Preparatning savdo nomi
Suprastin
Ta'sir etuvchi modda (MNN) Xloropiramin gidroxlorid

Dori shakli
Ichga qabul qilish uchun tabletkalar.

Tarkibi

Har bir tabletka quyidagilarni saqlaydi
faol modda 25 mg xloropiramin gidroxloridi;
yordamchi moddalar laktoza monogidrati (har bir tabletkada 116 mg), kartoshka kraxmali, natriy kraxmal glikolyati (A turi), talk, jelatin, stearin kislotasi.
Ma'lum samarali yordamchi moddalar har bir tabletka 116 mg laktoza monogidratini o‘z ichiga oladi.
Ta'rifi oq yoki kulrang-oq rangli, disk ko‘rinishidagi, faskali, bir tomonida “SUPRASTIN” gravirovkali va boshqa tomonida riskali, hidsiz yoki deyarli hidsiz tabletkalar. Riskalar yordamida tabletkalarni ikki bir hil dozaga ajratish mumkin.

Farmakoterapevtik guruhi
Tizimli qullash uchun antigistamin preparatlari. Xloropiramin.
ATX kodi R06AC03


Farmakologik xususiyatlari


Farmakodinamika

Xloropiramin - tripelenamin (piribenzamin)ning xlorlangan analogi - etilendiaminli antigistamin preparatlarining guruhiga tegishli birinchi avlod antigistamin preparati. Xuddi tripelenamin kabi, xloropiramin pichan isitmasi va boshqaallergik kasalliklarni davolash uchun samarali qo‘llanilishi ko‘rsatilgan edi. Dengiz cho‘chqalarida preparat unchalik katta bo‘lmagan dozalarda o‘limga olib keluvchidan 120 barobar ko‘p dozalarda gistaminni kiritishda preparat samarali bo‘lgan. Preparat shuningdek silliq mushaklar, kapillyarlarning o‘tkazuvchanligi va markaziy asab tizimiga ta'sir ko‘rsatadi. Ichga qabul qilinganda samara 15-30 daqiqadan keyinoq namoyon bo‘ladi, maksimal samara 1 soat davomida rivojlanadi va taxminan 3-6 soat davom etadi.

Farmakokinetikasi

So‘rilishi
Ichga qabul qilganda xlorpiramin oshqozon-ichak traktida tez so‘riladi va qabul qilishdan keyin 15-30 daqiqa o‘tiboq namoyon bo‘ladi.
Biotransformatsiyasi
Ichga qabul qilgandan keyin xlorpiramin jigarda metabollashadi.
Chiqarilishi
Asosan buyraklar tomonidan metabolitlar holida chiqariladi.
Patsiyentlarning maxsus guruhlari
Boallar va o‘smirlar
Bolalarda preparatning chiqarilishi katta patsiyentlarga qaraganda tezroq yuzaga keladi.
Jigar funktsiyasining buzilishi
Jigar funktsiyasining buzilishi bo‘lgan patsiyentlarda xlorpiramin metabolizmi kamayadi, shuning uchun dozani kamaytirish zarurati yuzaga kelishi mumkin.


Buyraklar funktsiyasining buzilishi
Buyrak yetishmovchiligida ta'sir qiluvchi moddaning chiqarilishi pasayadi, shuning uchundozani kamaytirish zarurati yuzaga kelishi mumkin.


Qo‘llanilishi

• Allergik kasalliklar, shu jumladan, eshak yemi, mavsumiy allergik rinit, kontaktli dermatit, dermatografizm, allergik kon'yunktivitlar, oziq-ovqat va dori allergiyalari, hashoratlar chaqishlariga allergik reaktsiyalar, qichishish.
• Tizimli anafilaktik reaktsiya va angionevrotik shishni qo‘shimcha davolash.
Ushbu dori vositasini buyurishda sedativ nojo‘ya reaktsiyalarning rivojlanish ehtimolini hisobga olish zarur.

Dozalash tartibi
va qo‘llanilish usuli
Kattalarga tavsiya etiladigan sutkalik doza 75-100 mg, 1 tabletka kuniga 3-4 marta.
Bolalarga

Yoshi
Tavsiya etiladigan boshlang‘ich dozalari

1 - 6 yosh

kuniga ikki marotaba ½ tabletkadan

6 - 14 yosh

kuniga 2-3 marotaba ½ tabletkadan

Kelgusi terapiya va/yoki dozani oshirish ko‘p jihatdan patsiyentning reaktsiyasi va kuzatilayotgan nojo‘ya samaralarga qarab belgilanadi, ammo doza hech qachon tana vazniga
2 mg/kg dan oshmasligi kerak. Anafilaktik shokda yoki og‘ir darajali o‘tkir allergik reaktsiyada davolashni Suprastin® preparatini vena ichiga sekin in'ektsiyasidan ehtiyotkorlik bilan boshlash lozim, undan so‘ng davolashni mushak ichiga in'ektsiyalar yoki preparatni ichga qabul qilish bilan davom ettiriladi.
Patsiyentlarning alohida guruhlari
Keksa, holsizlangan bemorlarda Suprastin preparatini qo‘llash alohida ehtiyotkorlikni talab etadi, chunki bu bemorlar antigistamin preparatlarining nojo‘ya samaralariga (bosh aylanishi, uyquchanlik, arterial bosimni pasayishi) ko‘proq sezuvchandirlar (4.4-bobga qarang).
Jigar funktsiyasini buzilishida jigar kasalliklarida preparatning faol komponentining metabolizmi pasayishi bilan bog‘liq dozani kamaytirish talab etilishi mumkin.
Buyrak funktsiyasini buzilishida faol komponent asosan buyrak orqali chiqarilganligi bilan bog‘liq preparatni qabul qilish tartibini o‘zgartirish va dozasini kamaytirish talab etilishi mumkin.
Qo‘llash usuli
Ichga qabul qilish uchun tabletkalar.Tabletkalarni ovqatlanish vaqtida, chaynamasdan, yetarli miqdordagi suv bilan qabul qilish lozim.
Davolashning davomiyligi
Davolashning davomiyligi simptomlarning xarakteri, vaqti va ularning namoyon bo‘lishiga bog‘liq bo‘ladi.

Nojo‘ya ta'sirlari
Suprastin preparati uchun ular asosida nojo‘ya reaktsiyalarning yuzaga kelish chastotasini aniqlash mumkin bo‘lgan zamonaviy klinik tadqiqotlarning ma'lumotlari mavjud emas.
Suprastin preparati bilan davolash vaqtida quyidagi nojo‘ya samaralar paydo bo‘lishi mumkin
Qon va limfatik tizimi tomonidan buzilishlar
Juda kam hollarda leykopeniya, agranulotsitoz, gemolitik anemiya, qon tizimi tomonidan boshqa diskraziyalar.
Immun tizimi tomonidan allergik reaktsiyalar.
Asab tizimi tomonidan buzilishlar
sedativ samara, toliqish, markaziy turdagi (vertigo) bosh aylanishi, ataksiya, tremor, nerv qo‘zg‘aluvchanlik, tirishish, bosh og‘rig‘i, eyforiya, entsefalopatiya.
Ko‘rish a'zosi tomonidan buzilishlar
ko‘z ichki bosimini oshishi, glaukoma xuruji, ko‘rishning noaniqligi.
Yurak tomonidan buzilishlar
arterial gipotenziya, yurak qisqarishlarini tezlashishi (taxikardiya), yurak qisqarishlarini muntazam bo‘lmasligi (aritmiya).
Me'da-ichak yo‘llari tomonidan buzilishlar
epigastral sohadagi noxush hissiyotlar, og‘riq, og‘izni qurishi, ko‘ngil aynishi, qusish, ich ketishi, qabziyat, ishtahani yo‘qolishi yoki oshishi, qorinda og‘riq.
Teri va teri osti to‘qimalari tomonidan buzilishlar
yorug‘likka sezuvchanlik.
Mushak-skelet va bo‘g‘im to‘qimalari tomonidan buzilishlar
mushakda og‘riq yoki kuchsizlik.
Buyrak va siydik chiqarish yo‘llari tomonidan buzilishlar
Peshob chiqishida qiyinlashishi, peshobning tutilishi.

Nojo‘ya ta'sirlar haqida xabar berish
Preparatning ehtimoliy nojo‘ya reaktsiyalari haqida ma'lumotlarni taqdim etish dori vositasining xavf/foyda nisbatning uzluksiz monitoringini amalga oshirish imkonini beruvchi juda muhim jihat hisoblanadi. Tibbiyot xodimlariga har qanday faraz qilinayotgan noxush reaktsiyalar to‘g‘risidagi axborotni yo‘riqnomaning oxirida ko‘rsatilgan bog‘lanish uchun ma'lumotlar bo‘yicha, shuningdek dori vositalarining nojo‘ya samaralarini qayd etishning milliy tizimi orqali taqdim etish lozim.


Qo‘llash mumkin bo‘lmagan holatlar

• Preparatning faol moddalariga yoki istalgan yordamchi moddalariga nisbatan yuqori sezuvchanlikda
• Bronxial astmaning o‘tkir ko‘rinishida
• Yangi tug‘ilgan chaqaloqlarga (vaqtida va vaqtidan oldin tug‘ilgan go‘daklarda)
• Homiladorlik va emizish davrida qo‘llash mumkin emas.
Har bir tabletka 116 mg laktoza monogidratini o‘z ichiga oladi. Ushbu preparatni kam uchraydigan galaktozani irsiy ko‘taraolmaslik, laktazaning irsiy yetishmovchiligi yoki glyukoza-galaktoza malabsorbtsiyasi sindromi bo‘lgan patsiyentlarga buyurish lozim emas.

Dorilarning o‘zaro ta'siri
• Monoaminooksidaza (MAO) ingibitorlari, masalan moklobenid, selegin kabi, moklobemid ili selegilin, Suprastin preparatining antixolinergik samaralarini kuchaytiradi va uzaytiradi.
• Suprastin preparatini barbituratlar, uyqu, sedativ vositalari, trankvilizatorlar, opioidli analgetiklar, tritsiklik antidepressantlar, atropin va boshqa muskarinergik parasimpatolitiklar (Suprastin va ushbupreparatlarning istalgan har biri bir-birining samarasini kuchaytirishi mumkin) bilan bir vaqtning o‘zida qo‘llashda o‘ta ehtiyotkorlikka rioya qilish zarur.
• Antigistamin preparatlari teri allergik sinamalarida teri reaktsiyalarini niqoblashi mumkin, shunga ko‘ra, bunday sinamani o‘tkazishdan bir necha kun oldin ushbu preparatni qo‘llanilishini bekor qilish lozim.
• Suprastin ototoksik preparatlari bilan birgalikda ototoksiklilikning erta alomatlarini niqoblashi mumkin.
• Alkogol Suprastin preparatining markaziy nerv tizimiga sedativ samarasini kuchaytiradi, shuning uchun davolash vaqtida alkogolli ichimliklarni iste'mol qilish ta'qiqlanadi.

Mahsus ko‘rsatmalar
• Antixolinergik va sedativ samaralarning mavjudligi munosabati bilan keksa yoshdagi patsiyentlarga (negaki ular kuzatilishi mumkin bo‘lgan nojo‘ya samaralar (uyquchanlik, toliqish, bosh aylanishi, arterial bosimni pasayishi kabi) ga beriluvchandirlar), shuningdek jigar faoliyati, yurak-qon tomir tizimi buzilishlari yopiq burchakli glaukoma, siydikni tutilishi, tutqanoq, prostata bezi gipertrofiyasida Suprastin preparatini ehtiyotkorlik bilan buyurish lozim.
• Preparatni kech oqshom soatlarida qo‘llash gastro-ezofagal reflyuksli kasallik simptomlarini kuchaytirish mumkin.
• Suprastin ototoksik preparatlari bilan birgalikda ototoksiklilikning erta alomatlarini niqoblashi mumkin.
• Suprastin preparatining uzoq vaqt qo‘llanilishi kamdan-kam hollarda qon hosil qilish (leykopeniya, agranulotsitoz, trombotsitopeniya, gemolitik anemiya) tizimi tomonidan buzilishlarin chaqirishi mumkin.
• Kelib chiqishi noma'lum bo‘lgan isitma, laringit, og‘iz bo‘shlig‘i shilliq qavatining yallig‘lanishi, gezarishi, sariqlik, qon ketishlari, noodatiy yoki to‘xtatish qiyin bo‘lgan qon oqishlari yuzaga kelganda, preparatni uzoq vaqt kiritishda qonning shaklli elementlarining miqdorini aniqlash lozim, qon hosil qilish tizimi tomonidan buzilishlarni aniqlaganda preparatni qabul qilishni to‘xtatish lozim.
• Alkogol antigistamin preparatlarining markaziy nerv tizimiga sedativ samarasini (uyquchanlik, toliqish, bosh aylanishi) kuchaytirishi mumkin, shuning uchun Suprastin preparati bilan davolash vaqtida alkogolli ichimliklarni iste'mol qilishdan saqlanish lozim.
Homiladorlik va emizish davri
Homiladorlik
Homilador ayollarda preparatni qo‘llash bo‘yicha tegishli nazoratli, adekvat tadqiqotlar o‘tkazilmagan. Ammo homiladorlikning so‘nggi ikki haftasida allergiyaga qarshi dori vositalari (antigistamin preparatlari) ni qabul qilgan onalarning yangi tug‘ilgan chaqaloqlarida ko‘z gavhari (retrolental fibroplaziya) orqasida biriktiruvchi to‘qima rivojlanishi ta'riflangan. Shuning uchun Suprastin preparatini homiladorlarda qo‘llash mumkin emas.
Emizish
Emizish vaqtida Suprastin preparatini qo‘llashga doir mos va nazorat ostidagi ma'lumotlarning yo‘qligi sababli, ushbu dori vositasidan emizish davrida foydalanish mumkin emas. (“
Qo‘llash mumkin bo‘lmagan holatlar
” bo‘limiga qaralsin).
Avtotransportni haydash va mexanizmlarni boshqarish qobiliyatiga ta'siri
Preparat ayniqsa davolashning boshida uyquchanlik va psixomotor faoliyatni buzilishini chaqirishi mumkin. Shuning uchun, davomiyligi shaxsiy ravishda aniqlanadigan boshlang‘ich davrda transport vositalarini boshqarish yoki baxtsiz hodisalarning yuqori xavfi bilan bog‘liq ishlarni bajarish taqiqlanadi. Shundan so‘ng transportni boshqarish va mexanizmlar bilan ishlashni cheklash darajasi yoki taqiqlashni shifokor har bir patsiyent uchun shaxsiy ravishda aniqlashi lozim.


Dozani oshirib yuborilishi

Antigistamin preparatlari, shu jumladan Suprastin tabletkalarining dozasini oshirib yuborilganda, ayniqsa yangi tug‘ilgan chaqaloqlar va bolalarda, o‘limga olib kelishi mumkin.

Simptomlari Suprastin preparatining dozasi oshirib yuborilganda atropin bilan zaharlanishga xarakterli bo‘lgan simptomlar va belgilar gallyutsinatsiyalar, bezovtalik, ataksiya (harakat koordinatsiyasini buzilishi), atetoz, tirishishlar rivojlanadi. Kichik yoshdagi bolalarda qo‘zg‘alish kuzatiladi. Ba'zida og‘izni qurishi, fiksatsiyalangan qorachiqni kengayishi, yuzni qizarishi, sinusli taxikardiya, siydikni tutilishi, isitma paydo bo‘ladi. Kattalarda isitma va yuzning qizarishi bo‘lmasligi mumkin. Qo‘zg‘alish davridan keyin esa, 2-18 soat davomida patsiyentning o‘limiga olib kelishi mumkin bo‘lgan koma va yurak-nafas yetishmovchiligi rivojlanishi bilan tirishish va keyinchalik tirishishdan keyingi depressiya keladi.
Davolash nafas olish, yurak-qon tomir tizimining ko‘rsatkichlarini nazorat qilish, shuningdek simptomatik davolash tavsiya etiladi.
Maxsus antidot aniqlanmagan.


Chiqarilish shakli

Tabletkalar PVX/alyumin folga blisterlariga 10 ta tabletkadan qadoqlangan.
2 ta blister, tibbiyotda qo‘llanilishiga doir yo‘riqnoma bilan birga kardon qutiga joylangan.

Saqlash sharoitlari
Preparat xona haroratida (15-25°C), bolalar ololmaydigan joyda saqlansin!
Suprastin tabletklari sifati yomonlashganining yaqqol belgilari paydo bo‘lganda (masalan, rang o‘zgarishi) preparatni ishlatish mumkin emas.


Yaroqlilik muddati

5 yil.
Ushbu preparatni, o‘ramida ko‘rsatilgan yaroqlilik muddati o‘tganidan keyin, ishlatmang!

Yaroqlilik muddati
ning tugash sanasi, ko‘rsatilgan oyning oxirgi kuni hisoblanadi.
Dori vositalarini maishiy chiqindilar yoki oqava suvlarga tashlash mumkin emas. Agar kerak bo‘lmagan preparatni yo‘qotish kerak bo‘lsa, farmatsevt bilan maslahatlashing. Bu choralar atrof-muhitni ifloslanishini oldini olishga yordam berishi mumkin.


Dorixonalardan berish tartibi

Retseptsiz beriladi.

QAYD ETISh GUVOHNOMA EGASI
YoAJ “Farmatsevticheskiy zavod Egis”
1106 Budapesht, Keresturi ko‘ch., 30-38
VENGRIYA