Preparatning savdo nomi
Setrin
Ta'sir etuvchi modda (XPN) setirizin

Dori shakli
tabletkalar.

Tarkibi

Har bir 10 mg li tabletka quyidagilarni saqlaydi
faol modda setirizin digidroxloridi – 10 mg;
yordamchi moddalar laktoza, makkajo‘xori kraxmali, povidon (PVPK-30), magniy stearati, tozalangan suv;
qobig‘i gipromelloza (gidroksipropilmetiltsellyuloza sps), sorbin kislotasi, titan dioksidi, tozalangan talk, makrogol (polietilenglikol 6000), polisorbat 80, dimetikon, tozalangan suv.
Ta'rifi dumaloq, ikki yoqlama qavariq, bir tomonida ajratuvchi chizig‘i va boshqa tomoni silliq bo‘lgan, plyonka qobiq bilan qoplangan oq rangli tabletkalar.
Farmakoterapevtik guruxi antiallergik vosita.
ATX kodi R06AE07


Farmakologik xususiyatlari

Setrin – antigistamin preparat, N-1-gistamin retseptorlarini selektiv blokatori bo‘lib, xolino- va serotonin retseptorlarini bloklamaydi.
Setirizin terapevtik dozalarda gematoentsefalik to‘siq orqali o‘tmaydi, shu bilan birga uning miqdori qancha bo‘lishiga qaramasdan ahamiyatli sedativ samara chaqirmaydi.
Setirizin allergik reaktsiyalarni ham erta, ham kechki bosqichlariga ta'sir ko‘rsatadi.
Setirizin me'da-ichak yo‘llaridan yaxshi so‘riladi. Ovqat bilan birga qabul qilinishi preparatni so‘rilishiga ta'sir qilmaydi. Qondagi 0,3 mkg/ml ga teng setirizin kontsentratsiyasini maksimal darajasiga preparatni bir martalik dozasi qabul qilinganidan keyin 1 soat o‘tgach erishiladi. Preparat jigarda biroz metabolizmga uchraydi. Setirizin plazma oqsillari bilan ahamiyatli darajada bog‘lanadi (93% gacha). Preparatni yarim chiqarilish davri taxminan 10 soat, keksa yoshdagi shaxslarda - taxminan 12 soat, bolalarda - 5-6 soatni tashkil qiladi. Setirizin organizmdan asosiy miqdori o‘zgarmagan holda siydik yordamida chiqariladi.


Qo‘llanilishi

Setrin kattalar va 6 yoshdan oshgan bolalarda quyidagi simptomlarni yengillashtirish uchun qo‘llanadi
omavsumiy va surunkali allergik rinit,
oallergik kon'yunktivit,
oturli ko‘rinishdagi ta'sirchanlik va eshakemi, surunkali idiopatik eshakemi,shuningdek, Kvinke shishida qo‘llanadi.


Qo‘llash usuli va dozalari

Kattalar va 6 yoshdan oshgan bolalar sutkalik dozasi 10 mg. Kattalar uchun - 10 mg dan kuniga bir marta (dozani 2 qabulga bo‘lish mumkin), bolalar uchun - 5 mg dan kuniga ikki marta. Preparat ko‘p bo‘lmagan miqdordagi suv bilan qabul qilinadi.
Setrin terapevtik dozalarda alkogol ta'sirini kuchaytirmaydi, biroq ularni birga iste'mol qilish tavsiya etilmaydi. Setrin buyrak orqali chiqariladi, shuning uchun buyrak yetishmovchiligi bo‘lgan bemorlar preparat dozasini shifokor bilan kelishishlari kerak (odatda dozani ikki marta pasaytirish tavsiya qilinadi).

Nojo‘ya ta'sirlari
Setrin odatda bemorlar tomonidan yaxshi o‘zlashtiriladi. Kam hollarda preparatni qabul qilish charchoqlik, bosh og‘rig‘i va bosh aylanishi, uyquchanlik, psixomotor qo‘zg‘alish, og‘izni qurishi, me'da-ichak yo‘llari tomonidan buzilishlar chaqirishi mumkin. Teri kasalliklari va Kvinke shishida Setringa nisbatan o‘ta yuqori sezuvchanlik reaktsiyalari juda kam.
Terapevtik dozalarda Setrin psixomotor reaktsiyalar vaqtiga va patsiyentni faolligiga ta'sir qilmaydi, shunga qaramasdan, faoliyati diqqatni yuqori jamlash bilan bog‘liq bo‘lgan shaxslar preparatni qabul qilganda ehtiyotkor bo‘lishlari kerak.


Qo‘llash mumkin bo‘lmagan holatlar

Preparatning har qanday komponentlariga nisbatan yuqori sezuvchanligi bo‘lgan patsiyentlarda Setrinni qo‘llash mumkin emas. Homiladorlik va laktatsiya davrida Setrin qabul qilish tavsiya etilmaydi.

Dorilarning o‘zaro ta'siri
Hozirgi vaqtgacha setirizinni boshqa dori vositalari bilan o‘zaro ta'siri haqida ma'lumotlar mavjud emas, shunga qaramasdan, preparatni sedativ vositalar bilan bir vaqtda buyurilganida ehtiyotkorlikka rioya qilish kerak.


Maxsus ko‘rsatmalar

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.


Dozani oshirib yuborilishi

Preparat dozasi oshirib yuborilganida uyquchanlik paydo bo‘ladi. Preparat dozasi ancha oshirib yuborilganida (kattalar va bolalarda terapevtik dozani 30-40 marta oshirib yuborish) uyquchanlik, bezovtalik, qichishish, toshma, siyishni tutilishi, charchoqlik, qaltirash, shuningdek taxikardiya belgilari aniqlangan.
Barcha hollarda patsiyentning holatini to‘liq normallashuvi kuzatilgan.
Doza oshirib yuborilishi belgilari paydo bo‘lganida shifokorga murojaat etish kerak. Me'dani yuvish va umumiy qabul qilingan tadbirlar samarali hisoblanadi. Maxsus antidoti yo‘q. Gemodializ samarasiz.


Chiqarilish shakli

10 tabletkadan blisterda. Bir o‘ramda 20 tabletka.


Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.


Yaroqlilik muddati

2 yil.


Dorixonalardan berish tartibi

Shifokor retseptisiz beriladi.



Ishlab chiqarilgan

«D-r Reddi′s Laboratoris Limited»
Uchastka №.42, 45 & 46
Bachupalli Vildj, Kutbullapur Mandal,
Ranga Reddi,
Telangana - 500072, Hindiston

Qayd etuvchi guvohnomaning egasi
«D-r Reddi`s Laboratoris Limited»,
8-2-337, № 3 ko‘cha, Bandjara Xils,
Xaydarobod – 500034, Telangana, Hindiston

Iste'molchilarning e'tirozlari quyidagi manziliga yuborilsin
“D-r Reddi’s Laboratoris LTD”
8-2-337, № 3 ko‘cha, Bandjara Xils,
Xaydarobod – 500034, Telangana, Hindiston
pharmacovigilance@drreddys.com

O‘zbekiston Respublikasi xududida dori vositalarining sifati bo‘yicha e'tirozlar (takliflar) ni qabul qiluvchi tashkilot nomi va manzili
«D-r Reddi`s Laboratoris Limited» Uzbekiston Respublikasidagi vakolatxonasi100031, Tashkent sh., Afrasiab ko‘ch., 4, korpus «S»
Tel (99871) 252-24-41, Faks (99871) 252-24-41
pharmacovigilance@drreddys.com