Preparatning savdo nomi
MR Gioksizon
Ta'sir etuvchi moddalar (XPN) Gidrokortizon, oksitetratsiklin.

Dori shakli
Surtma

Tarkibi

100 g surtma quyidagilarni saqlaydi
Faol moddalar Gidrokortizon atsetati – 1 g, oksitetratsiklin gidroxloridi – 3 g.
Yordamchi moddalar nipagin (metilparagidroksibenzoat), vazelin moyi, vazelin.
Ta'rifi Sariq rangli surtma.

Farmakoterapevtik guruhi
Mahalliy yallig‘lanishga qarshi vosita.
ATX kodi D07CA01


Farmakologik xususiyatlari

Sirtga qo‘llash uchun majmuaviy preparat.
Gidrokortizon – glyukokortikosteroid, yallig‘lanishga qarshi, allergiyaga qarshi, antiekssudativ va qichishishga qarshi samara ko‘rsatadi. Fagotsitozni tormozlaydi. Fosfolipaza A2 faolligini susaytirishi hisobiga hujayra qobig‘i fosfolipidlaridan araxidon kislotasini hosil bo‘lishini kamaytiradi. Yallig‘lanishga qarshi ta'siriga ega interleykinlar va boshqa sitokinlarning ajralib chiqishini susaytiradi; gistaminning ajralib chiqishini va mahalliy allergik reaktsiyalarning paydo bo‘lishini tormozlaydi. Oqsillar sintezini va terida kollagen yig‘ilishini pasaytiradi, biriktiruvchi to‘qimani rivojlanishiga to‘sqinlik qiladi, proliferativ jarayonlarni susaytiradi.
Oksitetratsiklin - tetratsiklinlar guruhi antibiotigi, bakteriostatik ta'sir ko‘rsatadi. Grammusbat va grammanfiy bakteriyalar, Richettsia spp., Treponema spp., Chlamydia spp., Mycoplasma spp. larga nisbatan faol.


Farmakokinetikasi

Preparat terapevtik dozalarda sirtga qo‘llanganida ta'sir etuvchi moddalar qonga transdermal juda sust so‘riladi. Okklyuzion bog‘lovlarni qo‘llash gidrokortizon va oksitetratsiklinni transdermal so‘rilishini oshiradi, bu tizimli nojo‘ya samaralarini rivojlanish xavfini oshishiga olib kelishi mumkin.





Qo‘llanilishi

Glyukokortikosteroidlar bilan davolab bo‘ladigan va oksitetratsiklinga sezgir mikroorganizmlar tomonidan chaqirilgan bakterial infektsiya bilan ikkilamchi asoratlangan teri kasalliklari dermatit (shu jumladan allergik, kontakt, seboreyali, quyoshli, atopik dermatit), ekzema, ko‘p shaklli ekssudativ eritema, yuzaki kuyishlar va sovuq urishi, hashoratlarni chaqishida qo‘llanadi.


Qo‘llash usuli va dozalari

Sirtga buyuriladi.
Shikastlangan sohalarga 0,5-1 g dan sutkada 1-3 marta yupqa qilib surtiladi yoki teri ustiga yopiladigan steril dokaga surtib, bint bilan bog‘lanadi. Davolash davomiyligi shaxsiy ravishda belgilanadi va shikastlanish darajasi va uni joylashishiga bog‘liq bo‘ladi.
Davolash kursi 14 haftadan oshmasligi kerak. Yuz terisiga qo‘llanganida surtmani ko‘z kosasi atrofidagi sohaga surtilishiga yo‘l qo‘ymasdan, sutkada 1 marta qo‘yiladi, bunda davolash kursi 7-10 kundan oshmasligi kerak.
Bolalarda terining cheklangan sohalarida qisqa davolash kurslarida (5-7 kun davomida) qo‘llanadi.

Nojo‘ya ta'sirlari
Terini ta'sirlanishi, qichishish, toshma; superinfektsiya, allergik reaktsiyalar. Yuz terisiga qo‘llanganida teleangiektaziyalar, og‘iz sohasida teri osti kletchatkasining atrofiyasi. Uzoq muddat qo‘llanganida va/yoki katta yuzalarga qo‘yilganida – glyukokortikosteroidlarning tizimli nojo‘ya samaralari.


Qo‘llash mumkin bo‘lmagan holatlar

O‘ta yuqori sezuvchanlik, teri tuberkulyozi, teri o‘smasi, terining rak oldi kasalliklari, dermatomikoz, terining virusli kasalliklari (gerpes, suvchechak); rozatsea va perioral dermatit, terini sifilitik shikastlanishlari, postvaktsinal teri reaktsiyalari; homiladorlik, laktatsiya davri, 2 yoshgacha bo‘lgan bolalarda qo‘llash mumkin emas.

Dorilarning o‘zaro ta'siri
Preparatni boshqa dori vositalari bilan o‘zaro ta'siri aniqlanmagan.


Maxsus ko‘rsatmalar

Glyukokortikosteroidlar bilan davolash vaqtida chechakka qarshi vaktsinatsiyani o‘tkazish va immunizatsiyaning boshqa turlarini rejalashtirish mumkin emas (glyukokortikosteroidlarning immunodepressiv samaralari tufayli).
Ko‘z va shilliq qavatlarga surtmani tushishiga yo‘l qo‘ymaslik kerak.
Bolalarda preparatni terining katta yuzalariga va okklyuzion bog‘lovlar ostiga surtishdan saqlanish kerak.
Preparatni yuz terisiga qo‘llash zarurati tug‘ilganida, yuqori so‘rilishi va nojo‘ya ta'sirlarining paydo bo‘lishi mumkinligi tufayli, davolash qisqa bo‘lishi kerak.
Transport vositalari, mexanizmlarini boshqarish qobiliyatiga ta'siri. Ta'sir qilmaydi.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Simptomlari uzoq muddat davomida va/yoki yuqori dozalarda qo‘llanganda ikkilamchi buyrak usti bezi yetishmovchiligini rivojlanishi bilan buyrak usti bezi faoliyatini susayishi hamda giperkortitsizm simptomlari, shu jumladan Itsenko-Kushing sindromi yuz berishi mumkin.
Oksiteteratsiklin bilan yuqori dozalarda uzoq vaqt davomida davolash sezgir bo‘lmagan mikroflorani o‘sishiga olib kelishi mumkin.
Davolash preparatni bekor qilish. Tegishli simptomatik davolash o‘tkaziladi. Zarurat tug‘ilganida – elektrolit buzilishlarni muvofiqlashtirish kerak.


Chiqarilish shakli

10 g dan tubada.


Saqlash sharoiti

Quruq, yorug‘likdan himoyalangan joyda, 250S yuqori bo‘lmagan haroratda saqlansin.

Yaroqlilik muddati

3 yil.


Dorixonalardan berish tartibi

Retsept bo‘yicha.


Ishlab chiqaruvchi

«MERRYMED FARM» MChJ,
O‘zbekiston Respublikasi, Namangan viloyati, Namangan tumani, Bog‘ishamol QFYA, Sherbuloq ko‘cha, 1 uy.