kofermenti sifatida o‘rin tutadi. Adrenalin, noradrenalin, dopamin, gistamin va GAMK kabi ko‘pgina neyromediatorlarning biosintezida ishtirok etadi. Bundan tashqari, u yog‘ almashinuvi jarayonlarida ishtirok etadi, aterosklerozda lipidlar almashinuvini yashilaydi.
Sianokobalamin - normal qon hosil bo‘lishi va eritrotsitlarning yetilishi uchun zarur, shuningdek organizmning hayot faoliyatini ta'minlovchi qator biokimyoviy reaktsiyalarda - transmetillanish jarayonlarida, nuklein kislotalari, oqsillar sintezi, aminokislotalar, karbonsuvlar, lipidlarning almashinuvi jarayonlarida ishtirok etadi. Sianokobalaminning koferment shakllari - metilkobalamin va adenozinkobalamin - xujayralarning replikatsiyasi va o‘sishi uchun zarurdir. Sianokobalamin nerv tizimidagi jarayonlarga (nuklein kislotalari va serebrozidlar va fosfolipidlarning lipid tarkibining sintezi) ijobiy ta'sir ko‘rsatadi, shuningdek nerv tolalarining miyelin qobig‘ini hosil bo‘lishida hal qiluvchi rol o‘ynaydi. Sianokobalaminning tanqisligi anemiyaga va nerv tizimining asta-sekin rivojlanib boruvchi qaytmas shikastlanishlariga olib kelishi mumkin.


Qo‘llanilishi

Quyidagi nevrologik kasalliklarni majmuaviy davolash uchun qo‘llanadi
• o‘tkir yoki surunkali nevritlar va polinevritlar, (uch shoxlik nervning nevralgiyasi, ishialgiya);
• umurtqa pog‘onasining degenerativ o‘zgarishlari oqibatidagi ildiz sindromi;
• pleksitlar;
• diabetik polinevropatiya;
• toksik polinevropatiyalar (shu jumladan dorili);
• alkogolli periferik nevropatiya (Vernike-Korsakov sindromi);
• Beri-beri kasalligi (quruq va xo‘l);
• o‘rab oluvchi gerpes;
• Birmer kasalligi (pernitsioz anemiya).


Qo‘llash usuli va dozalari

Ichga buyuriladi.
Kattalar bir tabletkadan sutkada 3 marta bir oy davomida qabul qilinadi.
Tabletkalarni ovqatdan keyin, chaynamasdan va ko‘p bo‘lmagan miqdordagi suyuqlik bilan qabul qilish kerak.

Nojo‘ya ta'sirlari
Allergik reaktsiyalar qichishish, eshakemi.
Boshqalar kam hollarda - taxikardiya, ko‘ngil aynishi.


Qo‘llash mumkin bo‘lmagan holatlar

Preparatning komponentlariga yuqori sezuvchanlik, homiladorlik va laktatsiya davri.




Dorilarning o‘zaro ta'siri
Bir vaqtda qo‘llanganida preparat levodopaning parkinsonizmga qarshi samaradorligini pasaytiradi, bu piridoksinning ta'siri ostida levodopaning periferik dekarboksillanishini kuchayishi bilan bog‘liq. Etanol tiaminni so‘rilishini keskin pasaytiradi.


Maxsus ko‘rsatmalar

Preparatning yuqori dozalari bilan 4 haftadan ortiq vaqt davomida davolash tavsiya qilinmaydi.
Avtotransportni boshqarish yoki boshqa mexanizmlar bilan ishlash qobiliyatiga ta'siri
Ta'sir qilmaydi.
Bolalar
Bolalarni davolash uchun qo‘llash tajribasi yo‘q.
Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.



Dozani oshirib yuborilishi
Dozani oshirib yuborilishi ehtimoli kam, preparatning nojo‘ya ta'sirlari kuchayishi mumkin.
Hozirgi vaqtgacha dozani oshirib yuborish hollari haqida xabar berilmagan.


Chiqarilish shakli

Plyonka qobiq bilan qoplangan tabletkalar, 10 donadan kontur uyali o‘ramlarda.


Saqlash sharoiti

Quruq joyda, 15°S dan 30°S gacha haroratda saqlansin.


Yaroqlilik muddati

2 yil.


Dorixonalardan berish tartibi

Retseptsiz.




Ishlab chiqaruvchi

«Novell Pharmaceutical Laboratories», Indoneziya.

O‘ramlovchi
"Pharmed®"XK
O‘zbekiston Respublikasi 100132, Toshkent sh., Ibrat ko‘chasi 1, tel/faks 247-45-90