Preparatning savdo nomi
Edem
Ta'sir etuvchi modda (XPN) dezloratadin

Dori shakli
qobiq bilan qoplangan tabletkalar.

Tarkibi

1 tabletka quyidagilarni saqlaydi
faol modda suvsiz 100% moddaga qayta hisoblaganda 5 mg dezloratadin;
yordamchi moddalar kaltsiy gidrofosfat digidrati, mikrokristall sellyuloza, laktoza monogidrati, makkajo‘xori kraxmali, kaltsiy stearati, Opadry II 85F 30571 Blue (temir III oksidi (E 172), polivinil spirti, titan dioksidi (E 171) talk, indigokarmin
(E 132), polietilenglikol).
Ta'rifi dumaloq shaklli, ikki yoqlama qavariq yuzali, moviy rangli qobiq bilan qoplangan tabletkalar.

Farmakoterapevtik guruhi
tizimli qo‘llash uchun antigistamin vositalari.
ATX kodi R06A X27.


Farmakologik xususiyatlari

Dezloratadin – periferik N1-gistamin retseptorlarga selektiv antagonistik ta'sirga ega bo‘lgan, davomli ta'sir qiluvchi nosedativ antigistamin preparatidir. Peroral yuborilganidan keyin dezloratadin periferik N1-gistamin retseptorlarini selektiv bloklaydi.
In vitro tadqiqot dezloratadin endoteliy xujayralarida o‘zining antiallergik xususiyatlarini namoyish qilgan. Bu odam mastotsitlari/bazofillaridan IL-4, IL-6, IL-8 va IL-13 kabi yallig‘lanishga qarshi sitokinlarni ajralib chiqishi, shuningdek R-selektin kabi adgeziya molekulalarining ekspressiyasini susayishi bilan namoyon bo‘lgan.
Ko‘psonli tadqiqotlar, antigistamin faollikdan tashqari, dezloratadin allergiyaga qarshi va yallig‘lanishga qarshi ta'sirga ega ekanligini ko‘rsatadi. Dezloratadin yurak-tomir tizimi tomonidan o‘zgarishlar chaqirmaydi, markaziy nerv tizimiga kirmaydi va psixomotor faoliyatga ta'sir qilmaydi.
Allergik riniti bo‘lgan patsiyentlarda dezloratadin aksirish, burundan ajralmalar va qichishish, shuningdek ko‘z yoshini oqishi va qizarish kabi ko‘zlarni ta'sirlanishi, tanglayning qichishishi kabi simptomlarni samarali bartaraf qiladi. Dezloratadin 24 soat davomida simptomlarni samarali nazorat qiladi.
Dezloratadinning qon plazmasidagi kontsentratsiyasini yuborilganidan keyin 30 minut o‘tgach aniqlash mumkin. Dezloratadin yaxshi so‘riladi, maksimal kontsentratsiyasiga taxminan 3 soat o‘tgach erishiladi; yarim chiqarilish davri taxminan 27 soatni tashkil qiladi. Dezloratadinning to‘planish darajasi sutkada 1 marta qabul qilinganida yarim chiqarilish davriga (taxminan 27 soat) va qabul qilish tez-tezligiga mos kelgan. Dezloratadinning biokiraolishi 5 dan 20 mg gacha dozalar diapozonida dozaga proportsional bo‘lgan. Dezloratadin plazma oqsillari bilan o‘rtacha (83-87%) bog‘lanadi. Dezloratadinning dozalari (5 dan 20 mg gacha) sutkada bir marta 14 kun davomida qo‘llanganida, preparatni klinik ahamiyatli to‘planishining belgilari aniqlanmagan.
Ovqat (yog‘li yuqori kaloriyali ertalabki nonushta) dezloratadinning farmakokinetikasiga ta'sir qilmaydi. Shuningdek greypfrut sharbatini dezloratadinning farmakokinetikasiga ta'sir qilmasligi aniqlangan.


Qo‘llanilishi

- allergik rinit (aksirish, burundan ajralmalar, burinni qichishishi, shishi va bitishi, ko‘zlarni qichishishi va qizarishi, ko‘z yoshini oqishi, tanglay soxasida qichishish va yo‘tal);
- eshakemi (qichishish, toshma) bilan bog‘liq bo‘lgan simptomlarni bartaraf qilish uchun qo‘llanadi.


Qo‘llash usuli va dozalari

Kattalar va 12 yoshdan oshgan bolalarga ovqat qabul qilishdan qat'iy nazar preparat
5 mg dozada (1 tabletka) sutkada 1 marta buyuriladi. Preparatni muntazam ravishda sutkaning bir vaqtida qabul qilish tavsiya etiladi. Tabletkalarni chaynamasdan, oz miqdordagi suv bilan yutish kerak. Davolash davomiyligi kasallikning og‘irlik darajasi va kechishiga bog‘liq.
Intermittirlovchi allergik rinitni (simptomlarni xaftada kamida 4 kundan ko‘proq yoki 4 xaftadan kamroq bo‘lishi) davolashni anamnezning ma'lumotlariga bog‘liq holdao‘tkazish kerak simptomlar yo‘qolganidan keyin to‘xtatish va ular takroran paydo bo‘lganida qaytadan boshlash kerak. Persistirlovchi allergik rinitda (simptomlarni xaftada kamida 4 kun yoki 4 xaftadan ko‘proq bo‘lishi) davolashni allergen bilan kontaktning butun davri davomida o‘tkazish kerak.

Nojo‘ya ta'sirlari
Dezloratadin odatda yaxshi o‘zlashtiriladi, lekin ba'zida nojo‘ya samaralari paydo bo‘lishi mumkin.
Ruhiy buzilishlar gallyutsinatsiyalar.
Nerv tizimi tomonidan bosh og‘rig‘i, bosh aylanishi, uyquchanlik, uyqusizlik, psixomotor giperfaollik, tirishishlar.
Yurak tomonidan taxikardiya, yurakni kuchli urishi.
Me'da-ichak yo‘llari tomonidan og‘izni qurishi, diareya, qorinda og‘riq, ko‘ngil aynishi, qusish, dispepsiya.
Gepatobiliar tizimi tomonidan jigar fermentlarining faolligini oshishi, bilirubinning darajasini oshishi, gepatit.
Skelet-mushak tizimi va biriktiruvchi to‘qima tomonidan mialgiya.
Umumiy buzilishlar o‘ta yuqori sezuvchanlik reaktsiyalari (shu jumladananafilaksiya, angionevrotik shish, hansirash, qichishish, toshmalar va eshakemi), kuchli toliqish.


Qo‘llash mumkin bo‘lmagan holatlar

Faol moddaga yoki prepartning biron-bir komponentiga, yoki loratadinga yuqori sezuvchanlik.
Qo‘llashdagi xavfsizlikning muvofiq choralari
Yuqori darajali buyrak yetishmovchiligi bo‘lgan bemorlarda Edem preparatini qabul qilishni shifokorning nazorati ostida amalga oshirish kerak. Galaktozani o‘zlashtiraolmaslik, laktaza yetishmovchiligi yoki glyukoza va galaktozani molabsorbtsiya kabi kam uchraydigan nasliy kasalliklari bo‘lgan patsiyentlar, bu preparatni qabul qilmasliklari kerak.

Dorilarning o‘zaro ta'siri
Ketokonazol, eritromitsin, azitromitsin, flyuoksetin, simetidin bilan birga ko‘p marta qo‘llanganida preparatning plazmadagi kontsentratsiyasini klinik ahamiyatli o‘zgarishlari aniqlanmagan. Dezloratadinning metabolizmiga javob beruvchi ferment aniqlanmaganligi tufayli, boshqa dori vositalari bilan o‘zaro ta'siri ehtimolini butunlay istisno qilish mumkin emas.
Klinik-farmakologik tekshirishlarda, alkogol bilan birga qabul qilingan dezloratadin, etanolni psixomotor faoliyatga salbiy ta'sirini kuchaytirmagan.


Maxsus ko‘rsatmalar

Homiladorlik yoki emizish davrida qo‘llanishi
Dezloratadin hayvonlardagi tekshirishlarda teratogenlik namoyish qilmagan. Homiladorlik davrida preparatni qo‘llashni xavfsizligi aniqlanmagan, shuning uchun Edemnihomiladorlik vaqtida qo‘llash tavsiya qilinmaydi.
Dezloratadin ko‘krak sutiga kiradi, shuning uchun emizikli ayollarga Edemni qo‘llash tavsiya qilinmaydi.
Avtortansportni boshqarish yoki boshqa mexanizmlar bilan ishlashda reaktsiya tezligiga ta'sir qilish qobiliyati
Juda kam hollarda ayrim odamlar uyquchanlik, bosh aylanishini xis qilishlari, bu ularni avtomobil va murakkab texnikani boshqarish qobiliyatiga ta'sir qilishi mumkinligi haqida patsiyentlarni xabardor qilish kerak.
Bolalar
12 yoshgacha bo‘lgan bolalarda Edem tabletkalarini qo‘llash samaradorligi va xavfsizligi aniqlanmagan.
Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.


Dozani oshirib yuborilishi

Doza oshirib yuborilgan hollarda so‘rilmagan faol moddani yo‘qotish uchun standart choralarni ko‘rish kerak. Simptomatik va tutib turuvchi davolash tavsiya etiladi. Dezloratadin 45 mg dozalarda yuborilgan klinik tadqiqotlarda (ular tavsiya qilingandan 9 marta yuqori), klinik ahamiyatli nohush reaktsiyalar kuzatilmagan. Dezloratadin gemodializ yo‘li bilan chiqarilmaydi; peritoneal dializda uni yo‘qotish mumkinligi aniqlanmagan.


Chiqarilish shakli

10 yoki 30 tabletkadan blisterda. 1 blisterdan qutida.


Saqlash sharoiti

Original o‘ramida, 25ºS dan yuqori bo‘lmagan haroratda saqlansin.


Yaroqlilik muddati

3 yil.


Dorixonalardan berish tartibi

Retseptsiz.


Ishlab chiqaruvchi
ning nomi va manzili
«Farmak» JAJ.
Ukraina, 04080, Kiyev sh., Frunze ko‘ch., 74.

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot haqida ma'lumot
“Farmak” JAJ O‘zbekistondagi vakolatxonasi
100000, Toshkent sh., A.Qodiriy ko‘ch., 39.
Tel./faks 235-77-13, 235-67-05.